泰式食

营业中

休息中

我係一個唔食辣o既人, 係少少都唔得果隻, 所以泰國菜對我o黎講可以話咪搞, 不過為o左班美國返o黎o既friend就點都破例一次, 佢o地話食泰國菜, 我真亂打亂撞搵o左金百利上面呢間, 我食完呢一餐, 我對泰國菜完全改觀, 班friend好就我叫菜時樣樣都少辣, 結果我o地5個人叫o左8樣o野, 樣樣都好好味, 冬陰公夠酸, 又唔係好辣,正! 串燒不過不失, 泰式炒河夠晒味又足料, 用長碟上o既炒飯味唔太濃, 又唔會太乾, 另外叫o左條魚, 我就覺得麻麻. 另外果到有人唱歌, 唱得都幾好聽, 始終d 馬拉人, 菲律賓人or泰國人唱腔唔錯,總括o黎講, 我都想再去食.

有朋自遠方來,洗塵宴在銅鑼灣舉行,由其中一名honhon提議去金百利,經過電腦篩選之後,今餐食泰國菜。一入門口,大家被呢度裝修吸引住,尤其是門口部泰國的士同埋自成一角既座位,的確幾特別又夠私隱!!大家打開本設計特別既木板菜譜研究後,勁叫下列菜式:泰式拼盤:內容有唔知係蝦餅定魚餅、炸芒果、魷魚圈、炸雜菜;最特別係炸芒果,味道甜甜酸酸口感淋淋,其他則一如一般炸物,夠香口。清炒椰菜苗:好耐無食過椰菜苗,炒得還ok,稍嫌未太夠鑊氣,如果可以加上咸魚應該會好食好多。柚子沙律:柚子肉好飽滿味道甜,並無一般柚子個種苦澀味,加上雞肉、花生同花生醬,味道較重同立口,同以前香辣屋所食個種酸辣味道唔同,各有特色。炒貴刁:造型超靚!!貴刁被蛋網包住,面頭仲有隻大蝦,外型已經夠吸引!!味道都唔錯,不過呢款貴刁味道甜酸,同以前食過既豉油/辣味道唔同,河粉口感夠彈牙,稍為乾身少少。紅咖喱豬肉:上檯時香氣撲鼻,紅咖喱唔太辣,加上椰漿味道更香;豬肉片唔算太多但夠瘦;仲有唔少泰式茄子在碗底,個人覺得茄子比豬肉更好食;最高興係有幾條九層塔在內,正!!薄餅:覺得好似超市急凍貨色,完全無難度!但用黎點紅咖喱的確好配合!好味!!

At dinner time, I had taken fried rice, chicken and pork. All these were delicious. Also, I was especially impressed by the wonderful environment of this restaurant.

今日同男友一齊黎呢度試下, 一入到去, 個地方好特別好靚, 幾得意呢.泰式咖喱炒蟹($188), 隻蟹好大隻, 都幾好味. 什菜煲($68), 炒得好好味, 好香, 正xx軟殼蟹卷($68), 我同男友都覺得麻麻地, 味道好怪>,<薄餅(4件/$18), 好似牛油薄餅, 用黎黏咖喱汁食, 薄餅熱食就好好味, 冷左就硬啦, 所以要襯熱食啊^^

dinner time點了蝦醬炒飯,咖哩雞,蝦餅及青檸梳打.咖哩雞普通,炒飯幾野味,蝦餅唔錯服務一般,環境幾好.但咁o既價錢咁o既質素, 間唔中先會o黎~

第一次到這裏, 全因為它的裝修十分特別, 被它"呃"了入去.....叫了一客$78的火車頭炒飯, 價錢不便宜呢! 原本以為這客炒飯會是四款不同味的炒飯, 原來只是一客西炒飯上面加上四個不同的食物在上面, 分別是青口, 蝦及肉而已,飯內加了點香草去炒, 但没什泰風味,有點感到被"呃"一個蝦醬炒飯$58, 這一客辣辣地的炒飯加了很多香草, 蝦醬味不多但香草味濃, 有點泰式肉碎炒飯的味, 料不多, 只是肉碎加蝦肉, 飯炒得很乾身, 不錯不錯.一客青咖哩雞$68, 青咖哩勁淡又不辣,雞肉完全不入味, 加上煮得過時, 肉質已變鞋了, 十分不可以接受!!!!SERVICE的泰妹很懶惰, 經常不知走到哪裏去, 即使裝修十分特別, 又有泰國TUK TUK同山洞, 但食物及service都不行, 真不知所謂!

大前晚同三個朋友去呢間野食飯聚舊, 其實之前都黎食過, 果次感覺好好, 但係今次我覺得d 食物差左好多!! 睇返呢個食評先知道原來佢d 野食食到d 客唔舒服, 我諗我下次都未必會再黎幫趁!首先我地係叫左個三文魚沙律, 試左一啖, 真係覺得好後悔, 好多香料, 好濃味, 一食落口只係食到一堆堆既香料粉, 真係好唔掂好難食...最好味都係個燒西冷薄片, 不過$78 得7-8 片手指咁大, 少左d d!最後叫左個黃咖哩雞, 點知等左好耐都冇黎, 搞到好耐之前叫定既白飯攤到凍哂, 問極都話幫我地check check, 點知都係等左好耐, 我諗佢係直頭冇落單, 唉!唯一好既就係唔洗等位, 同埋d 環境好好!!

想食泰國菜, 諗起呢一間餐廳, 係第1次黎食, 初時覺得佢環境裝修都幾有特色,價錢就偏中高價,賣相味道唔錯, 最欣賞佢生蝦剌生,好新鮮好脆。之不過食完後, 我同o的朋友就相繼出現肚瀉, 我覺得應該就冇咁o岩喇... 之前食泰菜都冇試過咁既情況, 睇番o的評語, 知道都有前科, 我諗我應該唔會再黎食喇

首先要恭喜【開飯喇】兩周年之喜，網主要繼續加油，我們會鼎力支持你的！言歸正傳，我第一次幫襯這間泰式食，一入門口已經覺得裝修幾特別，九時過後又有live band演奏，水準也不錯。食物方面就一般啦，而且味精幾重手，食完幾口乾。但服務反而幾好喎，基本的斟水收碟也做到足，不用三催四請，侍應又有禮貌。唯一美中一足的，是太多人食煙喇，四周圍煙霧瀰漫，想坐耐些也支持不住。

第一之上來寫評語, 因為這間餐廳實在太差。未食完就收左我地d刀叉,食物本身沒有味道,只靠濃汁。最重要的是, 我食完後半個鍾後肚痛,我本身去慶祝生日,最後入了醫院。唉!

環境幾好, 不過D位就窄左少少. 不過有LIVE BAND, 都唱得唔錯, 待應服務都OK既~食品都唔錯咖哩大頭蝦-咖哩幾香, 蝦幾好味蛋包飯-唔記得乜名, 係咁上下. 幾好, 不過好滯~重有幾碟, 不過唔記得乜名.

三個人叫左個兩人飺:例湯: 還好菠蘿炒飯: 較油，冇味，基本上係難食咖喱雞: 咖喱味道尚可，但只係用雪雞，完全冇雞味，一挾就散。蒸粉卷: 冇乜餡蒜容包: 我冇食到，但好似好硬、好乾。加兩杯凍飲，埋單$120，得半成飽，唔抵，唔會再去！

上星期同朋友去泰式食o野時，有幸見到佘詩曼都係呢到食飯!!!好開心呀!!! 連明星都嚟呢間餐廳食!!!結果，並沒有令我失望，好好味!!!我o地幾個人叫咗好幾味- 蝦餅: 熱辣辣、外皮香脆、內裡彈牙- 清炒椰菜苗: 唔油唔膩，果然好清爽- 炒貴刃: 一啲都唔辣，仲有啲帶甜，又有我最喜歡o既蛋蛋，嘻…- 蝦醬炒飯: 初時還以為會好嗅，因為本人並不喜歡蝦醬，但當炒飯嚟到時，一點嗅都無，反而覺得好香，個飯底炒得好乾爽，一點都唔油膩- 燒魷魚: 燒得香口，一啲都唔會有擦紙膠o既感覺，加埋醬汁，可以吊出魷魚o既香味

環境燈光柔和，裝修特別有創意，有live band唱不同語言o既歌曲，有泰文，英文歌，國語歌，連廣東歌都有。勁呀!!!

1- 南瓜布丁–有好香南瓜味，同埋係熱唔係凍，最啱宜家開始凍o既日子呀!!2- 椰汁大菜糕–食落有清香椰青味，我諗佢哋係用新鮮o既椰青水整個糕，糕面有新鮮o既椰子肉…整!!!