泰昌餅家

营业中

休息中

其實話佢0既蛋撻3.5貴,不如話佢d沙翁3.5貴啦我真係覺得沙翁貴,但又真係好好食....如果佢賣2.5(因為唔係好大個),我覺得係抵食,但3.5真的貴了點,唔值我個人好鐘意佢0既蛋撻,好似百佳賣0既蛋撻都要3.5-5蚊一個啦,但唔好食,佢0既係好好食,佢個蛋漿係最吸引的,唔係間間整得出咁有"動感"(我唔識形容,哈哈),以前有肥彭同佢賣廣告,3.5都抵0既

their egg tarts are great, but i think that their deep fried egg balls are even better.... and the sponge cake is good too~~~ soup and not too sweet~~~~...will go there whenever i went to the central area!!!

食過幾次呢度o既蛋撻,都覺得好食. 不過好老實講, 佢好食o既原因, 最主要都係多人買, 所以流量好大好快, 每次下晏黎食,都確保係新鮮出爐...熱辣辣食個蛋撻,一定會加多d分!(呢樣係一間面包舖成功與否其中一個好重要o既因素!!!)不過, 佢個師傳o既功力都真係有返咁上下o既, 因為個餡真係幾滑lut lut!我試過有d面包舖個蛋撻, even新鮮出爐都唔好食, 因為個皮苦o既, 而個餡亦都唔夠滑...

可能因為我住附近.... 細細個已經食佢d蛋撻... 水準係keep 到.....但亦唔係特別好食.... 而且除左個伯伯之外...其他人服務奇差....仲有條隊勁長.....入都入唔到去.....我想買個包都要陪d人排隊h等蛋撻出爐.....無奈爆=_________=

呢度啲出爐旦逹要$3.5講真，個人覺得係幾好，但同出面啲無乜分別，頂多各有千秋

我都好討厭呢"大細超"既情況......其實有好多客都只係想自己盡快買到想要既野, 根本唔會理有冇人排緊隊囉!今次至少有人同你say sorry, 都算佢地識做啦

我今日3:45到泰昌,問几時有蛋撻,個阿叔話個零字啦.咁我就企0左0係佢門口等一陣,因為佢門口修緊路,人又多,下午又熱...我都企到好辛苦,又食塵又迫到3:53分到,有個師奶一黎就話半打蛋撻,可能係熟客,有個肥妹0係入面走出黎話等多陣就得到3:55分,蛋撻出爐,我就行番入去話我要半打的,之後個阿叔包0左一盒,個肥妹即刻俾0左個師奶,頂,我係第一個去等架,冇俾我先,仲俾0左個岩岩黎冇耐0既師奶.....之後個阿叔示意個肥妹幫手拎多d盒,pack多盒俾我,但我塊面已經好黑,我想開口講話我黎先點解唔係俾我.之後個老闆唔知0係邊到走出黎,先打圓場話人多,唔好意思..........%^$@%^#$%^$#&........

係啊.....佢個沙翁真係超好味啊!!初初食落覺得頗甜下,但係越食越正啊~~~未試過佢個蛋撻..唔知係咪真係咁正~~~~下次試下先

佢d沙翁真係好正呀!!!家姐買0左半打沙翁同蛋撻番屋企,d蛋撻凍0左我再焗熱,一樣掂!!!個沙翁好好食呀!!!!!!!!!!好鬆化,d糖就落得唔太平均,但絕冇影響味道,一樣好食.

佢間舖個樣好舊,肥彭食蛋撻0既狼狽相同間舖都唔太襯,但偏偏d餅好好食~~佢0既蛋撻係招牌貨,好似下午0個轉係4點几5點出爐,呢個時間買一定要排隊.我今日經過2次,2次只不過相差15-20分鐘,但之後0個次行過諗住買出爐蛋撻,就突然出現好多人買緊,要排隊呢~佢d蛋糕(好似紙包蛋糕咁)都好好食,好有蛋味,而且食番好有風味,好似細個媽咪買俾我放學當點心0個d舊式蛋糕~

今朝買左佢個菠蘿包食($2.5), o係中環都算幾抵!我覺得個包o既質素okay, 好有傳統港式面包o既感覺, 不過唔係至正o個隻. 我覺得上環早晨面包好味d!

呢度蛋撻真係好好味嫁!個皮好鬆化,個餡又好滑!最好就係等佢一出爐就買黎食!不過小心辣親播....

每一刻都有人排緊隊... 食過蛋撻, 都幾好gei, 不過$3.5好似貴jor少少, 個人認為有一半係因為彭定康, 一半因為好食...

呢度D旦糕仔都好正架! 比起其他麵包更香更有旦味。沙翁更正到暈,不過$3個都幾貴!!

蝴蝶餅、沙翁、紙包蛋糕都好正o架。簡直係公司下午茶首選啦～