泰式食

营业中

休息中

之前係附近翻intern時成日都黎呢度食lunch，50幾蚊有個set仲有半自助餐，雖然只有好簡單既沙律，蝦片同湯，但呢個價錢真心冇得輸！甘岩今日係附近工作，就決定夜晚黎呢度食，晚市價錢稱唔上係十分平，但味道用料都係值❤️椰汁雞湯 2人份$62平時飲開冬陰公，見到呢度有椰汁雞就決定試下。飲落微酸唔辣，椰汁味正常，但幾開胃。雞肉份量多，亦冇雪味，2人份每人分到1碗多小小。❤️大蝦pad Thai $108 老實講見到價錢嚇一嚇😂但黎到都算值，因為有好大隻蝦，仲有個蛋網係超靚！份量亦唔算小🤣蝦食落都新鮮，但可能燒得耐左影響左個口感。pad Thai 食落唔太油，幾爽彈，另外花生碎糖辣粉自己撈，都幾好🤣❤️馬拉盞炒秋葵 $78食落唔會好辣，岩岩好甘。秋葵份量都多，但因為係切開哂炒所以就冇左爽脆既口感。食落都不錯，比平時個d泰式炒菜特別。❤️青咖哩羊扒 $148呢個必點！羊扒超大件又厚身，仲有成4件甘多。食得出係燒過所以食落有陣泰式串燒既香味！配埋青咖哩食層次upupup😂青咖哩入面仲有泰國既小茄子，車喱茄，四季豆等等，份量都多！❤️椰青 $45超多椰青水，好清甜，不過椰肉就冇咩味了

Lunch Set係半自助有得任飲湯同任食沙律一個餐都只係幾十蚊，平到笑除左普通飲品，仲有泰式飲品個餐咁平，加多$8嗌返杯特飲都仲係好平嗌完餐之後，侍應就叫我地去裝湯同夾沙律每日都有2款湯，一中一泰仲有同兩款沙律泰式個湯係冬蔭公2款沙律都唔錯全部都好味食得飽又滿足左：珍多冰右：青檸梳打我就揀左珍多冰好飲泰式炒金邊粉 $58炒得都幾惹味黃咖喱焗海鮮飯 $60個咖喱汁好香好惹味撈埋啲飯食真係一流一個餐五六十蚊係銅鑼灣嚟講已經好平依到仲有任食湯同沙律價錢已給經贏左一大截而服務同味道都唔錯

朋友投訴，說我很久沒有「正正經經亅地寫過一個關於食物的食評！ 但是，我覺得這樣也很正常，因為每個人的寫作風格都不同。。。我是希望可以在寫食評時，加插一些生活鎖事丶 近期感想跟大家分享一下， 就好像寫散文那樣。。。好啦！今晚一於正正經經地寫一個只關於食物和環境的食評，好好和大家分享一下在這家泰式餐廳吃晚飯的經驗。這家餐廳的其中一個特色，就是用了很多不同的道具 和場景來令到餐廳的氣氛比較舒適丶relax。 不多說了，就先讓大家看看我今晚為這家餐廳拍攝的寫真。。。今晚大家真的沒有很肚餓，所以只點了兩個菜和一個小食，分別是：青咖喱海鮮 （$118）青咖喱的味道很惹味，一送到我面檯面已經感受到香味陣陣撲來。這個咖喱海鮮的海鮮種類有四款，分別是蝦丶青囗丶魷魚和魚塊。 我個人較喜歡吃青口， 貪它滲滿了濃郁的青咖喱香味！ 我們配合泰式茄子和白飯來吃， 吃得津津有味。原隻菠蘿炒雞柳 （$90)我很喜歡點這種原隻菠蘿的餸菜， 因為我很喜歡吃菠蘿！另外，就是貪它的賣相漂亮之餘， 份量通常比較多！ 即是「性價比亅高呀 ！這個菜的 材料用上了新鮮的菠蘿丶 青椒丶紅椒丶提子丶洋蔥，配上主角咕嚕雞胸柳。 咕嚕汁系列

呢晚來到位於銅鑼灣樓上泰國餐館～泰式食，可能由於樓上舖關係，成個地方好闊落，入口處也可以有地方擺一架泰國taxi～嘟嘟車。呢間舖亦是『新假期』推介必食食肆之一。可選擇食物也多不勝數。今日嗌咗個冬荫海鮮湯，本來想嗌冬荫公湯嘅，但畀兩個辣椒吓到，所以嗌咗一隻椒嘅海鮮湯，咁就啱啱好。辣度正正適合我口味，内有材料蝦仁，魷魚，青口及炸魚塊同埋蘑菇，酸酸哋，辣辣哋，好飲開胃。另外叫咗牛肉湿炒河，配菜亦極豐富，有椰菜花，西蘭花，玉米仔及芥蘭，湿湿哋易入口。叫咗两個甜品，一個係芒果糯米飯，一個係泰式千層糕，糯米飯有黑，白两種糯米，比較少見，吃起上來軟軟糯糯，而芒果份量唔少，有好大舊嘅八塊，好鮮甜，太满足。而干層糕是熱熱哋上埋枱，平時吃嘅都係凍凍哋，老闆真有心，照顧哂所有年龄層吃客。仲有個重點係必須要講嘅，個個待應都好有禮貌，令客人有賓至如歸的感覺。

週末嚟到銅鑼灣食晚餐，揀左位於金百利嘅餐廳🍴 8樓嘅泰式食😸😸餐廳好特別的，一入去就有架篤篤！好搞笑😁😁 呢度幾闊落架，坐得好舒服下😀入多嚟食都不錯👍🏻👍🏻 我地就揀左個大蝦炒貴刁👅👅 只蝦好大隻！又新鮮彈牙，蝦膏都幾豐富添❤️❤️ 貴刁真心靚仔，上面有一層蛋網cover住，食之前mix好佢，咁食嘅每一啖都可以有蛋同花生等配料啦，炒得好有鑊氣架！味道有小小辣，但好惹味😂 另外叫左椒鹽魷魚🦑非常推薦！椒鹽好正，撈麵都好食！魷魚份量都多，舊舊都大大件點同厚身🤗入面仲有小小紅椒黃椒，中和番椒鹽嘅咸味😋😋 芝士焗蠔都係必食！蠔夠肥美新鮮，食落鮮甜😽而芝士都好足料，芝士咸香同蠔鮮美都幾夾✌🏻✌🏻 椰汁珍多冰入面好多jelly ! 仲有d大樹菠蘿絲添，口感一流！餐廳嘅服務亦都好好，d姐姐都好有禮貌，仲好貼心咁介紹野食比你😸😸

呢度既lunch 真係抵食到爆，佢呢度個lunch 係半自助式既，可以自由去拎湯同埋沙律，仲有蝦片，佢呢隻係泰國蝦片，同我地平時食開既完全唔同，佢係特別重蝦味同特別鬆脆，每次黎我都會拎勁多，真係好好味。至於呢度既lunch set我會推介黃咖哩焗雞飯同泰式燒豬頸肉飯，呢兩個都好好味，黃咖哩焗雞飯既咖哩濃味，而且雞件又多，仲要係同焗黎整，D黃咖哩滲哂入D飯度，根本超好味。泰式燒豬頸肉飯既燒豬頸肉係重點，佢呢度真係整得好香口同脆口，舊舊都咁香而且唔膩，加上秘製醬汁，根本冇得輸呀!

之前看雜誌見到一間吃泰國料理在銅鑼灣頗感興趣 ~誰知道即日訂座就是滿，即使有位的時間也太晚就放棄了。但還是想吃泰菜，所以轉去另一家有吃過又覺得不錯的泰國餐廳！泰式食位於銅鑼灣金百利8樓，是說這大廈~ 感覺樓層愈高便愈少人去 ...所以我們Book即日7點半還是有位。點了一個 - 自選二人套餐 ($338)套餐中包括湯 + 小食 + 主菜 + 蔬菜 + 甜品湯選椰汁雞湯 - 味道很澴厚，有香茅、草菇等等的材料雞肉大概是另外再放的? 吃落很嫩口！小食選泰式青木瓜沙律 - 就調味來說是很惹味不錯 ...但不太喜歡蝦乾那些有點硬，咬得有點費勁 ...主菜選的是 - 青咖喱配豬和白飯 (也有牛/雞可選)這個青咖喱雖然辣，但帶少許甜味~有看到材料中有提子！喜歡這種較為溫和的咖喱，配白飯來吃也剛剛好。豬是肉片~嫩口得來帶嚼勁！另外還有茄子、四季豆等等蔬菜選 - 飛天炒通菜很濃味的炒菜~並沒有很辣，還有麵豉醬的味道。甜品則是芒果味的大菜糕 (口感)另外還多點了 - 泰式拼盤 ($108) 有素菜春卷、蝦餅、魚餅蝦餅很彈牙，魚餅的則有點微妙~春卷皮薄且夠脆~吃起來很香口飲品 - 珍多冰 ($35) &

舊同事嚟左銅鑼灣揾我食lunch, 問我有咩實惠推介。我即刻推介呢間泰國餐廳，因為佢既午餐真係底食，同埋環境都好舒服，適合講野。去到午飯時間等候上位於金百利的餐廳，係要預啲時間，不過上到去都好快有位。午市的套餐係半自助餐，一個主食，一杯飲品，仲可以自己拎湯，沙律同蝦片。湯有中湯同冬陰功，我自己就只試過冬陰功同蝦片。冬陰功有好多料，唔太辣，我特別覺得啲菇好爽口。蝦片好脆脆，會食到停唔到口。那天我就叫左每次必點的炒金邊粉。一如既往的好足料，大大份，即炒又好香。自己可以因應可接受的辣度或味道再去撈放在邊邊的辣椒、花生和糖。銅鑼灣70蚊內食到呢個包飲品，又有沙律、湯的套餐真底食！

中午嚟銅鑼灣食午餐，好耐冇食泰國嘢，就入咗呢一間餐廳。呢度的午餐係semi buffet，有冬陰公湯同埋中湯任飲，仲有兩款沙律任食。中午餐單大約$50-60，唔算貴，同埋好多選擇，有咖喱有海南雞飯應有盡有。見到隔離枱個焗咖哩飯好似好吸引，不過最後揀左椰子飯。大約5-10分鐘個椰子飯就來左，個飯嘅份量唔算多，有椰香味，$60的價錢來說算是得便宜。

#泰式食 (銅鑼灣)銅鑼灣記利佐治街1號金百利廣場8樓 R3-----泰式濕炒豬肉片河（$58）先唔講食物質素 $58半自助set lunch 包一款主食 兩款小食（小食日日唔同 b仔有見過炸雲吞 炸蝦片 沙律 凍粉絲 木瓜沙律）一款中湯 一款冬陰功湯 一杯野飲 除左主食同野飲 其餘全部都可以無限refill ...加埋一 都唔使70蚊埋單～ 今時今日 抵到咁 去邊度搵😦😦😦雖然抵到爛 但係食物製作全部都唔馬虎 中湯同冬陰功湯雖然都偏淡少少 但係味道都唔錯 配料亦都多 冬陰功湯裡面經常有大量🐔雞肉任你食 而小食都好唔錯 沙律裡面通常有火龍果 蘋果 同薯仔 有時候仲有菜同蛋 凍粉絲同木瓜沙律都係酸酸甜甜好開胃 而最好食ge就係佢地ge炸雲吞同炸蝦片 全部香脆即炸 令人完全食到停唔到口 主菜濕炒河 肉片夠嫩 河粉夠滑 （唯一唔夠好係有時d河粉會癡埋一舊）加埋多種蔬菜 例如紅蘿蔔 草菇 芥蘭 西藍花 同粟米仔等等 又健康又好味～🥰整體黎講 呢度lunch set ge性價比真係好驚人 係大胃王食lunch ge好選擇-----B仔整體評價：9/10個👍🏻B仔抵食程度：9.5/10個👍🏻（記

在銅鑼灣金百利廣場8樓的泰式食，吃一個午餐可以是不錯，70~80元左右，包括泰式沙律和湯。
當中不是每個餐都有質素，要小心選擇。若要選擇味道清爽一點，我較喜歡這一個棷青焗飯。飯和椰青看來是分開，椰青早已被刮空，完全沒有椰青肉兼很像一個飯碗，不過飯混著少許棷青肉焗，吃入口仍能滲出少許棷香味，面上這一層棷醬也很開胃。其中也有不少人選擇海南雞飯，賣相看來也很整齊和吸引。這店中午一點後開始人頭湧湧，最好的時間就是在12點半之前來到。

1.椰汁雞湯 椰汁味係有嘅，雞件份量都多😚但水份比較多🙈我覺得可以再濃郁d！2.椒鹽炒鮮魷🦑夠鑊氣喎，d魷魚既新鮮又彈牙，份量都唔少，辣辣地，食落好滋味。個醬汁攞嚟撈飯都好正啊！3.炸蝦餅炸得好香脆，熱辣辣，食嘅時候要小心啲😝表面鬆脆，內裏彈牙，真材實料啊，應該用咗好多隻蝦黎整？4.蒜蓉炒西蘭花 蒜蓉味十足，西蘭花爽口，新鮮，青BB好吸引，食到一舊都冇剩😚不過可能我食過好好味嘅泰國餐廳啦，呢一間都不過不失，如果喺銅鑼灣行過，都可以黎試吓嘅😝

影咗唔少想不過唔知點解唔見曬 但係都寫個食評啦，呢間餐廳位於金百利銅鑼灣 以前去過一次 剛剛星期五同 三個朋友一齊去， 叫咗好多嘢食 皇宮蝦網炒貴刁， 青咖哩， 炸春捲， 生蝦， 叫咗一條烏頭魚， 芝士脆生蠔。好多員工都係泰國人 佢哋都好熱情， 同都有禮貌嘅。畀咗個vip位我哋所以坐得好舒服埋單total 270蚊一位

9點幾做完先食晚餐，見到金百行果邊既餐廳仲開緊，就揀左泰式食。皇宮大蝦蛋網炒貴刁，賣相一流👍🏼味道幾好，每一啖都食到雞蛋同貴勺，口感豐富！青咖哩雞配薄餅，味道一流，不太辣，咖啡味夠香👍🏼配埋薄餅或白飯最好，好開胃！芝士焗生蠔，焗到個蠔殼邊都脆哂，芝士味夠濃，蠔肉算大粒，幾Juicy, 唔會dry.素菜春卷，皮脆材料夠多，唔會食落好粉，加上泰式酸辣醬👍🏼值得一提泰式生蝦，唔記得影相，最驚喜係除左生蝦外，仲上多一細煲清湯，俾一d唔太食生野既朋友，可以半生熟食，又有湯飲👍🏼👍🏼細心程度加分。

星期日下午點左個pad thai同熱咖啡服務好差 主要一個泰妹話事除左個泰妹之外其他待應咩都唔識問佢 「pad thai有咩肉」唔識問佢「咖啡可不外賣杯」夠膽講大話無外賣杯個泰妹態度奇差到個pad thai,睇下我張相，好似好好食？好紅？錯，完全無味蝦肉有兩小隻環境還好 但係都係差睇得出待應們都無心做唔係好應人唔係好彩人咁真係差差差差講真，估唔到金百利依家野食差左好多，香港依家周圍都大把好野食 競爭又大以後唔會上黎食