泰廚房子 (德福廣場1期)

营业中

休息中

放假到九龍灣德福廣場的泰廚房子吃午餐， 始終疫情期間都想快快吃完午飯之後就揸車離開， 坐低不久很快就點了泰式海南雞配黃薑飯+ 凍泰式奶茶$59， 泰式扎肉雞絲撈金邊粉＋ 熱泰式奶茶$46。🔷泰式海南雞配黃薑飯～ 海南雞肉質正常， 幸好黃薑飯的味道也可以。🔴🔷泰式扎肉雞絲撈金邊粉～ 伴菜的蘿蔔絲， 生菜和青瓜絲也不新鮮， 乾乾的口感硬身， 雞絲的外形完全是雞球， 配上一碗泰式辣汁， 沒有香味是死辣的。🔴整體食物質素普通， 個人感覺撈金邊粉完全不合格， 之後看見帳單上有泰式春捲券， 應該是贈送的，不過店員沒有給我，但我諗我都沒有下次了， 服務和食物質素都有待改進。

肺炎期間是旦行德福，諗住食好啲，係平台見到有間泰菜，走咗入去食，叫咗咖喱包，串燒同pad thai, 仲有兩杯嘢飲。啲咖喱同牛肉串燒咸到死！勁難食！真係咸到驚！唔係打手！我真心覺得難食！個pad thai啲面有啲酸縮味，好得人驚！唔係茄汁個啲酸味！係有一絲絲啲嘢食腐爛嘅味最后杯嘢飲，青檸soda 同香茅蜜糖都好淡！搞錯呀！有冇心煮嘢㗎？呃錢？垃圾餐廳！聽到侍應同隔離枱話有中菜menu又冇同我地講！點解唔講？

今日來到九龍灣shopping，行到腳仔軟，行出平台找到這泰式餐廳，套餐價錢好抵食，再加三個餸，四個人都好夠食。泰式軟殼蟹，表弟好鍾意食，一個人吃咗大半碟。紅咖哩炆羊膝，呢個炆得未夠好淋，有口感都唔錯。泰式風味烤咸豬手，價錢唔算貴，份量少少可以試下。套餐包括：串燒雞及牛各兩串，冬陰功湯，爆炸雞翼雞， 功夫餸，是單骨雞翼，方便食，非常入味。蒜蓉炒芥蘭，這個十分惹味，掛住食唔記得影相。惹味紅咖哩魚，味道與咖哩羊膝哪個沒太大分別，師傅採用了炸魚。

1月1日約左朋友去德褔食飯，本來想食日本野，但選擇不多，而且間間都要排長龍，所以就去左呢間食泰國菜。已不是第一次去呢間餐廳，每次都保持水準，價錢比九龍城的便宜，而坐的位置比較舒適，價錢適中，較便宜，而質數很好，已試了很多不同菜式。可能位置隱蔽，每次都不用等位就算節日都係，這是最吸引的地方，行街行到累的最好選擇。其實德褔平台有很多餐廳可以選擇，而且不用排隊。雖然得2個人，但貪心的關係，點了5樣野，有湯，咖哩，小食，前菜...整體不錯。每次都有不同菜式優惠，假日也有，所以又叫多左，也有套餐供應，樣樣都好吸引，海鮮也很新鮮，希望可以保持水準啦～

二人餐。。。中伏了，得個樣春卷，蝦，魚餅，雞全番炸的，又乾又硬。套餐不包飲品及飯，焗你另外比錢，唔抵。法包好食，但蝦無肉。最好食係椰子肉雪糕。啲餸得個樣，無第二次了。

由於德福無茶餐廳，要行番去出面，所以去呢間食。之前食過一次下午茶(魚蛋粉)，平，味道一般，好細碗。。由於已經遲到，慢慢食埋個早餐先返公司，左揀右揀，揀正個爛燈盞。。 入到去其實無咩，都覺得服務係正常。我order完野食，開始篤下電話等。。我係叫沙嗲牛肉金邊粉，多士同蛋。。坐坐下隔離枱都有人坐低左，應該係勁熟既客，坐低就知佢想食咩果d。。 佢order左，等左陣已經有。。我再睇下時間，過左10分鐘，我都係得杯熱奶茶。。我問：人地有得食啦喎，我等左10分鐘都仲未有?職員：你果個要煮我：沙嗲牛肉係“筆”出黎，唔通魚蛋係唔洗煮?(個疑似熟客係叫魚蛋粉)跟住開始賴廚房職員：唔係唔係。。係廚房成日唔跟單次序我：咁有個包食住先都得掛(人地成個餐已經齊晒。。佢地仲幫人地落魚露，加湯等，勁好服務，我已經興過火屎)職員：包係要跟埋蛋先上，師傅未整果刻我好想走，已經費事同佢嘈，客唔多，我都坐正廚房出面，佢地都企晒係度，無理由咁都發現唔到我無野食。。。。。。食物方面，無可否認，沙嗲牛肉係唔錯，個沙嗲好夠味，d金邊粉無好“行”既感覺。。係唔錯既。。個蒜蓉多士，咩味都無，係連蒜蓉味都無。。奶茶唔好飲，上次飲已經係

一大朝早過黎九龍灣開會經過德富發現早餐都幾平下！不過早上生意有點冷清。$29 大大份肉又有蛋又有通粉，仲配飲品，真抵食。上菜後，我不禁想了句：圖片同實物相符呀！其實食物沒什麼特別，湯底偏淡，通粉滑溜溜唔會煮過龍。但最近連M記早餐都30中、尾時，呢個早餐係清泉呀！熱檸水一杯。

今次試左個燒豬頸肉撈檬，都幾大碗豬頸肉燒得好靚，唔會燒得太乾身有香茅味道同甜甜地既蜜糖味檬粉就差小小，痴埋一舊，好難撈個醬汁夠惹味又甜又辣，仲落左好多蒜，食落好香口飲品方面，呢個金桔檸檬落左好多陳皮飲落酸左小小

餐廳就在德福商場的平台位置，很容易找。下午茶也有很多選擇，有小食，也有粉或飯。附近幾家店的下午茶價位都差不多，但這裡的飯及粉麵都像午餐的份量。我點了最便宜的兩週年套餐$29﹐泰式風味魚蛋河，已經包飲品，但因價錢便宜，決定另加$5要青檸梳打。魚蛋又香又彈牙，白蘿蔔很入味，還有通菜、九層塔、辣椒，河粉是幼的金邊粉，份量很多。凍飲好大杯，食完粉可以慢慢飲。見到隔離檯的海南雞黄薑飯都幾好咁，下次再來吃其他。

今個星期日去了九龍灣德福食午餐、知你回港後要食番點好野，就去左食呢間泰國菜。午餐大多數都是相中既款式，而我多數會點海南雞飯，朋友點海南雞冬蔭公湯飯。原來呢間既海南雞係幾好味的，相對價錢都貴點。不過都值得食一次架

去九龍灣做嘢，忙完都已經到下午茶時段，見到 泰廚房子餐牌有嘢岩食，唔洗等位，冷氣又夠，今日就食你啦😁坐低叫咗個泰式濕炒雞肉河，飲凍檸檬茶。等咗一陣就有得食啦，都算快，上枱好大碟，一d都唔似下午茶份量，抵讚啊👍味道好正宗泰式，帶甜料好足（如圖）好多蔬菜嘅一餐，河粉係粗河😍凍檸檬茶係泰式青檸，唔知用咩糖水開，杯飲品好古怪，甜得滯😂無辦法飲晒，整體嚟講食物好ok, 飲品唔好飲檸檬茶比較好；座位闊落，九龍灣德福嚟講一定係好選擇

同朋友喺附近做完嘢，突然好想食泰國菜， OpenRice見到一間，所以決定試一試。本身完全沒有期望，隨便填飽肚就算。但原來這是屬於一間中低級的泰國菜，唔覺意叫咗生蝦刺身，超級後悔，啲蝦好怪，食咗一隻有少少想嘔嘅，唔似人哋傳統泰國菜生蝦刺身嗰啲生蝦，所以最尾個朋友都係各自食咗一隻另外食物味道一般，完全沒有特別，但係價錢又唔係特別平，所以性價比好低餐廳環境還可以接受，比茶餐廳好，不過都係比較嘈，不適合傾計食過一次，以後一定唔會再試

星期日同屋企人去到九龍灣,中午肚餓,見到呢間泰國餐廳。見到假日都有lunch set,而且都算多款揀,就入去試下。黎左個鐵板蠔仔蛋,熱辣辣,蠔都幾多,而且都幾大份,而且都幾好食。再黎左個泰式豬手煲,炆得幾淋,但味道就普通。跟住海南雞飯,賣相幾好,都幾滑,不過就冇咩雞味,個飯都係冇咩味,唯有撈多D醬。最後就飲埋個冬蔭公湯,叫左個大既,大家都覺得最正係呢個湯,夠味足料,唔會太辣。裏面都有幾隻大蝦,幾新鮮,好食。最後大家都食到幾飽,所以都覺得抵食既,推介既係蠔仔蛋同冬陰公湯。

本身好鍾意食泰國野同飲泰tea,因為要去九龍灣所以就search下有咩食，見到呢間餐廳d tea set價錢都算合理所以就試下，入到去feel到d冷氣好弱雞😓跟住叫左個黃咖哩珍寶豬扒飯加泰tea,碟飯好快黎左，嚇死寶寶塊豬扒堅係成塊面咁大，個飯算係ok既，但之後戲肉來了，杯奶茶d色淺到一望就知唔係果d野，好似奶水，一飲，淡到爆，未飲過咁難飲既泰tea,我忍唔住同個女仔講叫佢幫我加d茶，妄想會令件事好少少，其實佢都唔係多奶架嘞，我唔明點解一間泰式餐廳可以將d泰式食物搞到咁，唔怪得好多人都飲檸茶，好失望，應該唔會再去

同朋友去九龍灣德福廣場食晚餐，見呢到唔洗等位就入左去，我地叫左個二人餐，份量都算多，一張二人枱根本擺唔曬d食物，後來餐廳待應比多張枱我地先夠放！味道不過不失，最值得飲既係冬陰公湯，炸雞同芥蘭都偏咸！