泰式食

营业中

休息中

是晚第二次黎到呢度與友人飯聚。餐廳位於Sogo exactly對面既銀座式商廈，顧名思義，對於地道既香港人相信大家都知道意思即係要 1)經過一大班派傳單既師奶 2)成棟樓都係食野同埋 3)等lift等好X耐！Anyway，由於weekdays既關係人唔算太多，即使無book枱都可以搵到位！餐廳裝修非常之特別，除左typical既佛像同埋泰式擺設之外，重有特別喺泰國專程訂返黎既tuk tuk，非常之特別，攞黎影相絕對一流！炒通菜︰鑊氣十足，質素絕對拍得住大排檔既貨色。由於落左蝦醬同埋蒜頭既關係，炒菜喺上枱既時候真係好香，入口既時候配料更加可以令到菜既鮮味更能帶出黎，連平時對蔬菜麻麻地既我都食到停唔到口！青咖喱︰材料非常足，除左主角雞肉之外，青檸、蕃茄仔、白菜等等配菜一應俱全。最特別既地方係咖喱汁裏面放左椰汁，不單上令到咖喱既口感更加滑，更可以使味道更加香。至於俾多$10幾蚊加既薄餅絕對值得，唔單止煎得好香脆，口感亦都十分鬆軟，當點左咖喱放入口既時候香氣四溢，抵讚！濕炒雞粉絲︰由於用左粉絲既關係，相對河粉佢比較索油所以令到成碟野都幾「油腍腍」，呢度相信係比較失望既地方。不過，要讚一讚佢既用

因補慶祝老公的朋友生日，早一天便打電話訂座了。是一位男服務員接聽，都幾有禮貌。當天接近晚上6時，預先拿蛋糕上去雪。跟經理說想座位到時寬鬆一點，怎料晚上到達時，真的很合適。因為有8男一女，想坐得舒服D點左11樣東西，略略描述下吧1) 泰式鳳爪 --- 汁多味，但我覺得好辣2) 椰菜通 --- 普通的烚菜而已3) 炒蟶子 --- 個咖哩汁好好味4) 菠蘿炒飯 --- 好甜，但都好味5) 小食拼盤 --- 即炸即出，新鮮滾熱辣，但如果幫忙剪開會更好6) 有個椰子裝住D咖哩汁，撈白飯一流，但唔知咩名7) 泰式火車炒飯 --- 份量都多，以為得好少。8) 大蝦蛋包金邊粉 --- 吹左2次，等左30分鐘有多，但超好味9) 魷魚筒 --- 顏色比較淡，但我忘記了試吃10) 串燒 --- 肉幾夠份量，好快比D男士K.O晒服務員不停幫忙re-fill 水，都幾好。我Order了果粒水蜜桃汁，已經少冰，但都好淡。食到最後，Live Band 響起生日音樂，服務員拿蛋糕出來，略厭音樂不夠大聲，也忘了說壽星仔的名字。整體上，食物唔差，只係價錢貴左D。服務員做事有效率，值得一讚。

泰式食 - 泰式炒金邊粉1. 粉夠煙韌2. 色香味俱全3. 個炒粉醬應該用了笳汁，酸咸甜度適中4. 有點辣增加食慾5. 有辣椒粉，砂糖，和花生碎供大家按過人口味添加6. 份量適中進食建議： 不用再加砂糖除非你想有脆口感覺 4.8 / 5 分其他要提的地方＞ 環境優雅，沙律同湯任筆，不過大家不要浪費食物。＞ 啲飲品黎得慢，早啲order好啲

再次試金百利D餐廳,呢個又係睇落幾抵不過設每人最低消費唔記得$32定$35定$38午餐,都送沙律同湯任食,野飲一杯叫左香MON蝦球炒飯同豬頸肉炒出前一丁香MON蝦球炒飯,個汁幾好食,炒得泥有D汁濕濕地唔會太乾豬頸肉炒出前一丁,意外地好食~豬頸肉,入味!環境幾大,係侍應小左D,埋單都等左陣...食左$102,抵啦!

一行十人浩浩蕩蕩上去食泰菜，等左30幾分鐘才有位，個waiter service 幾好，叫我們想定食甚麼幫我們先落單，好快坐下來即刻有食物，推介食物如下：生蝦（好新鮮），炭燒豬頸肉（夠味），菠蘿炒飯（好甜），冬陰功湯（好足料）。甜品芒果糯米飯（芒果好生酸得有點過份）Live Band好正，下次會再來！

朋友生日想係呢頭搵間野食餐飯慶祝，上黎睇過D食評之後搵左呢間泰國野，以為比起泰簡單果D已經算平，點知都係中伏.... 我地TOTAL 7個人，叫左:冬蔭公--> 太酸、唔夠辣、但幾足料泰式拼盤 (春卷、蝦餅、魚餅)-->OK！燒豬手--> 正！生蝦刺身 (有5隻....)豬頸肉沙律黃咖哩雞咸魚芥蘭--> 味道唔錯但太油。飛天通菜--> 味道唔錯但太油。咕嚕蝦球--> 正！泰式粉絲--> OK！鹽燒靖魚--> 好大條！全晚最好味！！！！菠蘿炒飯--> 正正常常！整體味道算是中規中矩，但以呢個價錢應該可以食更好的!

不得不佩服泰菜餐廳的店名；銅鑼灣有「泰簡單」，九龍城有「泰地道」，在金百利則有「泰式食」，真的可稱它們為「食字不離三兄弟」！「泰式食」裝修的確很泰式風情，佛像處處；在店中央亦了一部專誠由泰國運來的「獨獨車」，情調先蠃一仗。「黃咖哩士兵雞」($88)水準之作。原隻雞先焗熟後落汁，肉質不鞋口，一切下去骨與肉都不硬；咖哩汁微辣中帶椰奶香，配飯或薄餅都搭配，以 $88 來說，的確划算。「燒羊扒南瓜汁」($98)這個最適合不吃辣的朋友。三塊羊扒煎後不嚡不韌，脆邊入味，肉汁飽滿。貌似咖喱汁的南瓜汁在坊間亦較少見，香甜之餘亦沒有搶去羊肉的油香。吃罷整碟後的滿足感真是「一碟羊扒，賜我力量！」「皇宮大蝦蛋網炒貴刁」($90)賣 chok 得十足，小弟亦要甘拜下風！ 這 pai thai 做得正宗，糖、辣椒粉及花生粒放在一旁；蛋網做得又薄又香，大頭蝦肉質彈牙，貴刁炒得夠鑊氣，混在一起非常對胃口。這「泰式食」沒有改錯名，絕對適合「太識食」的人士。

今日3人行去左cwb泰式食...見佢連續4年攞獎門口又咁令諗住ok無死人la...點知...先講服務&衛生服務係ok既...d人自動自覺幫你+水唔駛嗌&我地坐左2hrs都無踢枱but衛生真係no good...唔係話個場烏糟...佢個敗筆係杯水度...水面有油...叫佢換第2杯都係咁...放棄...orz食物 : 我地叫左6樣野1)椰汁雞湯--好飲...小小辣夠醒胃2)生蝦刺身--一碟5隻...用既係虎蝦/藍尾蝦夠大隻/彈牙...but我覺得生蝦用細蝦反而仲好...因為大大蝦入口咬多2啖d汁都已經落晒肚...then就係得返隻蝦本身既味係個口度...3)軟殼蟹春卷--完全唔知想點...春卷入面有西芹&薄荷葉2隻咁勁既味撞埋好怪...&完全食唔到軟殼蟹既口感&味道4)黃咖哩士兵雞(原隻)--咖哩水準之作...but友人唔like佢焗完隻雞先落汁...鞋口...5)飛天通菜--一d都唔辣...飛唔到天...6)菠蘿炒飯--小生一向唔like d飯餸又咸又甜咁既...so都係食左少少...but好唔好彩地...我食果啖係成碟飯d精華所在...成啖飯都係淮鹽....咸死我...可能小生食開果間

5月8日, 母親節夜, 媽媽喜歡食泰國菜, 一行七人來到金百利的泰式食吃晚飯~ 一入門口就見到架泰國篤篤, 周圍環境暗暗地, 又有d霓虹燈咁嘅裝飾, 充滿泰國街頭氣氛!::: 馳名冬蔭功湯 ::: $58叫咗個細嘅冬蔭功試下, 份量大概夠兩至三人食~ 味道酸香帶微辣, 有少少雜菌同兩三隻蝦, 料唔算話足, 但風味搭夠啦! 只係細兜咗少少…::: 招牌清炒雜菜 ::: $54呢個雜菜$54就真係好唔抵! 種類係多~ 有芥蘭、西蘭花、椰菜花、紅蘿蔔、蓮藕、雲耳、 荷蘭豆、粟米仔、雜菇、番茄仔咁, 真係乜都有! 可惜份量超細碟, 樣樣都得一、兩舊… 感覺好似將d剩菜炒埋一碟咁. 味道亦只如一碟普通炒雜蔬, 毫無泰式風味!::: 泰式青咖哩牛 ::: $68呢個青咖哩竟然唔係辣野! 睇顏色都feel到佢個椰奶味有幾濃重, 而且真係唔辣, 只有少少咖哩香. 質地少少杰身~ 點薄餅同飯都易撈! 牛肉份量一般, 唔算韌, 但鮮味欠奉. 反而欣賞佢d配菜如茄子同番茄仔, 唔會煮得過淋, 索埋d咖哩汁食夠惹味~::: 泰式香酥餅 ::: $20叫得做香酥餅仲以為係油鬆餅… 點知原來係扁韃韃嘅薄餅… 講真

已很久沒來 已沒有往日的免費飲品, 和外子叫了常吃的南瓜焗飯, 魚餅.南瓜很迷你, 我和外子只吃了四啖飯, 料沒有以前那麼多, 很不抵食, 加一後$110只有四啖飯及少咗的海鮮. 以前南瓜大一倍半, 飯很多, 二人可吃飽.魚餅size也比往日細. 吃完後, 埋單$178, 但吃不飽, 要往何xx再吃炒牛河, 以後再來都會點其他及會少來, 份量太少了.

為了慶祝我的生日，又知道我喜歡食咖喱，朋友誠意推介呢間位於銅鑼灣金百利廣場的泰式餐廳，聽個名'泰式食'覺得幾名趣，之後我地上到去，一開'車立'門我就嘩左一聲因為店內裝修很有情調，燈光昏暗而且又有表演台有LIVE MUSIC聽我地共有四個人，叫左個自選2人套餐再加蝦醬炒通菜和1個小食拼盤2人套餐的湯選左馳名冬蔭功湯，食泰式野點可以唔試下冬蔭功湯呢，個湯都幾足料小菜選左辣椒羔花甲、青咖喱雞同泰式豬頸肉本身想選泰式炸黃花魚，朋友食過話好味，不過咁岩賣完，就試左叫辣椒羔花甲合照一張，樣樣都好味青咖喱對於我黎講唔算辣，配飯食真係一流，雞肉嫩滑個醬汁好夾好好味我地一邊食一邊聽LIVE MUSIC同傾計，整個氣氛好輕鬆當我地食完之後突然表演者唱生日歌，之後侍應就捧著蛋糕到我面前，原來朋友們一早買了蛋糕交給侍應安排呢個驚喜俾我如果是慶祝紀念日的話我絕對推介呢間餐廳，環境氣氛一流至於食物質素同服務質素均屬於中上

來了很多次試過的菜式:-青咖喱牛肉 70分, 青咖喱帶甜, 味道OK蝦麵線, 中蝦用麵卷著再炸, 點沙律汁, 蝦濃味, 很脆很香好滋味 90分南瓜海鮮炒飯 90分, 南瓜內有很多海鮮, 蝦, 尤魚, 青口, 魚, 飯很好味, 必食 90分泰式奶茶, 味道很特別, 好味 80分魚餅, 太鹹了, 如果不是太鹹, 味道會頗好 45分蝦餅, 一般, 味道不太好, 可以不吃 50分會再來的泰國餐廳

http://hk.myblog.yahoo.com/beebeeYU-beebeeYU最後還在對面的金百利"泰式食"享受了一個豐富晚餐呢~u~飽得要捧腹回家...^U^~全"泰式食"都是泰國人...正宗呢^^最愛的冬陰公...酸+辛...i loveｕ^0^~青木瓜沙律...一隻辣椒都超級呢>~<泰國三寶...'u'春卷有粉絲~酸辣羊楠煲...都沒有酸辣的味道~.~豬頸肉...yummy#u#~它的名字叫(((士兵雞)))...>V<超長魷魚燒...份量太多了*0*~******************************^_____^謝謝收看~~~喜歡請推推#u#~beeYU的e-猫 : candyyu2120@yahoo.com.hkhttp://hk.myblog.yahoo.com/beebeeYU-beebeeYU

與朋友相識紀念日，由於沒訂位，星期日銅鑼灣一定只見人龍，又不想吃茶餐廳，走入金百行廣場，只有這間不太多人便入去一試，泰國食物很難會難吃吧?一坐下，椅子不對，籐椅讓食客矮了一截!!! 坐得不舒服，怎能吃得久?叫了一個炒貴刁、飛天通菜、炒黑椒大頭蝦。食品製法嘗試去做得正宗，貴刁旁邊的糖同蛋餅混在一起，不會太難吃。 只是麵不夠辣、麵質太淋太鬆散，不是即叫即炒之故吧?飛天通菜是豆瓣醬炒，沒有味，不辣。最後炒黑椒大頭蝦，蝦的來貨總算有良心值回票價，但吃到這兒，只是想著留下quota 吃甜品。不知怎麼，身邊很多很多自由行，沒有歧視，只是奇怪… 自由行的旅遊書高度推介嗎?下次還是早點訂位，or 吃榮記了。

因男友午餐時吃過老細豐富的海鮮大餐而不餓, 只點了2味送, 環境正, 獨立的卡位, 可以聽左live音樂, 人又不多, 不用等位, 拍拖和聊天的勝地. 南瓜焗海鮮飯 - 原隻扁大的南瓜比砵仔盆還要大, 飯抄得很香口, 不太咸. 連差胃口的我吃了很多. 只是青口煮得太老. 餘下的南瓜打包比狗狗食, 佢都食得津津有味. 芒果三文魚巻 - 我睇完蔡瀾特輯後不太吃三文魚刺身, 怎知這個巻是三文魚刺身包芒果和其他青瓜類. 有點失望. 幸它沒有加色, 是天然的刺身, 食物品道不特別, 但脆口, 最正係酸酸地的汁.