泰廚泰國菜館

营业中

休息中

位於旺角天橋附近的這間餐廳不算顯眼，，於是便試試看，餐廳內有不少泰國文化的裝飾，例如國旗、泰王畫像，感覺像是當地人開的。餐牌選擇很多，圖文並茂，而且菜式名中、英、泰文都有。先上菜的是火車炒飯，用料很多，有蕃茄 菜心 雞肉 雞蛋等等。另外點了青咖哩配雞肉，味道鮮甜，除了青咖喱特有香料和雜菜外，上面還鋪了一些瑤柱絲，香氣十足，而且是無骨雞。然後我們點了一個馬拉盞炒雜菜，可以看到醬汁鋪滿在芥蘭、椰菜、西蘭花上面，雜菜爽口，而且辣度適中，配上青咖喱和炒飯剛剛好。 另外，點食物滿$200還會送自選小食， 我們選擇了生蝦刺身，肉質鮮嫩，配以泰式酸辣醬汁，雖然是額外送的，但是份量都算多，我們差點吃不了所有食物。

已有一段時間無吃泰國菜，來到旺角，順便嚐嚐。樓高兩層的泰菜館，門口是串燒檔，內裏放了泰國畫像。馬拉盞炒椰菜苗($75)，椰菜向來給人爽中帶硬的感覺，馬拉盞更能突出椰菜苗的口感，特別是微辣的辣椒，令整碟椰菜更惹味和更顯得鑊氣足。再嚐串燒沙嗲(豬、雞各一，每串$15)。串燒沙嗲是每次必點的，因其醬汁極惹味，澆上串燒、撈檬或蔬菜都十分美味。豬肉和雞肉串燒兩者的口感差不多，豬肉比較有實在的肉口感，而雞肉比較滑。串燒中以泰燒和牛串($25)最惹味，厚實的肉纖維配上香草汁，令口感和味蕾都得以滿足。炭燒豬頸肉撈檬套餐($45)，撈檬的醬汁不多，如配馬拉盞椰菜苗吃，其鹹香會令撈檬變得惹味。豬頸肉量多，燒得香脆，配上極大份量的滑檬粉，非常飽肚。紅豆冰(套餐+$5)，甜度適中，紅豆多，如紅豆煮得稔一點會更好。至於三絲撈檬套餐($35)，有雞絲、蛋絲和扎肉絲，蛋絲微脆、雞絲帶點煙韌，扎肉絲則最爽口，配上撈檬，口感甚佳。三絲的份量同樣甚多，由於三絲的口感不一，形成多層次的口感。涼粉冰(套餐+$5)，細粒涼粉容易入口，甜度適中，涼粉量多。泰式鮮奶燕窩(凍)($58)，原來是鮮奶加上燕窩，與想像中的固體甜品不同。

泰國菜一直都係家人既至愛，今日閒遊旺角時見到泰廚大大的招牌，剛差唔多到晚餐時間，我們就揀了這間餐廳作為今晚的晚餐選擇。餐廳分為上、下兩層，地方十分整潔，座位闊落充滿著泰國的風情。泰式酸辣鳳爪沙律是我最鍾意吃的餐前小吃，甜酸中帶辣，十分醒胃，一年四季食都不會厭。惠顧滿$200加$1便可以在四款菜式任揀一款，我們揀了泰式海蜇，海蜇一大大片的兼厚肉，加上酸辣的醬汁， 惹味又爽口。泰式冬蔭功大頭蝦湯是一味具有特色的湯品，海鮮鮮味又足料，湯裏集合了酸辣甜鮮的味道，口感嫩滑；酸辣香甜鮮五味俱全 ，舌頭更帶著蝦的鮮味令人回味。最後，來一個特大的泰國椰青，內裡好多椰汁，椰青味非常濃郁，清甜解渴，yumyum。今餐令我們仿如置身泰國一樣呢～

旺角很多嘢食，我今晚選擇了位於通菜街的泰國菜館~泰廚泰國菜館。餐廳有上下兩層，座位有卡位，裝修整潔明亮。泰式香葉辣椒肉碎噲飯$65這個肉碎飯，我覺得很有泰式的味道 ，所以每逢食泰國菜，一般都好喜愛叫這個菜式。肉碎炒得香香辣辣的，有很多腍中帶爽的豆角粒及有香葉和紅辣椒，伴飯食真的越食越惹味。有驚喜的是還配有一個流心煎蛋，蛋煎得外邊有少少脆，蛋黃內裏流心，香香滑滑，拌飯食真是絕配！！泰式酸辣鳳爪沙律$80鳳爪沙律味道甜中帶少少酸辣，非常爽口， 配菜有香芹菜、洋蔥、芫茜蔥 、紅蘿蔔絲……等等，很惹味！泰式鹽燒黑鰂魚$130 鰂魚面上鋪著很多經燒過的鹽，特別的惹人垂涎，黑鰂魚不是很大條，但燒得肉質嫩滑，非常香！！滿200可以叫一個一元菜式，有泰式木瓜沙律、泰式海蜇、泰式椰汁糕及泰式生蝦，我要了木瓜沙律 ，木瓜非常爽口，酸酸甜甜食落很清新惹味，酸酸辣辣甜甜的刺激味蕾。加多個飲品，食得很滿足！

每次來親魚街都會比佢好香既串燒味吸引既泰菜, 今次又來買野順便食泰國野,一間舊式既泰菜館但正宗味道^^1) 泰式海南雞半隻: ($74)- 肉質肥美,肉嫩,個醬汁好味有少少辣辣地,但出面好少食道.2)生菜包: ($72)-有正宗既泰菜味, 好怕食好瘦好乾既豬肉, 生菜包一定要有肥肉先好食所以來親一定要叫生菜包, 但如果佢魚露味再重一點就Perfect3)生蝦刺身: ($1)-衣個刺身係食滿$200加$1送既, 所以個4隻既少, 但佢既肉質都係爽甜同埋夠新鮮!4)龍眼冰: (24) -本身仲意飲龍眼冰, 所以食親泰菜一定會飲, 但衣間d龍眼肉味好重,甜度適中.5)咸檸七: ($22)- 好味6) 泰式豬手$58)-吳記得影相, 又係肥味係列, 都係好味道.

天氣好熱，晚餐唔想食飯！粉麵又熱辣辣,經過通菜街見到門口燒住泰式串燒好鬼香🤤🤤二話不說,串燒晚餐😂😂入到嚟地方有兩層,充滿泰式裝飾,好有泰國feel,冇得去旅行,食泰式串燒補番數😂😂店員即刻介紹有滿200蚊可以揀一個一蚊item' 400揀兩款,600揀款,仲有幾款特價菜色㖭泰式串燒全部即叫即燒．最愛雞肉串唔使吐骨．好鬼大串呀沙嗲汁好香濃小小辣．好惹味👍葉得非常入味,陣陣香茅香味添和牛串燒都值得一試,夾住洋蔥青椒,可以減低油膩．燒得脆脆地😋泰式燒豬頸肉夏天食真係好適合,非常香口．少少肥,泰式醬汁,正是泰國菜精髓😍😍$1 泰式青瓜沙律,都幾辣下好開胃．配串燒解油解膩飲埋個泰式椰青．咁就當去咗泰國啦😂

這間位於旺角的泰菜館，地理位置超方便，價錢非常大眾化，服務員是泰國人，餸菜味道也很泰式，可解曼谷旅行相思之苦。餐廳正做優惠，一至日的優惠菜式可任叫，叫滿$200又可加$1選一款小食，抵抵抵！泰式古法烤槽魚即叫即烤，需時較耐建議入內即落單，打開錫紙已聞到陣陣茅香，魚身大大條超多肉，魚肚位置特別香，原來也滿佈另一堆香葉香茅，加少少醬汁已很足夠。泰式豬手(例牌)瘦肉及肥膏比例剛剛好，啖啖膠原蛋白入口很滑溜，豬肉入味但不會過韌。串燒沙爹是招牌小食，點了雞及豬各一串，果真美味，特別愛這自家製的沙爹醬，少少辣卻有濃濃的花生味😋馬拉盞肥牛炒通菜有鑊氣，肥牛多得完全蓋過通菜👍🏻泰式生蝦新鮮，加$1有得食抵到爛吖。泰式香茅冰很特別，少計薑味清新解暑，兩款啤酒：泰國象啤及星霞啤酒淡淡的非常易入口🍻 幾時再可以去泰國旅行呀！

昨日和魚姐相約食午餐，可是她要開會，遲了，本來相約食中午，拖到下午茶時間才出現.......(等到我頸子都長......==) 最終我們3時才食飯！！！去泰廚泰國菜館食到飽一飽，可能餓太耐，大家都相當開胃放任地食 。食物質素都好，全部食清光，平均每人$124~ ( 連加一服務費$247)泰式豬手（例）$58份量多！賣相吸引～醬汁甜鹹特別，有特色風格～底部有芥蘭菜，清翠鮮綠～豬手多肉，肉嫩不硬，烹調時間控制得幾好～豬手無毛，連皮食都得，大啖大啖食～東坡肉飯$55、跟紅豆冰$5東坡肉肥瘦適中 ，配飯開胃可口～醬汁特制 ，伴飯好夾～配菜炒得清脆可口，不老～海南雞飯$52 、跟紅豆冰$5雞肉不硬不老，連皮食好味～醬汁特別，沾雞增添風味～紅豆冰的紅豆份量多，有咬口，椰汁味又香又濃～下午茶：鳳爪拼辣扎肉沙律$40酸酸辣辣，醒神開胃～鳳爪已起骨，整件食都方便容易～辣扎肉份量多，整碟好大碟～本身：有送飲品 ～下午茶：串燒餐- 雞翼和雞串$32醬汁精髓，回味在心頭～燒制時間剛好，肉質不乾不硬～伴飯跟酒其實都得～本身：有送飲品 ～

泰廚喺旺角應該無人唔識啦😆喺通菜街同旺角道嗰邊嘅天橋下面 屹立咗好長時間 經常都會比門口外嘅串燒香味吸引住😛喺呢度lunch就食得多 晚餐都係第一次 原來無論午餐晚餐都一樣咁抵食💯◽沙嗲雞串燒雞肉夠嫩滑 唔會燒到乾爭爭 沙嗲味好濃郁 除咗雞之外 仲有豬同和牛揀◾泰式肉碎生菜包份量十足 肉碎係半肥瘦 調味唔錯 生菜全部大大塊仲好新鮮 坐落感覺好fresh◽泰式海蜇 同平時嘅海蜇唔同 唔係一條條 而係一片片架😍口感更加好 配上平時點生蝦嘅醬汁 越食越開胃◾泰式生蝦食泰菜必須有吧😌呢度嘅生蝦有7隻咁多 蝦都算厚肉 而且佢哋嘅醬汁真係調得好好 加埋蒜同辣椒 一隻接一隻 唔洗5分鐘已經清晒◽泰式火車炒飯一生枱已經勁香 其實order嘅時候都唔知咩嚟 不過又想試啲未食過嘅 就試下啦 材料好豐富 有蕃茄/洋蔥/菜心/雞蛋/炸蒜/雞肉 炒得又夠乾身 份量勁多 以為會食唔晒 但最後因為太好味 成碟清晒😂

香港人口味的泰菜!!大部分食物都係中等的辣度又夠曬香濃！個人最鍾意佢呢度的青咖哩雞肉，再分開配搭埋印度薄餅/蒜蓉法式多士。聽到呢個配搭就知點解我話佢好香港人口味，因為配搭夠曬彈性，泰式、印度式、西式都可以夾埋一齊😍不過我私心地鍾意印度薄餅多過蒜蓉法式多士，薄餅的油香十足，極之惹味，口感香脆，即使係浸左落咖哩度食之後都仲帶少點香脆！而青咖哩會比其他咖哩香甜，唔會太辣，推薦！串燒都係另一個香口惹味之選，沙嗲醬帶有好濃的花生醬味，而且仲有粒粒花生的口感，好出色。而雞肉同豬肉串即使燒過後都完全唔乾，仲係多肉汁鮮嫩。青木瓜沙律就真係食得辣的朋友會好鍾意，夏日熱辣辣，想食清涼辣野就啱曬，酸酸辣辣，青木瓜絲爽口，同埋又係有我最鍾意嘅花生粒🤣🤣🤣餐廳食夠$200就可以加$1點幾款小食，我就揀左泰式生蝦，$1有4隻生蝦真係好抵食，生蝦都算肉厚，上面粒辣椒真係好辣，加埋生蒜片食好爽🥶🥶🥶

經過寵物街，比門面整緊串燒嘅姐姐吸引左🥳次次經過都聞到串燒嘅香味，今次終於有機會入去食啦🤗❤️-我去嘅時間係大約3點鐘左右，而呢間餐廳下午茶係2:00開始😍因為我哋未食飯，所以就可以順理成章咁用下午茶價錢叫好多嘢嚟食👍🏻而呢間餐廳亦都有好多唔同嘅下午茶餐牌，選擇困難症嘅話可能都要揀10分鐘😆😆-1. 泰式豬頸肉湯河（冬陰功湯） $50 8.5/10😋👍🏻如果想飲冬陰功，又驚唔飽嘅話，呢個冬陰功湯河真係啱晒🤗冬陰功湯唔算太重口味，但係我覺得酸度同辣到都適中，食完唔會口渴😋而個河粉真係好滑，sir一聲就去到喉嚨😆豬頸肉亦都燒得好香，每一塊都好厚身，啖啖肉😍-2.生菜包 $40 9/10呢個價錢有呢個分量真係好抵食❤️豬肉碎炒得好有泰式風味，加上洋蔥絲更加香口🥳生菜分量都都足夠，最滿足係一塊生菜可以包一大湯匙嘅肉碎😍-3.雞肉串燒 $15 豬肉串燒$15 和牛串燒 $25 豬頸肉串燒$25 9/10 🍡話明比串燒吸引，入到黎點可以唔叫串燒😋😋豬頸肉、雞肉、豬肉串燒都係配沙嗲汁，沙嗲汁好好食，帶有少少甜，花生味好香濃，唔會太辣。最欣賞豬頸肉串燒，串燒嘅肉比起湯河嘅肉更厚身，食落去更加Juicy👍🏻

本身今日諗住行下旺角寵物街，一落天橋就聞到好香嘅串燒味，搞到我鬼咁肚餓，望一望餐牌發現旺角黎講呢間餐廳嘅食物都唔算貴，就決定食飽飽先去睇狗仔。平時行過真係好易會MISS 左呢間泰菜串燒有豬牛雞簡，不過牛嘅價錢就貴少少，而我地就叫左豬同雞再加豬頸肉。呢度嘅串燒用香茅醃得好入味，再加上秘制嘅醬汁，正。蝦餅口感彈牙。香茅雞扒份量好大，而且香茅好多，岩晒鐘意食香茅嘅我。泰式炒粉絲夠鑊氣，而且加埋肉碎一齊炒零舍入味。椰青都幾大個，今日咁熱最岩就係飲清涼消暑嘅野。

想食泰國菜，就會諗吓搭咩車出九龍城🤔但原來旺角，都有好好食嘅泰國餐館🤗每次經過，都會聞到好香串燒味，今日行完街終於入左去試，餐廳有兩層，全場爆滿我哋叫咗雞肉串和牛肉串。兩款不同的串燒用咗不同的醬料，雞肉串配泰式咖哩汁，甜甜地，好好味👍而和牛串配泰式生蝦汁酸酸辣辣好醒胃「泰式咖哩大頭蝦」佢哋嘅蝦唔單只個頭大，個身都好大，一碟三大隻，兩個人食都好夠。食咖哩，又點可以冇蒜蓉包，點啲咖哩汁，超正！唔食蒜蓉包可以選擇薄餅薄餅「泰式炒通菜」惹味又夠鑊氣，辣辣地，我自己差不多食晒一碟😋而家餐廳仲做緊優惠，食滿$200，就可加$1換碟小食。我哋叫咗青木瓜沙律，酸酸辣辣，又好掛住泰國今次我哋兩個人唔可以叫咁多，下次仲想試吓炒粉麵飯，泰式湯河，仲有海南雞

放工後和爸爸經過金魚街去買魚糧，經過這間泰國餐廳 - 泰廚泰國菜館，之前很多朋友推介要試，就決定晚餐吃泰菜！餐廳設有樓上座位，裝修擺設格局感覺也很正宗，很有泰味。餐廳正在宣傳滿200元加1元換一份小食，有四款，我們選了海蜇，涼浸浸及厚大的一片片，爽口彈牙。配上酸酸辣辣的汁非常清爽開胃的頭盤！爸爸喜歡吃魚，看到餐牌上有泰式古法烤槽魚，槽魚由錫紙包著，慢慢開後看到滿滿的香料蓋著熱呼呼魚，魚肉肉身厚，烤得鮮甜嫩滑，魚肚內放滿香料，點上酸甜的醬汁，非常好吃！馬拉盞炒雜菜份量很足，炒得很有鑊氣，有芥蘭、椰菜及西蘭花。加入了辣椒和薑絲炒，蔬菜很爽口，辣味剛好開胃又惹味！串燒是人手即叫即燒，點了串燒豬肉及雞肉，烤至外皮焦香，肉質很嫩滑，大大塊，蓋滿了濃郁的沙嗲醬及帶有炭火香味，吃下去感受到醬內花生香味及微辣，極之惹味，層次很豐富！青咖哩海鮮炒飯不會過辣，配菜很多，有青豆粒、青口、大蝦、魷魚等，飯粒分明，很有鑊氣，推介！最後飲杯冰涼的椰汁冰，香濃厚實很重椰香味，令這餐晚飯更滿足！個人十分推介的一間泰菜！性價比很高，食物質素很好，員工很熱情和健談！

肺炎期間 連出過街都要有所顧忌所以基本上想去玩更加係一樣妙想天開嘅事情仲要臨近夏天 我估大家都想去東南亞地區旅行至少我係咁諗哈哈🤣🤣講到明東南亞地區嘅話 應該都會諗起泰國😛但宜家呢個情況基本上冇可能去到旅行所以唯有食下泰國嘢 滿足下想去旅行嘅心情又因如此所以就約咗友人去泰廚食飯🤩直接講正題 食左啲咩！？有豬手 生蝦 椰青 等等⋯⋯嗌咁多野都係300蚊痴線 又抵又好食😍😍😍一定一定會瘋狂再嚟因為其實今次真係我唔知第幾次嚟幫襯冇10次都有5次😝😝😝