泰昌餅家

营业中

休息中

試過佢o地合桃酥同紙包蛋糕，質素不是特別好，但蛋球就無懈可擊，夠蛋味，熱辣辣的醮多些砂糖同吃，滋味到難以形容，可惜成日都排長龍。

記得上個星期六下就同我個friend 行經過,見到佢店外面有約7,8人排隊,我同我個friend見咁岩經過就係到等下,...個蛋撻熱熱地都幾好,不過可能我本身唔太好蛋撻,所以冇咩特別感覺

因為公司在泰昌樓上左近，所以基本上是試過好多呢度所有的出品。蝴蝶酥來說是麻麻地，就算新鮮出爐都係咁話，唔太夠甜，幾硬又唔夠酥化，以西式餅點的標準來說是唔係太得。老實講在香港地都講唔出邊度有好食的蝴蝶酥，環頭環尾的茶餐廳同舊式麵包舖都唔係好得，新式的又好多都偏向日式，唔好呢味，可能去酒店食個有糖在面的甜酥餅會好食D。紙包蛋糕係我地成班同事都喜歡的產品，蛋味濃又夠鬆軟，不過就一定要熱食，涷左完全唔係果個味道。又看來呢度係越來越出名，因為據觀察下午兩點幾過後係長期有人排隊等出爐麵包，無人龍就即係無包賣，以一間地道麵包舖來說，都幾跨張的。

我每朝返工經過時都係泰昌紙包蛋糕o岩o岩出爐無幾耐o既時間, 不過從來未買過(淨係食過蛋撻同菠蘿包). 見有幾個食評都話呢度o既紙包蛋糕好正, 今朝心血來潮就買左個黎試下. 個蛋糕好重蛋味, 不過又唔係話好食到飛起. 另外尋日o係度買左個椰撻($3.5)俾媽咪, 媽咪話味道普通. 我仲想買件蝴蝶酥俾家姐嫁, 不過前日問個女人時,佢話個師傅無返,所以無,尋日同今日朝早經過都唔見有,睇黎都係無縁. 唔知有無人食過?好唔好味?

今日終於試到泰昌既蛋撻喇~~yeah！我地4點幾去到已經有人排緊隊，我地等到5點10分到先買到，一人一個蛋撻．個蛋撻新鮮出爐，熱騰騰，香噴噴，不過逢新鮮出爐都會係咁．個牛油皮鹹鹹地，唔似出面o的咁甜，我諗牛油同糖既比例應該較出面o的高，所以個皮都比較鬆．個皮夠厚，唔似美心o個o的咁薄冇乜咬口．而o的蛋好滑，唔會太甜，都幾正．不過係唔係呢度o的蛋撻好食o的我就唔肯定，我諗我要試下其他新鮮出爐既蛋撻，比較下先知．今次買唔到沙翁，下次再去過先得，仲要試埋卷蛋同蛋糕．=)

For the Egg Tart , it really not so good !And not so special ! But the Donut ~沙翁, it really vy good !!!

成日見排長龍買蛋tart，所以好多時放棄去等去排隊，還是買新鮮出爐野算數．．．琴日路經見冇人排，買左個蛋tart邊行邊食，平心而論，蛋味十足，亦都係我至愛o既牛油皮（唔鍾意酥皮蛋tart），但我覺得唔係咁「出眾」o者（個人口味而已），可能我鍾意牛油皮得黎，要夠「硬身」先好食，硬係覺得哩度個皮淋淋地冇乜口感咁，所以我諗我都係繼續做沙翁同紙包蛋糕fans喇。係呢，唔知佢o的椰tart同提子包掂唔掂哩，講過我知丫～同意，什麼新鮮熱辣出爐野永遠都係最好味～

蛋撻沒有傳聞中好，但味道仍不俗（不過，好像不是太酥皮）．沙翁則幾好．

Oooo.... 原來係咁，真係唔該晒呀，等我下個星期去試試先！Yeah~~~

蛋撻同沙翁出爐時間日日不同，據負責買餅同事的經驗所得，下午三點係各式麵包糕點出爐的時間，有先有後，三時多買到的沙翁﹝如果未賣晒的話﹞多會是熱熱的。攻略又係果句，如果三點多經過的話，邊樣新鮮吃邊樣，衰極有個譜卦？

請問o的蛋撻同沙翁幾時出爐o架? 我好想去試呀. 唔該各位.

我其實覺得蛋撻要熱食先好食,凍食就食唔出蛋撻0既動感同質感呢.所以你話得個"熱"字,同燉蛋無分別,但其實我覺得佢蛋撻可以咁熱已經係優點,而且佢d蛋撻好新鮮,texture都好,又好香蛋味.絕對係custard tart 0既.而個撻底簡直係我至愛,因為我個人而言,我唔鐘意食酥皮底的,佢呢個餅底好香牛油味又好脆,絕對一試難忘架!!但唔鐘意餅底蛋撻0既可能唔會好似我咁欣賞囉~但重牛油味都係優點0黎0既,証明料落足,而且甜吃就係多牛油啦,d cheesecake咩cake 0既牛油份量咪仲多.

可否介紹一下有邊度的蛋撻唔似「燉蛋」，又好食，等大家去試試都好。

蛋撻$3.502/5得個"熱"字, 同燉蛋無分別，巳經稱不上custard tart！曲奇撻皮超牛油味！<br />

要講呢度的蛋撻抵唔抵食，我估我最感同身受，因為公司就在隔離，而明知佢係D蛋撻及沙翁係貴，但都一打一打咁買返公司食。原因有二：1.佢的蛋撻同沙翁都好有水準，好香蛋味，尤其係沙翁，所以價錢唔係太大問題，至緊要校正出爐時間而又興起就會去買。話時話負責買蛋撻果位女同事可能就係大家垢病的「熟客」之一，因為我都好少見佢要等的。2.附近沒有質數有番咁上下的，所以貴D都要買。都食左好幾年，有無肥彭對我們沒有關係，至緊要新鮮熱辣又好食！