泰式食

营业中

休息中

前幾日同朋友經過銅鑼灣，去了這間餐廳食lunch😋裡面環境很美，是打卡的好地方😂而且座位又寛，坐得很舒服👍我們叫了泰式帶子炒粉絲，配熱檸水，食材很足料，帶子很大粒，粉絲很幼滑，加少少辣味粉更令我開胃😋😋 我們另外還叫了西蘭花炒鮮鱿: 西蘭花很入味，鮮魷以及鮮菇也很新鮮👍👍吃完正餐，當然還意猶未盡，我們忍不住點了個甜品吃:梛汁西米糕，裡面耶汁味很濃郁，西米很有口感😍😍我朋友點了珍多冰作為餐飲，他說想不到裡面食材也很豐富，除了綠色的果凍之外，還有他最喜歡的大樹菠蘿，切成絲，咬下去時一樣很有口感😋😋 而且飲下去時，耶汁味亦濃郁👍👍整體上，我們都很滿意這間餐廳，除了食物美味，環境優美之外，店員也很nice👍👍

上星期到了這間泰菜餐廳吃了午餐set，這兒的環境好Amazing，我和友人彷彿進了一處泰式洞穴進餐，內有彿像，泰國傳統裝飾，位置寬敞整潔，燈光幽暗有情調，氣氛唔錯。兩個午餐set，分別是泰式豬脾飯和辣椒膏帶子炒飯，我們也叫了一客芝士焗蠔。先談焗蠔，跟泰式扯不上關係，但蠔肉厚，海水味濃，加上芝士香濃可以平衡蠔味，吃落juicy，不錯。至於泰式豬脾飯，鹵水味道恰恰好，入味的，隱若嚐到泰國香料的味道，鹵的時間夠，吃到豬皮與肉的腍透膠質，而且肉很鬆軟，汁醬佐飯更為美味。至於炒飯功夫要讚，絲苗有米香，加了辣椒膏的炒飯，食到蔥蒜和香料又帶小辣的味道，而且飯炒得夠爽身，粒粒分明的炒飯配以鮮味帶子，份外香口惹味。很好吃的泰菜!

平時經過銅鑼灣金百利廣場都有好多派傳單姐姐，知道樓上有好多不同餐廳，最近就去左八樓［泰式食］🍲🍛🍢近門口位置有架tuktuk ，裝飾得好別緻添！餐廳環境偏暗，佈局充滿泰式風格，休閒舒適！近窗位置仲可以見到街景。以鬧市旺區來講，套餐定價都好平，飯麵跟飲品加甜品都只係$60-70，唔怪得當日晏晝去見到好多上班族來食lunch泰式海南雞飯 $60朋友好開心，因為有雞脾位🍗🍗佢仲改左白飯添，雞肉嫩滑。泰式豬手飯 $60豬手用炆既方法整，肉質比較硬實味道夠入味，份量都好足夠西蘭花炒帶子 $126我地見有時間就另外叫多個小菜，真係估唔到有咁多帶子啵比平日食到只有小貓兩三粒既大方得多而且煮得好腍身又唔會韌龍眼冰最後仲有個西米露做甜品無可否認，咁豐富既lunch係幾抵食！係銅鑼灣返工既朋友都唔怕食到窮🙈🙈

銅鑼灣唔少樓上餐廳都幾抵食，最近就發現左呢間泰式食。一入門口就比佢充滿泰式風情嘅佈置吸引，除左比較常見嘅泰式擺設如佛像、流水台外，最特別就係佢有架泰國的士Tuk tuk！我同朋友下午都食得比較飽，所以來到淨係叫左野飲同三樣野食share，分別係串燒、炒貴刁同一個甜品。龍眼冰&泰式奶茶兩杯野飲都唔錯；特別係個龍眼冰幾多龍眼肉！沙爹串燒豬肉同雞肉各兩串，兩款嘅肉質幾軟，唔會好實，同埋肉本身醃得好入味，燒得又唔燶，微微燒香過。佢個沙爹醬真係精髓，食落嚐到醬裡面唔同香料嘅味道，好惹味。皇宮大蝦蛋網炒貴刁呢個炒貴刁係特別有個煎蛋製成嘅網包住粉，賣相幾特別。上面嘅蝦好大隻，肉好多，炸得香脆可口。粉條伴芽菜、蛋一齊炒，醬汁酸酸甜甜，又唔算太濃味，炒得好好食！如果鍾意濃味D，伴碟有蒜蓉碎、辣椒粉，食個時可按個人喜好加入。椰汁千層糕充滿椰汁嘅香味，口感煙韌，呢個千層糕系剛剛蒸好熱辣辣辣上碟，建議攤凍一陣先食個口感更佳。

今日同朋友喺崇光百貨感謝祭瘋狂購物了一整日，大家都肚餓了。正當我們諗緊今晚食乜好的時候，附近有一間好好食的泰國餐廳，「泰式食」，一於試下。我地叫咗一客自選二人套餐 $338馳名冬蔭功湯侍應服務都幾好，好主動問我地洗唔洗幫我地分湯，加分。冬蔭功辣度剛剛好，絕對係香港人可以接受。酸酸辣辣都幾開胃，而且好多蝦，都幾足料。沙嗲串燒（豬 mix 雞）一人兩串，燒得剛剛好，肉質鮮嫩，幾有口感。配沙嗲醬汁真係無得頂。菠蘿炒雞柳菠蘿同青椒伴碟非常精美，未食已經加咗唔少分。雞柳嘅肉質好幼嫩，超好味。送白飯真係一流。飛天炒通菜食肉獸絕對要食啲蔬菜平衡一下，惹味又健康仲送甜品添！龍眼冰夠晒冰涼又解渴椰汁冰好好味，清新怡人門口有架泰國 Tuk Tuk，必到打卡位。餐廳環境都幾舒適，感覺有私人空間，唔會太迫。絕對有下次。

金百利有好多餐廳，不過比人伏過好多次，今次係令我刮目相看。.入面幾大，幾好feel，座位都幾有分隔，幾有私隱，燈光暗暗，幾有情調。溝女都係一個唔錯的選擇。.呢個餐好似幾抵食，所以叫左，星期六都有，唔錯。.泰式拼盤 （推薦指數：😋😋😋😋😋）相比起焗蠔同豬頸肉，好似拼盤最好食。每樣兩件，有素春卷、魚餅同蝦餅。要特別讚下個魚餅做得幾出色。蝦餅通常好難唔好食，我食過好多間泰菜的魚餅都麻麻地，今次令我喜出望外，做得好好食，個香料味唔會話太重。👍🏼🍤.明爐青檸烏頭 （推薦指數：😋😋😋😋😋）首先大條、新鮮、抵食，酸辣比例fit!無得頂。.泰式生菜包 （推薦指數：😋😋😋😋😋）要賺係生菜🥬好乾淨新鮮，肉會多過菜，可以包多d。.紅咖哩焗海鮮🦞 （推薦指數：😋😋😋😋）味道來講係好食的，紅咖哩係合香港人的口味，果陣香茅唔會正宗的咁攻，做得好。

又到sogo thankful week，約左朋友去食餐好再去血拼。我地揀左位於金百利廣場ge 泰式食，夠晒方便。我地兩個選擇困難症，一於揀個自選二人套餐，起碼揀少好多嘢😛馳名冬蔭功湯，食得泰國菜通常都會揀冬陰公湯，諗起都流晒口水。侍應好窩心咁幫我地分左兩碗。個湯好足料，而且味道水準都一流，飲完好開胃。小食揀左沙嗲串燒（豬/雞)，可以揀豬雞雙拼，燒得啱啱好，點埋個沙嗲醬，yummy!個人覺得串燒雞好味d。主菜揀左菠蘿炒雞柳，色水炒得好靚，食落酸酸甜甜，好岩餸飯。雞柳比想像中嫩滑，值得一讚。菜就揀左飛天炒通菜，色香味俱全，好味。二人餐甜品我地額外叫咗兩杯嘢飲，分別係龍眼冰同椰汁冰。埋單都係每人二百蚊鬆d就可以食到好滿足咁走，一個字：抵！

最近同媽咪都好想食泰國茶，咁岩果日係銅鑼灣行完街搵到依間係金百利既泰國野，點知原來超級好食。果日我地都幾肚餓，兩個人叫咗三樣野食，首先上菜係皇宮大蝦蛋網炒貴刁 $108，賣相比Menu張相仲靚好多，啲蛋網整得好有心思，有青檸同埋三重唔同調味粉，有糖、辣粉同埋蒜碎。好彩有叫到，因為真係食過返尋味，撈埋哂一齊食有好多種口感同味道，隻海蝦都好大舊，下次有機會一定會再食！之後食泰式拼盤$108 有三樣野，魚餅、蝦餅同埋春卷，魚餅同蝦餅都有個圓圈係中間，好似冬甩好得意。魚餅入面有啲香草，味道好特別，似係其中一種泰式香料，好野味。而蝦餅就係我最愛外皮金黃色酥脆得黎入面既蝦肉好有口感，咬落啖啖都好重蝦味。而春卷都好正好多料，有紅蘿蔔絲、青瓜絲同埋粉絲。最後食既係期待已久既芒果糯米飯$60，餐廳有問我地要唔要另上，我地話唔洗，不過其實當甜品最後先食係好啲既，如果想食都記得要叫佢最後食完其他先上呀，因為芒果糯米飯上面果啲係暖暖地既椰奶，淋咗落白糯米同紫糯米度，啲芒果仲要勁甜，同埋有成六至七片，有成舊芒果咁多，直情好食過以前係泰國食果啲。

銅鑼灣呢一間泰國餐廳係金百利中心樓上，一入到去見到裝修幾別出心裁，一於同老婆仔試試先話說大熱天時當然要叫返兩個大椰青降火解渴先啦，呢度既椰青真係大大個，而且好清甜啊。跟住我地就叫碗二人份量既椰汁雞湯。個menu寫住個雞湯有少少辣，但我飲落又唔算真係太辣，仲幾香甜添。而佢湯料入面d雞比肉都幾多。大大碗，大滿足跟住上黎既係炒椰菜苗。呢度既椰菜苗炒得幾有鑊氣，亦唔會太鹹又或者太多水。味道同口感都啱啱好，真功夫。跟住我地再叫個酥皮椰青焗海鮮。個層酥皮其實係煎薄餅黎，可以用黎點咖喱一齊食。一塊其實唔夠點，之後再叫多碟薄餅，因為我地無額外叫飯，咁樣叫法其實都幾唔錯。呢隻咖喱主要係又甜又香，唔會太辣，食完一啖接一啖，好食到停唔到最後當然係食甜品啦，我地揀左個芒果西米糕。芒果同西米真係好夾，而呢度既芒果蓉係香甜到一個點。為呢次「泰式美食之旅」劃上完美句號

今日嚟咗銅鑼灣呢一間泰國餐廳食覺得味道很傳統地道，好似返咗去泰國一樣，值得推介首先我哋叫咗兩個大椰青，好香甜啊！記起我同老公去泰國嘅時候日日都飲椰青，好懷念旅行的日子椰汁雞湯雞湯有少少辣，但我呢個唔食得辣嘅人都覺得OK，椰汁香濃，而且真係有好多件雞肉㗎! 好足料好大碗，價錢適中酥皮椰青焗海鮮椰青表面嘅酥皮，其實即係煎薄餅，連埋裏面嘅咖喱一齊食，好滿足，之後我哋仲叫多兩塊薄餅添，因為咖喱份量好多。而海鮮有青口，魷魚，魚柳等等呢一隻咖喱係甜甜地嘅，一啲都唔難，有少少似印度嗰隻椰汁咖喱最後就係甜品——芒果西米糕椰汁西米糕就食得多，於是就轉轉口味，果然無揀錯，芒果香濃，我覺得仲好食過椰汁西米糕啊總括嚟講呢間泰菜都算唔錯，下次會再嚟

銅鑼灣有好多泰菜選擇，但呢間絕對係我首幾位首選，無論同屋企人或者情侶💑拍拖都適合有套餐選擇，懶得諗，所以兩個人直接揀咗泰滋味三寶C.泰式生菜包，只有少少微辣，所以唔怕太🌶，挺有地道風味，肉粒不會太乾身👍🏼A.泰式拼盤，分別有四小件春卷，各兩件蝦餅及魚餅🤘🏻魚餅中混有少少泰式青色香草🌿食落幾香都係最鐘意蝦餅，夠曬脆🤩套中主要重點 B.明爐青檸烏頭🌶 其實又唔係太🌶，值得一試，幾惹味，魚🐟肉十分滑。剛好當日有少少喉嚨痛，試咗一啖湯十分舒服😌酸酸地十分開胃泰國菜點少得咖哩，鍾意食紅咖哩多d ，呢個係原個南瓜🎃上的，入面有好多海鮮，十分好食🤩令人不知不覺食咗好多飯，海鮮主要有魚塊、青口、蝦、魷魚🦑等，食完括埋南瓜肉🎃🤤可以見到係十分有feel，有好多小孩都會係門口車上合照留念

行行下街落大雨，見金百利成堆姨姨塞住，話樓上乜乜乜好食...是但啦，避雨順便食個晚飯，入到lift，見到個個都係上8樓...好丫，又跟下風睇下有咩食。最後出lift，8樓有川菜同泰國嘢，我地就去咗呢間泰式食。佢門面好吸引，放咗架tuk tuk喺度，tuk tuk係唔食得，但真係令人情不自禁入咗去。食物:先嚟芋頭焗飯，一嚟到見到：煲仔飯嚟嘅？唔係呱…當堂嚇一跳。咁煲仔飯我都鐘意食嘅，馬上試一啖，嘩！喜出望外。雖然佢係煲仔炒飯嚟，但係個飯超好食，乾身得嚟有蝦醬香，少少飯焦，芋頭又焗得夠淋，而且啖啖海鮮同雞肉，味道完全收貨，只係被個名呃到啫，咁就算數啦。紅咖喱焗南瓜海鮮呢，就真係焗啦~咖喱唔會話好辣，而且充滿耶香，真係好正。個南瓜入面塞滿咗魚塊同蝦，青口都有三隻，算係落足料，刮埋D南瓜肉嚟食，爽。其實咖喱撈飯真係無敵，不過一場嚟到無理由唔試下個naan，熱辣辣好脆口，記住千萬唔好放太耐，凍咗變硬就真係嘥料。環境:真係無得輸除咗門口個tuk tuk，餐廳整個環境都好靚，好有泰式風情的山石園林，有卡位、四人座，亦有隱若VIP包廂。置身在遊閒的泰式園林，望住樓下繁忙街景，路人匆匆忙忙地避雨，自己可

朋友帶我去銅鑼灣sogo對面食泰國菜， 呢度裝修比較簡樸，但勝在夠正中有特色。感覺似處身於泰國老城區街邊檔，好正好有feel。呢個畫面似泰式按摩嘅房間，夠曬舒服，relax。冬陰功湯河，河粉彩用幼身金邊粉，湯底味道濃厚，有多種香料包括椰漿、薑黃、青檸、辣椒等等，多種味道混埋一齊夠曬濃郁。椰青焗飯 ，好多餐廳整椰青焗飯得好求其 ，椰青只係裝飾品！呢度會將新鮮嘅椰青瓜用同啲飯一齊焗，飯炒至金黃，之後再整合，再落埋秘製椰香醬汁。

心血來潮想食泰國菜，金百利多選擇，上到黎見呢間好似都唔錯有set可選，唔駛煩我地揀左二人餐到入去竟然有tuk tuk車，簡直去左泰國咁，餐廳裝修好用心我地懷疑店員都應該係泰國人，講廣東話唔係好正飛天炒通菜即是蒜蓉炒菜少渣爽口馳名冬陰功湯冬陰功適合港人口味，少辣，酸味較出，湯料好足以往去泰國飲的冬陰功都好辣，飲到流哂汗青咖哩雞，另配白飯兩碗咖哩少辣得來帶甜味，人人都岩食沙嗲串燒豬香口惹味西米露糖水呢個兩人餐好飽，三人都夠食

今晚娘親生日，就去左食泰國野，朋友介紹尼間，最後成家都非常滿意，無論環境、服務、食物質素都非常好👍🏻一入去個門面已經非常靚，每個位都真係可以係打卡位🤣而且都估唔到有唔少野食揀，重點係連唔辣嘅野都有唔少選擇呀🥰🥰叫左一個泰式拼盤炸得好靚，金黃色，而且唔會炸皮同入面分開哂！個蝦餅好香，好彈牙泰式魚餅，唔會好油，重魚味，有啲蔥香特別推介！尼個pad thai真係無得乾呀！賣相好靚喇已經，再加埋入面炒得好香，連埋蛋皮食口感一流！鮮草炒盲曹（$168）第一次食盲曹，無咩骨，岩哂啲懶又唔想吐骨嘅人食呀，好香口，而且彈牙，連魚尾都係好香好味！同埋啲配菜、椒同埋洋蔥全部都炒得好入味，好好食！超級推介尼個！