泰廚房子 (德福廣場1期)

营业中

休息中

同朋友約係德福食晚飯，傾開想食泰菜，就入去試下，我地叫左豬頸肉通菜煲，鹽燒魚，青咖哩雞配飯。先嚟青咖哩雞，賣相唔似平時食開嘅青咖哩，顏色出奇地綠，上檯時真係會比佢嚇一嚇，食落味道尚可，咖哩味唔太突出，雞肉還可以。之後到豬頸肉通菜煲，賣相及味道都不錯，只係油左些少，食落惹味，送飯一流。最後係鹽燒魚，魚肉質新鮮無腥味亦滑，點埋佢個辣汁好正，做緊晚市快閃優惠$69，都抵食。座位舒服，啱晒同朋友傾下計，服務算不錯。本身想比好評，但因為個青咖哩扣左些少分，所以比左一般，但其他我試嘅食物都好味嘅。