泰昌餅家

营业中

休息中

趕住番工又餓餓地諗起幾個鐘後先有飯食所以求其入黎見乜買乜.遲黎半步蛋撻剛出爐已經俾人搶購一空, 見到有個好似雕左花響面既批就問亞姐「係咪雞批呀?」亞姐話「係呀雞批呀」即刻買左個一路行一路食.第一口咬落去仍然發覺唔到有咩唔妥因為個皮好厚, 一大啖都未見餡.第二啖後「咦點解有午餐肉青豆同烚蛋既」, 愈食愈似樂香園既雜批.佢既地外型唔同, 口感唔同(樂香園d皮薄d), 餡有少少唔同(泰昌多粒紅蘿白好明顯用左雜豆, 同埋佢有d不知名透明物體響裡面), 冷熱唔同(樂香園一直會烘住, 亦試過凍凍地既但味道仍然好味, 但這裡的會因為凍左而扣分).如果冇食過樂香園的我相信一定會很有驚喜, 不過吃過就給比了下去.值得一讚的是吃完整個也沒有很漏的感覺.

好香蛋味, 仲成到蛋殼添一定係新鮮蛋整啦.不過個蛋糕好乾好似光蘇餅咁.

三點行過, 見到咁多人讚所以買左依兩樣野.食左沙翁先, 冇油淋淋既感覺而且好鬆軟, 冇話一舊粉咁, 不過我覺得太多糖.本身只係想食一樣, 不過沙翁人人都講到必食所以一定要試下, 但蛋撻一大盆的以為岩岩出爐又唔想執輸,但原來已經整好一段時間, 只有少少暖.蛋唔太甜幾好但真係唔香蛋味, 曲奇皮幾脆唔會蘇皮咁油.

食過呢3樣野..沙翁-- 感覺唔油膩, 食下去好軟熟, 唔錯蛋撻-- 熱食好味.. 不過唔係相像中咁好味...合桃小蛋糕-- 有一次同事話呢樣野好味, 於是去試佢d合桃小蛋糕真係幾好味, 最喜歡食佢粒合桃...合桃小蛋糕都只不過係$3.5 一個, 抵呀~~

我係看magazine 介紹的去看中環咪去試下囉~個日下哂雨,可能係咪所以沒乜人排隊.佢個度12:30 出爐,我12:35 去到見到沙翁賣了大半,所以都有信心買返個吃幾好味!不過好似細左d ....egg tart 好難吃,皮不鬆化,餡沒egg 香唔怪得之本magazine 只介紹沙翁而不包括egg tart la !沙翁我都會再去買!

無幾耐之前食既出爐蛋撻仲離譜，成pat漿咁

下晝食完泰菜，行經呢度，見一大盤沙翁出爐，就買件食下。一咬之下發現沙翁入面焗不透心，入面的蛋漿還濕濕的，唔對路。第一時間拿回去給老闆娘看，換了另一個也是一樣，看來放在那裡的一整盤沙翁也是一般情況。在這裡吃了十年有多，有這個情況都是第一次。希望只是個別例子，不然看著一間有水準的老店水準淪落至此也真夠可惜！因為呢個唔透心的沙翁，點都俾個喊面的。

這兩天分別吃了蛋撻、雞批和沙翁：蛋撻是脆皮的，超好吃；雞批用料十足，內有半隻熟雞蛋，吃一個便會很飽；而沙翁只是一般，但總叫不是太油的。很好彩，我星期六及星期日買了合共四次都不用排隊，而且餅是新鮮出爐的，可能是天氣不好的關係吧！

去完林記飲野,就來買donut,一去到下著雨,都有四五個人排隊(我見個個都買好多蛋撻),好彩敢少人,都好快到我,但到最後買了我都無食到(因為唔舒服,同埋我擺到夜晚,已經變了形,所以比了小熊食)p.s.果日我問爸爸以前住中環時有無食過泰昌,佢話泰昌最出名係蛋撻,果時成日買黎食,但我就一d唔知& 無印象(唔知我細個時佢有無買比我食呢??下次去一定買個蛋撻試下)我只記得小時候爸爸常常帶我去泰昌隔幾間舖的西餐廳(有兩層的)食早餐,&西餐廳旁有個報紙檔,係個老婆婆看檔,爸爸經常幫襯佢買報紙的,但現在老婆婆,報紙檔都不見了,連那間餐廳都沒有了,變了一間門面白雪雪的餐廳(因為落雨,都無走上前看,唔知食咩呢?下次經過一定去睇下)所有野都變了,連自己都變了??

因為個人喜好係鍾意餅皮蛋撻多過酥皮蛋撻，所以覺得檀島的都唔係好特別。千山萬水，長途跋涉黎到呢度買左兩件蛋撻同兩個沙翁試，蛋撻熱辣辣，嘩﹗好香牛油味呀，個餅皮真係好脆，好正呀﹗以後有機會行經一定要再食﹗相反，沙翁就無乜特別，麻麻地，寧願食多兩件蛋撻好過囉﹗呵呵~

尋日朝早o係行人電梯見到兩個o架妹拎住地圖指黎指去, 似搵緊路, 我就本住"好客精神", 問下有咩可以幫到佢地. 原來佢地o係度搵緊泰昌(已經唔知係第三定第四次帶日本人路去泰昌啦!)我就帶左佢地去.去到舖頭, 見到個甜餐包好, o岩晒我, 就花左$2.5買左個.講真,食落無乜特別, 唔係好軟, 又唔夠香. 不過$2.5價錢okay啦.

可能口味關係，佢出爐沙翁質地幾好，但我唔係咁鍾意佢太重「蛋黃」，幾同意之前有食家講，佢所以咁多客，某程度係因為附近無乜對手

上回post 錯, 今次補返原本想去樂香園食菠蘿飽, 點知又係星期日休息, 跟住行左去擺花街, 見到有人係門口排隊, 唔使問實係泰昌, 正想緊唔知食o麥, 不如買兩個沙翁($3.5 個)頂住先, 上手不熱, 但相信是即日制的, 有口感, 不是"泡" 的, 但食時覺有dd 油味, 我以前(巳是一年前了) 曾在大埔稻香食過, 不油, 還有少少旦香味, 我覺得稻香仲好食d, 可惜食過一次之後, 佢地唔再出呢款點心了.

我o係中區活動左幾年, 終於第一次食佢個沙翁! 呢個沙翁聞名已久, 之但係每次經過都見到一條長長o既人龍. 自問又唔係"恨"食到要o係度排成幾個字等買, 所以一直都無買過!今日一點鬆d經過, 見到竟然無人龍, 想必係班寫字樓人員仲嘆緊lunch, 咁就買左兩個黎食.個沙翁今日都炸得幾燶下, hehe, o岩我! 食落去, 好濃蛋味, 如果鍾意蛋香味o既人一定好鍾意. 面頭有好多糖, 所以夠晒甜. 中間係空心o既, 食左兩個都唔覺有咩落肚, 所以做飯後甜品最o岩!不過我唔明d人點解幾打幾打咁買! 寫字樓o既就話成大班同事分晒, 但係有時見到d師奶都係咁買法, 唔通去派街坊? 因為我覺得呢個沙翁一定要襯新鮮炸起食, 一攤凍左,個沙翁好似洩氣皮球咁, deteriorate晒!

個日行過見到好多人排隊,諗住試下係咪真係咁好食(見d食評講到咁正~~)買左蛋撻,蝴蝶餅,蛋糕仔,沙翁~~個蛋撻又未至於咁真係咁好食~我覺得我屋企樓下個檔麵包鋪好食d,重平d tim~蝴蝶餅都幾好食,幾香~~蛋糕仔就麻麻地啦~~太軟,我食過最好食既蛋糕仔係個面硬硬地而裏面係軟既~~沙翁就真係麻麻啦~~淡淡左d,所以冇乜味~~