泰屋

营业中

休息中

打完風，困左屋企成日，係時候出去旺角逛吓。行到呢度見到差不多全幢都係食肆，咁就不如就食泰國嘢啦。一出就見到個佛像，都覺得幾有泰式風情，餐廳地方都大，幾乾淨整齊。見到menu都幾多嘢食，老公就揀晒我鐘意食嘅款式。馬拉盞炒通菜: 炒得翠綠，爽口。有馬拉盞果個鹹鹹地，但又唔會過份地濃，真係炒得唔錯，好味。農夫包咖哩軟殼蟹: 黑板上嘅是日精選，亦係我最鐘意嘅菜式。份量好有睇頭，軟殼蟹都多，脆脆地。裡面仲有紅黃青椒做配菜，甜加爽。麵包吸晒d咖哩汁，味道唔辣，甜甜地，呢個就係精華所在，好好食。泰式兩麵王: 可選豬牛雞事但一款，我就揀左牛。呢個係泰式濕炒，除左牛之外，仲有好多雜菜，舖到成個面都係。炒麵濕炒但咬落去都係脆，蔬菜好有原味感覺，整體都幾好。