泰廚泰國菜館

营业中

休息中

同朋友去金魚街買d野零食比佢隻狗狗。買完大家都肚餓，加上又俾一間泰國舖嘅串燒味道吸引咗，就入左去呢間泰國菜館食野。今餐我地叫左泰式小食併盤，豬頸肉撈檬，一定有叫串燒雞肉同串燒和牛，叫埋個泰式通菜，飲品就叫左泰式青檸梳打水同涼粉冰。第一樣泥既係泰式小食併盤。我地只係叫左細份，估唔到都幾大份！併盤有蝦餅、春卷同香茅魚餅，每款味道都唔錯。配埋嗰個甜酸汁非常開胃。之後泰式通菜。因為夠鑊氣，所以將普通嘅通菜都炒到好惹味。而主食豬頸肉撈檬既豬頸肉勁有炭香味，食得出佢地係用炭爐即刻燒出泥，正呀！檬粉方面配以甜酸汁，口感清新。豬頸肉配檬粉食，完全唔覺豬頸肉會好油膩。而聞味而叫既串燒雞同串燒牛應該係即叫即燒，燒完都唔會好乾。自己最怕d好乾既串燒，佢地燒既時間就岩岩。店員仲好好介紹，餐廳依家有推廣優惠，食滿$200就可以加$1換佢地小食 / 甜品。我地就換左泰式海蜇，正呀！泰式汁加去海蜇，酸酸甜甜，十分好。泰式青檸梳打水仲真係用泰國梳打水，又解渴。總拾而言，價錢合理，味道正宗。

與朋友午餐在「泰廚泰國菜館」，原本在晚市供應的招牌美食品，午市也特價，那麼，就要嚐嚐泰式咖哩大頭蝦與薄餅。餐湯湯水清晰，湯味帶胡椒微辣味道，湯水中有肉碎、唐芹菜材料。兩串和牛串燒，和牛肉串，間有綠椒與洋蔥來燒，綠色的醬汁與和牛肉，吃起來更鮮甜美味。色香俱備的泰式咖哩大頭蝦很快便端上枱面來，咖哩汁有很多配菜烹調，綠與紅椒 、西芹、洋蔥、滑蛋、韭菜、薑片.....所以咖哩汁味道清香、清甜中帶少許微辣，汁液香滑，用薄餅沾咖哩汁吃，十分美味可口！泰式咖哩大頭蝦打卡後，我們就不客氣了！穿戴透明手套後齊齊分享美味大頭蝦，大頭蝦共有三大隻之多，肉質爽甜。我的咸檸梳打與朋友的珍多冰，吃過香濃泰式咖哩大頭蝦，再喝這樽有氣梳打水，遇上咸檸是無敵的配合，清新解膩。椰汁、西米與清甜粟米粒，構成是極具泰式風味的椰汁糕，是滿足的餐後小甜品。「泰廚泰國菜館」是街坊泰國菜館，菜館劃分地面鋪與閣樓，裝置平實，我每次用膳都在地面鋪享用，食物與招待挺好，價錢合理。

第一次食呢間已經可以肯定無下次，燥到傻左！想貼錢買難受就去拜訪下啦下。一入去人客比較多，想坐樓上無得左，OK唔緊要，坐圓枱同其他人搭枱，拎住一袋二袋無位擺袋好狼狽，好，都算！等隔離枱走左，想調位過去，個四眼男人話：「唔調得！」「唔可以調位㗎！」其實餐廳唔比調位係咩心態？？調位有咩問題？？已經燥燥地，雞串黎到，見到上面有一支支嘢咁，朋友好奇用手掂下，個四眼男即刻話：「嗰啲香茅黎㗎！唔好以為係毛啊！我地用雞胸唔會有毛㗎！」下咩事，使唔使即刻起槓啊？唔比我唔鍾意香茅㗎！？跟住條烏頭到，個女侍應就咁亂放左條魚喺枱，突然勁快走左去，心裡20個問號，想起筷之際又突然出現放低左碗湯，話同條烏頭一齊的。好啦真係起筷，四眼男又出現：「等5分鐘先好食啊！」哦原來有食法嘅，唔到食嗰刻都唔講，真係唔該晒。見到有個客walk in 入黎，用手量體溫量左幾次都量唔到，「你部嘢壞左喎」，四眼男再次起槓！！「我肯定呢部嘢無壞，你唔夠溫度咋！你唔信嘅去睇下中醫囉！」個男人聽到竟然仲忍到，身為男人咁都忍到？？最後我起左一半身想喺個手袋到拎紙巾咋嘛，四眼男即刻話：「你想點，有咩幫到你」下！？？咩事！？？我郁一郁都要同你交代

阿女放假出來走走逛逛，今日年青人要來金魚街睇龜龜兔兔貓貓，下午先出嚟，決定早一點食晚飯，不用同人逼。附近搵到泰國菜館，香口食物選擇多，二話不說就這個吧。店員推介抗疫優惠價益食家，天天都有特恵泰國菜式，老公都話抵，我哋一次嗌咗三個：魚、雞、飯。泰式明爐烤烏頭~泰國傳統魚形烤爐原條烏頭上，熱辣辣香噴噴，香料包括中芹、香茅、九層塔、薑片、葱，其他材料秀珍菇、椰菜、紅蘿蔔、肉碎等等，特別的有酸梅，魚湯香濃，酸咪咪，好醒胃，烏頭新鮮，魚肉又香又滑。 泰式海南雞(半隻)~賣相已經好吸引，食落肉質嫩滑，海南雞本身味道都唔錯，配泰式特製海南雞醬，少少辣少少酸，更可口。泰式菠蘿炒飯~用新鮮菠蘿盛載咖哩炒飯是泰國菜獨有的特色，加添視覺效果，令食慾大增。材料豐富，鮮蝦、青口、魷魚、菠蘿、提子乾......上面鋪滿豬肉絲，菠蘿殼本身可以保溫，食嘅時候依然暖笠笠。串燒腊肉(豬)~店員特別介紹這個是泰國傳統串燒肉類，貌似由豬肉特製的大肉腸，肉味豐富，估唔到阿女好鍾意食，可以沾少少特製酸咪咪醬汁。串燒和牛~配以特製青辣醬，和牛脂肪含量夠高，肉汁豐富，烤得非常香口。食滿$200加一蚊有泰式生蝦，咁抵一定要試啦。珍多冰

今日天陰陰又落雨，唔想淋濕就去左附近餐廳醫肚。黎左附近嘅泰式餐廳，有二層高，可以選擇樓上卡位坐，舒舒服服食lunch。我同朋友分別點左金邊粉&火車炒飯午餐套餐，另加一碟拼盤小食。午餐套餐包括例湯和飲品，不用加一，平均$55一餐，性價比不錯。金邊粉炒得有鑊氣，配以雞肉、豆乾片、蔥等配料，非常惹味！而火車炒飯相對略為失色，不過也是不錯的！小食拼盤(小)，有雞肉串燒、蝦餅、春卷、鯪魚肉、蝦片等，個人推薦串燒和蝦餅，醬汁非常搭而且大大份好抵食。

同朋友小聚去食泰菜 點知一食就中伏。炒通菜 無鑊氣 菜又勁淡味而且服務員態度惡劣 落單好似好趕時間咁豬頸肉👉🏼👉🏼👉🏼切多一刀都懶  食體咁多間泰菜  唯獨呢間香料味極濃  完全食唔到豬頸肉嘅味  而且仲有豬毛係上邊  激鬼死菠蘿炒飯👉🏼👉🏼👉🏼 食落有陣膠味  配料得提子乾同d豆     最離譜係我哋食倒個炒飯落隻碟到佢即刻收走我哋個菠蘿  然後扔落要洗嗰個盤到  而唔係隔離個垃圾桶！？炒通菜👉🏼👉🏼👉🏼無鑊氣 菜又勁淡味 海南雞👉🏼👉🏼👉🏼得個咸字 骨多過肉

旺角有唔少泰式餐廳，所以一直都好少特登去九龍城食。而今次呢間餐廳，一直都有唔少捧場客，當晚6點到達，坐左一陣入座率都已經有7-8成，人氣都算高。黎之前睇過d食評，見十個有八個食客都話呢度既串燒、小食拼盤抵食，但由於唔想食咁多炸野，結果只點左串燒同燒雞翼。串燒@$12，燒雞翼$15呢度只有豬同雞揀，如果真係想食牛，都可以揀和牛串燒，不過我見評價一般，所以無試到。其實兩款串燒都唔錯，出面坊間為左燒豬肉唔乾，通常都會用好肥既豬肉串，但呢度既豬食落啖啖肉，但又唔會好鞋。至於雞就正常水平，無特別驚喜。燒雞翼調味正常，但由於我只食搥位，肉質鞋左d，朋友亦表示normal。香茅豬扒飯 $65份量好大，豬扒大塊得黎又有d厚度；我估鬆肉粉落得比較少，所以仍然保留到肉質原有既扎實感，但又唔會好硬，配埋個酸酸甜甜既汁，開胃又餸飯。雖然豬扒肥膏位都有唔少，但整體味道唔錯。黃咖哩雞 $80 配薄餅 $30全餐飯比較令人失望既就係呢個咖哩，香料味唔重，味道偏甜，而且好稀好水，如果水落少d，煮番杰身d就更好。薄餅外層煎到好酥脆，食落”嗦嗦”聲；本身沾咖哩好好味，但可惜咖哩好水，唔太掛到d汁。餐廳優惠，只要惠顧滿$2

特色兼地道跟Ryan baba食飯總是特別多話題，可能大家有共同話題，嘿嘿......說回正題，我們到泰廚泰國菜館食過一餐午飯，邊食邊聊天，好快又一天。地方有上下層，可以坐多幾枱人客。香葉辣椒肉碎飯48元有一大碗白飯，上面舖着一隻荷包蛋。 香葉辣椒肉碎的份量都不少，肉碎炒得香口，不會太乾身，保留少小肉汁，辣度適中，餸飯很開胃，因為刺激了味蕾，嘿嘿.....會變得越食越多。鹵水豬手飯48元豬手鹵得好入味，而且不硬，容易咬，有點甜，配微鹹，好開胃的一個豬手。豬皮鹵得不太肥膩，所以我連豬皮豬身都一口咬食到肚子裏。旁邊有伴汁，酸辣汁我沒有用，因為沒用都已經好好味了。以上兩個飯有餐湯和青檸冰送。另外，有叫小食 ，木瓜沙律38元。份量都不小。木瓜蕃茄等都全生 ，木瓜就比較硬身，蕃茄就比較軟身，兩者配合，既做到酸酸醒胃效果，又做到硬軟交雜的特色，都幾特別。最後，我們合共134元，平均每人67元。

呢間位於旺角金魚街嘅泰國餐廳，我已經幫襯過幾次😋😋。除咗位置方便，行完街就過嚟之外，有泰式味道及價錢實惠都好吸引🤩今次主要食即炒餐系列 菠蘿雞絲炒飯餐，配有餐湯及青檸冰 （$55）- 成個炒飯都好有鑊氣，材料仲好多，雞絲、菠蘿粒、粟米粒、肉鬆、提子乾、青豆、蕃茄、洋蔥粒～～～ 而飯粒都炒得好乾身彈牙。 泰式炒粉絲餐，配有餐湯及青檸冰 （$55）- 同飯一樣，炒得火喉十足，有好多料及蔬菜，伴粉絲食，口感十足。粉絲炒得好煙韌入味。餐湯係冬瓜芫茜湯，清清地去油膩。 青擰冰，酸酸甜甜，入口清新，夏天飲更涼爽😌最後仲叫咗泰式椰汁糕（$36 ）已經有6杯仔，香濃的椰汁糕上層，底層是軟而爽的西米及粟米粒。

泰廚Thai Chief 🇹🇭 -泰國菜🤗-親民價錢💪🏻-地道💓1️⃣香茅豬扒湯河味道分(tastefulness)：⭐️⭐️⭐️打卡分(photogenicity)：⭐️⭐️⭐️份量分(Size)：⭐️⭐️⭐️環境(Environment)：⭐️⭐️ 服務(Service): ⭐⭐⭐➡️香茅豬扒偏肥，但香茅味十足，非常香口！🙆🏻‍♀️➡️湯河份量一般，湯底清淡🤗💓泰廚泰國菜館 (旺角)旺角通菜街126號地下

一向都鐘意食泰國菜濃味又夠辛辣但係香港要揾正宗既泰菜唔易泰廚泰國菜館係我會重覆黎食既餐廳因為真心好味今日4pm黎叫左個小食拼盤椒鹽海鮮炒飯小食拼盤有兩串 串燒 可簡雞或豬肉蝦餅 魚餅春卷 蝦片一次過滿足哂想試唔同小食既慾望串燒我要左雞肉好鐘意佢地既串燒醬汁甜甜地 辣辣地係出面食唔到既味道雞肉好嫩 燒得岩岩好 蝦餅魚餅都好正新鮮炸出黎熱辣辣 非常彈牙春卷足料又皮薄 夠脆身冇得彈炒飯亦係高質素非常夠濃味 好夠獲氣但食完又唔會口乾有足料海鮮蝦呀 魷魚 青口蝦肉非常彈牙 次次黎都必飲龍眼冰大大杯 唔太甜 係清甜解渴而且非常多龍眼 十幾粒又香又甜 唔似出面淨係比一兩粒

今日同朋友去旺角行街行到去通菜街就見到呢一間好多人都之前介紹過嘅泰國餐廳，因為我哋係下晝三點幾下午茶時段所以唔算多人所以我即刻捉咗朋友入去試一試。而家仲做緊外賣自取有八八折原本已經唔貴仲有八八折簡直係抵到爛除此以外餐廳仲做緊其他優惠每消費滿$200就可以加一蚊有其他嘅美食例如木瓜沙律泰式生蝦等等下午茶嘅選擇都唔少嘅花多眼亂嘅我就叫咗一個泰式扎肉沙律配上香茅冰下午茶嘅份量都算非常之多！而且佢嘅醬汁酸酸辣辣非常之開胃估唔到扎肉嘅份量比我預期中嘅多而且非常之厚實而我朋友就叫咗馬拉盞雜菜炒牛肉配青檸汁份量又係好多。馬拉盞嘅味道香氣撲鼻兩杯飲品都唔錯非常之解渴尤其是係呢個咁炎熱嘅夏天裏邊好似有一種泰國嘅風味除此以外我哋仲叫咗兩全部牛串燒同埋1雞1豬嘅沙嗲串沙嗲做得非常之出色，而且雞肉同埋豬唔會燒得好乾好Juice和牛都非常之林中間仲隔咗青椒，唔錯唔錯整體我都非常之滿意最緊要佢係佢非常之抵食

朋友聚會緊係要試新嘢啦🥳😋多人一齊可以食到多種既食物，我哋一行四人揀咗食泰國嘢，泰廚嘅門口唔算大，入到去店員帶咗我哋去樓上果層，安排左卡位俾我哋，座位唔算大，坐低之後我哋只係轉身，都會摩擦到隔離嗰個嘅手臂😂😂雖然咁耐冇見，仍然好親密😅...睇緊菜單嘅時候，其實好多嘢都好想試，但係又驚唔好食所以只係叫咗三樣先，泰式金邊粉、泰式生蝦、泰式拼盤。泰式金邊粉真係好嘢未啊，我哋四個人一人一啖就食完啦，泰式拼盤都係一樣好味😋🤤入面有串燒、炸蝦餅同埋泰式春卷，食到呢度我哋就忍唔住開始繼續叫啦海鮮冬陰功馬拉盞炒菜青咖喱雞，因為串燒都好好食😋我哋額外再叫咗一份，因為青咖喱同埋個串燒汁都好好味，叫咗份薄餅都有點到啲汁嚟食，嚟到食泰國嘢飲品梗係唔少得啦青咖喱起初以為會好辣，但係可以接受，咖喱等級：紅咖喱係最辣，青咖喱係適中，黃咖喱係最普通，因為有個朋友唔食得辣佢試咗一啖就冇再食啦，怕食辣嘅人要留意啊！雖然我哋全部都係女仔冇諗過竟然可以清晒枱上面全部嘅嘢食可想而知有幾好味啦😋😋而今次嘅嘢食，我最鍾意係個金邊粉同埋海鮮冬陰功我好鍾意冬陰功嘅香茅味，雖然好辣但係真係越飲越過癮😍😍如果怕食辣真係唔建議，因為佢嘅辣度

雖然鋪面唔大,裡面只係容納得到10幾20張桌不過食物款式好多,好多時見人地在餐廳門口旁O既串燒檔買串燒,非常之香呀!第一次來食,叫左1個泰式炒飯, 賣相好得意,有特色o既薄煎蛋,包住整個炒飯球,好有睇頭叫左清淡O既札肉金邊粉,仲有旁邊O既香料可以加落去粉麵軟硬度岩岩好再加一份燒豬扒加沙律,好惹味,好吸引o既賣相非常香口呀服務態度都OK, 上菜速度快!支持小店

今天，我和老公到了旺角逛街。不經不覺走到通菜街，看到這間非常有特色的泰國餐廳，門口更有職員在燒香噴噴的泰式串燒，香味撲鼻，肯不住馬上拉老公進內吃晚飯。餐廳還做優惠每消費滿200元便可以加一元換購 這些美食：泰式木瓜沙律/泰式生蝦刺身/泰式海蜇/椰汁糕我們加一蚊有四大隻泰式生蝦刺身。刺身完全沒有腥味，還非常彈牙和爽口，配上特製的泰式辣汁，超開胃。泰式小食拼盤（小）拼盤非常大碟，一點也不「小」，而且款式十分多， 有炸蝦片、泰式春捲、炸魚餅、串燒，辣辣送上枱，香味撲鼻，味道一流，特別是豬肉串燒，咬開時，肉汁溢出！泰式海鮮乾炒牛河 賣相一流，材料又多，有大粒又肥厚的青口、彈牙的鮮蝦，炒河夠鑊氣，煮得非常有水準。泰式炒通菜通菜顏色青翠，口感爽嫩，味道也很正宗，不會太辣，大大碟抵食，必點！