泰濃麵 (蘭芳道) (已結業)

冇得去泰國，食住泰國嘢懷緬下先， 好掛住泰國嘅陽光與海灘。第一次嚟， 座位都好寬敞，三點嚟到，冇乜人。我哋兩人叫咗兩份下午茶加小食。肥牛冬蔭功湯薯粉好味，牛肉出嚟仲有啲紅，放曬落湯底之後熟曬，牛肉煮得啱啱好。湯都夠酸微辣，唔食辣嘅朋友應該都食到。黑豚肉冬蔭功湯黃麵冬蔭功湯裏面有青口，蝦， 秋葵，秀珍菇，蟹柳。48蚊，真係抵食。我哋再叫咗個半價小食炸雞翼一般，冇咩特別，都好好食。加五蚊就可以叫罐裝汽水。 下次會再嚟食其他食品。

行過見到呢間未試過嘅泰式船麵，好好食呀每一樣野都係！係我食過嘅船麵，暫時係最好食嘅一間！船湯好濃！而且啲豬皮係冇腥味、冇油益味！無論係炸嘅浸浸霖左都一樣咁好食、個湯係飲晒咁滯，配菜都有好多種選擇！烚菜跟腐乳醬就正常一般啦！特色飲品跟餐都係$18！我叫嘅斑蘭香茅梳打特飲，用嘅都係正宗泰國嘅梳打水！全部夠晒泰式風味！後來見到佢個小食好似好吸引，所以就試咗個泰式小食拼盤，有炸蝦餅好好味，有雞翼呀！最值得推薦係炸芝士雲吞！鬆脆皮！

話說本來想去曼谷食堂買，跟住路過見到呢間泰濃麵見佢張相影到咁靚就諗住試吓啦，買咗兩個海南雞飯$68/個，有88折，即係平均係$61一個，價錢其實非常OK，好難食先係重點，打開見到舊雞已經覺得伏伏地，以我一個咁鍾意食雞嘅人見到都唔係好想食😉證明呢隻雞個樣都有返咁上下.. 點樣形容好呢，有D似甩色同埋好鞋嘅雞，雖然海南雞通常嘅雞皮都係比較偏淺色但係總之你望落去就唔想食啦，跟住一放入口。D味怪怪地，應該係變咗，跟住唯有棄雞只係食埋D飯🍚 D飯都係基於唔想浪費食物，所以先食埋佢。跟住我打個電話落去餐廳，同佢講啲雞有啲怪怪地嘅味喎，跟住佢答我冇理由冇可能D雞日日都新鮮整，你日日新鮮整，但係會唔會係儲存出咗問題呢？我又冇要求你退錢，只不過舊雞真係有D怪味，好心通知你一聲，你個態度比我覺得你好不負責任囉！

我係超芫荽控再加上都鍾意食船麵今日食lunch經過銅鑼灣分店當然要一試芫荽山船麵果然名不虛傳一上檯已聞到芫荽香味芫荽山比罐可樂仲要高船麵湯底好香濃兩樣配搭出來超好味😋

🍽 Coriander w/ Boat Soup & Sweet Potato Noodles💰HK$ 68 (lunch)😋 6.5/10 (10 is the yummiest)Wowww! Feel like I am a cow, eating a lot of grass LOL 🍃🌿 Boat noodle is one of my favorite food in Thailand. As a coriander fan, I have ordered a bowl with only two fish balls and coriander..... The boat soup was fine. But I feel like it was pricy with such portion of food. 🙁🙁

好耐無去銅鑼灣～好多店都唔同哂～晚飯時段…行了幾圈，最後揀了呢間泰餐廳真心無揀錯吖～係好多嘢揀～兩個人叫了以下美食：炸豬皮 keto 小食，本身無味，我加了調味架啲粉落去…好香脆！燒腩肉～好 crispy 點埋特制汁，好啱送酒一齊食豬手～～一個字正食住唔想講嘢～點解？因為好味到停唔到口！海南雞～無骨味道平均仲有碗船麵～係我老公食，我見佢連湯都飲埋…所以你話好唔好味吖！

晚飯時段入座，有卡位，環境企理。食物應該係即叫即整，新鮮熱辣得黎都唔算等得太耐（約10分鐘內）。點了以下菜式：芫荽山船湯麵同行者好芫荽，芫荽份量能滿足愛好者，湯底味道不錯，要讚一讚粒魚旦，彈牙，好食。泰式小食拼盤三款小食，每款兩件。炸芝士雲吞，必須趁熱食，凍咗就唔好食炸蝦餅，夠厚度。炸雞翼，正常，無特別。碟豆花特飲無得走冰，只有少冰，但少冰的後果就是會比較濃，所以杯野偏甜。最後埋單時見到可以外賣炸豬皮，16蚊，還可以啦。二人盛惠＄180，另加＄16外賣炸豬皮

第一次黎呢間泰國菜試食海南雞飯同青檸soda吾錯，都幾好食同飲服務都吾錯服務員幫我將筷子同匙羹放落熱水走時，我想個個人係“老闆“佢向我講“多謝哂“同“再見／88“

【頂級安格斯牛肉冬陰功湯麵】 HKD88.【泰式海南雞飯】 HKD68.【泰式小食拼盤】 HKD68.【泰式龍眼冰特飲】 HKD28.行過銅鑼灣見到間泰式野🇹🇭，一時之間諗唔到食咩就入左去。揀左冬陰功湯麵 配上安格斯牛肉🐮，另有蝦🦐、蟹柳、菇🍄等配料。牛肉肉質普通，味道平平。湯頭亦唔係特別出眾。而海南雞🐔味道幾香，配油飯非常夾。小食拼盤有炸蝦餅、炸雞翼同炸芝士雲吞。不過整體質素普通，計埋加一唔太抵食🙅🏻‍♂️，自己係筲箕灣、尖沙咀某餐廳食海南雞性價比更高。.📍泰濃麵銅鑼灣蘭芳道13號地舖🚇銅鑼灣站F1出口 步行約3分鐘尖沙咀樂道7號嘉樂大廈地下A舖🚇尖沙咀/尖東站H出口 步行約2分鐘🕑星期一至日及公眾假期 12:00-21:30

今日心血來潮想食泰國船麵🥰午餐一碗麵食價值$88🙈其實有啲貴,唔包飲品.不過我見佢個湯底真係幾唔錯我叫左個冬蔭公湯底 少辣🥰成碗當湯飲 再加個麵 咁諗即刻抵番😆卜卜硯 硯肉都係大size ;) 都不過不失喇!

諗住簡單食個晚餐，之前食開船皇，search左依間泰國野就試吓good: 海南雞飯份量ok, +8蚊轉雞脾都夠滑同入味，d飯都軟硬適中，係唔夠熱bad: 卜卜蜆冬蔭功河粉，湯底同河粉係合格，湯底有少少辣，唔食得辣唔好食，而河粉係幼身河粉，夠滑，唔會煮到一pat 野。但係88蚊得5隻蜆，一隻蝦同一隻青口，太唔抵。最重要係d蜆係腥嘅，連咁重口味嘅湯底都遮唔到陣腥味，可想而知幾失敗overall: 夜晚仲要+10%, 叫野飲又要正價，超級唔抵。另外個侍應成日執野都爭d hi 到杯野飲，唔太衛生。唔會再試下次喇。

今日約咗個朋友喺銅鑼灣食晚飯，佢話好想食泰國嘢就搵咗呢一間泰濃麵。話反正咁耐冇去過泰國食正宗船麵就食咗當去咗咁樣啦。首先嚟咗啲小食前菜，今日我叫咗個青木瓜沙律同埋個泰式炸蝦餅。青木瓜沙律一直都係我好鍾意食嘅泰式前菜，餐廳都處理得好好。個沙律汁唔會話太辣，而且青木瓜都好好食。最鍾意佢嘅炸花生好香口👍另外炸蝦餅就正正常常咁好香口啦，鍾意食炸蝦餅嘅都可以一試㗎。食完啲小食個海南雞飯就咁啱到咗，首先係油飯好香，就咁食已經好好食。但係食埋個海南雞就更加好味，因為嗰啲雞肉好嫩，肉質一啲都唔鞋。另外個海南雞飯汁都好野味。如果有埋蔥油就更加好啦。終於做到主角船麵出場啦，今日揀咗個雞脾肉船麵。首先飲啖湯先，個湯好濃郁但係唔係一味死咸嗰隻咁樣。湯底有三款選擇而我就揀咗個船麵湯。為咗貼近泰國地道嘅味道，餐廳仲攞咗啲炸豬皮😍浸落啲湯度超香口好好食！而麵底仲有好多款唔同嘅選擇，而我今日就揀咗金邊粉，配埋啲雞俾肉食好快就食晒一碗。另外仲要特別推介下呢一度嘅泰式飲品，呢一杯香茅斑斕梳打都幾特別。健康得來有潤喉，而且唔會太甜。如果覺得食泰國嘢太辣嘅可以叫返杯嚟飲。👍

係銅鑼灣想食泰國野，經過見到招牌食字幾吸引就入去試下第一次黎就試下個招牌船麵先店內裝修有特色 坐得舒服等左一陣就上菜，十分有效率MENU上有好多選擇，先揀主食再揀麵條湯底符合到唔同人需要卜卜蜆金邊粉配船湯D蜆好多，好足料絕對唔馬虎，全部都打開哂，食得安心味道好鮮甜湯底好濃郁，一絕!!頂級安格斯牛肉河粉配船湯牛肉半生熟，好重肉味係靚既牛肉，呃唔到人仲有2粒魚蛋有驚喜最後仲有個小食拼盤火喉控制得好好脆口好香，好快食哂

疫情之下已經差唔多成年冇去過旅行，喺香港唯有搵一啲唔同國家嘅菜式，懷緬一下旅行嘅日子。行過銅鑼灣見到，門口裝修有個tuktuk車頭嘅泰國湯麵餐廳，吸引之下就入左去試下😼———————一上枱就試吓個船湯先，飲落口充滿濃濃既湯底味，食得出師傅落咗好多材料去熬制。卜卜蜆嘅蜆殼好大，蜆肉相比之下有啲細粒，但係就係有蜆肉嘅鮮味，所以味道都好豐富🤭同樣係又好濃濃嘅船湯湯底，今次配合有少少似越南生牛肉河粉食法嘅安格斯牛肉，令到湯底昇華左去另外一個層次。河粉連埋旁邊嘅炸豬皮一齊食，出奇地咁夾🤤拼盤有泰式炸蝦餅，炸芝士雲吞同埋炸雞翼。三款師傅都炸得外脆內軟，食落好邪惡好好食，係有啲奇怪點解泰式小食會有炸芝士雲吞？🤫

美國肥牛船河 ＄68肥牛有三片左右，多筋又唔香，差船河最緊要係個湯底，味精重，香料味欠奉；河粉滑，魚蛋有魚味彈牙，豬皮脆口，呢三樣唔錯海南雞飯 ＄68黃薑飯非常抵讚，雞油香，薑黃比重少，唔食薑既人都入到口，飯粒非常一流，充滿水份又夠黏性，一食就知係靚米！雞肉主要係雞胸，唔鞋口，但唔夠雞味，一般；炸芝士雲吞 （好似～＄28）個皮炸到脆咯咯，一 d 都唔油；中間既芝士唔會拉絲，口感類似魚腐，最後加埋個甜酸醬又幾好味香茅斑蘭梳打 （好似～＄28）香茅味非常出，微甜，好特別環境寬敞乾淨位於銅鑼灣內街，假日晚上八時左右，不算多人，坐得舒服總括，店員服務快態度友善，味道方面中規中矩，但太港式了。