泰式食

营业中

休息中

來銅鑼灣食泰國菜，立即令我諗起Sogo附近，金百利商場樓上，有間非常抵食又好食既泰國菜～「泰式食」,因為佢除左有好多午市套餐選擇外，仲有個mini自助沙律bar, 同兩款餐湯任飲，而且午市套餐價錢仲非常實惠，所以每次食lunch又想食泰國菜，我一定來「泰式食」!!~泰式帶子炒粉絲 $60 (加$8配特飲，果粒水蜜桃汁)帶子非常大隻，煎得外脆內嫩，帶子好新鮮，而且肉質非常彈牙爽口，配埋炒得酸甜惹味，又有鑊氣既粉絲，值得一試!!~ 果粒水蜜桃汁有好多果肉，蜜桃味濃，清新又解喝。原個椰青焗飯 $60 (加$8配特飲，龍眼冰)焗飯賣相非常吸睛，係原個椰青甘上，份量不少，而且帶有點點椰青同淡淡椰子汁既香味，又有雞肉做配料，食完非常滿足!!~龍眼冰非常清甜，有啖啖龍眼肉，又夠大杯又夠冰凍，消暑一流!!~泰式海南雞半隻($90)海南雞雖然沒有去骨，但雞肉十分嫰滑，不太肥亦不太瘦，而且份量不少，仲配有泰式醬汁，酸甜味道恰當，呢個價格來講實在抵食。自助salad bar有一款泰式沙律，炸雲吞，及兩款餐湯，作為前菜，又可以任食，而且味道不錯，非常開胃, 「泰式食」，我一定會再來呵!!~

接男友收工一齊晚飯，佢話公司附近有間泰菜想試，好～泰菜食極唔厭，就陪你食！係樓下已經見到佢個招牌間野好大，環境唔錯，寧靜舒服呢個角落好靚，如果多人黎食坐呢度幾正飛天炒通菜～我去泰國必食！唔知點解泰國d通菜特別好味，你地覺唔覺？係咪品種問題呢？雖然呢度既通菜無泰國咁原汁原味，但都有80分～蒜蓉同麵豉味道出眾，十分惹味泰式帶子炒粉絲～味道其實同Pad thai差唔多，撈埋花生碎同辣椒粉仲有少少糖一齊食，好正帶子肥美大大粒，彈牙，鮮味十足。咖喱炒海鮮～呢碟味道普通，咖喱味淡，個汁略嫌杰左少少，如果撈飯可能適合d.泰式鳳爪～食泰菜唔少得既小食夠酸夠辣，十分開胃歎番杯泰式奶茶～茶味好香濃，同泰國街邊飲到既超似最重要係呢度既員工都係純正泰國人，食埋份地道感服務仲好好，可以再食！

今次是星期日來吃，但也有Lunch set 食，包凍飲及糖水。今次點了泰式帶子炒粉絲，飲凍檸茶，仲送椰汁西米露。主菜的帶子炒粉絲的味道不錯，而帶子也算大粒，不會過分熟，煮得剛剛好。但凍檸茶就一不太好飲，因為很淡，像沒有茶味一樣，而檸檬味也不出，加了糖水會出多少少檸檬味。但重點係凍飲唔會再額外加錢，也算是這樣吧～椰汁西米露係好濃，好味，十分滿意。總數也只是$66，於銅鑼灣來說，也是平而好吃吧～食店環境不差，不繁忙時也會安排一個人坐一張4人枱。

估唔到鬧市都仲有餐廳佈置係咁有心思泰式餐廳真係泰式theme仲捨得spare咁多地方出唻感覺好似細個時候去沙嗲王咁 十幾年前真係用好大地方佈置個海盜theme餐牌選擇好多價錢就同普通泰國餐廳差唔多椰汁紅豆冰泰菜多多少少都預佢有啲辣同多調味點都要嗌杯嘢飲另外嗌咗個二人餐 芝士焗蠔火候啱啱好芝士鎖住哂蠔肉嘅熱力同水份上碟咬落去嘅時候覺得蠔肉仲喺入面滾緊Set仲有呢條青檸烏頭熱辣辣滑滑溜溜不在話下而且青檸汁好開胃 淨係個汁都可以送成碗白飯蔬菜煲都幾有驚喜因為蔬菜唔止多仲好新鮮用粉絲煲上冇油好味又健康

早幾日終於等到Benedict Cumberbatch 既 the current war 上映啦 因為有UA既 Free Tickets, 就順便過黎銅鑼灣食野啦行過金百利 見有泰國野就上黎食啦一上到黎先記起其實之前我都有上過黎食一次都幾好食但係已經係好幾年前既事 係見番個隔局先記得佢有個main menu, lunch set menu. Lunch set menu 係幾抵既Around $55-60就已經有個meal再加野飲同埋甜品性價比其實係銅鑼灣黎講係高既首先呢就要咗個泰式蝦醬炒通菜平時自己炒既通菜就算落咗蝦醬都冇出面既炒得咁好食呢個泰式蝦醬炒通菜有濃濃既蝦醬味但唔會太鹹仲有少少既蝦乾放埋落去一齊炒成碟都好香一條菜都冇淨另外就叫咗個皇宮大蝦蛋網炒貴刁真係好特別 我都係第一次見有咁樣既炒貴刁個貴刁炒得好夠味好香但要注意番餸只係得大蝦一隻同埋蛋鐘意食多餸既人可能唔太啱啦伴碟仲有D花生碎啦 辣椒粉啦 砂糖啦 青檸啦 可以跟番個人喜好用唔用啦最後就要咗個set lunch 10即係青咖喱豬扒飯一放到埋黎 成碟既咖喱味香到一個點但如果係豬肉唔係豬扒就會再match D 啦最後本身就有

一入到去就見到成部tuktuk喺度 即刻有返去泰國旅行既感覺餐廳枱與枱之間空間十足 一定都唔迫值得一提既係餐廳空間設計方面出一大班聚會都無問題呀! 私隱度極高有自己空間又有格調 抵讚!!今次同朋友都嗌咗唔少野第一樣係泰式濕炒河唔好睇佢賣相普通 其實佢充滿鑊氣 個汁好濃厚  每一啖都充滿泰國風味泰式炸豬手個份量十分之大外皮香脆 肉同皮之間仲有層骨膠原再配上酸辣醬汁 十分有驚喜泰式串燒之兩樣質素都咁高 果然無令我失望熱辣辣之外 肉質嫩滑再配上沙嗲醬 一路打啲口水出返黎 嚟泰國餐廳點可以唔叫芒果糯米飯淡淡芒果肉配上椰汁啲糯米口感軟糯完全食唔停口除咗平時食開既白糯米仲有紫糯米 風味加倍餐廳食物水平高 服務態度又好 諗唔到理由唔再黎

餐廳喺金百利廣場8樓，一行出𨋢就見到，餐廳面積大，位置好闊落，餐廳有好多泰國風格嘅佈置。食lunch時間好多人客，差唔多坐滿餐廳，lunch set仲係半自助餐，有小食，有湯。而我地今次就單點左唔同嘅小菜。我地叫左原個椰青焗飯，泰式燒豬頸肉，野飲就叫左芒果沙冰。原個椰青焗飯──將椰肉刮左出嚟整焗飯，有蝦，芒果，椰肉等等。個汁唔會太濃，所以食到椰香味，可惜椰青算大個，所以飯嘅份量唔算多。泰式燒豬頸肉──肉質中得瘦，而且係薄切，燒起上黎幾爽口同邊邊比較脆，配嘅汁甜甜地帶好少嘅辣，幾惹味。而芒果沙冰就大大杯，沙冰冇好大舊 ，打得夠細，用飲管都唔會塞住，芒果味都幾香。甜品就叫左椰青大菜糕，好香椰香味，大菜糕入口唔會太實，好食。

之前午飯時候去左“泰式食”泰國餐廳食午飯。都等左一陣先有位，出面都仲有其他客人等緊，鋪頭都幾大，仲有分開唔同區域嘅坐位，所以食飯環境唔會太嘈。食物方面，推薦佢地嘅椒鹽軟殼蟹，軟殼蟹唔會太鹹，而且外面夠脆，裹面就仲保持到軟熟，食起上黎更加唔會太油！而椒鹽爆得好香，味道好而且乾身，送飯一流，而且椒鹽份量超級多，可以送到5,6碗飯都冇問題～而飲品就叫凍柚子梳打，飲落好清新，啱唒一邊食D重味食物，一邊飲。最後甜品就叫左芒果糯米飯，紫糯米飯同白糯米飯係熱上子，同埋切條嘅芒果，份量都唔少，紫糯米飯好香，好煙韌，而白糯米飯食起上黎就有少少滯，建議同2, 3個朋友一齊食，芒果都夠香，而且擺碟擺得好好睇。餐廳環境好，野食都好食，服務亦唔錯。

今日經過銅鑼灣金百利一到中午時間就會有好多人係門口派傳單介紹樓上餐廳,咁啱隔左段時間無食泰菜就上樓上食下.入到去睇得出餐廳既裝修都放左唔少心機,放左好多泰國特色擺設,內裏空間都幾大.午餐$50-$60係銅鑼灣地段黎講差唔多,原來呢到除左午餐包一份主食同餐飲外仲有自餐形式係出面緊以任食沙律,蝦片同泰式/中式餐湯.泰式濕炒牛河粉有好多蔬菜做配料,河粉底用寬河粉更易吸到濕炒河既芡汁,牛肉用鮮牛肉有肉既質感,真材實料.原個椰青荔枝湯好足料內裏掘晒椰青入面既椰肉再放上釀左豬肉既荔枝同雪耳原個燉,出黎個湯好清甜又唔會因爲有豬肉而好濁,反而豬肉有助調味有少少肉香無咁齋.椰青大大個椰青水清甜又解渇夏天飲一流.

中午一個人吃午餐，來到金伯利廣場。金伯利廣場雲集各種美食，這次我選了這間為放8樓的泰式食。走進餐廳已經人氣湧湧，座無虛席，等位等了幾分鐘，想節時間就要早點來吃。餐廳室內環境充滿著泰式風情，更擺設了一架篤篤車，影相打卡一流。午市套餐是半自助式，可無限任添湯，沙律及蝦片，可包一杯飲品，價錢大約50至60元，一點也不貴。我最欣賞就是冬蔭公，酸酸辣辣，真材實料。燒豬頸肉炒出前一丁豬頸肉燒得脆口，與出前一丁的味道很夾。珍多冰很傳統的泰式飲料，甜得來又有椰香。沙嗲串燒總共有4串，兩串豬，兩串雞，豬肉和雞肉沾上沙嗲醬，肉質嫩滑又有濃郁的沙嗲花生香。芒果糯米飯用黑糯米和香糯米搓成兩球飯團，加上椰汁，有陣陣的椰味，芒果也很鮮甜。非常滿足的一餐，絕對有下次。

好耐都無食過泰國野喇，於是就系open rice嗰度搜尋啊有乜泰國嘢食，因為我住港島區，所以最終揀咗去一間銅鑼灣嘅泰國餐廳食泰國嘢。噉今次我哋係午餐時間去嘅，噉去到見到有個午餐menu，裏邊都有成十幾樣嘢揀嘅，噉價錢都係50幾元左右，其實都幾吸引嘅，仲會包埋餐飲同埋甜品嘅。睇完meun之後，最終我哋都係叫咗啲小菜食啦，有串燒，西蘭花炒帶子，架哩雜果大蝦，而我最欣賞當然係呢個甜品，椰汁千層糕，噉一碟有六件，我覺得椰汁千層糕最緊要嘅就係椰汁夠香，同埋咬落去嗰陣時有煙煙韌韌個隻口感，噉呢度的千層糕呢兩樣嘅感覺都可以帶到畀我，所以我都幾推介大家嚟到必食啊，噉價錢嚟講呢個千層糕38元左右。間餐廳嘅位置喺sogo隔離啊，位置都算方便啊。

上網見到銅鑼灣有間食泰國嘢，噉見到個裝修好特別，於是就去食下。去到果然見到個裝修係唔錯嘅，因為佢有個泰國嘅篤篤車擺咗喺個門口嗰度，畀人個感覺好似置身於泰國噉樣啦。食物方面我觉得最好食嘅就係嗰个串烧啊，噉我哋点咗猪同埋鸡串烧啦，串烧最紧要就係嗰个酱汁啊，噉佢嗰个沙爹酱，的而且确係有，好濃烈嘅沙爹同埋花生味嘅，噉我哋哩叫咗啲飯，噉用嗰啲沙爹醬撈飯再加埋個串燒係唔錯嘅。另外一樣嘢值得推介嘅就係咖喱鮮果大蝦，噉佢嗰大蝦都幾彈牙，有口感嘅，另外佢加咗d鮮果落去，變咗嗰個咖喱酸酸甜甜噉，呢個配搭係幾特別嘅。坐嘅位置方面因爲我哋早嚟啊，噉我哋兩個人可以坐張四人枱，仲要係窗口位，間餐廳12点鐘開，我哋12點15分已經到喇。

同老婆二人在銅鑼灣行完街搵食，見到金百利廣場上樓有好多食店，就去左間食泰國菜的試試。入到門口見到好多裝飾擺設，仲有架tuktuk係度添，還見到有live band唱歌，感覺良好，而且這間店都好大間，夠晒空間感，再睇menu食物價錢都係大眾化👍🏻。天氣咁熱，先點杯奇異果汁🥝比老婆解解渴(夠fresh)我自己要左杯芒果沙冰，賣相不錯👍🏻。跟住叫左個泰式拼盤，其中蝦餅是我的最愛，炸到金黃色，脆卜卜，再點泰式雞醬真係無得輸，還叫左半隻海南雞，雞肉好滑，仲有點了半打串燒（我選擇了3串雞及3串牛），燒得岩岩好，雞串同海南雞一樣，雞肉好滑我見到老婆個樣就知佢食得好滿足，還有晚飯我兩都會叫碟菜食（泰式炒菜係炒得幾嘢味）。滿足👍🏻

泰式食幾乎係我嘅飯堂， 因為我喺銅鑼灣sogo返工，所以基本上日日都食金百利，而泰式食亦都係我最鍾意食既舖頭之一，我基本上每一次黎我都一定叫呢個豬頸肉飯， 啲豬頸肉真係整得岩岩好，佢唔會整得太乾，同埋佢嗰個泰式酸辣汁點埋豬頸肉食簡直就係無敵，酸酸甜甜咁好開胃，食到連嗰度個姐姐都記得我同埋佢一至五3點後黎食好抵食架$45+10%包湯包熱飲，如果3點前食就會有埋啲小食任食，我今次就蝦片同埋雞肉沙律，不過個飯就$58+10%

環境4分：樓上餐廳地方好大位夠闊，周邊有好多樹木同樹洞，猶如置身於森林內，好原始好raw，燈光暗暗地加埋七彩嘅裝修好涼好舒服，窗口位有景睇，可以畀四分。衛生4分：餐枱完全唔立，有叉，羮，紙巾呀咁，一樣可以畀四分。服務 5分：樓面顆記好熱心推介午市套餐每日十二點同三點都包左任飲湯同沙律，落完單五分鐘內有得飲同有得食，夠效率，比佢五分。味道4分：1)      例湯有泰式冬陰功同中式例湯選擇，紅蘿蔔例湯好清甜。2)      任食沙律好泰國feel。3)      個飛天通菜好有鑊氣，Ｄ菜唔油，好爽好脆，夠辣好野味。4)      個燒豬頸肉炒出前一丁Ｄ豬頸肉超爽又唔肥，出前一丁又夠乾爽，好好食。5)      泰式濕炒雞河粉Ｄ河粉大塊但夠薄，好軟好淋，Ｄ雞去曬骨又好juicy。抵食5分：五十幾蚊一個午市套餐包埋任食沙律同餐湯，凍飲都唔使加錢，要比加一都超抵，畀硬五分。