泰斗 (中達大廈)

营业中

休息中

每次經過海防道，都會見到樓上這間泰國菜，今次朋友話不如試吓啦，其實我有猶豫過去唔去好，因為我怕是主要給遊客吃的餐廳。上到去，餐廳就安排了室外位置給我們，其實所謂室外位置，都是有冷氣的（好彩！）不過就可以望到街道上的行人往來及有空間感。泰國北部椰汁蟹肉伴青瓜這是店員推薦我們吃的，見到這個菜名，覺得好特別，從來未試過，所以我們就聽從佢哋嘅推薦就order了。椰汁味很重很香，配上青瓜，感覺很清新，熱辣辣嘅汁配上清新的青瓜，原來係咁夾。如果多啲蟹肉就好了🙈泰國生胡椒炒花甲平時食辣椒膏炒花甲就食得多了，今次一於試吓新意思，叫個胡椒炒花甲，上碟時熱辣辣，鑊氣十足，胡椒味很香，一串串的胡椒很惹味。咖喱南瓜盅豬肉南果是原個蒸的，夠淋，咖喱配上南瓜中和了咖喱的辣味，吃咖哩點可以少咗薄餅或蒜蓉包，我哋今次就點了薄餅。

東南亞美食之中，我最愛泰國菜。喜歡佢色彩斑爛、味道性格分明、甜酸苦辣集一身，開胃醒神，最適合炎熱的夏天。今次食這間餐廳位於尖沙咀鬧市中商廈的4樓， 鄰近地鐵站十分方便。一出𨋢門已見到泰式神像擺設，裝修也頗時尚舒適。酸辣海鮮湯(細)$148海鮮料有青口、蝦🦐、魷魚、秀珍菇、車厘茄。湯的味道又酸又辣有點似冬陰公湯。鐵板香芒炒牛柳$158這個都有少少辣，係黑椒和新鮮青胡椒的微辣，都幾惹味，芒果好香甜，牛柳粒十分淋好有牛味。炸軟殼蟹柚子沙律$128我honey鍾意食軟殼蟹，這道菜最適合佢😁柚子好多酸咪咪，又是酸和辣的組合，加上椰糖的甜和香，味覺複雜有層次！鹽燒牛舌串$38芒果糯米飯$68最後是甜品時間，芒果椰汁香甜、糯米煙韌有口感，係完美的組合。甜味為人帶來甜蜜的幸福感覺！

平時食泰野野會認起九龍城～不過唔多就腳 所以今次轉左係尖沙咀搵左間樓上鋪食泰國野 環境幾乾淨 位都好寬敞～先叫左個豬肉生菜包～超惹味 都幾辣下 岩哂鐘意食辣既我生菜都好新鮮～ 因為只係得兩個人食 我地都好想食冬蔭公 不過知如果淨叫冬蔭公會好多好滯 又試唔多新野 所以叫左冬蔭公鮮魚魚好滑好好食 不過由於係一路咁煲 我地又掛著飲湯 食魚食得好慢 搞到老左少少 d冬蔭公泰滋味了～另外叫左椰青 好鮮渴好鮮甜 不過略嫌唔夠冰凍 扣左少少分姐～

雨天的日子，同好姊妹去尖沙咀做完facial，在海防道一帶搵到這間環境同氣氛都唔錯的泰國餐廳～～泰斗，少少似酒Bar的環境，還有一排戶外的坐位，我地就選擇了坐戶外的梳化位置，都幾似去了泰國食飯的感覺，坐位非常寬闊，是個傾計的好地方。小食拼盤（$128），包括了雞中翼、魚餅 、蝦餅、春卷，每樣2件，雞中翼和春卷炸到脆卜卜，不乾身、不油膩，魚餅和蝦餅啖啖魚肉和蝦肉，肉質爽口彈牙，配上泰式甜酸醬一齊食，非常美味。最愛食的泰式串燒～牛、豬、雞各二串（$114），每串都燒得肉質鬆軟，好有炭燒的香烤味道，亦唔會覺得乾身，配上沙嗲醬，真的令人回味無窮。蝦醬炒通菜（$88）大大碟，帶有濃味的蝦醬和蒜蓉，帶點微辣，通菜炒得好香口、惹味。泰式蝦肉炒金邊粉（$108）金邊粉份量都幾多，香甜的茄汁味，旁邊有花生醉，可先攪拌金邊粉和蝦肉，在點上青檸汁，酸酸甜甜，份外開胃。椰汁西米糕（$48），西米糕有兩層，上層是椰汁糕，帶有甜甜的椰汁味、下層是粒粒西米和粟米，冰冰凍凍非常美味。

放假先黎落雨，本來想開開心心同媽子行尖沙咀shopping 即時無哂mood , 在海防道睇完金飾同手袋，落大雨到不能再行街街😰，唯有在舖外簷篷下避避雨，剛好看到門外水牌 我就問媽子有無興趣食泰國野，之後我們就上左去4樓一間叫 泰斗的泰國餐廳了。餐廳內既感覺好像來到一間酒吧咁，播住輕快而不吵耳既音樂，侍應帶我們坐在餐廳露台既位置，對住九龍公園的街景，風景樹景都唔錯，頓時悶氣全消。講返野食先，見佢menu 個咖哩牛肉南瓜盅$138 幾靚我就叫左個，其實仲可以揀雞或者豬的， 不過小妹鐘意吃牛多d😋盅裡南瓜肉都好多，南瓜的甜與咖哩既椰香溶化在一齊好香甜 再滲入軟硬適中既牛肉度好正！我地仲有叫左 豬，牛，雞肉沙嗲串燒 每款兩串各款$38，沙嗲醬調較得唔錯幾野味，3款串燒都唔會燒得太乾身，最緊要襯熱食😛 好味！ 3款裡面我比較欣賞 豬肉串燒，醃得好入味，下次再吃也是我的首選😛食到差唔多，菠蘿海鮮炒飯 $148 黎左了，同menu張相一樣有大大隻青口😃 ，我最鐘意邊吃菠蘿粒邊吃串燒咁食，真係好開心架☺️ 。 我覺得佢d腰果粒同肉鬆另外分開放在小碟上另上，而唔係放在個炒飯上面，可以睇出師傅既細心，

其實泰國菜已經好難整得難食，點知終於比我遇到一間。咖喱蟹個羨好似鼻涕咁，超級難食。冬陰公裏面啲蝦肉係霉嘅，分量亦都唔足生蝦唔新鮮一啲都唔爽，啲肉係硬嘅pad thai完全冇料得d面，同埋唔好食仲要服務好差，個女侍應永遠黑口黑面，明明間嘅人已經好少重要態度好差，假日lunch得三臺唯一可取小小嘅係個小食拼盤，不過亦都係份量好細唔好食佢收得呢個價錢，俾呢個服務同食物真係侮辱人杯真多冰亦都係無料嘅五個人食咗1300，這個價錢有大把更好嘅選擇。唔知點解咁多好評，不過奉勸各位真係唔好去

我好耐冇食泰國菜lu，今次就去左尖沙咀嘅泰斗食晚飯。我地叫左細大頭蝦冬蔭功湯（$148）冬蔭功味道正宗，而且仲落足料煲。雖然寫for 4-5 人飲，但太好味我地飲到停唔到，所以都飲曬XD細小食拼盤（$128）入面有香葉雞中翼、魚餅、蝦餅同素春卷，每款有四件。我特別鍾意佢個魚餅，唔腥之餘仲要勁香！飛天通菜（$88）香辣嘅味道，真係令人流曬口水~泰式香葉肉碎炒飯（$108）都幾大份，唔錯。飲品方面，我地叫左龍眼冰（$42）同珍多冰（$42）

喺尖沙咀行完街，同朋友提早到咗餐廳，等咗一陣就入得。好彩今次book咗枱📲，之前曾經walk in過，但滿座冇位，食唔到...... 今次補返數！😚·我哋2個人叫咗1個主菜、1個粉、2款串燒。·🔸 泰式蝦肉炒金邊粉（$108）蝦肉金邊粉係經常食嘅泰國菜式之一，今晚都叫咗一碟！金邊粉剛剛放上枱面，我哋就聞到非常香濃嘅味道，每條金邊粉都沾上醬汁，好入味，加上好多新鮮蝦肉🦐，仲可以選擇連埋蔥段同花生碎🥜一齊食，好惹味，⚠️ 記得一定要趁佢熱辣辣即刻食呀！🤤·🔸 辣椒膏炒老虎蝦（$298）老虎蝦係我哋今餐最喜愛😍嘅菜式，4大隻老虎蝦🍤用辣椒膏🌶️炒，香辣味好特出，唔算好辣，唔會蓋過鮮蝦味！職員好貼心，會預先俾定手套我哋，等我哋唔會整污糟對手，抵讚！👍🏻·🔸 串燒沙嗲雞 (2串)（$38）🔸 串燒沙嗲牛 (2串)（$38）沙嗲串燒🍢又點可以錯過呢，試咗雞同牛，個人特別推薦雞肉，口感剛剛好，配埋沙嗲醬汁，好香花生味，冇得輸呀！🤩·菜式味道好、上菜速度快，值得再嚟幫襯！😎

估唔到尖沙咀都有呢個旺中帶靜嘅地方!可以做朋友喺度慢慢傾計!而且環境昏暗,另一半黎都幾有情調！而且值得一讚嘅就係店員嘅細心，見到隔離枱嘅女士倒瀉水，即時送上紙巾，夠哂貼心呀鐵板蠔仔蛋份量都幾多！而且蠔嘅份量夠晒足料食落蠔夠新鮮且脹卜卜咁，加上蛋黎食送飯又得可以chill住飲酒亦得入面仲有芽菜所以口感層次多，帶有爽口口感~另外食泰國嘢就別要點金邊粉!依家嘅金邊粉係小編食過數一數二好食嘅!首先有海鮮等配料其次金邊粉嘅質素都好高，炒得有鑊氣，而且金邊粉咬落有煙軔嘅口感酸度適中，愈食愈開胃最後嘅重頭戲就係呢款明爐魚滾下滾下咁都幾有風味嫁！而且成條魚都好大條，所以魚肉份量好多而且湯底亦帶點微辣，食落更加惹味！魚肉質地夠鮮甜，食得出用料新鮮當中仲有粉絲，吸收左湯底嘅味道之後粉絲亦相當入味其實兩個人食份量都剛剛好

想係尖沙咀食泰國菜，不防來泰斗試下，位於海防道樓上鋪，交通方便，環境舒適，而且呢度有半露天平台既座位，可以飽覽醉人景色餐牌上選擇眾多，多款食物都有唔同既煮法今日甘岩落雨，所以餐廳都加左塊膠來擋雨飛天通菜 $88必點菜式份量夠多，又唔會太多油串燒(牛 雞)各2串 $38/1雞肉都幾大舊，相反牛就比較難咬同有d乾，需要改善一下泰式蝦肉炒金邊粉 $108炒得好乾身，好好食，唔會太油鹽燒鰂魚 $188因為劏魚時特別無劏走魚鱗，所以當反起魚皮時，可以一整就反開，非常方面魚肉超滑，鮮嫩無比，鹽燒方法最能保持原汁原味

突然想食辣，就放工近近地搵間泰國菜食。呢間係尖沙咀鬧市的樓上舖，有户外座位，環境唔錯。我地叫左一個香葉肉碎炒飯，一個小食拼盤，兩份沙嗲同飲品。本身見餐牌個炒飯有一隻辣椒🌶️，以為會辣辣地，點知味道偏甜，但我發覺香港食泰國菜都偏甜多，可能係遷就左香港人口味？細小食拼盤共有4款，每款4件，我地兩個人share份量好夠，蝦餅唔錯，外皮好鬆脆，而且都彈牙有咬口👍🏻雞翼就麻麻地，炸得太乾，味道又係偏甜，冇咩特別令人想食。沙嗲就不過不失啦。總括黎講唔算解到癮，我下次食泰菜都係去返九龍城😅

今次黎到位於尖沙咀嘅泰國餐廳，有室內室外座位，裝潢設計時尚，好有泰國風味，Menu菜色都幾多，啱晒唔同口味嘅人👍蒜香軟殼蟹：炸得很鬆化，粉漿不太厚，味道很惹味，配埋酸辣醬一起食一流。黃咖哩雞＋烤薄餅：黃咖哩雞椰汁味重，雞肉好多，雞肉係雞柳，雞柳都大件及滑身，入面仲有洋蔥、薯仔。店員說薄餅要趁熱先好食，咖哩用黎送烤薄餅都係好好既配搭。生菜包：半肥瘦嘅肉碎裏面有少少辣椒再加麻油，豬肉好惹味，又有肉汁，唔會好乾身，加埋洋蔥食落香滑又濃味又開胃，配生菜一流。芒果沙冰：我叫左一杯芒果沙冰, 芒果味香濃，仲好大杯，又唔會好甜，而且質感都很幼滑！實在抵呀!

食物一般，除左生蝦，好新鮮同大隻，其它都無特別，服務態度又惡劣，特別係門口帶位個位，態度非常之差，黑曬面，我的book左8：30因為出面落好大雨，所以我的早左小小上去，明明有好多空臺都唔比我的入，又唔係食buffet要入場計時，好啦等到入場食野啦，期間叫左幾次加水都無反應，生日蛋糕要收切餅費，但係又唔幫我的切，總之以後一定唔會再去。

是日超級趕時間 去到尖沙咀有九個字嘅空檔時間 諗住拿拿聲食個快lunch 喺海防道 見到有呢間樓上餐廳 有泰國嘢食 餐牌都幾吸引 $65 選擇都有好多見到佢寫住有兩個泰斗必食 分別係海南雞飯同埋肉碎雞蛋飯 選擇困難症又出現啦 雖然好想食野味嘅肉碎雞蛋飯 咁啱隔離枱又食緊 香味撲鼻 但有鑒於最近好似食咗好多好熱氣嘅嘢 所以最尾都係揀咗海南雞飯 因點完仲要即刻送咗個例湯上嚟黃油飯好香 有少少椰子味 唔知係唔係喺加黃油之後再加左幾滴椰子香油 另外我好好彩 拎到雞髀位置嘅海南雞 肉質好嫩 啲骨都冇斬得好碎 點佐佢個海南雞醬 味道啱啱好 我好鍾意食佢個醬 另外問佢攞多咗一碟嚟撈飯食 之後叫咗杯珍多冰 略嫌甜左少少 但整體都唔錯 應該都會覆桌 下次要試吓佢個肉碎飯由坐低到食完走 都係用咗半個鐘 嘢食上菜速度都好快 👍👍👍

同朋友慶祝生日，一入去環境好舒適，好有泰國風情，食物都唔錯，蝦餅即炸好好食，係朋友叫既椰青有少少怪味，可能唔係即開。最後有dd美中不足，我地食得7788，侍應問我地有冇甜品要加，冇就幫我地埋左張單，又即刻收哂我地d碟，好似趕客咁。