泰式食

营业中

休息中

我諗呢間餐廳最有特色嘅，一定係佢嘅裝修！喺門口望入去，都唔似係一間餐廳，反而有啲似主題樂園入口😹 不同款式的佛像、蠟燭、仲有花卉擺設，都帶點神秘的氣息！餐廳入面有一架特色車子🚗 應該係打卡位，可以停低影張相～食物方面，作為一間泰國餐廳，泰式食品當然唔少得！皇宮大蝦蛋網炒貴刁，其實即係我哋平時食開嘅炒金邊粉😆賣相好精緻，薄薄既蛋網包住炒好既金邊粉，可以睇得出廚師嘅功力！👨🏻‍🍳 金邊粉炒得乾身，酸酸地又唔太辣，加少少花生碎、砂糖、辣椒粉，令味道更有層次😋😋擺放喺我面前就最岩喇，等我可以密密食😬😬原個椰青焗飯係另一番風味，因為佢味道比較淡，但又充滿椰香味😛 入面都幾多款海鮮，份量夠多，兩個人share都ok!唔錯嘅係，食物同餐牌相片係一樣的，合乎預期！👍🏼

之前借左過銅鑼灣返工～同事係咁推介呢間泰式食！一向都好泰菜既我一於試下係味真係咁正！👉🏿✨冬蔭公湯金邊粉 hkd 55 💸📌55蚊包左前菜，湯同野飲，係銅鑼灣黎講簡直係抵到爛了！佢既冬蔭公湯底都幾夠味，酸酸辣辣寧舍開胃～金邊粉唔算好散，有豬，牛，雞俾你揀，我就叫左豬😆老實講佢分量係真係堅多！不過啲豬肉有乜味😭😭完全索唔到啲冬蔭公湯汁入去，食落好似白灼咁...呢到扣左分...但佢個泰式奶茶都算正宗，甜到爆🤣一次半次飲又幾過癮～anyway~想平食泰菜呢間可以去喔☺️

我同朋友夜晚9點幾黎到呢間泰國餐廳食dinner，間餐廳超大同新淨，裝飾又靚，燈光昏暗，好有feel！一入門口就見到有好大架車，岩晒影相打卡，我未見過D餐廳有架車係度！同埋都有幾個位係間左比一group人坐，如果想同幾個朋友有私人空間地食野，可以book位時要求坐呢D位，其他位置都好闊落，服務態度都好好。咁夜就唔嗌太多野食喇，所以嗌左個軟殼蟹卷，炒通菜，同埋芒果糯米飯食。我鍾意D軟殼蟹冇一層好乾又厚既炸皮，呢個軟殼蟹既皮脆扑扑，最得意既係有一條條麵係入面，點埋個醋黎食真係好開胃。個通菜令我好驚喜，係好入味，雖然蝦醬味唔係十分濃，但有好香蒜蓉同埋少少辣，Ｄ菜亦都好嫩好新鮮，食到唔停口呀！食完上面兩樣野後，waitress好醒目地收埋我地既碟，上個芒果糯米飯，上既時候D糯米飯係有煙架！Ｄ芒果好甜又多汁，椰汁又夠多，呢個芒果糯米飯比出面果Ｄ好食，我好滿意呀！咁樣食法我同朋友兩個人都夠飽喇，我高度推介呢個餐廳。

第二次喺呢度食午餐，第一次朋友介紹，估唔到係午市時段銅鑼灣都有一間鋪頭係可以比我坐兩個鐘唔趕我走。格局同埋食物以午餐來講五十幾蚊性價比超高，有一個餐加salad bar ，我同我朋友兩個人坐L字位我覺得好方便傾計，又唔會比隔離嘈住。雖然琴日salad bar冬陰公湯濃味咗少少（可能係我味覺太敏感），不過我叫咗個冬陰公金邊粉，d湯就冇咁咸啦。最開心係原本佢得朱牛雞選擇，我問佢我唔食肉可唔可以要雜菜，佢都肯幫我轉，真係未必咁多鋪頭會咁幫得手，所以我要俾個like佢。唯一麻煩係金百利要等lift 上等lift 落

是晚又黎到銅鑼灣搵野食，想食下泰國野，行經金百利， 相信大家都知大堂好多姐姐派傳單，如果你未諗定食乜，企係度諗，d姐姐會遞傳單俾你哈哈～我最後就揀左食泰式食餐廳內裏環境都好度假feel,入到黎好似d煩惱都放低哂咁～呢兩個餐都好抵食！！如果肚餓又唔想諗食咩，揀呢個餐就perfect!如果想多d選擇可以睇番main menu 度揀～我地叫左青木瓜軟殻蟹沙律，小食拼盤同埋魚～個青木瓜沙律勁開胃！仲有好多軟殻蟹係入面，好抵食～～～小食拼盤就熱辣辣，又係好正，蝦餅好彈牙～ 魚餅陣香草味都係好經典既泰國小食味道～條魚配左好多菜～ 餐牌上面寫左有三條辣椒，但我同朋友都覺得唔係好辣，仲好野味呢杯奇異果汁飲得出係新鮮果汁榨起～ 重點係唔會好甜！！！好清新以後食泰國野又有新落腳點

與朋友們做完運動，肚空空想找一些飽肚餐廳，經過銅鑼灣金百利發現開了一間泰國菜館，即管試試！店面很大而且裝修很有特式，放滿東南亞色彩的裝飾，連篤篤都放了一架，而且坐得舒適於銅鑼灣餐廳竟然有五十幾蚊套餐揀，十分抵食！我們二人點了泰式乾炒河粉及原個椰焗飯泰式乾炒河粉十分高水準，鑊氣十足，河粉質地彈牙。豬肉有以香茅醃製過，十分香口原個椰焗飯十分特別，以原個椰子載著椰汁焗飯，每啖飯都充滿椰香味及椰子肉，值得一試加點了泰式併盤，質素也不錯，蝦餅彈牙，春卷香脆，不錯甜品芒果糯米飯出奇地好食！椰香味濃郁，香滑軟熟，必點！值得推介這間泰菜店！

之前食過泰式食覺得需要番尼要食過，所以今日同朋友去開銅鑼灣就帶佢地去左e間泰國餐廳再食一次我好中意佢環境闊落，唔迫，環境暗暗地又幾舒服！！！燒豬頸肉賣相好吸引，聞落亦好香，食落唔韌，仲帶有少少脆邊食落又唔油，肥肉又唔多蟹肉炒飯飯粒比較乾身，唔油，所以食完都唔會好膩蟹肉份量亦比較多，又夠味份量都足夠兩三個人食青咖哩龍眼煙鴨胸可能自己唔太鍾意青咖哩，雖然聞落幾香，但食落去受唔到陣味，但鴨胸就好厚身好易入口不過龍眼味道比較淡鹹魚炒芥蘭帶有少少鹹香外仲有一小舊的鹹魚，芥蘭炒得好淋，亦冇苦澀味芒果沙冰，超大杯，芒果味挺香之餘仲成杯都係冰，因為通常飲到底都會溶晒變左要飲，但e杯飲左好耐都未溶，都仲有粒粒沙冰

其實銅鑼灣都有d比較平的餐廳。之前就成日去希慎foodcourt食，今日就經朋友介紹尼左e間泰國餐廳，餐廳暗暗地幾有氣氛，望落都幾闊落幾舒服。我地3個叫左4樣野，因為每碟的份量都夠約兩個人，所以都夠飽的燒豬頸肉，一路都覺得豬頸肉好油好肥，但e個豬頸肉唔太油又唔肥不得只，仲燒得好香，因為切得比較薄，所以唔會太韌青咖哩煙鴨胸，青咖哩好香奶味，唔知定椰汁味，唔會太膩，鴨胸都有大約6大塊，亦比較厚身鹹魚炒芥蘭，帶有少炒鹹魚味，整體唔會太鹹，但當中亦有鹹魚的出現，芥蘭的莖亦唔硬蟹肉炒飯，蟹肉份量都ok，都食到幾次蟹肉，飯唔油挺香的，不過飯入面有青豆，唔中意食青豆的朋友要注意lo，整個份量都算大，夠三個人食

係銅鑼灣行左成日街都有d攰，一向都知金百利有好多野食，就諗住過黎搵間餐廳坐下食下野👩🏻‍🦰泰國菜都唔錯😌😌 好彩唔洗等位就入得✌🏼有兩款兩人餐，其實幾抵食，但對於我地黎講份量太多了，加上唔太肚餓🤣🤣🤣最後叫左個小菜：泰式枝竹羊腩煲！佢同中式既煮法有d唔同，感覺無咁肥膩，醬汁唔會過於鹹，但都可以帶出羊肉嘅味道👍🏼 有d草菇作配菜，但如果枝竹可以多d就好了😂，因為我中意食ma😆😆本身想加1個白飯，但其實配香酥餅都係幾好既選擇😬對女士來說，4塊就岩岩好了。但如果係男士/好肚餓，應該要叫兩碟🙃我地仲叫多左個清炒雜菜🥬🥦 近排食左好多heavy野，依碟雜菜正好清下腸胃!😂呢度嘅侍應都幾有善，成日都會主動幫我地加水，就算我地坐得耐，亦無問題!🙃🙃

周五跟朋友聚餐，好久没有吃泰国菜了，就约在泰式食。网上推荐很久了，终于有机会吃！😄开心！强烈推荐午市套餐！经济实惠，而且有自助沙律，餐汤等等！我朋友点的椰子饭🥥，超级清香。饭也粒粒分明，就像是坐在海边，吃着饭，感受着度假⛱️的感觉。我点的是23号餐，细嫩鱼肉，配上秘制酱料，有小小泰式酸辣，赞👍喜欢的朋友，不要错过哦！餐汤是自助的，老火中汤以及微辣戏汤。一定是开饭前，要喝的，暖暖胃，准备开吃！苹果🍎沙律🥗是每天新鲜做的。我自己是每天离不开水果的人。我朋友们也是。An apple a day, keeps doctors away! 虾片也是自助哦！就喜欢自助，可以吃到开心，吃到饱！温馨提醒一下，中午过来吃饭，楼下等lift人多，最好预计好时间哦。

呢排都幾迷泰國菜，可能因為好耐冇去泰國玩😂😂所以要係香港食多幾餐泰國菜止痕。平時都係食海南雞，豬脾，串燒個d，今次就試d平時冇點食過既菜。見到有椰汁雞湯就叫左個2人份黎試，飲落酸酸地，亦唔會辣，只有微微既辣味。呢個比冬陰公更溫和，更開胃。菜就一定要食，就叫左個馬拉盞炒秋葵，份量唔小，食落都有鑊氣亦唔算咸。不過食落就有小小油，但都接受到。主菜就要左pad thai，呢個蛋網堅靚，包得實，賣相滿分。上面既虎蝦好大隻，幾甜。pad thai食落好彈牙，唔會太濕，同糖花生辣粉都分開俾客按喜好撈👍🏻👍🏻肉就叫左個青咖哩羊扒，呢個必叫！羊扒超大份，又唔會overcook，肥膩度一般，又燒得夠香！青咖哩超重椰香味，如果冇叫pad thai應該會叫份餅黎掂住食😂美中不足在於d小茄子唔夠淋同未入味。。飲品就叫左椰青，超甜又大個！

今日同朋友黎銅鑼灣，黎到金百利廣場呢棟有滿佈美食既大廈到食午餐，我地好耐無食過太一泰國菜，所以就揀在一間泰國餐廳食午餐。呢到既午市係有套餐，5、60蚊就有一個餐，包埋野飲，係半自助形式，仲有沙律同餐湯任飲任食，喺銅鑼灣黎講真係好抵抵！我地四個人分別點左四份午市套餐。我就點左呢個泰式雞肉濕炒河粉，味道正宗，同喺泰國食到既一樣味道！朋友點既呢個原個椰焗飯都好正，大大個椰子，飯係充滿椰香既！另外兩位朋友就點左辣椒膏帶子炒飯同埋三味燴盲曹。

自從上次去完泰國就一直好掛住泰國野，所以叫咗朋友陪我嚟呢到食飯～餐廳裝修勁靚，啱哂打卡餐牌都幾多野食，唔想諗到頭痛仲有得叫二人餐！我哋叫咗一個椰青同芒果沙冰，兩個都好好飲好清甜，椰青仲幫你開得好好，椰子肉話咁易就刮到落嚟！然後叫咗個泰式小食拼盤，有齊蝦餅、魚餅同春卷。三款都整得好好食，好有泰式風味，特別係個蝦餅！我地仲叫咗個沙嗲串燒，兩條雞肉兩條豬肉，雞肉整得比較好，點埋沙嗲醬真係好似去咗泰國咁！湯就揀咗椰子雞湯，相對其他會無咁辣，飲落會有陣酸辣味，配料都幾多，趁熱飲幾好飲！再叫咗個原隻椰子焗飯，椰子味好重，個飯唔會好似岀面個啲咁得上面係濕下面就乾嘅，飯入面仲有好多桂圓肉芒果肉同蝦添！最後甜品叫咗椰汁西米糕，勁重嘅椰香味，又唔會話太甜太膩，係飯後最佳甜品！

小妹同朋友約左係銅鑼灣食飯比金百利廣場樓下派傳單個姐姐張傳單吸引左上去入面既裝潢都幾特別, 比較有道地既泰國氣氛 餐牌有二人餐, 基本泰國餐廳既食物都有 小妹就冇試二人餐, 決定散叫冬蔭功($72): 間間泰國餐廳既冬蔭功都有自己既特色, 呢度既冬蔭功係偏辣, 好岩小妹既口味重有當然係要足料LA, 二個人, 一人都可以飲到三碗 炸蝦餅($76): 呢個蝦餅好熱騰騰, 蝦肉好結實, 呢個要趁熱食 紅咖哩雞($98) + 薄餅($30): 呢個組合真係好正 , 薄餅係小妹食過既頭3位  紅咖哩雞, 濃度岩岩好, 唔會太浠, 沾薄餅一流 呢間泰國野,小妹同朋友都夾左要再ENCORE 

星期一Blue Monday 放工即興r左同事一齊食dinner去到金百利見呢間泰國野就冇諗咁多上左去食環境都唔錯餐牌有得散叫又有套餐我地2個人冇叫到套餐椰汁雞湯超級足料 好多雞肉有少少辣辣地 幾野味沙嗲串燒叫左mix雞肉同豬肉各2串串燒燒到好入味燒完肉質都仲幾juicy唔會好乾泰式拼盤my favourite 有泰式春卷、炸蝦餅、魚餅即叫即炸熱辣辣沾埋泰式辣醬真係perfect match!!原個椰青焗飯好大個份糧完全夠曬2個人食上餐嗰下都幾surprise 飯底有啲椰香味少少sweet再加埋有唔少seafoods 都幾特別 食極都好似未食完咁椰汁西米糕面頭係椰汁糕下面嗰陳係西米口感唔錯啱曬好食甜品嘅我地芒果沙冰滿滿一杯不得了芒果味勁濃郁！