泰濃麵 (蘭芳道) (已結業)

話說本來想去曼谷食堂買，跟住路過見到呢間泰濃麵見佢張相影到咁靚就諗住試吓啦，買咗兩個海南雞飯$68/個，有88折，即係平均係$61一個，價錢其實非常OK，好難食先係重點，打開見到舊雞已經覺得伏伏地，以我一個咁鍾意食雞嘅人見到都唔係好想食😉證明呢隻雞個樣都有返咁上下.. 點樣形容好呢，有D似甩色同埋好鞋嘅雞，雖然海南雞通常嘅雞皮都係比較偏淺色但係總之你望落去就唔想食啦，跟住一放入口。D味怪怪地，應該係變咗，跟住唯有棄雞只係食埋D飯🍚 D飯都係基於唔想浪費食物，所以先食埋佢。跟住我打個電話落去餐廳，同佢講啲雞有啲怪怪地嘅味喎，跟住佢答我冇理由冇可能D雞日日都新鮮整，你日日新鮮整，但係會唔會係儲存出咗問題呢？我又冇要求你退錢，只不過舊雞真係有D怪味，好心通知你一聲，你個態度比我覺得你好不負責任囉！