泰斗 (中達大廈)

营业中

休息中

除左中菜同日本菜，泰菜都係我食得最多既菜式，尤其鍾意酸酸辣辣既味道所以，我要開餐啦！首先整個柚子軟殼蟹沙律，夠晒開胃軟殼蟹新鮮熱辣炸起，唔錯。嗌左個咖哩牛肉南瓜盅！一上枱我地即刻嘩嘩聲，好大個南瓜裝住滿滿既咖哩南瓜好綿好甜，撈埋咖哩汁好正。本身以為牛肉無咩特別，又唔係牛腩，點知食落驚為天人！勁重牛肉香，好似打邊爐買好高級嗰啲滿佈雪花既牛肉，好驚喜諗左一陣嗌薄餅定蒜蓉包好，最後叫左薄餅，用嚟配咖哩。泰菜食炒金邊粉是常識吧。味道調得適中，唔會過甜過酸。邊食邊飲青檸梳打真係幾爽。見到人地嗌沙冰都幾吸引。泰滿足的一晚

見咁耐無食過泰國菜就一於搵間泰國菜試下,餐廳係半室外(??)所以冷氣都唔係好夠.只可以講一去到reception既態度已經十分麻麻..不過唔緊要 諗住最緊要食野好咪就坐低.點餐後十幾分鐘就上第一道菜, 幾特別 平時好少食呢種菜,不過偏多油菠蘿炒飯唔錯, 好多菠蘿而且味道都係正常泰式炒飯, 不過不失生蝦明明係頭盤但來左炒飯之後先上. 個汁幾重味,少少偏辣, 所以第二隻開始就無點汁.失望既係生蝦竟然無！味！係一D鮮味或者蝦味都無, 應該係冷凍太耐搞成咁.最後,椰青唔夠凍,仲叫左個燒牛肉,味道唔太差

尖沙咀樓上泰國菜，7點上到來都開始多人啦，建議book左位先。朋友介紹，今日同男朋友來試下⋯蝦醬炒通菜$88，好香蝦醬味，夠火喉，正串燒沙嗲雞，串燒沙嗲豬，鹽燒牛舌串$38兩串，叫左3款，呢個超值得推介，性價比高，19蚊串好抵食，肉質鮮嫩，燒到好香口泰式燒豬頸肉$118，黃金色既豬頸肉，剛剛好，唔靱唔‘鞋’口，超級惹味泰式蝦肉炒金邊炒$108，酸酸的好開胃，蝦肉多同大粒，鮮味，都好大碟下，二人食岩岩好

收工突然想食泰國野，朋友推介呢間又方便又高質既泰國餐廳，地鐵站Exit A 行過去5分鐘唔使。閒日8點左右就會full house，最好打去book抬喔，坐到成十點先開始無人。泰式鳳爪，黎講都算幾大碟，性價比。小辣，酸酸甜甜係開胃既，咬落全部都係軟骨口感好好！清邁香酥酸辣魚，呢一個酸辣魚超好食，個魚外皮炸到脆卜卜，但係個魚肉非常之嫩滑，再加上佢嗰個酸酸甜甜嘅醬汁，超級開胃，肥妹仔第一次食但係食完一試難忘。餐廳坐得舒服之餘，食物質素都唔錯幾正宗，態度好好，價錢係正常既尖沙咀價都推介。

自己也頗喜歡吃泰國菜，泰國菜其實很多元化，不只是常見的咖哩和冬蔭公，年初到訪過泰北地區吃到如胡椒炒鮮魷、鹹魚炒菜等都很像港式小炒，很對胃口。是次找超愛吃芒果糯米飯的友人來到尖沙咀吃泰國菜，這家餐廳氣氛很好，有帳篷的戶外座可以像閣樓般邊看著繁忙的海防道邊享受美食，還有彩色LED枱燈加添坐戶外的情調。可惜今晚戶外座位已滿，加上又有點熱，還是下次等涼點再試戶外座吧。餐牌選擇非常花多眼亂，就像引旨所說的，這裡供應的泰國菜也十分多元，甚至有泰北的選擇。即使飯和麵食也各自有數頁，想吃的食物太多。但是晚只有兩人，唯有點一些大家最想吃的。最主要想試蝦餅，但點小食拼盤只是加$10便可多吃三款小食，好像更花算，於是便要了一個小的拼盤，每款小食有四件。魚餅非常的結實，魚肉很足，香草味道濃，比較重口味。蝦餅炸粉夠薄，炸的火候不會太過火，仍然能夠保持內裡蝦膠的肉汁。蝦膠十分彈牙可口，有鮮甜的蝦肉味道，真材實料。泰式春卷是我意想不到的好吃，內裡是香菇絲、芽菜絲、紅蘿蔔絲等的素菜，卷在炸得酥脆香口的春卷皮內十分好吃，尤其是新鮮炸出更為加分。香茅單骨雞翼也是另一驚喜，香茅味道滲透雞肉裡頭，檸檬草的香氣泗溢。酥炸後雞翼

首先，呢間餐廳有個職員好有問題，某名30-40歲男職員服態度超級超級超級差，人生第一次見啲咁差既waiter ，大家入門口第一個應該會見到佢啲惡行，大聲呼喝客人及超級無禮貌，言語冇品會寸啲客人，落單時仲扮聾聽唔到，特登要個客講大聲啲講，同要求個客人要面向住佢講野，仲要西口西面，完全唔識尊重人，仲故意唔確認你openrice個訂位，等你冇得賺積分，行為好討厭又小學雞，單係佢既行為舉止同言行，已經唔會再想介紹俾任何人黎食。唔想受氣就唔好黎，因為服務態度差，野食又好一般，所以冇理由要食呢間餐廳。

再找朋友購買出口減價貨辦，選了在尖沙咀吃晚飯交收，因他的辦公室在附近，樓上舖泰菜，他只吃過午餐，地點相當就腳，我們坐在露台位，加了活動雨擋，如好天，感覺應像坐在泰國的露天雅坐，可惜今晚是下雨天。小食併盤 $128(小)雞中翼兩骨中間切開，容易吃到，雞翼已夠味，不用再蘸醬吃；小春卷兩條切開至四件，脆口細細條，蘸點泰式酸辣醬；蝦餅脆彈，單吃味道不錯，魚餅加了點長豆粒粒，增加咬口，但魚肉較腍。泰式炒椰菜苗 $118椰菜苗是泰國地道食材，如當做時吃，很軟嫩的，這晚的爽脆中有嫩有咬口，蒜香豆醬野味，可不停吃。烏汶明爐魚 $188選烏汶味道因朋友只能吃輕辣，選魚因吃魚不會肥，有泰國的香料，中芹的清香，味道較淡，粉絲與椰菜份量夠，烏頭魚很大條，魚肉軟滑，只吃他也夠飽，蘸上特製的酸辣醬，吊起魚肉的鮮味，我們最後把整條魚吃掉，所以連放甜品的空間也沒有了。

今晚黎到想尖沙咀想食泰國菜🤨同朋友黎到樓上鋪食 晚市🤤環境都唔錯，仲可以望到外邊嘅景色，可惜今晚落雨 open area無無開蒜蓉包 外皮又薄又脆，入面就軟綿綿，好香濃嘅牛油味同香蒜味，食咗雖然有啲罪惡感但係又欲罷不能，不過覺得太厚身泰式燒豬頸肉 外表金黃，燒得香口，肉質仲持嫩滑🤤個醬汁酸酸辣辣，好開胃蝦餅蝦餅香脆彈牙👍熱辣辣，小朋友好鍾意食👍泰式炒金邊粉金邊粉甜甜地，少少辣又少少酸，好入味又開胃。加埋花生粒，聞落香，食落有口感。蝦肉有好幾粒，肉質彈牙。牛腩配了印度煎餅煎餅不夠熱但味道不錯，牛腩軟熟但咖喱汁是屬於較為水狀和味道較淡，配白飯可能更合適。臨走已經爆曬場😱😱😱記得要訂位，試試泰國菜

好耐無食泰國野啦，難得我個妹早收工，就話請佢食好西！（其實係想捉佢陪我食泰國野🤣）不嬲尖沙咀呢間上樓既泰菜都好多人食，可能星期一又比較早既關係，竟然唔使等位😳坐低就拿拿臨點野食啦～先黎兩份串燒🍢燒牛舌同沙嗲雞。牛舌夠厚身，燒得好入味，配上甜酸汁，正！雞肉好嫩滑，另外配既沙嗲醬好濃，我個妹都大讚出色👍唔食得辣既朋友要小心呢個海鮮粉絲沙律🌶🌶🌶因為真係好辣🥵但辣得黎都好食，有西芹，莞茜，洋蔥，木耳作伴，爽口得黎味道好fresh。主食嗌左香葉炒飯，食落唔會太乾身，咸淡適中，容易入口。泰國野點能夠少左芒果糯米飯呢？雖然唔係黑糯米但依然好食，糯米夠黏夠香口，配上甜甜既芒果。😋

今晚黎到想尖沙咀想食泰國菜 同朋友黎到樓上鋪食 晚市黎講都幾旺 可惜今晚落雨 open area無無開哂我地叫左個細份既小食拼盤 串燒 黃咖哩雞配蒜蓉包同兩杯野飲~ 小食拼盤整體味都唔錯 有素春卷 雞翼 魚餅同蝦餅 個魚餅味道較特別係冬蔭公味~ 而個蝦餅都幾足料我地串燒分別叫左牛舌同豬肉 出乎意外地好食！算係食過較高質既串燒 牛舌同豬肉都非常肥美 完全無燒焦 配上泰國串燒醬汁 真係好惹味！個黃咖哩雞反而無咩特別 略嫌過稀 雞肉無話好入味 但個蒜蓉包就好出色 非常香脆仲好有蒜味！最後我地叫左杯芒果冰沙同椰清 無諗過個冰沙咁大 渴極都飲唔哂😂 最好兩個人share黎飲

行經海防道抬頭一望見到有間Bar 喎，上到去先知係食泰國菜既餐廳有分室內同室外，室外就有feel 啲，因為燈光比較暗，加上枱面有放到一盞盞既燈，令人覺得置身係外地用緊餐咁😬餐牌都幾厚下，菜式應有盡有，令人花多眼亂。我一行兩人唔食得太多，先叫個細份小食拼盤，入面包括有雞翼、魚餅、蝦餅同素春卷，全部都係炸既，配埋甜酸醬比你蘸。全部都炸得好香口，個人比較鐘意個炸蝦餅，因為好彈牙👍食泰國野點少得咖哩💁🏻‍♀️今晚叫左椰香青咖哩雞再加點個烤薄餅蘸咖哩汁食。這個青咖哩椰香味好重，材料都幾足，好多雞肉、豆角、茄子仔同蕃茄，略嫌個咖哩汁有點稀。仲叫左個醉貓海鮮炒河。好多海鮮，雖然海鮮係急凍貨仔，但係都唔會有雪味。而且個炒河好辣好有穫氣，推薦。一路食一路睇大電視，其實幾正。呢到食物唔錯，又幾有feel,下次可以多啲人食多啲野😘

係尖沙咀收工突然想食泰國野，朋友推介呢間又方便又高質既泰國餐廳，地鐵站Exit A 行過去5分鐘唔使👍🏻 閒日8點左右就會full house，最好打去book抬喔，坐到成十點先開始無人。餐廳都唔細，有一個半outdoor既area，雖然拉曬帳篷，但感覺都幾chill，一坐就坐左成三個鐘👍🏻有少少自然風得黎夏天夜晚都唔熱👌🏻🍢鹽燒牛舌（2串) $38$38有兩串，仲要好有誠意是厚切的👍🏻燒到外層微焦好香口咬落爽口唔韌，沾埋秘製醬汁好野味🉐🉐🐓🍽泰式鳳爪 $68$68黎講都算幾大碟，性價比👌🏻小辣，酸酸甜甜係開胃既👍🏻咬落全部都係軟骨口感好好！🦑🥗木瓜沙律配魷魚 $128青木瓜沙律食唔少，有原隻魷魚蘇既真係第一次味道同一般木瓜沙律差唔多，酸酸辣辣值得一讚既係個魷魚，玻璃魷魚既口感超級爽口完全唔韌👍🏻👍🏻👍🏻 仲要夠冰凍🉐🉐🔥🌿🍚香葉肉碎炒飯 $108雖然呢個炒飯唔多料，但無可否認真係好香口好野味，落足香料炒既飯🉐🉐🉐難得夠味之餘唔油炒得算乾身，起碼唔會話啖啖油👌🏻偏辣，唔食得辣既朋友最好嗌少少辣，平時譚仔食五小辣既我食到噴火🤪🔥🔥餐廳坐得舒服之餘，食物質素都唔錯幾正宗，侍應態度好好👍🏻👍

今日我約左來香港旅行的朋友在尖沙咀九龍公園對面的泰斗餐廳食飯，品嚐下香港的泰國菜。餐廳裝修特顯泰國風，悠閒又舒適。好似去到泰國咁。餐廳分室內和半露天位，半露天位望向海防道，綠油油的樹木令人心曠神怡。餐牌菜式豐富，有辣亦有唔辣，餐牌每樣菜式都用辣椒仔標明辣味程度，很仔心的照顧到各種口味的客人。今日天气太热，坐低後我们首先点左冰凍的椰青，非常解渴同降暑，椰子濃香，實在誘惑！接著我地叫左一份原隻菠蘿炒饭，賣相討好，海鮮份量不俗，米粒乾爽，肉鬆同腰果分開上，大大一份，超滿足。我地點左泰國名菜鹽燒烏頭魚，首先掀開鹽燒魚皮，露出白白嫩嫩的魚肉，點埋酸辣醬好惹味！尤其喜歡泰式小食，呢度既串燒好得哦！大大串又抵食，沙爹醬好夾，牛肉嫩，雞肉滑。泰式魚餅有小小辣，系正宗的泰式手法，很Q彈。

位於尖沙咀海防道的泰斗，小妹好耐之前已經來過。今次平日七點上到餐廳已經幾乎滿座，所以只有坐較小既枱。坐低未叫菜，就首先order左杯芒果沙冰涼一涼解渴先，食過咁多間泰國餐，呢杯芒果沙冰飲品質素真材實料，完全吾係果種得果味調劑，而係仲飲到芒果原味 ，我俾10分~ 菜式方面，分別叫咗鐵板蠔蛋、鴨肉生菜包、泰式爐魚、同埋醉貓炒河作為主菜。以味道吸引來說，對於個蠔蛋的味道最深，而且夾埋落個生菜包度食，原來都好滋味。個生菜包雖然鴨肉吾多但有好多香料同肉碎所以包菜吾錯。明爐魚亦吾錯，個湯配搭下酸酸辣辣味道豐富都幾開胃，而且用明火透住食，浸住熱騰騰既湯好味。不過個醉貓炒河有點失色，酒太濃烈只食到好濃酒味而且河粉炒窿左黑黑灰灰。不過餐廳環境好吾錯有露台枱，適合情侶或多人朋友聚會， 值得推介。

尖沙咀永遠都係有好多好嘢食嘅地方，今晚就嚟咗尖沙咀食泰國菜。叫咗一個菠蘿海鮮炒飯、香葉炒肉碎、芒果糯米飯、冬陰公湯。🌻冬陰公湯夠晒辣，欣賞佢入面真係有好多隻蝦同埋菇，100分嘅話我比80分。。。。。。。。。。。。。。。。。。。。。。。🌻菠蘿海鮮炒飯好多粒菠蘿肉，呢一份炒飯比起市面上一般嘅菠蘿炒飯味道會較清淡， 所以鍾意清清地嘅人應該會好適合。。。。。。。。。。。。。。。。。。。。。。。🌻香葉炒肉碎本來想叫生菜包，不過又覺得食到悶，所以就索性叫一個炒肉碎。呢度菜辣度好夠，我泰萊冇食辣，所以將佢同埋菠蘿海鮮炒飯混合一齊食就啱啱好。。。。。。。。。。。。。。。。。。。。。。🌻芒果糯米飯咁多道菜式之中我諗最鍾意嘅就係芒果糯米飯！一來我鍾意食甜品，二來佢啲芒果真係甜到一個點佢啲飯就係暖粒粒嘅，配搭好新鮮。