泰濃麵 (樂道)

营业中

休息中

尖沙咀又有泰國船麵店新開張，價錢一定同泰國無得比，全店都用左泰國廚師，仲主打左飛驒和牛，船麵都食得高貴啲。牆上掛左好多唔同既麵款畫，仲有個船家既畫像，中間有幾張小圓台同埋則邊有卡位，筷子特別地印左店名。今次食慳啲先試下黑豚肉，《黑豚肉船麵》($68)先飲一啖湯底，用左多種香料同豬紅豬骨熬成，夠深色夠濃味，薯粉都入味。配料方面黑豚肉唔過韌，另外用左豬膶整湯，所以入面都有一塊可以食，有彈牙魚丸仲有至愛食既雞皮，不過稍為硬身左。店名：泰濃麵地址：尖沙咀樂道7號嘉樂大廈地下A舖餐牌:

公司附近又開左新餐廳，係食船麵既。之前聽過朋友話船麵好好食，但就未食過，既然喺附近，咁梗係要試下啦食物種類唔算多，亦都好似無套餐，基本上係得船麵同冬蔭公湯麵揀，粉就可以轉河粉、金邊粉、薯粉同蛋麵同事揀左手撕雞冬蔭公湯麵，Si試過個湯，唔算太濃，可以再酸D辣D濃味DSi第一次食就試下船麵先啦！都係揀手撕雞不過D餸就同同事果碗有D唔同，多左兩粒肉丸同豬潤，個湯有少少似肉骨茶既感覺，顏色深但又唔係好濃味68蚊一碗麵又無野飲都唔算好平，而且味道一般，明明唔係好多客但舉手好耐都無侍應理，未必會再去

老公上網見到尖沙咀新開泰國船麵， 今日來試試味道先。我就叫左黑豚肉船麵試一試，配薯粉, 湯內用了大量香料和豬血熬製而成, 仲有炸豬皮, 好脆口, 仲有少少豬潤在內, 正呀喂! 湯底味道好濃郁，好好味🤤，好想飲晒成碗湯底。另外, 仲叫左個無骨鳳爪同青木瓜沙律, 無特別驚喜 , 可能新鋪, 店內食物飲品等種類唔算多，如果再多D 就更加好。

本身都鍾意食泰國菜既我喺尖沙咀見到一間個名都幾特別既泰國麵舖 「泰濃麵」，今次就試一試，聽舖頭既員工講呢間麵舖都係岩岩開業，而且廚房仲搵左泰國廚師主理🤤🤤🤤，即刻心心眼😍，原來呢間舖主打船麵，我就叫左一個黑豚肉船麵試一試，湯底味道好濃郁，好好味🤤，另外仲叫左個無骨鳳爪試一試，鳳爪都值得一試，雖然麵舖既食物種類唔算多，但我真心推介黑豚肉船麵，無論湯底定係配料麵好好味👍🏻👍🏻我會再幫襯嫁😍

近日見到雜誌見到這間位於尖沙咀Isquare的泰式麵店的報道，光看照片已經十分吸引。今日一於約埋同事試一下。餐廳裝修簡潔，感覺企理光鮮這兒嘅菜式選擇唔多，就是主打泰式船面同冬陰公湯麵。船麵有六款選擇，價錢為$68-$168，冬陰公湯麵有六款， 價格亦是$68-$168，而小食有七款$12-$48。其中比較矚目嘅係以日本飛彈和牛、原隻波士頓龍蝦入饌。飛驒和牛船麵$128這和牛真是又薄又細片，簡直是一片切開三片一樣。成碗麵就只有透薄的三片和牛，肉質雖為軟嫩，但由於太薄的關係，試唔真個味道。而魚丸大大粒，有兩顆，入口軟滑。還有一小片豬膶，但由於過熟的關係，口感比較硬。湯底的味道也十分不錯，味道濃香而沉隱，配埋滑溜溜的薯粉，味道確實不錯。頂級安格斯牛肉船麵$88這安格斯牛肉有三片，比和牛厚一點點，口感比較好少少，肉味濃郁又幾嫩口，完全無筋。湯底同樣的濃香惹味，帶有牛骨湯和香葉的複雜味道，配上薯粉，十分可口。最抵是可以加$3加配可樂這兒的船麵味道唔錯，湯底濃香，而配料也是中上貨式。唯牛肉和麵底的份量確實比較少，男生可能唔夠食，定價比一般泰式船麵進取，性價比唔高，但一試無妨。

上網見到尖沙咀新開左泰國船麵，一於今日假期就去試下本人好中意食泰國既粉面，去親泰國都會食今次就試王依間正唔正宗先價錢可以接受尖沙咀區泥講，餐牌都好豐富，有船面湯底同冬陰公湯底選擇，食得船面緊係揀船面湯底啦，我本人就唔食牛既，我就問侍應個湯是否用牛來製作，個侍應話用豬去艾出泥哇湯底好濃郁河粉好滑，同我係泰國食既味道好相似正宗既味道（湯都飲埋）夠辣夠爽，味道一流青木瓜沙律食得出新鮮製作正宗泰國口味我會再來幫襯

以前，在香港吃泰國菜除了去九龍城，好像没有其他地方，現在，泰國菜已經成行成市，這裏尖沙咀，更方便。餐廳裝潢型格懷舊，船木牆加粗糙的牆壁刻意不經修飾。船麵當然是主打，泰國人主理，必試招牌飛驒和牛船麵$128，首先飲啖湯先，嘩～濃到呢，真材實料，層次分明，湯底以大量香料及豬血熬製，帶點點小辣，掛湯力強，風味正宗，麵條煙韌，配搭質感鬆軟和牛，牛味濃，味道不錯。還可配其他主菜，豬或雞。另外叫左碟炸豬皮，浸湯食，半淋半脆，好爽，非常好味，必食。見到隔離枱式冬陰功湯麵， 聽說亦都非常惹味。整體而言，泰國麵的確幾有特色，值得一試。飲品: 泰國椰青，新鮮青甜，$38。