泰式食

营业中

休息中

近排成日去銅鑼灣變相都發掘左好多平時無去開既餐廳今次想介紹既呢間響sogo對面既金伯利中心坐lift去到八樓就ok一出lift就比bling bling既燈光吸引係我去過最靚既泰國餐廳入面原來仲有架tuk tuk可以比人打卡鐘意泰國風情既朋友一定要黎啦！我覺得呢到都幾特別有啲比普通泰國餐廳較少見既野食呢款椰青荔枝湯超級清甜，椰子水本身都好甜配埋荔板肉丸係甜上加甜 超好飲豬肉丸仲加左蝦肉打成 帶起鮮味平時食咖哩都好少見咖哩芒果牛肉呢個配搭估唔到又出奇咁夾 咖哩椰香味濃而且亦因芒果而帶微甜適合想試咖哩又怕辣既朋友配埋脆脆薄餅就一流 點哂啲汁我地仲叫左個泰式乾炒河 要左豬肉炒河味道幾好 唔會過咸 而且炒得乾身唔油膩豬肉片好爽口 整體都非常好食炒椰菜苗 平時食到既都覺得太咸呢到清清地幾唔錯 蒜味超香我地兩個分別叫左兩杯野飲芒果沙冰同青檸梳打 一個超甜一個超酸梳打酸尾尾好開胃 不過我就鐘意沙冰多啲夏天咁熱 飲番杯冰即刻爽哂！

門面同餐廳內部裝修都十分有泰國風情員工都有好多泰國人套餐好抵食, 選擇都唔少不過今日唔太肚餓, 所以冇揀到套餐飲品選擇都好多, 唎到係其中一頁我地揀左芒果沙冰同埋青檸梳打青檸梳打($35)青檸味十足, 好夠氣, 十分清新芒果沙冰($38)似用果汁打, 好大杯,都不錯椰菜苗每次食泰國菜都會叫蒜味好香,夠熱!泰式乾炒河好多配料,肉都唔少,味道唔會太鹹原個椰青荔枝湯好熱,好味!湯好香濃椰子味荔枝唔太出, 但比起就咁椰子湯既分別係會多左種甜味荔枝包住d豬肉同蝦肉碎, 荔枝肉仲有少少甜味好多椰子肉係湯到芒果牛肉咖哩咖哩幾甜口, 應該係因為加左芒果中和左咖哩既辣味連唔食得辣既女朋友都話好味牛肉都好滑用黎點咖哩食好正

今日同一班朋友去銅鑼灣食飯，近近地就去咗SOGO出邊嘅商場搵食，朋友一向都係泰式食物嘅fans，所以就去咗呢間餐廳啦，一入到去，個裝修實在好俾心機，一入門口就有一架篤篤，座位都好寬敞，好適合一班朋友傾計談心。由於今日大家都唔係特別肚餓，所以我哋最主要都係去飲吓嘢為主😂😂見到menu啲咁凍冰冰嘅飲品，我哋幾個注重養生嘅女仔都忍唔住要咗！我哋每人嗌左一杯特飲，包括珍多冰、龍眼冰，同芒果沙冰，芒果沙冰賣相好靚，飲完仲要透心涼添，good!原個南瓜焗海鮮飯: 海鮮有蝦、魷魚同埋蠔等等，份量中等，味道OK!我地刮咗南瓜肉尼試下，但有少少奇怪，我就唔係太鐘意啦。青咖喱龍眼鴨胸: 鴨胸肉質軟惗，加上青咖哩，味道唔錯。而龍眼加咖哩汁真係第一次試，係好特別...由於叫咗個咖喱，我哋就叫多2個白飯送咖喱，店員好細心咁提我哋白飯嘅份量比較多，建議我哋轉一個飯做薄餅，薄餅唔錯！蒜蓉炒西蘭花: 呢個西蘭花比較有家常小菜嘅感覺，蒜蓉味唔會太重咁咸，清清地幾好。泰國椰菜苗: 椰菜苗都比較清淡，可以中和下咖哩嘅重口味。-食完野見到有少少飽，我哋幾個就直接叫甜品啦，就係椰汁千層糕同椰汁西米糕。我個人就比較喜歡西米糕多啲

肥仔已經差唔多有成兩個月冇食泰國嘢，好掛住冬陰功，好掛住泰泰，雖然未有假去到，泰國不過都左唔到我食泰國菜㗎~充滿泰泰風味嘅裝修~成架篤篤都可以拍喺入面，太誇張啦食返個野味嘅飛天通菜先~辣得好爽嘅冬陰功湯，酸味啱啱好，內有大蝦!飲完個湯，肚餓感即即爆晒出嚟，我要啟動大食機制!!泰式嘅椒鹽魷魚，帶辣味，味道都幾重，魷魚爽口都算新鮮，飲埋泰啤就正喇~泰式嘅炸炸3寶，蝦餅魚餅加春卷，蝦餅好有彈性，見到入面有蝦粒，誠意之作。清甜嘅椰汁榚，就緊係要試啦，感覺似大菜榚爽口，椰味都好濃!

又去到每月一聚既姊妹聚會啦，近來同姊妹們有啲愛上左食泰國菜，今次試下呢間「泰式食」，究竟係咪真係識食呢？😏難得大家早早放工，7點半已經齊人去到餐廳，因為仲早，果到唔多人，唔洗等位。🙈－一入到去，大家都WOW一聲，裝潢真係好靚，好似入左一個夢幻國度既，色彩繽紛而且有泰國既味道。😍－野食都係典型既泰國菜式，冇乜特別驚喜。我地叫左2個菜，一個飯，一個咖哩。原本想叫3個飯，但係老闆娘(?)話怕我地食唔哂，建議我地叫薄飯，於是叫左一個白飯+薄飯。🤔－芒果沙冰賣相好得，好大杯，姊妹話唔會酸。😚－泰國椰菜苗上枱既時候，其實我地都幾愕然，因為本身諗住會大碟啲，點知真係幾細碟下。😭椰菜苗唔會苦，整體味道似普通既蒜蓉炒椰菜苗。－蒜蓉炒西蘭花呢碟好似仲少過椰菜苗。呢個真係蒜蓉炒啦，好難伏既，味道合格。🤔－原個南瓜焗海鮮飯如果佢啲飯係擺得鬆啲，賣相應該會更吸引，不過「UT」實左啲飯係多啲既。😂海鮮既份量中規中矩啦，飯既味道偏甜，好香既南瓜味，藍妹幾鐘意。不過本身個南瓜真係敗筆，就咁「不」啲南瓜肉黎食既話，係酸既，藍妹覺得有種唔新鮮既感覺。😱－青咖喱龍眼鴨胸青咖喱食唔少，不過真係冇食過配龍眼既。藍妹能夠明白配龍

lovely and adorable interior with beautiful lights, statues and bikes. They definitely put effort in it which i really really liked! seats were comfortable aswell. I highly recommend if you want good booth seats to come at 6pm, as afterwards it gets quite crowded. very nice and accommodating staff, but since the machine to put orders was right next to our table it became a chilling place for waiters. It was a bit uncomfortable as i felt our conversation was being heard.My friends and i ordered p

銅鑼灣樓上舖有好多選擇，點解要揀呢間呢？因為呢間泰抵食，又比較好吃😋在銅鑼灣食個午餐都要$60以上，有時想食好少少，都已經要$80或過百以上。今次介紹呢間食泰國野$55-$70不等，但勝在有湯，沙律🥗任飲任食。中午最怕人多要等位，而這餐廳地方大，中午不用預約亦不用排隊等位也有位坐。坐位寬敞，坐得舒適。這是自助形式，可任食沙津，蝦片和湯。沙律內有蘋果，火龍果，薯仔，材料新鮮，蝦片好脆不會覺得油膩和熱氣，仲會不停添加，確保新鮮這個真是名副其實濕炒河，超多汁，如果本身唔鐘意多汁，就可叫乾炒河。有各款菜和豬肉，河粉比較闊身，味道不錯紅椒，青豆，雞肉，青咖哩不太辣，適合食唔到辣而又想食咖哩既人，但撈出前一丁比較淋溫馨提示，配凍飲不用加錢，可試凍泰式奶茶總括:午餐之選，值得一試

近期愛上泰國菜，今晚就約左係銅鑼灣返工嘅舊同事到金百利廣場嘅泰式食聚聚舊。餐廳裝修充滿泰國特色，難得租金難頂嘅銅鑼灣區可以找到空間感大，座位舒適嘅食市。而服務員大部分看似是泰國人，服務質素相當高。海鮮、蔬菜、小菜、飯、粉、咖哩、糕點、甜品、鮮果汁及特飲等等.....見到圖片已經雀躍興奮，急不及待點餐啦仲有仲有：本期特別推介及自選2人套餐雜菇炒蜜糖豆以蒜蓉清炒雜菇蜜糖豆，除左食到獨特嘅蒜蓉香味外，仲食到腍腍嘅雜菇清甜味，及蜜糖豆碧綠鮮甜味，呢道小炒色彩鮮豔、清新健康‼皇宮大蝦蛋網炒貴刁賣相極吸引，蛋網做得很精細，大蝦新鮮爽口彈牙。內裡貴刁爽口乾身，酸酸甜甜，完全吾覺油膩。加上爽脆豆芽及嫩綠韭菜大大提升口感，炒得好香好正。又有少少辣粉點，令味蕾增添多一種滋味。椰汁千層糕 椰汁千層糕即叫即蒸，請預先order。剛蒸好的千層糕十分燙手，椰汁味香撲鼻，甜度剛好，口感軟糯煙韌，香滑不粘牙。今晚點嘅餐全部都好好味，份量比想像中大，地方又容易找到。值得推介，一定會再去試其他美食的

宜家喺銅鑼灣已經好少見到泰國菜嘅地鋪，所以都係上網搵，睇吓邊間好食。今日就試吓呢間泰式食。入到去地方都幾大，大到可以放架篤篤。今日兩個人去，咁啱又有個二人set,就試吓啦。海鮮冬陰公湯，酸辣味啱啱好，入面仲有海蝦，所以帶點鮮甜味。青木瓜沙律，清新爽口嘅木瓜，味道夠晒酸辣，非常開胃。椒鹽炒鮮魷，鮮魷都新鮮爽口彈牙，而外皮脆口，都幾嘢味!飛天炒通菜，鑊氣十足，辣椒同蝦米仔炒到勁香。泰式拼盤，有蝦餅，魚餅啲餅炸到脹卜卜肥嘟嘟，好彈呀，另外仲有熱辣辣春。

泰式食。泰識食是日突然好想食下泰國菜，酸酸辣辣刺激下味蕾。經朋友介紹銅鑼灣有間性價比高嘅餐廳，就去試一試！朋友無介紹錯！環境不錯，坐得舒服，食物價錢不貴，服務態度也好好！餐牌上有不少食物選擇，實有你心水！餐廳入面重有架tuktuk可以坐入去影相！好有特色！ 我們一行二人，點了兩個主菜，一個湯，兩杯飲品和送了兩碗甜品！紅咖哩雞扒飯配料正宗，有泰式圓圓的茄子咖哩味道偏甜，伴飯一流辣椒醬海鮮配飯味道很特別，偏向甜辣海鮮有炸魚塊，尤魚，蝦，青口還有大量配菜。份量十足正宗泰式冬蔭功材料依舊無偷功減料。有菇，蝦，車厘茄與一堆香料。味道偏辣，加點酸，很開胃口！飲品也是大大杯，糖水是分開上，客人可自行加上喜愛的甜度。檸檬茶的茶味比相像的好！不苦澀。椰汁西米露估唔到咁好味充滿椰奶香，又唔會太甜西米無煮得太淋確實係飯後一個好正嘅甜點今次得兩個人，食唔到好多款式。下次要再同一大班朋友嚟食至得😚

星期六加銅鑼灣，兩個條件加埋本已預計食飯一定會傷荷包，但竟然同朋友搵到呢間又抵又好食嘅泰菜，超幸運!店內環境不錯，仲有架泰國篤篤車，好有泰味。星期六仲有午市套餐，仲要只係$60，有飲品，更送甜品，我同朋友大呼神奇，良心午市。泰式炒金邊粉($58)，好食，蝦爽，碟邊有辣椒、花生碎及糖，混合一起更惹味。黃咖哩焗雞飯($58)，好多汁，雞肉份量都唔少，四五件大大件，咖哩汁偏甜味、椰汁味，好味。加左個沙爹串燒($68)，兩豬兩雞，熱辣辣，沙爹汁香濃，我和朋友覺得豬肉好彈好好味。雖然有套餐有甜品，但我們都係加左個芒果糯米飯($60)，超正，椰汁好香，夠稠，掛在飯上好香。有白、紅兩款糯米，我覺得紅色更香，芒果好甜，好滿意呢個甜品。跟餐甜品都唔hea，係好好味嘅椰汁西米露，好香椰味，唔係死甜，西米都煮得剛好，好欣賞呢間店嘅食物。跟餐飲品，都OK，奶茶都唔錯。成餐食到好飽，平時黎簡單叫個套餐都好足夠，性價比高，食物好食。

上星期收工後約同事食晚飯，公司附近有間泰式餐廳，經常見門口常常擠滿多人輪候，出於好奇跟住入去試下。見到餐牌價錢都好實惠，套餐都唔貴，最出名係冬陰功湯，端上桌上已經聞到香噴噴，微微辣味，不算太勁，濃蜜香甜好滋味，招牌就真係招牌。一碟炸素菜春卷，賣相好吸引，金黃鬆化，內心素菜清香怡人。主菜海南雞都頗出色，油光閃令令，外皮滑捋捋，爽脆非常，大廚功力功不可沒，大大份量，看到已經急不及待，迅速送進嘴裏，雞肉幼嫩鮮香，有多種醬汁提供，可帶出多種不同味覺。招牌菜還有炒雜菜，將各種蔬菜炒得出色，能成為招牌菜，大廚又記一功，還有白飯跟甜品送上。另一個菠蘿炒飯，都係大廚得意之作，鑊氣夠，飯粒顆顆圓潤飽滿，多款配菜加上菠蘿甜蜜蜜，香氣逼人，夠清爽可口。佢嘅泰式椰汁紅豆冰，都不遑多讓，十足材料，十足味道，冇花假。呢一餐真係有意外收穫， 日後同事們，又多一個醫肚嘅地方。

今日兩姊妹做完facial 心情靚靚，跟住走去大吃一餐，我哋都好鍾意食泰國菜，呢間我哋之前都嚟食過，非常懷念。今次我哋點了二人套餐， 佢嘅精品就係冬陰功湯， 話明係精品味道當然頂呱呱。一款炸素菜春卷，脆卜卜，滿滿的內心食材，清香味甜，外皮鬆化，非常匹配。我倆至愛嘅海南雞，外皮爽脆，油光閃閃，一啲都唔肥，肉質幼嫩鮮甜質素極高嘅食材。一款招牌清炒雜菜，招牌菜的確係招牌菜，多款鮮嫩素菜，不用肉類配搭都能炒出極之美味，清爽宜人，還配有白飯跟甜品。還有一碟菠蘿炒飯，正宗泰式手作，飯粒顆顆清爽 煙韌，菠蘿甜蜜蜜配上多種配菜同炒，鑊氣非常。至於飲品佢嘅椰汁紅豆冰都好出色，材料充足，椰香撲鼻，紅豆綿綿，甜味調教得剛剛好。甜品西米露都好清新❤️最後我倆吃到肚子滿滿的 心情靚靚地回家。

假日要到銅鑼灣吃飯大多數都要排隊等位, 金百利廣場也不例外, 排隊等候升降機的人龍好像永遠剪不斷似的, 大概是因為這大廈有着很多家餐廳的原因吧!♂▴ ▾ ▴ ▾ ▴ ▾ ▴泰式拼盆 $108• 魚餅香茅味重, 很彈牙• 春卷以木耳蘿蔔粉絲作餡料, 外脆內軟• 蝦餅偏鹹• 即叫即造, 整體合格▴ ▾ ▴皇宮大蝦蛋網炒貴刁 $108• 蝦炸得又乾又硬• 與花生碎, 砂糖, 辣椒乾混合後, 每口都吃到花生香▴ ▾ ▴飛天通菜 $72• 菜份量較少, 賣相平平• 餐牌上表示辣度有兩隻辣椒, 感覺只有一隻辣椒⓺

今次黎到銅鑼灣既泰式食，久違了既泰國悠閒。環境方面裝修十分之架勢，就算香港地地價咁貴，呢間既裝修亦不亞於泰國餐廳既裝修，正所謂打邊爐最緊要係個爐，食野最緊要係個環境。所以未食都已經感覺唔差。食物方面頭盤黎左個青芒果沙律先，酸酸甜甜幾開胃醒神之後到佢個炸魚餅炸春卷，一食落口就feel到好熱，應該係岩岩新鮮炸出黎，正再黎就係個泰式魚，呢道菜有少少辣，食落又開胃，魚唔腥，都算幾新鮮，有少少骨，小心啲食羅宋湯就不過不失，有唔少菜食下，增加下纖維