泰屋

营业中

休息中

泰國金柚鮮蝦沙律🦐泰國金柚好甜，個沙律汁酸酸甜甜好開胃，依間餐廳有加少少椰汁，個味道好特別。好好吃😂泰式青檸鮮爐魚🐟我哋今次揀咗烏頭，啲肉超級滑😍😍😍條魚都好新鮮個湯dd辣同加咗d青檸 好有去泰國嘅感覺，去唔到旅行唯有幻想下啦食咗當去咗呢個超級推薦👍🏻👍🏻👍🏻沙嗲泰式串燒（牛雞🐮🐤）唔會燒得好乾，雞肉仲好嫩滑，牛肉都唔會好乾 芒果糯米飯🥭泰國餐廳唔少得嘅甜品。芒果好甜😍😍另外都要講吓，今次叫咗菠蘿沙冰同西瓜沙冰，係用真正菠蘿同西瓜去整嘅沙冰，冇落好多額外嘅添加糖水，抵讚👍🏻👍🏻總括嚟講，今次慕名而來都冇令我失望，呢個價錢呢個質素真係好抵食。今次點嘅嘢食每一樣都冇令我失望，會再嚟試其他。不過提提大家若果要來食就最好book左位先，因為真係好多人慕名而來

今晚同男朋友去旺角行街之後上樓食飯，望左幾間，到呢間見都幾多人，相信唔錯，即管一試。椰汁大頭蝦湯份量都幾多，每人都有2-3碗，好香唔辣，有冬蔭公味，又有椰汁清香，不過大頭蝦得一隻，開左邊，每人一邊，隻蝦都幾多糕，不過肉質就唔爽，呢度有少少失望。農夫包咖喱焗海鮮睇見餐牌相已經決定叫呢個，的確冇令大家失望，賣相吸引，打卡一流，麵包像個碗裝住青口、蝦球、魷魚，重點個咖喱係好香，點麵包一流，食完d海鮮之後，再切開個包來食，很好味。蟹肉炒飯蟹肉好多好多，有d驚喜，令人意想不到既係加上農夫包嘅咖喱撈埋d飯一齊食，同d蟹肉味好夾，非常好味。芋頭糕呢個甜品係熱食㗎，本身只係打算點一件試吓，上枱來左2件，一問之下原來只係一件，大件之餘，亦真材實料，食得出全是芋頭，沒有加粉，加上椰汁香甜，很好吃。整體來說，一路食一路都有人入嚟同排隊等枱，生意唔錯，好在我地剛好有枱，建議先book 枱。

朋友帶路今晚去旺角TOP隔離棟大廈食泰菜，雖然樓上餐廳座位不少，但晚上7點來幾乎滿座。相信大家為食而來，味道滿意留到食客心。美食選擇多一時花多眼亂，點了幾款都咁好食，而且價錢經濟，回頭指數相當高。泰國金柚鮮蝦沙律 $98爽口大蝦四隻，金柚份量唔少，味道清甜飽滿多汁，撈左酸甜醬汁加椰漿，美味開胃。泰式沙嗲 (半打) $85 雞豬各三串，大大串啖啖肉，而且好入味，醮埋沙嗲濃郁惹味。冬陰公鮮蝦湯 (細) $88 二人份量有多，湯味香濃酸甜開胃，湯料有大頭蝦和大量秀珍菇都好足料。印尼海鮮炒貴刁 $88賣相普通味道又唔錯喎，貴刁大大片索汁好夠味，份量唔少配料十足，海鮮青口魷魚大蝦皆見，仲有粟米芯、紅椒青椒絲、蛋絲、洋蔥樣樣有，都幾好味。

今晚想吃exotic一點，想刺激一下味蕾，於是就選擇了泰國菜。椒鹽鮮魷 - 椒鹽炒鮮魷加入了泰式的炸洋蔥，感覺似crossover的菜式。炒得很香，鮮魷十分彈牙。粉絲什菜豆腐湯 - 通常去泰式餐廳通常飲冬陰功湯，今次就想清清地飲下什菜湯，材料豐富有粉絲什菜及玉子豆腐，清清地好解渴。原個菠蘿海鮮炒飯 - 用完個菠蘿上，首先是視覺的衝擊！香葉炒肉碎 - 可以選擇豬肉或雞肉，炒得很入味，偏向港式的味道。.去到的時候要排隊，十分熱鬧，不過服務很好，很快就可以入座了，所以建議大家先訂位。

上星期朋友約我吃泰菜，選了位於太多旺角之間彌敦道段，叫泰屋sawadee Thai 的泰菜，七點已經差不多滿座，餐廳非常熱鬧。我們點了4道菜，包括冷盤生蝦刺身、醃肉碎生菜包、馬拉盞炒通菜及原個菠蘿海鮮炒飯。生蝦刺身賣相十分吸引，用shot杯上，一客6件，每件蝦都有蒜片及辣椒片，蝦肉彈牙冰凍，配上辣醬十分好味。醃肉碎生菜包十分大碟，肉碎惹味份量多，有香葉散發香氣，生菜也有很多片，生菜來肉碎清新美味，特別適合夏天食。馬拉盞炒通菜惹味夠鑊氣，少少微辣，通菜嫰滑冇渣，夠大碟。原個菠蘿海鮮炒飯有驚喜，賣相吸引，而且十分多料，面上鋪滿蛋絲及肉鬆，而且有酸甜汁魷魚、腰果、提子乾，有咬口，口感非常有層次。

我鍾意食濃味重口味嘢，泰國咖喱啱晒我，朋友帶我去食泰式咖喱農夫包，未食已經好期待。醃肉碎生菜包$85先來個小食前菜，呢個生菜包肉碎好惹味，少少辣，少少泰式香茅香料味，加上一啲紫洋蔥，用爽口生菜包住食，好開胃。農夫包咖喱軟殼蟹$208呢個有個小插曲，本來我哋係叫農夫包咖喱焗海鮮，但係佢上菜上錯咗，不過唔緊要啦軟殼蟹我都鍾意食。講返個賣相先，好吸引，咖喱金黃色加上農夫包圓轆轆脹卜卜，上面鋪滿軟殼蟹。軟殼蟹好大隻，炸得香脆，炸粉薄薄，裏面啖啖蟹膏蟹肉。農夫包焗得外脆內軟，沾上咖喱蛋花醬汁，好滋味，咖喱香濃，又有椰奶香滑，好邪惡但又好好味。原個椰盅海鮮焗飯$88呢個有驚喜，白雪雪嘅椰汁望落驚會膩，但係原來個味幾清新，充滿椰汁清香，配炒飯一齊食真係忍唔住一啖接一啖係咁食。成個焗飯裏面材料豐富，海鮮有青口、大蝦、魷魚，海鮮都新鮮，蝦肉幾爽口，魷魚就爽滑。炒飯有啲蔬菜配料，仲有啲清新爽滑嘅椰子肉添。芋頭糕$13/件雖然已經好飽，但係都要食返個甜品，呢個芋頭糕係熱食嘅，芋頭粉糯，加上椰汁清香，質感有啲煙韌軟滑，唔太甜幾好食。

因之前吃開的泰國菜館已結業，於是在網上找些好吃的泰國餐廳。在網上看到這間泰屋有很多好評，於是在母親節第一次惠顧，媽媽喜愛吃泰國菜，而這裏的地點亦算方便。但是，沒有遇期的美味，只有濃濃的失望，首先，點了的沙嗲串燒不是熱辣辣的，只可說是暖和，那些牛肉串燒完全沒有牛味而且非常煙韌，雞肉沙爹串還可以。我最愛的蒜蓉包更是「冷」的，像是放了很久，完全是難以置信。最令我印象難忘的是那個芒果軟貝殼蟹⋯⋯完全是「林啤啤」及勁甜，據媽媽的描述，這像是是只有甜味的「生炒骨」味道，那些芒果更是甜到漏，我完全想知到底是用了多少糖，而那些軟殼蟹，完全沒有軟殼蟹的味道，真的是我吃過最難吃的軟殼蟹，你能想像是吃一埋炸了的「生粉」加勁甜汁嗎？椰汁雞湯有點像「走辣味」的冬陰功湯，亦是完全沒有椰汁及雞味，只是「酸」。全餐最好的竟是那個椰青及生菜包，不明白不知是否沒有點了招牌菜才會這樣差，但實在是不會再光臨。

九龍城泰國🇹🇭菜就食得多，旺角原來都有正宗好食😋泰國菜。椰子🥥鷄湯：香港好多泰國餐廳都無，就算有都係辣，難得係唔辣👍🏻好香椰子味，配料好足。泰式生蝦：平時原來唔夠膽食😖今次朋友叫，又見個樣正正常常咁，試左都唔錯，無想像中生海鮮嘅腥味。泰式豬頸肉：肉質嫩、辣辣地黃叻喱牛腩：咖喱🍛唔似即食或者買返黎嘅野，食得出有好多香料，牛腩唔硬，唔會有渣薄餅：夠乾身，有麵粉香泰式炒通菜：啲菜好嫩、無咩渣（可能揀過），唔錯

晚餐去泰屋食泰國菜，6點去到不用排隊。冬陰公鮮蝦湯$108，我們兩個人叫了大份的冬陰公湯因不打算叫澱粉質類的粉面。味道正宗，甜酸辣香齊備，很開胃惹味。入面的蝦及菇份量不少，可以當一個餸了。泰式生蝦刺身$108，賣相擺設得很靚，蝦鮮蝦，爽滑，加上泰式辣將更加滋味。星洲咖哩牛根腩$98，牛根腩腍香，份量多，煮得很入味。星洲咖哩很特別，加入絲碎蛋白更有質感，即使我們沒有叫白飯，也把醬汁清得很乾淨。加上泰國椰青，清新爽俐呢。服務也很好，我朋友不吃辣的，店員也很願意特別配合。

餐廳面積夠大，空氣夠流通，環境企理，碗筷乾淨👍🏼六點半入座率大概五成，但七點開始已經爆場。冬蔭公鮮蝦炒飯 $85炒飯有蛋、蔥、草菇同鮮蝦，啲飯食落去粒粒分明，唔會濕。食落口冬蔭公味好香，唔會好濃又唔會淡，岩岩好👍🏼好開胃，帶少少辣🌶可以order個陣同員工講少辣馬拉盞炒通菜 $72好香好有鑊氣👍🏼少少咸香味，咸度適中唔會過咸，好岩用黎送飯，推介大家一定要試😌炭燒豬頸肉 $80豬頸肉份量都多，重點係個甜酸配醬，係出面未食過嘅味道，超級開胃😋試完一定有驚喜👍🏼醃肉碎生菜包 $85超大份！啲肉碎多到食唔晒，豬肉碎好香有肉汁👍🏼有好多塊生菜比你包住食，我每塊都包好多肉碎，最後啲肉碎都有剩🥳另外仲order左兩杯飲品，超解渴～正呀！

冬陰功、海南雞等有板有眼。冬陰功是已經熬好的豬骨湯底，再加南薑、香茅、檸檬葉、紅葱頭、指天椒及新鮮青檸榨汁煮成，入口鮮酸；海南雞入味嫩滑，醬汁鮮辣開胃，油飯油香而不過鹹。店內的紅咖喱、綠咖喱、黃咖喱都煮得出色，質感恰如其分，如配牛肉豬肉的紅咖喱就半稀，入味辣香：黃咖喱烹得較杰，炒海鮮特別滑溜，入口多了點椰香。乾咖喱收得乾身，配魚肉、海鮮就剛好。配飯撈麵都非常適合。豬手最為熱門，有滷水有脆炸做法，傳統滷水豬手就勝在入味腍滑，豬皮爽彈，豬手肉嫩滑；脆炸版本就先滷入味再炸，外皮香脆，肉質鹹香不過略嫌乾硬，但配上自家製的炸蝦片，是佐酒好物。

之前都有推介過呢間嘢嘅午餐，因為可以用茶記價食到泰國嘢，如果旺角返工真係推介你可以一試～而我今次就試埋晚市，都OK架。沙嗲串燒 $85：半打串燒兩款肉，收費合理～我揀咗雞同豬，質素都唔錯，尤其係雞肉，仲保持到好好嘅嫰度。生蝦 $108：都算新鮮，配埋辣汁入口又刺激又過癮。香葉炒海鮮 $108：好惹味嘅炒海鮮，有魷魚，青口同蝦，除咗份量略少之外，味道係幾高質嘅，海鮮質素都高。飲品：泰式奶茶唔會太死甜，有獨特茶香，算係完美還完到泰國飲到嘅風味；龍眼冰正常水準。埋單$400，CP值OK，環境舒服同服務都好，所以係幾好嘅泰國菜選擇噢！

#旺角 去旺角買完運動用品, 本想再到花墟一拼, 沿路抬頭望望附近有無樓上餐廳吸引! 行行下友人表示好耐無食泰菜….🤣.🦐香葉粉絲大頭蝦煲 $160 ~ 呢個蝦煲有分大細, 我哋呢個係細, 足有4隻大頭蝦! 🦐蝦鬚及腳已處理好, 食落好方便! 蝦頭超多糕, 蝦身肉爽滑, 粉絲軟硬適中, 已煮得非常入味, 炒得亦好乾身, 大讚! 👍🥩泰式燒羊架配青咖喱汁 $138 ~ 足足有3大件啊….仲要勁厚切! 羊肉唔羶, 肉質嫩滑, 外層燒得微微焦香, 啖啖肉! 🤤以鐵板上, 可選青咖喱或紅咖喱汁, 朋友唔太食得辣, 所以要青咖喱! 為免太大油煙味, 無即時倒咖喱汁落鐵板, 無咗個震撼的效果! 🌮印度油酥餅 $36 ~ 專門為沾青咖喱而設, 油酥餅完全唔油, 好鬆脆, 走有8片之多! 🥭鮮芒果糯米飯 $48 ~ 最後甜品當然唔少得, 芒果好香好甜, 應該係呂宋芒! 糯米飯用上紫及白糯米雙拼 (😘如果有特殊偏好的記住落單前提出), 糯米好煙靭，配上濃濃的椰漿, 為我們的晚餐畫上完美的句號。

朋友是要見的…悠閒逛逛再四處覓食, 朋友曾經來過午餐, 表示大件夾抵食, 是日一同試試晚餐吧! .🏝餐廳設計以綠及木色為主, 擺有不少石像, 滿有泰國風情🐟泰式青檸鮮魚壚 $178 ~ 因我們都不愛烏頭, 故而點選爐魚! 原個魚壚上, 爐下有火一直燒著, 🌶酸辣的魚湯滲透魚肉內, 每一啖也是熱呼呼的! 店家還附送一碗魚湯, 中途可加! 魚肉鮮嫩無腥味, 配上大量辣椒及蒜, 酸酸辣辣, 超級開胃! 🐷炭燒豬頸肉 $80 ~ 份量果真不少…外層燒得香脆, 將多餘油脂全數迫出, 再沾旁邊的特調醬汁, 開胃送酒之選….奈何我們要揸車, 啤酒留待下次吧! 既然不能飲酒, 就來杯 💃三色冰 $ 33及 泰屋特飲 $38! 2杯飲品看著底味有點類同, 不過特飲多少小西米及及新鮮芒果🥭! 

今日去旺角接朋友放工，佢推介一間泰國菜，我哋差唔多九點先去食飯，但係餐廳依然好多人，估唔到樓上鋪生意都咁好。一入門口已經見到好多泰式嘅擺設，好似去咗泰國咁，餐廳嘅裝修主要都係綠色為主，感覺上好精神。食泰國菜一定要食生蝦，呢度嘅生蝦係用杯裝住嘅，賣相都唔錯，生蝦好新鮮，最有驚喜嘅係佢嘅醬汁，雖然味道偏辣，但係配生蝦簡直係一流！炸蝦餅係識點即炸，上枱嘅時候好熱，食落去好彈牙，相當出色。佢嘅生菜包份量好多，調味啱啱好，唔會太辣，好友泰國嘅風味。蝦金邊粉有雞蛋網包住，入面仲有好多隻蝦，味道偏甜，係我鍾意食嘅口味。整體而言，呢度嘅菜式份量都比較大，我哋兩個人點左四道菜都多到食唔晒，而且個款菜式味道都相當之唔錯，性價比好高！