泰式食

营业中

休息中

好難得約到班舊同事食飯, 而大家又想食泰國菜, 地點係銅鑼灣, 其他出名少少都試過啦, 所以就試吓呢間就腳0既泰國菜!入到去首先覺得裝修好特別, 有架車近門口位, 好靚0架, 可以影相. 另外個餐牌幾有心思, 用木做, 入面仲有隻叉做裝飾. 食物選擇都好多, 餐牌有哂相方便選擇. 我0地點0左冬陰公, 柚子沙律, 木瓜沙律, 飛天通菜, 青咖哩雞, 燒豬頸肉, 辣椒膏炒蟶子, 炸蝦餅, 肉碎豆角, 泰式炒飯, 炒金邊粉, 點0既都係最基本的泰國食物, 味道方面就沒有太大驚喜, 最吸引0既係大蝦蛋包金邊粉, 個賣相好靚. 我最欣賞0既反而係甜品, 南瓜布甸真係好好味, 又唔係太甜,好似食緊南瓜咁.地方坐得好舒服, 又唔係咁多客人, 服務又親切, 大概十點鍾, 仲有人表演彈奏添, 價錢大眾化又不失為一個聚會熱點.

本來諗住去7/F 食既等LIFT 時決定去呢間試下我&BF 叫左1) 泰式炸酥餅 2 碟2) 雜菜粉絲煲3) 青咖哩蝦因為我地比較細食，結果樣樣都好味，比我地想像中好添喎!! 而且環境不錯。我下次會考慮帶屋企人黎添!! 我見第二台D 炸蝦餅幾靚呀~下次都試下先

there are not much thai restaurnet in causeway bay with good environment 泰式食 is onethe decoration is really nice and attractivethe food is also very goodwith many choices and the dishes are bigit is a good place for gathering

三個小女子去開餐, 首次去這裡, 最深印象是餐廳內有架tuk tuk和有人唱live.因為想吃得清淡, 沒有叫咖哩或辣的食物.芒果三文魚卷 – 不算太突出, 三文魚包着芒果條和蔬菜條, 清新開胃, 點埋酸微微的汁更開胃.炒椰菜苗 - 椰菜苗嫩口爽脆, 好吃.燒雞 – 皮薄肉尚算不太乾, 但幾重黑椒味, 幾辣口.菠蘿海鮮炒飯 – 炒得乾身不油, 但味道普通.很開心和姊妹暢談, 可惜唱歌聲音太大啊!

星期五夜晚去食，６個人叫左串燒，菠蘿焗飯，生蝦，咖哩雞，冬蔭公，炒牛河，（好似仲有一個餸，不過唔記得喇）７支啤酒兩個椰青，芒果糯米飯同一客泰式榚．．．ｄ野食好普通，但係埋單就每位二百四．．．嘩，咁既價錢好多地方好過佢啦．．．仲有，呢間野ｄ服務真係麻麻地，想加野攞個ｍｅｎｕ叫左幾次都係應左你就算數，最後見到ｄ侍應岩岩收隔離檯ｍｅｎｕ即刻再問先有！

今次去銅鑼灣行去稻香漁港超多人, 行返黎食泰國菜, 叫左青木瓜沙律$49:幾有泰國味, 加埋D生菜係入邊, 同埋夠分量, 應該係推薦菜式, 不過個味有少少咸, 應該系魚露加左太多...咖喱士兵雞$78(or $98)其實就是咖喱春雞, D咖喱無乜嘢特別, 普通咖喱味, 有d油, 麻麻地, 不過只雞幾抵食, 三人分應該唔會唔夠炒貴刁$68幾大份不過真係無咩好食, 個味好甜, 有係唔酸唔辣, 完全無泰味, 加左d青木瓜沙律個酸辣醬好左少少...芒果糯米飯$35黑白兩種糯米, 好好味(不過有可能系我太鐘意糯米) 不過幾小份,唔抵食總嘅來講算OK, 價錢偏貴但係分量夠大, 個味麻麻地...

星期六晚上，本來想吃泰簡單的，可是忍受不了等了個多小時還是未有位的慘況，於是轉而來這裡。兩個人，要了青咖哩肉碎釀魷魚筒，另加白飯- 咖哩好香炒雜菜- 好大碟，味道不錯泰式濕炒河(雞肉) - 不太油，不錯環境好寬敞，有live performance唱泰文歌，服務亦不錯。整體不俗。雖然我總是覺得金百利的食肆好像有點髒。東亞卡有九折。

契女亞姨要嫁去LOSANGEL，本想去琼姐度，原來正裝修，契女媽咪主將這裏，好！反正未試過。一入內就見有部TUKTUK，亦有LIVE THAI BAND，女歌手聲線温柔甜美。一行七大兩細ORDER了：泰式燒魚，側魚/日本晴魚之間選了後者：錯！魚腥味較重、炒雜菜，SO SO。燒豬頸肉：又SO SO。南瓜焗海鮮：張相DISPLAY是原隻南瓜，上檯時只有南瓜汁件三隻大蝦！但汁料好香，伴白飯一流。炒蜆：SIZE好MINI。生菜包：用了像魚船般的碟上，外型比味道好。無骨雞脚：無特別。大冬蔭公湯：SO SO AGAIN。香葇蝦串，幾香口。蠏肉炒飯：炒得幾乾身。生蝦刺身：一般水準。埋尾甜品：芒果糯米飯及芒果涼粉。另一支泰星啤。$1132.00 我自己覺得琼姐抵食D，只不過無這裏多選擇。

一間頗地度的泰國餐廳,所有waitress都是泰國人,服務態度不要expect太高,但食物質數是有所保證的.試了大蝦蛋網抄貴刁-夠火侯,青咖哩雞-茄子不會太腍,但咖哩有點辣,有椰汁味.'yip'雜果沙律-有花生,蝦米的沙律另外還有火龍果,石榴,蘋果及提子,個汁很thai..都是有點辣!

15-11-07(四) 午餐叫了兩個午餐，泰式乾炒雞絲河粉和菠蘿雞柳飯，一點都猤 好吃，還及猤 上天后區的學生餐。油腻膩的河粉，没有標明辣却感覺頗辣的雞柳飯，都令人失望。還有疲勞轟炸的泰文歌，速速食完就算了

幾年前朋友帶我去完之後, 一直都好想再去,因為環境好好, 光線適中, 每個坐位都好獨立, 傾計唔會覺得要就住就住或者唔自然, 夜晚有band show表演~ 食物都好ok^^之後同我男朋友去過幾次, 佢都覺得好ok~ 有時咁o岩坐倒兩個人位, 好似「自城一角」咁, 岩曬談情丫^^總括黎講都真係幾好~會繼續去~

今晚叫O左冬蔭公湯、黃咖哩香芒炒牛肉、雜菜沙拉、巨蟹粉絲煲、白雲鳳爪(類似,不知exact名)、炒通菜。本身不喜歡吃泰式的我，都食倒。但冬蔭公就半碗停O左手lu~~~好辣；我最鍾意香芒炒牛肉，不太辣，香芒令到碟餸好鮮味，可惜牛肉老O左少少；粉絲煲Ｄ粉絲幾好味，可惜Ｄ蟹就唔夠蟹味呢！沙拉好好味，有車厘茄，又加O左少許我最喜愛的花生，食多幾注，hehe....俾笑哈哈，係因為個環境好，坐O向度傾好耐偈都唔怕阻住外面Ｄ等位人，店內人數不多，光線適中，食物也不錯。舊同學聚會O黎呢度唔錯。

今日係父親節，當然由父親大人選擇去邊度食啦，佢鐘意食泰國嘢，我就book咗泰式食試吓。其實爹吔、媽咪同家姐之前都已經試過，評語唔錯。爹吔最鐘意食咖喱炒蟹，所以今次都有叫，味道唔錯，唔太辣，啱晒我唔太食得辣既人。仲有幾樣嘢，有兩味牛肉(呢個唔掂，牛肉好靭，有一味好似中式牛柳，好鬼硬)，青咖哩雞(我都覺得幾辣，其他人唔覺，呢樣麻麻地，本人意見)，炸蝦餅，芋頭焗飯，油酥餅，飛天通菜，炒雜菜等都ok。六個人食埋計七百幾蚊，又唔係太貴喎。

我覺得呢到環境唔錯ga...所以一入來ga印象都唔錯+..d人d服務都唔算話真係好差ga..可惜d野食真係一d都唔好味law...果d冷盤唔好味...好難食其他食物d口感都怪怪地ga...價錢又昂貴wo...所以都唔會再去la...我0願去新曼谷到食....人地真係味好多^^

雖然真係幾貴，不過尋日個餐我真係食得幾開心ar，因為佢就我食泰國野，仲有個度既裝修好幾得意，門口有架車既擺設，同埋好多門做既傢俬，夜d仲好似有band表演ga...講返食物，叫左一個唔知咩雜菌豬肉煲，呢個唔係好得，個味只係好似煲完湯既豬肉咁，功夫炒飯同冬蔭公湯都唔錯，功夫炒飯入面d香料我覺得幾好食，冬蔭公湯就酸辣並重。本想叫埋甜品千層糕/ 其他糕，但佢20幾30蚊一碟得個2,3舊，唔捨得....