泰昌餅家

营业中

休息中

假日經過中環, 行到泰昌門口, 見到只有6-7 人排隊, 終於一償心願, 可以買到蛋撻, 沙翁及紙包蛋糕。蛋撻: 與一般餐廳的出爐蛋撻一樣, 不是特別好味, 出色沙翁: 甜了點, 有點硬紙包蛋糕: 好味, 軟綿綿, 有蛋白味, 正查實很多餅鋪也能做到他們的水準, 甚或更好。無計, 彭督效應!

試完文華既danish, 一場來到中環, 緊係試埋呢間.兩點幾, 有6-7人排隊, 不過好怏, 4-5分鐘已輪到.沙翁, 蛋tart各一. 買完即刻食.個tart 皮好咸, 點解柑咸既? 少有...d蛋ok啦, 同屋企樓下間茶餐廳買的沒分別, 除了貴$1外.沙翁暖暖地, 沒有想像中肥膩, 但蛋味唔夠.呵呵, 還個心願, 算了. 無下次!

星期三的時候和爸爸3點去買蛋韃. 那裡已經有幾十個人在排隊買了, 自己也擔心會沒有得吃. 看着盤中沒有蛋韃了, 不由得問那裡的一個女人還有沒有, 她安慰我說還有, 還問我要幾多個.買了之後又急不及待的和爸爸立即在旁邊吃, 仍然是皮鬆蛋香. 在外留學吃到的是只能"頂癮"的, 完全比不上一成.=)最重要的是價錢還是和外面的差不多, 絶對沒有因為名譽加價~不錯啊!~ps: 那天剛剛見到老師傅走了出來. ps2: 要是買任何一杯飯料就能優先買2個蛋韃/沙翁.

響Life食完lunch 之後, 行返落中環, 朋友突然話想食泰昌. 咦, 都好喎, 反正順路經過, 自己又未試過, 就走過去睇睇. 預左要排隊, 見條人龍唔算長, 就等下啦. 等緊果陣見有架貨van送貨, 原來就係沙翁, 我仲以為係響間鋪度做既添. 沙翁既size大細不一, 我咁岩得到件細既, 不過咬落去都幾對辦, 發得好鬆, 質地帶少少韌勁又有蛋味. 蛋撻唔係我鍾意既酥皮, 不過個牛油皮又係好鬆化, 味道又濃, 真係幾好. 相對黎講, 撻皮既味就蓋過晒餡料既蛋味了.如果專誠走黎又要排長龍的話, 我就唔會覺得好食囉. 而家咁岩經過, 無乜額外代價既情形下, 就覺得幾好, 嘻~~

位於中環擺花街的泰昌餅店, 馳名蛋撻, 依然香氣撲鼻, 皮脆香口, 極宜作為早點或下午茶!

因為肥彭的名氣去試左呢家餅店馳名的蛋撻, 都係一般貨仔啫. 路過食下就無所謂, 都幾新鮮. 個撻皮都尚可啦

都唔明d人點解要排咁耐隊去買個沙翁同蛋撻, 都唔係話真係咁好食....而且比一般好食o既仲要貴....

我倆明明已相當飽,但吾知點解仍然行過黎買野食!哈哈!11:30都有幾個人排緊旦撻沙翁.等左5分鐘左右買左1個旦撻$3,1個沙翁$4,1個椰檳$3.5.旦撻同沙翁屬微暖,但水準好似下降左,無以前咁好食.椰檳味道則一般.

自泰昌重出江湖之後，我同同事都想再食佢Ｄ蛋撻同沙翁，曾經試個幾次係下午3點多到泰昌，但足有幾十人排隊。終於係尋日能再食返。蛋撻冇乜特別，不過不失。但沙翁令人失望，以前外表淡黃色加糖，有蛋味。而家變成淡啡色，一Ｄ蛋味都冇，只有糖。唔知係咪太多客人，根本做唔切，定係師傅唔同令到失晒水準！去唔去排隊自己諗啦！

在新鋪開張之後，曾經幫襯過兩次，生意都唔錯。另一方面，老闆又好隨和。雖然工作繁忙，但是都願意和客人交流。講番蛋撻..味道比起之前舊鋪的淡左，無咁甜!!有個好消息俾大家...就是在11月11日，泰昌蛋撻會響旺角新世紀廣場開分店，仲特別邀請到前港督彭定康親臨及主持開幕儀式。因此各位居住在九龍區的朋友們，你們唔需要再特別響中環總店排隊購買蛋撻和沙翁啦!!

D 蛋tart 唔知係咪"太" 有蛋味+牛油，食一個已經60%飽了食兩個又太飽....勸大家買左之後都係share 泥食好D

上月中到此出名的店吃蛋撻,可惜失望而回收! 撻皮實在太油! 差點要吐出來呢!! 而且沒有蛋味, 何以出名?加上地點又不方便,故此不會再去!

等左好多晚, 等到琴晚早收工, 5:45pm泰昌仲有沙翁賣兼唔使排隊. 沙翁的size明顯得番以前一半, 都算; 一啖咬落去, 唔夠疍又唔夠砂糖. 一個失望既回味. 冇下次.

普通麵包舖住上環會到那兒買麵包，其實糕餅熱騰騰便好吃不需要排隊那樣誇張。以前最喜歡的鮮牛油餐包和蝴蝶酥現在都沒有。不知肥彭來港宣傳新書會否再掀泰昌熱潮。

因為每日都行行人電梯, 以前久不久會順便買一個蛋撻, 蛋卷, 什批之類食. 發現重開係因為見到條人龍, 我以為係排巴士, 因為長龍頭在路中間(原來有個實Q排開條龍2段以免阻旁邊食店), 後來先知係買餅。我人比較懶, 要排好耐先買到餅我寧願唔食.有日放假早上行過見到門口只有2個人, 便買了半打蛋撻同紙包蛋糕(一向幾軟幾好食)找朋友, 價錢冇變但限買半打, 同以前一樣新鮮出爐幾好食, 但其實鍾意食油皮(即批底)就會覺得好食, 如果鍾意酥皮就未必喜歡, 等如我唔鍾意食沙翁(可能小時食得太多), 但有朋友好鍾意.不過因為太多人買撻, 而且做其他唐餅師傅返咗鄉下, 所以其他包, 蛋卷, 批, 老婆餅等等都冇.可能中環此類舊店唔多, 其實好多舊區餅店茶餐廳蛋撻都好食, (只不過呢間俾肥彭食紅咗) 我覺得未至於要遠道而來重要排隊)