泰式食

营业中

休息中

呢排瘋狂想食泰菜，好似晚晚食都唔厭咁。睇黎我真係好需要去一轉泰國充充電係未有假期之前唯有食住泰國野頂住先～同事話K11對面果間新泰唔錯，所以帶左媽咪同我去試～好靚既門口泰國邊有咁靚既篤篤好有feel既山洞feel座位乾炒雞肉金邊粉～超香超有鑊氣金邊粉彈牙，金黃色既蛋塊好好味，雞肉嫩滑當然要加埋呢四款泰國必備調味料冬陰公～味道夠酸，唔太辣，都有5,6隻蝦，幾足料如果可以熱d就更好飛天炒通菜不過不失，炒得岩岩好，仲好嫩綠味道濃番d更佳Thai Milk Tea~~~就係中意果種超香濃茶味，又滑又香既煉奶，係泰式奶茶先做到不過怕甜既朋友就未必中意～呢度環境真係好舒服

今次去8樓食泰菜,一入門口就見到tuktuk, 裝潢充滿泰國風情。到處都有打卡位可以舒舒服服咁食個晚餐傾下計泰式青檸明爐烏頭, 一邊滾住一邊食, 魚肉索埋青檸加蒜蓉汁正馳名冬陰公湯, 酸味為主帶點辣，配料有蝦，草菇，紅洋蔥泰式拼盆: 彈牙魚餅香茅味幾重, 春卷配料包括木耳蘿蔔粉絲, 外脆內軟, 蝦餅一般咸魚芥蘭, 上枱熱辣辣炒得好香, 不輸給大排檔的鑊氣Kiwi汁味道清甜，新鮮即榨，品質不錯。芒果糯米飯, 芒果好甜, 椰漿蓋上暖暖既糯米飯~正聽朋友講午市套餐相當親民， 由50+蚊至70+蚊， 在銅鑼灣係個好選擇

嬸嬸們帶我去銅鑼灣食泰國菜，哩間餐廳內部裝修唔錯，入口處有部真既泰式花車擺放住，有特色，行入去少少更見到有不同佈置的區域，地方寬敞，店員都係泰國人，經常用泰文溝通，嬸嬸們有好多食物都想叫，經過一番商量後決定叫燒羊扒南瓜汁、海南雞、明爐青檸烤魚、及豬肉炒干河粉，而我們落單時當然係用廣東話同店員溝通啦。和嬸嬸們傾左一陣計，海南雞很快便送上，附有一碟泰式醬汁點，嬸嬸們點完之後非常喜歡，不停再encore醬汁點其它食物，到炒河粉送上，味道比較清，有椰菜花、西蘭花和肉係當中，配埋剛剛的泰式醬，更加野味。明爐烤魚接住送上，原條烏頭魚，店員還用小火爐一直熱住，熱騰騰的食落唔會腥，味道酸酸辣辣，食到又暖胃又開胃。最後的燒羊扒都來了，很多汁，汁裡面仲有炸芋頭，羊扒咬落有羊味，肉質很嫩。食完甘多野，我地透下傾左一陣計先走，其間店員仲不斷為我們添水，服務唔錯。

環境佈置到好有泰國風格，有啲泰國匠，燈光暗暗地。有一個自助bar, 任飲冬蔭公湯同中湯，任食泰式沙律同炸雲吞，全部都有質素，好好食，食得最多係炸雲吞，細細粒，又好脆。叫左炒金邊粉同青咖哩雞扒飯，炒金邊粉甜甜地，好夠味，青咖哩亦都超好食，雞扒大塊，份量好多。好抵食。侍應服務方面就人地未食晒啲野就係甘收，搞到每次沙律食左一兩啖就比人收左，又出去攞過。

不嬲都知金百利好多嘢食，一向印象普通，已經幾年無黎過。朋友話想食泰國嘢又見幾近地鐵就黎咗。門口已經有泰式嘅擺設。入到去完全係打卡的聖地。裝飾好有心思。亦有部分枱係有泰式簾，好有味道❤️午餐真係超級抵食，好可能係全銅鑼灣最抵。午餐包自助沙律、加2款湯(冬蔭公湯同蓮藕豬骨湯)仼飲、仲有好脆蝦片仼食，不過沙律唔係泰式。 冬蔭公湯唔算不上辣，但都幾好味。我叫咗一個青咖哩雞撈公仔麵，不辣的。但好惹味😋再加杯龍眼冰，清甜可口。朋友叫咗個冬蔭公牛肉河粉，幾好食。個冬蔭公湯味道同自助個種有啲唔同，微微偏酸。佢叫左草莓冰，都唔錯。最後叫咗個泰式鳳爪，偏中小辣。好多軟骨要lur😂 份量頗多。幾惹味。I will be back!!!

🔎銅鑼灣記利佐治街1號金百利廣場8樓 R3*「自助salad bar，有湯又有小食」- 泰式食.冬蔭湯金邊粉($55)冬蔭湯辣度中等，但金邊粉份量好多，雞肉都算鮮嫩，如果係切絲我更鍾意。價錢好抵食，加上有個自助沙律吧，有湯又有小食，呢個價錢絕對抵食。泰式炆豬手飯($72)大推大推豬手迷。豬手炆得超腍，泰式炆法好似更加惹味。豐富嘅骨膠原，食落又唔覺肥膩。馬拉盞通菜($72)香辣惹味，但辣好小，陣陣鹹香令人流哂口水。新鮮通菜口感爽脆。班蘭千層糕($38)甜蜜誘人嘅千層糕，入口有陣陣斑蘭味，入口清新自然。加埋朵花係到非常頂癮🤩🤩🤩如果係凍食應該口味更好，又唔會太甜。價錢又抵，不妨試試。🍽8/10

是日中午和媽媽去看完電影，順道在銅鑼灣找個方便的地方吃飯。餐廳位於金百利廣場，地方挺方便的。內裏裝修也挺用心，很有泰國風味。午市套餐非常抵食。我們點了一個椰子焗飯。我們都不太餓，午市套餐比較多飯都，所以我們從主餐牌另外點了個羊排吃。椰子焗飯上面有椰汁，內面有雞肉、臘腸、芒果、椰子肉等，很豐富。味道偏淡，不過我們之後點的咖哩羊排配這飯吃倒是很合適。咖哩羊排賣相很不錯，共有三根羊排。底下原來還有一層竽頭，非常飽肚！羊排調味入味，有點像平時燒烤吃的羊排味道。咖哩裏有南瓜蓉，調味是甜甜的，不太辣。午市配有餐飲甜品。甜品是西米露，也是很有誠意的跟餐甜品。

今日去完灣仔之後，跟去銅鑼灣金百利找美食😋 位於八樓嘅"泰式食" 地方夠大，處處都有打卡位📸 好有泰國feel🌴午市套餐相當親民， 由55蚊至70蚊， 在銅鑼灣嚟講可說非常之抵👍難怪咁多人嚟食仲有驚喜位喎🤩喺度享用午餐，有🥗吧同餐湯，每樣兩款任飲任食🤪今日好肚餓，叫咗一個餐同小食😆 -黃咖哩焗海鮮飯🍛$60.00~有齊🐟🦐🦑和青口， 微辣帶有甜味👍-炸蝦麵卷🍤$108.00~幾多㗎，最欣賞炸得好乾身，唔會太油膩， 脆卜卜好香口， 醎味輕手少少會更加好😆- 龍眼冰+$8.00~ 平衡下，滋潤下😌👩‍⚖ 午市套餐款式多， 集齊有得👀📸🥢🥢，好以佢嘅英文名咁 Thai perfect 🤣🤣🤣

衣食住行樣樣都係錢🤦🏻‍♀️人工有得個雞碎咁多😭平既lunch真係好重要😅今日同同事發掘到去金百利食泰國菜！見到門口同裝修以為間餐廳一定會有返咁上下價錢點知！ ！ ！睇到餐牌真係好驚喜！Set lunch有好多傳統泰菜😃而且每個set lunch 都配沙律吧！沙律吧有2款小食 2種湯🤩其中一款係老火湯！不過我今日就揀左冬陰公湯勁入味！Lunch係豬頸肉炒公仔麵 同菠蘿炒飯！2份都大大碟🥳而且夠曬味！真心覺得係銅鑼灣食lunch有呢個價錢呢啲野好抵食！😝貪食既我地除左仲拎左主餐牌睇🤓均衡飲食叫多個菜食！係咸魚芥蘭！炒得好香！讚！推薦大家如果想食個又平又豐富既lunch可以考慮下呢間餐廳呀😇!

好耐都無去過銅鑼灣金伯利食野了，哩度長久以來都食店林立，朋友們最後決定去8/F度食泰國菜，餐廳環境寬大寧靜，劃分左不同主題區域，如果情侶二人來，餐廳會安排坐外形似山洞內的二人枱，唔想甘浪漫，旁邊會有些四人卡位枱，帶位小姐安排我地坐大廳長枱，我地研究叫咩食物時，其中一個朋友因為太肚餓，所以唔理三七二十一叫左碟海南雞，話食住慢慢等我地諗，我地最後拍板要明爐青檸烤魚、燒羊扒南瓜汁及豬肉炒干河粉。我地未落完單，海南雞便到了，一碟有半隻雞既份量，旁邊有兜橙色既泰式醬汁，點住黎食，酸咪咪又帶點辣會更加開胃及好味。跟住炒河粉接住上，寬身的泰國河粉味道炒得剛剛好，唔會太咸，加上配料有西蘭花和椰菜花，唔洗淨係食肉甘單調。店員小心翼翼地送上青檸烤魚，器皿下面有個小火爐熱住，朋友們食得都很開懷，還另外再叫了個白飯去配食，羊架接住黎埋，好多南瓜汁，羊架食落好淋身，南瓜汁內仲有些炸芋頭，D汁撈飯食一流，我地個個都食到好飽。

今日行開銅鑼灣，朋友提意食泰國野，行開見sogo對面，金伯利商場有間泰國野(泰式食)，就上左上去試下啦。餐廳裝修都幾有氣氛，一入門口有架特色車仔，又有D泰式相框裝飾，又播住D舒情歌，感覺都幾放鬆舒服，好啱同朋友、情侶黎食下野。餐牌都有幾多野揀，有辣有唔辣……我同朋友2個試左以下野食。蟹肉炒飯: 清清地，有少少蟹肉、炒蛋、青菜，甘啱我地又叫左咖哩海鮮，配咖哩一流。一下就清哂D飯啦……三色咖哩海鮮:一隻辣椒標籤但黄咖哩唔太辣，都幾香滑。用三色椒盛住D海鮮，食完咖哩，仲可以食埋三色椒，都幾得意，色香味俱全。海鮮用料十足，有青口、蝦、魚、魷魚條、蟹肉，兩個人都好夠食，D咖哩汁超多，好好送飯……最後我地仲叫左個芒果糯米飯做甜品，有紫、白糯米。通常都係只配白糯米飯，配紫糯米飯都幾好，加上香濃椰汁，都幾好味。估唔到金百利樓上都有食物及環境不錯嘅泰國餐廳。

作為一名健身教練, 除左識教仲要識食今晚無堂上約左朋友食飯, 比人帶左上金百利食飯本人極度鍾情於泰國, 對thai food更加不能抗拒可能因為咁, 朋友揀左依度, 我第一次黎, 行左入依個門口之後, 從此我就發現左哩個咁有泰國風既食飯地點行到入去, 心裡面真係哇一聲, 差d以為自己去左central world d靚餐廳食飯, 依度既裝修已經令我即時融入左泰國, 門口擺左架tuktuk! 話時話, 買左機票8月去bangkok, 佢咁樣引一引我攪到我勁囉囉攣好想快d飛木雕呀蠟燭呀花盤呀好掛住泰國呀依個2人卡位我好中意! 我地坐低左另一邊, 出去toilet個陣順便望下佢其他位, 就比我見到個咁特別既2人位!芝士焗蠔芝味生菜包係泰國專用既鐵匙羹呀!(泰國fans一定知)生菜有修過, 上碟賣相就會靚, 切左最嫰綠既部分比客人, 有誠意肉碎就唔洗講啦, 加埋配料炒得香。靚仔明爐青檸烏頭有魚有肉有菜, 就成為營養豐富既一餐。明爐烏頭雖然落左好多蒜, 但勝在有青檸fresh番, 不失鮮味冬蔭公解渴! 係解泰國癮既渴呀係度頂住條泰國癮先啦芒果糯米飯芒果juicy, 椰漿唔會死甜, 糯米飯夠熱夠

今日逛完Hysan就去金百利食飯, 一如以往等都排哂長龍, 因為依度真係太多野食~ 今次又黎8樓食泰菜, 依間餐廳係我係銅鑼灣食泰國野既必選之一! 因為貪佢環境贏過好多餐廳, 可以舒舒服服咁食個晚餐傾下計一入門口就會見到依架鎮店tuktuk點解咁中意依間餐廳既環境, 因為上至天花下至地板, 見到每一眼既野都係充滿泰國風情, 真係可以媲美泰國高級餐廳。淨係座位已經有幾款, 哩個包廂式就適合一大班人~格硬搵既話, 哩款卡位已經算係全鋪最普通既位, 但係已經好靚!隨便一個角落都會有detail位, 泰國雕像, 木雕, 石牆等等, 有種令你完全融入泰式風情既感覺環境已經攞哂分, 食物當然都重要! 今晚叫左一個2人餐再加冬蔭公同甜品。芝士焗蠔大隻, 唔會因為焗蠔而用唔新鮮既材料, 無腥味!芝士焗到金黃好香生菜包食親泰菜都會叫生菜包, 賣相靚生菜新鮮夠嫰綠哩度既生菜包肉碎係偏向瘦肉多d, 炒得夠乾身亦夠哂香泰式青檸明爐烏頭除左青檸之外仲加左好多蒜蓉, 香到呢! 一路滾住一路食超正, 魚肉索埋d汁正冬蔭公哩個係2人份, 兩個人好夠飲! 佢唔算好辣, 但香料味又夠刺激芒果糯米飯最後食埋個甜品就最滿足

因為我和朋友會每月一聚，所以就選了一天出去銅鑼灣聊天，通常一想就想到金伯利廣場，因而比較多餐廳和小店，在眾多餐廳之中，就膽粗粗一嘗這間泰國餐廳。它給我的感覺是很有個人風格，除了裝潢設計很有泰國街頭氣氛外，還有一架搶眼的tuk tuk ，很有心機佈置呢！我們四人光顧，最後沒有點套餐，散點了一個原個南瓜焗海鮮飯$128，一份青咖喱龍眼鴨胸$108，泰國椰菜苗$90，兩碗白飯$15，薄餅$30，蒜蓉炒西蘭花$72。飲品有珍多冰$35，龍眼冰$35，兩杯芒果沙冰$38。而甜品則有椰汁千層糕$38 和椰汁西米糕 $38。南瓜焗海鮮飯兩款賣相很吸引呢！不過略嫌南瓜味道有點怪，而海鮮不太新鮮，我們都不太喜歡。至於主菜咖哩方面，配飯和薄餅都可以接受！至於飲品就正常，沒有太突出。雖然食物一般，但環境舒適，四人光顧得愉快，這間餐廳可以一邊聊天，而且氣氛不錯，大家可以一戰！

我同frd叫左個海南雞同冬陰功同兩個飯跟住個伺應走去同人講我地叫左兩個餸 心諗關你咩事 即刻冇心情食...其實我可以唔食架 周街咁多野食 搵第間有幾難姐...宜家亦都唔係你係老細 你講呢啲嘢做乜？？？？唔知咩心態...肥肥地個呀姐真係唔知做咩事得罪左佢（叫嘢食少左啲姐）恭喜你少左兩個客 嘢食都麻麻.................個海南雞好乾....啲汁都麻麻！個冬陰功係ok嘅。都唔知點解會咁多人幫襯，態度差到咁！！！！！！！！！！