影片
更多
2019-11-19
620 浏览
由於德福無茶餐廳，要行番去出面，所以去呢間食。之前食過一次下午茶(魚蛋粉)，平，味道一般，好細碗。。由於已經遲到，慢慢食埋個早餐先返公司，左揀右揀，揀正個爛燈盞。。 入到去其實無咩，都覺得服務係正常。我order完野食，開始篤下電話等。。我係叫沙嗲牛肉金邊粉，多士同蛋。。坐坐下隔離枱都有人坐低左，應該係勁熟既客，坐低就知佢想食咩果d。。 佢order左，等左陣已經有。。我再睇下時間，過左10分鐘，我都係得杯熱奶茶。。我問：人地有得食啦喎，我等左10分鐘都仲未有?職員：你果個要煮我：沙嗲牛肉係“筆”出黎，唔通魚蛋係唔洗煮?(個疑似熟客係叫魚蛋粉)跟住開始賴廚房職員：唔係唔係。。係廚房成日唔跟單次序我：咁有個包食住先都得掛(人地成個餐已經齊晒。。佢地仲幫人地落魚露，加湯等，勁好服務，我已經興過火屎)職員：包係要跟埋蛋先上，師傅未整果刻我好想走，已經費事同佢嘈，客唔多，我都坐正廚房出面，佢地都企晒係度，無理由咁都發現唔到我無野食。。。。。。食物方面，無可否認，沙嗲牛肉係唔錯，個沙嗲好夠味，d金邊粉無好“行”既感覺。。係唔錯既。。個蒜蓉多士，咩味都無，係連蒜蓉味都無。。奶茶唔好飲，上次飲已經係
由於已經遲到，慢慢食埋個早餐先返公司，左揀右揀，揀正個爛燈盞。。 入到去其實無咩，都覺得服務係正常。我order完野食，開始篤下電話等。。我係叫沙嗲牛肉金邊粉，多士同蛋。。坐坐下隔離枱都有人坐低左，應該係勁熟既客，坐低就知佢想食咩果d。。 佢order左，等左陣已經有。。我再睇下時間，過左10分鐘，我都係得杯熱奶茶。。
我問：人地有得食啦喎，我等左10分鐘都仲未有?
職員：你果個要煮
我：沙嗲牛肉係“筆”出黎，唔通魚蛋係唔洗煮?(個疑似熟客係叫魚蛋粉)
跟住開始賴廚房
職員：唔係唔係。。係廚房成日唔跟單次序
我：咁有個包食住先都得掛(人地成個餐已經齊晒。。佢地仲幫人地落魚露，加湯等，勁好服務，我已經興過火屎)
職員：包係要跟埋蛋先上，師傅未整
果刻我好想走，已經費事同佢嘈，客唔多，我都坐正廚房出面，佢地都企晒係度，無理由咁都發現唔到我無野食。。。。。。
食物方面，無可否認，沙嗲牛肉係唔錯，個沙嗲好夠味，d金邊粉無好“行”既感覺。。係唔錯既。。
個蒜蓉多士，咩味都無，係連蒜蓉味都無。。
奶茶唔好飲，上次飲已經係覺得唔好飲，無茶味，又太多奶，唔平均。。
真的無下次。。。。。
张贴
