泰屋

营业中

休息中

前兩日同屋企人去行旺角，見到旺角度嗰邊有間商業大廈樓下咁多人排隊嘅⋯原來呢幢商業大廈有好多唔同嘅餐廳，啲人係排隊搭𨋢上去。見咁多人排，應該唔會有伏，一於搵間試吓先。最後試咗2樓依間「泰屋」，估唔到上到去地方又幾大幾靚個喎，應該都容納到6，70人。睇睇餐牌，都有幾多選擇，價錢又唔算貴，最後我哋三個人，分別點左一碟炸蝦餅，星州咖喱牛筋腩，馬拉盞通菜，同原個菠蘿炒飯。炸蝦餅- 開咗邊後，一碟其實有八舊，新鮮炸起熱辣辣，蝦肉入口好彈牙，係必叫嘅小食之一馬拉盞炒通菜 - 炒得夠晒鑊氣，通菜食落索聲，正！星洲咖喱牛筋腩 - 估唔到$98 ，碟頭會咁大碟！我哋三個人一齊食都食唔晒，比較特別嘅係佢牛腩牛筋嘅整法，佢會用生粉包住炸左先，所以食落口除咗濃濃嘅咖喱味外，同時仲食到牛腩嘅鮮味！好有新意！最後，食泰國嘢梗係唔少得菠蘿炒飯啦！叫多兩杯沙冰一齊飲，爽呀！

朋友生日 想食泰菜 地點選擇大家都方便既旺角-泰屋正值晚市 搭lift 條隊好長龍上左去既朋友建議行樓梯多人自然可以嗌多d 款式野食頭盤 先叫個 金柚鮮蝦沙律 酸酸 Mei Mei醒神開胃 飯就叫原個椰盎海鮮焗飯 呢個真係第一次食 幾特別魚係我既至愛農夫包咖哩軟殼蟹 麪包好鬆軟 咖哩都好香飽肚之選炭燒豬頸肉多汁芒果飯就泰國好味d 🤪

今日lunch去左食喺旺角嘅Sawadee Thai泰屋🇹🇭，佢哋嘅lunch set都好多選擇下，價錢都算平呀🤑睇個menu，比我見到咖喱有得揀跟蒜蓉包🤩，平時lunch set真係少有，即刻唔洗諗，要叫咖喱啦😋青，紅，黃三種咖喱，我揀左青咖喱，配搭有得揀豬🐖，牛🐂，雞🐓，鴨，什菜🥬同埋魚🐟，我就揀左鴨，因為都係平時唔係成日有鴨呀😉咖喱熱辣辣，除左有鴨，仲有好多入晒味嘅蔬菜，配埋香脆嘅蒜蓉包，perfect match呀🥰跟餐仲有椰汁湯，酸酸甜甜，少少辣，幾開胃架👍🏻

對泰國菜情有獨鍾，所以今日又食泰國菜，今日食的就是旺角彌敦道的泰屋。來到餐廳門口經已見到泰國的特色風情，裏面經已滿座，經已見到多人等位，好在不用等太久。泰式炒牛肉炒粉絲$75泰式炒牛肉炒粉絲，炒粉絲有很多的紅蘿蔔、洋蔥、雞蛋碎、青紅燒及大大件的牛肉，粉絲煙煙韌韌，炒得比較乾身香口，很是美味可口。醃酸辣鳳爪$78泰式鳳爪醃得很入味，有洋蔥、芹菜、芫茜蔥及車厘茄，鳳爪非常爽口及有口感，酸酸辣辣，份外惹味。泰式香葉牛肉碎炒飯$82泰式香葉牛肉碎炒飯，炒飯炒得很香口，飯粒帶㸃煙靭，每口飯都帶著牛肉粒的味道，食得美味。馬拉盞炒通菜$72通菜炒得柔潤中帶㸃爽口，馬拉盞的味道令通菜頗入味。泰國椰青$42泰國椰青，食泰國菜怎少得了椰青青，清清涼涼配泰國菜就最夾。

推薦指數：🤩🤩🤩🤩食泰國菜唔一定要去九龍城！係旺角都有唔錯的泰國菜餐廳，今次要試的係泰屋，位於樓上鋪２樓。位置都好方便，近旺角地鐵站Ｄ出口。餐廳座位都算幾多，不過晚飯時間黎都9成full 嫁!一向都好鐘意食泰國菜，鐘意香辣酸夠哂惹味！😆沙嗲串 (雞豬牛) 半打👍🏻好鐘意個沙嗲醬，有少少花生碎粒，而串燒大大串一Ｄ都唔乾，燒到表面焦脆但內面仲好嫩滑。 ✨仲有另一推介的就係炸蝦餅🍤炸蝦餅份量十足，唔會有厚厚的炸漿，咬開大蝦餅仲熱辣辣。仲有咖哩配蒜蓉包🤪好脆好香口，咖哩偏椰香帶甜💕😋海鮮椰青焗飯都好好食呀。用真正成個椰青放入飯，加椰汁同海鮮焗烤，每啖飯都有椰香味，唔會好膩！🌚

最近一直落雨，想食啲酸酸辣辣的，趕走悶氣泰國菜實在可以踢走Blue Monday!旺角泰屋好多好評，所以同朋友上去試下6:55pm左右到，原來需要訂位職員指客人訂曬位，要等到7pm客人no show先有位，結果係出面坐左十分鐘左右，有客人取消，我地可以補上，仲要8:30pm要交枱太旺場啦~~~點了生蝦：好鮮呀，同泰國比，一樣咁爽口好味豬肉生菜包：份量好多，生菜大大塊，肉碎唔算太辣，惹味泰式青檸烏頭爐邊魚：唔辣，只有很微的青檸酸味魚肉不入味亦不滑，但勝在烏頭無骨，方便食用飲品方面：芒果沙冰，正常，不算太甜朋友點了芝麻沙冰，出奇地好飲，有點像芝麻糊，不會很水很淡，濃度剛好

今日想同個friend過黎食好野，就選擇咗呢間餐廳。這裡來好像係食泰國菜的，餐廳環境挺好的，裝修精緻，座位也比較寬敞。冬陰公鮮蝦炒飯，第一次食冬陰公既炒飯十分驚喜炒飯不會炒到太乾濕度適中，冬陰公味道很出鮮蝦十分新鮮蝦肉爽脆，非常野味，讚！蝦餅拼春卷蝦餅外皮酥脆，裡面鮮味十足，配埋醬汁好夾口感彈牙好好食，極力推薦。菠蘿海鮮炒飯這道菜上枱嘅時候，我即時哇了一聲！好大個菠蘿承載，而材料豐富，有青口、蝦，雞肉，肉鬆，腰果等，實在太餓的關係，都被食光光味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

因為在太子區工作多了在太子旺角區搵食😌而旺角彌敦道726號🎈絕對係一個搵食的好地方🤹‍♀️全座大部份都係餐廳而其中一間好值得幫襯的絕對是“泰屋”~~🙆‍♀️🙆‍♀️🙆‍♀️下午lunch時間來多數不用排隊的但估唔到晚上👀真係可以用人山人海來形容👫👫👫👫👫可能是happy friday吧🤔晚上7點多上到去已經要排隊等位😔大概等了15分鐘就入座了~🎉🎉🎉青木瓜沙律 ($78)🥗非常泰式~非常開胃的一個前菜🤤爽脆的青木瓜絲配上長豆角…天椒…車厘茄…🌶🍅加上少少碎粒的花生和蝦米 (真的是小小size碎上，沒看錯的話🤣)拌著酸酸的像是青檸魚露味的汁好開胃~😍但花生碎稍微燶左少少🥜~~有些黑黑的😯不過不減它的泰式美味分數🤗泰式蛋包金邊粉拌蝦 ($88)🍝金黃的蛋皮網包著金邊粉🥚熱辣辣的~~有豆乾粒…蛋絲…配上花生碎~~拌著大大隻大蝦🍤連金邊粉一齊一啖吃🥢金邊粉又不會太濕太乾~正正子呢大大一份，份量不少啊~味道真的不錯~🎈🎈🎈不過如果味道能再酸少少或者會更美味🤗🤗🤗芒果沙冰 ($38)芒果沙冰不錯🍹不像是加了好多糖水的甜膩感~咁焗熱的天氣🌞飲一杯芒果沙冰~爽呀🎉🎉🎉不過如果要傾計在這餐廳有點難度😵因為枱與枱

好姊妹約食飯, 順便諗住傾下黎緊去旅行既行程, 想食泰菜就上openrice搵餐廳, 揀"泰屋"係見都幾抵食又坐得舒服。 早收工時間六點幾, 我地又肚餓, 就早少少食晚飯, 食完仲可以去行街。🔸泰國金柚鮮蝦沙律🔸先黎比較清爽既前菜, 金柚清甜, 鮮蝦彈牙大隻, 好鍾意炸蒜同腰果, 有唔同口感又香口。🔸農夫包咖喱軟殼蟹🔸Wow~~~上枱好吸睛👀 我地都比較鍾意有加蛋既咖喱, 店員話係叫星洲咖喱或者可以揀農夫包, 就係我地想食既咖喱, 揀農夫包連蒜蓉包都唔駛叫。 農夫包外脆內軟, 吸哂咖喱汁好正, 軟殼蟹炸得好香脆, 絕對推介👍 好味兼份量都好大份架。🔸馬拉盞炒通菜🔸好惹味又唔會太辣同太咸, 味道剛剛好👍🔸阿華田沙冰🔸好少餐廳有得飲阿華田既沙冰, 都好大杯, 而且唔會飲飲下冰還冰。好豐富好味又抵食既晚餐💕

我地D貓奴，咁上下就要去太子金魚街上下糧，我唔會星期六日同人迫，weekday 收工補給左比貓貓，順便都去Sky 726 度補給下自己，一見泰屋即刻就按2字🤪夏天熱辣辣食泰國野最夾，必點椰青清甜又滋潤，清新椰子🥥香氣濃郁，加碼點左椰盅海鮮焗飯，厚厚椰漿好似雪山一様，青口、鮮蝦、魷魚🦑掛滿椰子香氣，拌著黏黏軟熟嘅米飯一齊焗，第一啖有點像吃芒果糯米飯，唔好以為係甜點，椰子🥥同海鮮非常夾，未吃過的一定要試吓，味道實在太迷人喇👍👍👍有清甜潤喉嘅椰青，涼住冷氣我就唔怕食BBQ,點左鹽燒烏頭魚，大碼身材佔了半張枱，打開鹽焗外層，魚肚內嘅醃料仍在冒煙，幽幽嘅香葉味道好吸引，暖暖魚肉點一下泰式酸甜醬，幾時食都咁好味⭐️⭐️⭐️⭐️⭐️馬拉盞通菜又係百吃不厭，來自泰國嘅通菜特別脆口，火喉又炒得到位，惹味勻均，不會太咸同過火，呢度嘅廚房手勢好得，英雄所見略同，閒日的晚上全場爆滿，證明呢度抵食又好食🤩🤩🤩

見咁耐冇食泰國菜，今日就嚟到旺角726呢一間泰屋食返個正宗泰國菜先！我哋今日已經算遲9:00PM先上到去食，一去到全場爆滿，估唔到去到咁夜都仲咁多人！不過好彩大約10分鐘就有位啦裝修格局都係新式簡單裝修加少少泰國feel,一入門口就已經見到幾個佛像，儘量營造到泰國🇹🇭嘅氣氛。因為大家都肚仔餓，事不宜遲快快手點菜。首先黎個冬陰公什菜湯，因為我同朋友其實都唔食啲蝦，所以叫什菜已經夠晒，其實次次都志在飲個冬陰公湯，材料有草菇，椰菜，蕃茄，最估唔到竟然有娃娃菜，但原來又幾夾！之後黎多個牛筋腩🐮黃咖喱同一個蔥油餅。個咖喱係唔辣嘅有少少甜味同好重椰奶🥥，岩灑唔食得辣嘅我，原來嗰咖喱入邊係冇薯仔，但有椰菜花同蔬菜，呢點有啲可惜！🥺咖喱就一定要配埋嗰塊蔥油餅食先完美😂，一定要成塊浸落啲咖喱先過癮！最後甜品我哋仲叫咗個千層糕同芋頭糕，再加一個椰子綠豆糯米糍。啲糕點$13一件，但佢會切開兩份所以都幾抵食！而且個千層糕一定要點，佢係暖暖地，好香同勁有口感！正！嘢飲就叫咗泰式奶茶同珍多冰

Sawadeelicious🇹🇭 So Thai So Good🍴💫..夏天既季節 悶熱既天氣☀️，食飯自然都想食得開胃點。泰國菜🇫🇷 既香辣`酸甜`醒胃，自然會帶動食慾。旺角街道食肆林立外，樓上餐廳都一樣具有水準呢。泰國風情🏝 讓人身處鬧市中 都感到舒適寧靜既一角，食飯有水準 自然不失捧場客，人流真不絕 好多人等位呢。Charcoal Broiled Tender Pork Saladll作為一款前菜🥗 泰國沙律真係好開胃呢。青瓜🥒 配上酸甜辣醬汁醒胃又夠fresh💚，而主角之一既豬頸肉🐽 份量不少`燒得香口 又不覺膩，鐘意食豬不能錯過喔。Thai's Assorted Vegetables & Vermicelli Potll想健康點 什菜煲🍲就不能少。別以為看似清淡 但胡椒味卻成為靈魂，食菜都可以好惹味。而粉絲吸盡菜汁🥬 &胡椒菇菌香🍄，好好吃。Green Curry Fried Rice with Shrimpll咖哩🥘 作為泰國招牌也一定要點，唔想作為一款主菜❓ 改為點選為主食也不錯。將咖哩炒成飯🍚 青咖哩汁已融入每一飯粒，帶椰香既咖哩汁不辣，泰式濕炒飯其實我挺愛的。而面頭既大

旺角周街都係食肆，但真係唔係間間好食，質素參差，今日同屋企人行街，知道媽媽鍾意食泰菜，特意帶佢嚟呢間朋友介紹嘅樓上泰國餐廳。一點幾餐廳已經滿座，環境好熱鬧，似乎好受歡迎。午餐好多選擇，唔少套餐可以自己配搭湯底同配菜，幾多元化。餐湯係冬陰公，雖然表面比較多油，但係酸酸辣辣好香口，裏面都有唔少香料，仲有西芹粒同秀珍菇。每個套餐送餐飲，點左一杯熱檸茶，咁樣食比較濃郁嘅青咖喱嘅時候，可以飲啲清淡啲嘅飲品。青咖喱一上枱已經散發出濃烈的椰香，加上各種各樣的泰式香料，令到香脆的魚柳格外惹味！新鮮烤焗的蒜蓉包一樣都好好食，忍唔住用來點青咖喱，索晒啲汁，真係好好食😊之後就係一大碗冬陰公雞肉粉！見湯底嘅顏色就知道有幾足料🥳用嘅雞肉好新鮮，冇雪味，肉質幾嫩滑，配冬陰公湯真係不得了，而且檬粉份量好多，兩個人分享就差唔多，食完真係好飽😈🍜💕飲食要均勻，叫多一個木瓜沙律，木瓜絲好爽脆，醬汁酸酸甜甜，加上有花生粒，口感味道都幾有層次。

因為太耐冇食過泰國嘢所以今日去返一次先😋叫左炸魚餅做前菜，用新鮮魚肉即炸有濃厚冬陰公加香茅味道😋👍值得一試。冬陰公鮮蝦炒飯，第一次食冬陰公既炒飯十分驚喜😋炒飯不會炒到太乾濕度適中，冬陰公味道很出👍鮮蝦十分新鮮蝦肉爽脆。咖喱軟殼蟹農夫包，咖哩有香濃椰汁味道分量十足😋農夫包烤得十分脆口不會很硬，加上咖哩一齊食另有一返風味👍軟殼蟹十分大隻咬開十分多肉和分量大約有兩隻左右，炸得外脆內軟。兩個人都未必食得完🤣🤣

夏天 就想找酸甜辛辣味刺激一下！在旺角走得疲累了，就想吃一些酸甜辛辣味刺激一下味蕾！泰菜就正中我心意。位置: 在旺角地鐵站一出幾分鐘，就有一橦全食市的大廈，基本上中日韓泰火鍋什麼都有！冬蔭什菜湯先來一碗開胃冬蔭什菜湯！一碗份量足以3到4人飲用，份量十足之餘亦十分足料。有草菇，椰菜花，小粟米，番茄等。酸酸辣辣是進入主菜前的最佳選擇馬拉盞炒秋葵馬拉盏炒通菜/芥蘭/菜心 就叫得多，少有的炒秋葵就即管一試。秋葵黏黏膩膩的汁液未必個個能接受，而且炒亦最忌過熟太軟，或過老太硬。這家不得不讚炒得剛剛好秋葵非常嫩亦爽口，少少辣及加上爆香的蒜片，非常正！農夫包咖哩海鮮食物一送來已被其賣相所驚嚇，當然是驚喜的驚！咖哩汁如火山爆發般湧出，而且亦非常大碟，足夠3到4人進食，配上白飯更一流！海鮮方面，有炸大蝦，青口，魷魚！不得不讚魷魚煮得非常鮮嫩，不會過熟太硬，老人家都適合食總結，性價比非常高，價格適中份量大，適合幾人分享進食！對於不能吃辣的人士來說，其辣度亦是可接受的小小貼士，眼見晚上7時人流很多，所以要試就建議大家提前先訂位了