泰屋

营业中

休息中

幫朋友慶祝生日，一早 book 左位，環境唔錯，坐得闊落，7點後開始多人，建議大家可以 book 定位先。迷你小食雙拼(魚餅➕春卷)魚餅🐟同春卷🫔都炸到金黃香口，春卷仲十分脆口，配有甜酸醬點黎食，十分滋味。冬陰公鮮蝦湯(细)湯入面有两隻大蝦🦐，十分鲜味，少少辣。好惹味。馬拉盞炒通菜通菜十分翠綠爽口，有少量炸蒜點綴，炒得相當唔錯。味道唔會太辣太鹹，食完一啖仲想繼續，停唔到口🤤。農夫包咖喱軟殼蟹🦀最後最令我地期待嘅就係呢個農夫包咖哩軟殼蟹，啲醬多到滿瀉😲，一大個麵包入面有多件炸軟殼蟹，將麵包撈埋啲醬一齊食一絕👍🏻，咖哩蛋花一啲都唔辣，偏甜，味道相當唔錯，真係必點菜式😍。值得一提，舖頭唔收切餅費，幫襯個日仲做緊生日優惠，見到當晚都有幾台客人慶生，食物質素唔錯，性價比高，好推薦俾大家試下😎。

熱辣辣，真係要轉下口味刺激下味蕾🥰酸辣泰國菜，都係最愛菜式之一呢~ 🍅冬蔭什菜湯 $75Tom Yum Jay ( Spicy Hot and Sour Vegetable Soup.食之前飲啖湯吧😙小清新配料，超中意新鮮蘑菇！🍄 🥦青咖喱什菜 $75Mixed Vegetables with Green Curry.呢個青咖喱都好值得推薦🤤帶出香滑椰汁，什菜搭配豐富。 🌮印度油酥餅(2件) $36  Indian Rotti (2pcs) 識食咖喱一定要點多個餅~🥠多層香酥，口感難以抗拒。 🐟泰式青檸鮮魚爐(鱸魚) $178. Thai's Steamed Fish on Stove Tray with Lime.更有烏頭同盲鰽提供，🍋可以因應個人口味選擇，香茅同青檸都勁香，慢慢滾住食，魚肉會越嚟越入味🔥鹹香惹味，記得配白飯！

環境不錯👍5點30入座，當時人流不是太多 。泰國菜點少得肉碎生菜包😬小小辣，好開胃！冬陰功鮮蝦湯！好濃味！酸酸辣辣，好適合係而家熱辣辣既天氣飲，呢個係細size份量，我覺得叫大都食得完！而且都幾足料，有兩隻大蝦🍤菇，蕃茄！原隻菠蘿鮮海蝦炒飯，海鮮有蝦，鮮魷同青口！炒飯粒粒分明有菠蘿肉鬆提子，偏向唔係咸味嘅炒飯，但又唔可以講係甜！整體味道唔錯！榴槤咖啡沙冰，幾特別！！七點幾離開，已經好似好多人，建議book位！

超級超級唔好食白咖喱雞飯 - 汁無味，雞肉清水煮熟，雞肉好大雪味豬手飯 - 汁無味，求其一間雲吞麵好食過呢間垃圾泰菜。從來未食過咁難食嘅泰菜，一定唔會再幫襯，服務員態度不好。

是日同HONEY去開旺中買野，經過726，見到有間泰國野泰屋，上到去，開揚的環境真的好舒服，又好坐同HONEY點左原個菠蘿海鮮炒飯 ，馬拉盞炒泰國椰菜苗，迷你小食雙拼魚餅蝦餅，青咖喱牛肉青咖喱牛肉青咖喱牛肉當中的青咖喱很有香料同埋椰奶的味道，唔太辣，真的送飯一流，馬拉盞炒泰國椰菜苗馬拉盞炒泰國椰菜苗系我同HONEY食泰菜一定會點的，泰國椰菜苗食落爽口，真的加埋馬拉盞醬，開胃~~迷你小食雙拼魚餅蝦餅炸蝦餅啖啖肉，另外都好彈牙，加埋魚餅一齊食，好YUMMY~~~原個菠蘿海鮮炒飯 炒飯當中有青口魷魚蝦，同埋新鮮的菠蘿一齊炒，食完飯仲可以刮D菠蘿肉食，真的食完飯又可以當食左少少生果~~真的值得下次同一大班朋友再來食飯~~

打完風，困左屋企成日，係時候出去旺角逛吓。行到呢度見到差不多全幢都係食肆，咁就不如就食泰國嘢啦。一出就見到個佛像，都覺得幾有泰式風情，餐廳地方都大，幾乾淨整齊。見到menu都幾多嘢食，老公就揀晒我鐘意食嘅款式。馬拉盞炒通菜: 炒得翠綠，爽口。有馬拉盞果個鹹鹹地，但又唔會過份地濃，真係炒得唔錯，好味。農夫包咖哩軟殼蟹: 黑板上嘅是日精選，亦係我最鐘意嘅菜式。份量好有睇頭，軟殼蟹都多，脆脆地。裡面仲有紅黃青椒做配菜，甜加爽。麵包吸晒d咖哩汁，味道唔辣，甜甜地，呢個就係精華所在，好好食。泰式兩麵王: 可選豬牛雞事但一款，我就揀左牛。呢個係泰式濕炒，除左牛之外，仲有好多雜菜，舖到成個面都係。炒麵濕炒但咬落去都係脆，蔬菜好有原味感覺，整體都幾好。

平日7:30已經開始要排隊喇，好誇張啊。環境感覺好開揚，座位寬敞，咁啱我坐喺沙發位，好舒服。服務10分滿分有11分，就算出面排隊，我哋食完傾左陣計，都冇黑面趕我哋走。*泰式蛋包金邊粉伴蝦 $92Pad thai 2.0，蛋包金邊粉！賣相特別，基本嘅豆干、芽菜、花生碎都有齊，但味道單一普通，而且味道偏甜，冇咗魚露嘅鹹香味。冬蔭公魚蝦湯 $88落order嘅時候講低咗唔好整咁辣，所以佢的確唔係好辣。冬蔭公湯鮮味十足，微酸微微辣，個人希望可以多啲酸，飲落有一陳微甜嘅後勁。馬拉盞炒通菜 $72食泰菜必叫之一，通菜炒到有啲爽脆，而且唔會油腍腍，但馬拉盞嘅蝦醬味略為淡左啲。黃咖哩牛根腩 $92黃咖哩味道溫和，所用嘅辣椒嘅量比紅、綠咖哩少好多，味道偏向係甜多過辣，如果你唔食得辣，黃咖哩啱晒你。牛根腩份量都唔少，部分帶筋，但煮得唔夠腍，肉質略為硬啲。*香蔥蒜蓉包 $36麵包帶蒜香而且唔會烘到乾，就係為咗索晒啲咖哩汁。

#chowweisik鹹一🐾黃咖喱牛筋腩｜$92牛筋腩肉質有咬口，亦有好多骨膠原入邊都有好多蔬菜啱啱好配埋下面嘅油酥餅就非常夾一🐾印度油酥餅｜$36正常發揮，要趁熱食～一🐾馬拉盞炒芥蘭｜$75熱辣辣馬拉盞嘅味道都好香好爽脆！👍一🐾冬陰功海鮮湯粉｜$85冬陰功湯底未算辣酸酸辣辣，微辣程度入邊都有好多菇菌，大蝦，兩隻青口比較特別係用粗河😻 一🐾炭燒豬頸肉｜$82一上檯都有啲失望🙈份量比起其他舖頭都比較少如果多人食就應該唔太夠冇咩特別，可以嗌其他肉類一 🚏 泰屋 (旺角)旺角彌敦道726號2樓一🧍🏻‍♀️座位都冇限時，可以慢慢食成間餐廳都有空間感食吓野吹水呢個地方唔錯

好抵食好抵食，性價比超高嘅泰國嘢‼️ 1️⃣芒果沙冰 $38 - 必要推介係佢杯沙冰先，真材實料，一飲就知😂 同埋會飲上癮，因為真係好好味🥰 收呢個價錢我覺得都好抵🫶🏻2️⃣原個菠蘿海鮮炒飯 $98 - 食返我兒時嘅味道，細嗰屋企人帶我去食泰國嘢，一定會叫菠蘿炒飯🤓🍍有肉鬆面，有提子乾、新鮮菠蘿、腰果同海鮮🤓3️⃣黃金咖哩軟殻蟹 $178 - 佢啲咖哩真係好好食，唔一定要跟軟殻蟹，配其他都得，但一定一定要食咖哩，仲要有啲飯撈汁更理想😋估唔到咁多軟殼蟹🤓 都好抵食🥹4️⃣鮮雜果黑珍珠涼粉 $32 - 有西瓜🍉、菠蘿🍍、芒果🥭涼粉，可以一試🥰5️⃣千層糕 $13 - 係熱食，好煙煙韌韌，好好食，係一舊大正方形開二😋 都幾抵🤓6️⃣椰汁西米糕 $13 - 凍食，今日唯一相對來講失色嘅甜品，但味道都okay最緊要嘅係7點開始就多人，最好book定枱‼️ 估唔到呢類樓上舖都咁多人😳 又抵又好食🥰

馬拉盞炒通菜🔥香辣馬拉盞鹹香惹味，通菜量多，炒得好鮮嫩。香噴噴，非常吸引！.炭燒豬頸肉🐷嫩滑質感，更有焦香嘅誘惑，爽口彈牙、香口又滋味，好有曼谷街頭feel、炭香四溢，正宗泰式燒豬頸肉味道！.冬蔭功鮮蝦湯🇹🇭最經典的泰國菜，一定沒有人會反對❤酸酸辣辣嘅湯，更有菇菌、海鮮和大量香料，帶上小辣，回味無窮。.鐵板辣椒膏花甲，炒好的辣椒醬🌶口感油潤，香辣，醬香濃郁~😙.#旺角 #旺角美食 #泰國菜

環境寬敞，空間感足，座位舒服！👉🏻迷你小食雙拼 $85揀左魚餅同蝦餅，炸得香脆，肉質彈牙結實，配埋甜酸醬，絕配！👉🏻冬陰公鮮蝦湯 $88(細)夠2-3人飲，非常香口濃郁，唔算好辣，大蝦好鮮，好多秀珍菇同蕃茄仔，好入味亦好開胃！👉🏻農夫包咖喱軟殼蟹 $218大到成個蛋糕咁！一切開流心咖喱湧岀！個包一d都唔硬，有空氣感，用黎點咖哩汁一流！軟殼蟹好多件，外脆內軟，正！👉🏻泰屋特飲 $38係椰汁，入面有馬蹄、西米、芒果等，好足料，好清新！

之前跟朋友去彌敦道726食飯，發現整棟樓也是食肆。見到一樓有泰國菜，上次路過想入去食晚餐，但全院滿座。今個weekend三連休，早早book了枱，誓要食得到。今次跟好肉的朋友仔一齊食。他急不及待點了滿桌都是肉。。我也爭取了一道青咖喱雜菜！雖然肉很多，但全部也很有泰國風味:魚餅🐟魚餅外面煎得非常脆口，肉質彈牙，魚肉裏面有非常多香料，所以吃起來很清新。沙嗲串燒🍢點了牛和雞。兩者也腌得非常入味。配上沙嗲醬汁，食得過癮。細冬陰功鮮蝦湯🦐我本身唔太好啦，都有點擔心會否非常之啦。但是他這個冬陰功湯辣得來帶點點酸，加上海鮮非常新鮮，這個湯令人很開胃。青咖喱雜菜x蒜蓉包🍲🥖每一次食泰國餐廳，我也會選擇青咖喱，看看餐廳的真功夫。這個青咖喱很有香料的味道，也不算太辣，雜菜的種類也很多。蒜蓉包夠乾脆，牛油非常之香，配上青咖喱汁，一流之選。泰式鮮鱸魚🐠這條魚的份量非常之大，牠是直接放在火爐上燒着。而且配菜也多，有粉絲和菇。另外也會配上一客湯，火爐燒着的時候湯汁會減少，所以附上的湯就可以澆上魚，不會燒乾。與吃得出是非常新鮮，因為肉質彈牙，不會像其他店般鬆散，香茅這些香料也非常入味。所以這條魚是非常值得嘗試。泰式

泰屋網上評價不錯地點十分方便，旺角地鐵站附近，位於彌敦道726大廈，之前經過726大廈都已經心郁郁試一下呢間泰菜，價錢相宜，海鮮選擇比較多。今晚就早早訂位來試一試。兩人預訂不會食太多，但是因為菜單款式多不勝數，叫下一樣叫下多一樣，兩人叫左十款樣連兩杯沙冰。主食比較濃郁，炸魚餅，串燒，海鮮，炒粉絲。另外，青咖哩雜菜，椰香濃，微辣型，加上蒜茸多士是絕配。炸魚餅：魚肉加入香料，魚肉鮮味。👍👍蝦醬炒鮮魷：香濃蝦醬，比較野味。👍👍👍足料冬陰公湯：酸辣加上濃濃大頭蝦，飲到蝦膏味，可口醒胃。👍👍👍👍野味沙爹串燒，唔會鞋口，要趁熱食👍👍👍牛肉炒粉絲： 足料，靚牛，唔油膩，，算有鑊氣。👍👍👍👍主角是泰式鱸魚：可選辣同唔辣，加入肉碎及泰式香料，如香茅，醃菜等等，好野味。鱸魚鮮味嫩口。👍👍👍👍👍第二主角，青咖喱什錦菜配蒜茸多士，絕配，必試。👍👍👍👍👍必試沙冰：鮮果攪拌，啖啖鮮果味👍👍👍👍👍以芒果🥭椰汁沙冰為今晚嘅句號。

講起對泰國嘢嘅熱情呢通常都係有幾個因素，😋對味道香味嘅要求，另外就係對椰子類嘅產品充滿熱誠。 所以一講到食泰國嘢除咗有最出名嘅九龍城之外喺街度遇到任何一間都唔可以放棄，😗食勻晒每一個國家每一間餐廳呢一個先至係人生終極目標， 咁首先一定係喺經常都去到嘅MK作開始😜泰國新鮮椰青— 🥥來到食泰國菜點少得飲番個椰青呢？好神奇呢一度嘅椰青除咗水份充足之外椰子味非常突出。🥥平時嘅椰青水傾向都係有少少椰子味，但呢一度呢一個椰青年裏面嘅椰蓉都係充滿椰香，又清新又甜，適合食之後落嚟嘅任何一味菜🥥串燒白鱔— 🐟頭盤通常都係柚子沙律或者其他冷盤，但其實呢一度嘅串燒亦都係一個非常熱門嘅開始，呢一款串燒白鱔一咬就已經係成條鱔嘅啖啖肉，另外再加上同鰻魚差唔多嘅燒汁，🐟雖然冇鰻魚咁重味道但比鰻魚更滑更爽🥢泰屋甜品拼盤— 🥭無論之前食咗幾濃味道嘅嘢食包括咖喱都好，當然唔錯過任何泰國甜品啦，直接叫呢一個甜品拼盤就最方便又唔使煩，😋基本上款式又多而且滿足晒幾個願望。 例如有深受追捧嘅芒果糯米飯，🥭芒果甜又多汁，黑白糯米各有優勢，🍚黑糯米追求更粒粒分明嘅感覺，反而白糯米融合咗椰汁嘅精華就變到更煙韌更系正， 🍚另外仲有椰汁斑

今日經過旺角想食泰國野，網上見到呢間價錢都幾吸引，我地就上黎食啦。最近鍾意食炒嘢，我就點左泰式肥牛炒河 $58夠火候，帶點辣味好開胃，加埋肥牛炒，好味道！油而不膩👍喜歡食雞肉嘅胃，當然唔會放過任何食雞嘅機會啦，今次可以貪心d，今日食埋海南雞豬手飯 $68海南雞好好食，口感夠滑，唔會肥膩，豬手唔會肥，食落口都唔會覺得有罪惡感😝三色冰+$10 珍多冰+10跟餐凍飲加$10，熱辣辣，一定要飲凍野，飲完即刻舒服曬