泰屋

营业中

休息中

好姊妹約食飯, 順便諗住傾下黎緊去旅行既行程, 想食泰菜就上openrice搵餐廳, 揀"泰屋"係見都幾抵食又坐得舒服。 早收工時間六點幾, 我地又肚餓, 就早少少食晚飯, 食完仲可以去行街。🔸泰國金柚鮮蝦沙律🔸先黎比較清爽既前菜, 金柚清甜, 鮮蝦彈牙大隻, 好鍾意炸蒜同腰果, 有唔同口感又香口。🔸農夫包咖喱軟殼蟹🔸Wow~~~上枱好吸睛👀 我地都比較鍾意有加蛋既咖喱, 店員話係叫星洲咖喱或者可以揀農夫包, 就係我地想食既咖喱, 揀農夫包連蒜蓉包都唔駛叫。 農夫包外脆內軟, 吸哂咖喱汁好正, 軟殼蟹炸得好香脆, 絕對推介👍 好味兼份量都好大份架。🔸馬拉盞炒通菜🔸好惹味又唔會太辣同太咸, 味道剛剛好👍🔸阿華田沙冰🔸好少餐廳有得飲阿華田既沙冰, 都好大杯, 而且唔會飲飲下冰還冰。好豐富好味又抵食既晚餐💕