泰妹餐廳 (The Wave) (已結業)

今日下午去左觀塘分公司辦點事，做完嘢已經近黃昏了，分公司同事約埋食完飯先回家，叫埋我一齊，佢哋準備去食泰國菜，説這店開左半年，食物好抵食，又吾洗加一，餐廳位The Wave 1樓，地方整潔。海南雞半隻 ：雞已去骨，啖啖肉鮮味又嫩滑。油飯 ：海南雞的最佳拍檔，有香味，味道不太濃。泰式海鮮乾炒河粉 ：好夠鑊氣，用左濶身的泰國河粉炒，滑得黎又有口感，海鮮有蝦、青口、魷魚。泰式蝦炒金邊粉 ：金邊粉炒得好香，蝦爽口，還有蛋絲，十分惹味。炸蝦餅 ：即叫即炸，外層酥脆，內面彈牙。點些泰式酸甜醬更美味。燒雞翼：雞翼外層酥脆，肉質鮮嫩入味。泰象啤 冰凍好飲生蝦刺身 $1 ：食滿$200，就可以用一元優惠價食生蝦刺身一客，生蝦新鮮厚肉，蝦肉好爽口！

我同朋友好大食，竟然叫左4個菜，仲要碟碟清! 先上台嘅係生蝦刺身，食滿$200加$1就有得食，抵食到喊，開頭以為佢好流加$1咁平，點知質素唔差喎，無將貨就價。$1有4件。之後上椰菜苗，個炒菜唔會太淋，剛熟有咬口，可能太好味，覺得太細碟。再黎就上小食拼盤，有炸蝦餅，斑蘭葉包雞，米紙卷同魚餅，每款有2件，每隻味都夠分唔駛爭食。主要d野夠熱，同埋蝦餅唔會一早炸定攪到硬晒，最出色係魚餅，中間有香料碎，散出淡淡冬陰香。間餐廳係the wave個度，一上電梯就到，坐係入面望出去都好開揚。估佢唔到味道又幾正宗，我坐左咁耐見到廚師出過黎，係泰後生仔唔怪得咁有泰味。食完上面個d係未飽嘅，最後最後個泰式酸鍋黎喇，呢個係店員推介。好似打邊爐咁，有個煱自己再送料落去打邊邊。先講個湯底，佢嘅酸係因為有加到梅落去個湯度，另外有彊片大量香矛同埋肉碎，所以個味除左有酸之外仲有矛香同清甜。個煱料仲配有好多豬肉片，豬肉丸，菇同粉絲，食晒連湯都飲得7788。臨走前仲送埋甜品。

今晚放工約家人在觀塘吃晚飯，於是又隨便選擇了一家在泰菜吃。位於The Wave的泰妹不難去，地鐵站走5分鐘便到。從The Wave一上扶手電梯第一間餐廳便是泰妹，餐廳裝潢簡樸，像是商場的開放式餐廳，空間闊落，也坐得舒適。餐廳除了傳統的餐牌外，還有平板menu，相當時髦。當晚餐廳有作promotion，只需加1元便有一碟泰式生蝦刺身，非常化算。我們叫了一個二人套餐，湯是二選一，有冬陰功湯和椰汁雞湯，是一鍋上的，足夠兩個人份量。椰汁雞湯泰式的雞湯都是酸酸甜甜的，特別開胃，非常足料，雞肉很多亦都很滑。串燒拼盤拼盆有雞中翼、雞肉、豬頸肉、毛茄、圓茄、海鮮菇各一串。另外配搭三個不同調味醬料, 包括有泰式甜辣醬、沙嗲汁、辣椒汁。豬頸肉燒得剛好，香脆可口，調味亦做得不錯，配上泰式醬汁更加醒胃，酸酸辣辣，很有泰式風味。海鮮菇爽口彈牙，很有口感，非常喜歡。 蝦醬肉碎炒飯炒飯上有三大片臘肉，炒飯有肉鬆和雞蛋伴碟，賣相豐富。蒜蓉炒雜菜雜菜營養豐富，種類亦都很多，有紅蘿蔔、生菜、菜心、海鮮菇。爽嫰甜美，蒜蓉香口！椰汁芒果糯米飯 吃泰菜當然要必試芒果糯米飯。糯米飯有糯米和紫米，分別都能上椰汁和芒果汁，糯米的軟熟

前排去完泰國，睇番D旅行相忍不住要食番餐泰國菜！搜尋🔍到官塘THE WAVE有間泰國餐廳，即刻約朋友星期六放工食lunch，之後重可以一齊行陣outlet 添！一上電梯已經見到泰妹！係開放式格局！但原來不淨只得開放式個邊，右邊重有室內座位！色彩繽紛，走年輕風格，有別一般傳統的泰國餐廳。午市餐牌分飯類、麵類，可以跟餐加$18選小食一款，包一杯飲品泰式去骨海南雞飯雞肉又鮮又嫰，油飯充滿油香，不過不知點解醬汁會用外賣兜，我見其他枱係用碟～但不重要啦，好味就得！泰式蝦炒金邊粉金邊粉夠足料，炒得好濕潤，我不鐘意乾爭爭食到頂胃，呢個啱晒我口味，索曬D汁酸酸甜甜好開胃！魚餅&蝦餅魚餅和蝦餅細細件，同樣附上泰式甜酸醬。蝦餅入口好勁香茅味！蝦餅炸得香口，口感扎實！飲埋杯野真係飽到上心口，即刻要行街消化下！

今日朋友說約了「泰妹」食飯！起初不以為然的在想 - 是我聽錯嗎？ 後來才得悉觀塘地鐵站B 出口附近有間食泰菜！環境是開揚，有梳化位，很舒適。職員服務周到，落單快而準蛋花王咖哩軟殻蟹 HKD 68 咖哩軟殻蟹吃得多，今次用蛋花來製作真是首次。醬汁是濃濃的蛋花，味道好滑，而且加上香脆的蒜蓉包更為美味。 香茅青檸薏米水 HKD 25 一搬都會點椰青、三色冰今天來個不一樣，這個味道較為清最適合配濃味食物蒜茸包HKD 38厚厚的蒜蓉，仿似厚多士搬，非常香脆可口。

係呢個場開餐次數，數數手指都唔少，但依加先比我發現一樓原來新開左呢間泰國菜餐廳開放式坐位，燈光柔和，一路播住泰文歌，加多幾分泰式風情有散叫亦有套餐供應今晚選擇呢個抵食超值二人套餐 ($238)黎食泰菜，必然之選緊係冬蔭海鮮湯，原先以為會就咁"畢"2碗湯出黎就算，見到侍應放低火爐，之後再送上呢鍋海鮮湯，功架十足!鍾意飲熱湯，等佢再煲至有煙先飲，材料多到嚇左一跳，有青口，蝦，魷魚，蟹柳及菇類再"畢"低D，原來仲有隻大頭蝦，好大隻呀，肉質唔算好彈牙，但蝦頭部份仍然有多肉湯味道酸辣度岩岩好，連唔係好食得辣嘅友人都添飲，確係難得!送埋2杯飲品，有多種泰式飲品選擇，就算係咖啡/奶茶都係泰式，點了杯青檸梳打，選用環保飲管(暗地裏加分)，一解冬蔭海鮮湯嘅濃味!為慶祝餐廳新店開張，食滿$200可以加$1送客生蝦刺身一客4隻，擺盤吸引，絶不馬虎夾住辣椒及生蒜一齊食，口感爽口，蝦身夠凍，點埋生蝦醬汁，酸酸辣辣好惹人胃口呀!串燒拼盤 : 鷄中翼，鷄肉，豬肉，毛茄，圓茄，海鮮菇各一串每串都燒得香口，肉類分別點3款醬汁增添惹味; 首次食燒圓茄，外乾內軟，"泰"得意啦!原本選飛天炒通菜，要求少辣，侍應細心提議用馬拉

觀塘食晏食到悶悶地，之前發現原來有訓泰國野，覺得不錯所以再黎。佢有湯送而且包餐飮，不錯！今次點了紅咖哩豬頸肉飯，咖哩有少許辣而且好有椰香味，豬頸肉一般，有幾塊好硬，今次D飯冇上次煮到好淋，還好。飲品點了泰式咖啡，覺得冇泰式味道，跟普通咖啡差不多：（朋友點了彩虹粉，紅色的好似只係色素，冇乜味，湯底偏甜，整體一般，泰式檸茶亦同一般檸茶冇異。

假日的官塘是百花齊放一樣，熱鬧情度不比平日返工時段遜色。 掃貨血拼前當然先要醫下肚。 朋友知我喜歡食海南雞飯， 所以帶我來到興業街 THE WAVE 食平靚正泰國菜。對於我自己而言，好味的海南雞飯必須配一碗好的雞油飯泰式去骨海南雞飯 $52黃油飯已經令我眼前一亮，油潤感充沛，口感不算油膩，飯質棉糯，充滿黃薑的自然香氣，加入炸蒜片，水準之作。去骨海南雞名乎其實是黃油冰鮮雞，雞皮又黃又多油；雞肉嫩滑，雞味不俗，份量恰好，性價比高。熱蜂蜜洛神花茶味道酸酸咪咪，夠濃，好似飲緊利賓訥一樣。相且洛神花的好處多不勝數，可降血壓、血脂，最重要是抗氧化，女仕恩物。 朋友從眾多湯河中, 選了午餐 $52印象中只在泰國吃過泰式豬脾，味道不差, 因為怕肥所以絕非我的首選。這碗湯河湯份量十足，湯底是咸香豉油湯，豬脾一片一片，脆瘦比例九比一，豬脾肉入口鬆化肉味足同時亦有滷水汁香，味道不俗，但最讚是一點肥膩感都無。泰式河粉是一片片，口感尚算細滑，和有咬口感的豬脾形成強大反差。 食過濃味食物後， 喝一口 清爽、解喝一流。 無加一抵抵抵!

泰妹餐廳裡面裝潢乾淨企理。Lunch好抵食,$52至$68就有一個set lunch, 包湯和飲品, 真係好抵。湯: 紅蘿蔔和雞腳湯, 感覺是老火湯, 不錯。蛋花黃咖喱軟殼蟹飯$68軟殼蟹有兩舊。蛋花黃咖喱好好味。黃咖喱食得多, 但蛋花加黃咖喱都好少見, 不過好特別。蛋花加黃咖喱不辣,好香滑,正合我口味。這個蛋花黃咖喱軟殼蟹飯,我會再Encore。魚餅/蝦餅跟餐加$18魚餅和蝦餅都炸得香脆。我個人軟喜歡蝦餅, 因為夠爽口彈牙。配上甜酸醬,好有泰國的風味。凍泰式奶茶這杯泰式奶茶都幾地道。有點尋回泰國泰式奶茶的味道。

今日同男朋友去左觀塘食飯，佢帶路食泰國菜，我地去左搵「泰妹」。假日去食lunch，又唔想同人逼，其實都有好選擇。泰妹lunch價錢非常實惠，我地一人叫左一個lunch set！我叫左海鮮喇沙湯米線，大大碗好足料呀！大大隻龍蝦放係碗面，已經夠哂吸引，龍蝦肉爽口爽嫩，仲有龍蝦膏，湯底濃香濃郁帶出椰香味，而且唔會辣，岩哂我口味！龍蝦夠新鮮，午餐咁既價錢已經食到龍蝦好過癮！男朋友食左蛋花黃咖哩軟殼蟹飯，好特別既菜式呀！黃咖哩夠哂香甜辣度唔高，加上蛋花好得意，軟殼蟹香脆咸香，咖哩送飯岩岩好！我地加點蝦餅和春卷，即叫即炸好香脆，唔油膩，蝦餅爽口夠彈牙！我同男朋友都好滿意呀！

今日在The Wave做完健身，便落了樓下搵泰妹醫肚。餐廳裝修簡單清新，開放式設計，之前隔離舖是一間麵館，現在都變了泰妹，所以餐廳座位變得多了。星期六都有提供多款午餐，麵類飯類都有8,9 款之多，價錢大約$52-$68。每款午餐都有提供餐湯及餐飲。另外可以加$18 多一款小食。我選擇了泰式船麵，上枱賣相吸引，材料比外間的船麵較為丰富，有豬肉丸，肉片，炸豬皮及大量通菜，麵底是米粉。湯底有少少甜又有少少辣，幾特別。另外老公點了泰式雙併飯(海南雞併泰式燒肉)，海南雞又嫩又滑，肥瘦適中，雞油飯不是只有色水，真的有黃薑及雞油味，飯粒分明，配上三款不同的醬汁，黑醬油本人最鍾意。而泰式燒肉就比較瘦，切得正正方方，賣相精美。我們每人加了$18點了魚餅及春卷，炸得香口。特別鍾意魚餅，混合了紅咖哩醬，香茅及檸檬葉，所以特別香，及會有少少辣的，再沾上甜酸醬，好惹味。餐飲是香茅青檸薏米水及青檸梳打2個人食到飽飽都只需$150，不用加一，抵呀!

之前試過堂食，覺得抵食、好食夾大件...可惜今日因為唔夠時間而買外賣，返到公司打開個盒，翻開啲雞睇睇吓真係好失望，除左隻雞翼可以食得吓之外，其他都係雞皮多過雞肉，我叫的是海南雞飯而唔係海南雞皮飯啊！另外講吓個飯，（我轉食白飯）無諗過飯都煮得未熟，食落有生米的其次講味道，都尚算可以，好彩仲有汁撈吓飯，如果唔係真係無啖好食食物館如果質素不能保持的話，很難生存下去，尤其是觀塘區，選擇多的是，期望能檢討及改進.

在觀塘唱完早K就搵地方食lunch，黎到呢間泰妹真係純粹巧合，因爲地點唔係熱門，餐廳開喺the WAVE 樓上，人流唔多裝修唔似平時去開嘅泰國餐廳甘佈滿泰國飾物/擺個雕像在門口，呢度裝飾似西餐cafe多d入座後大家都有碗湯潤喉見真係好耐冇食海南雞飯，就點咗個泰式海南雞飯，油飯糰係必須嘅，醬汁方面都有3款，我諗醬汁應該係泰式同其他款式嘅分別吧，酸辣醬幾開胃，感覺用醬汁撈飯都得油飯我就覺得偏硬，軟身鬆軟少少會好d雞方面，我加咗錢要雞比肉，所以會滑，而且去咗骨，雞件算厚身，食落口感會好好，滿口都係滑溜嘅雞肉，但分量會相對於雞胸會少d飲品就叫咗泰式檸茶，我諗最大嘅分別就係檸檬用咗青檸總結：質素ok，因爲呢度人流唔多，黎到觀塘又想靜靜地食下泰式野嘅，可以一試

下課媽媽不煮飯，一起去食泰國菜，地方方便係大廈一樓，很容易找。米紙卷28清新的一道，卷了許多蔬菜，最正有泰式香茅葉tim🤩點上泰式酸辣醬，即有些刺激辛辣，很醒胃呢！酸辣去骨鳳爪沙律42媽媽說啖啖肉，清爽有咬口。旦黃花咖哩軟殻蟹火山包148大大個，超靚哎🤩很方便食用不用嚼殻，軟殻蟹炸得不油膩但很香口，面包脆卜卜，入面鎖盡咖哩旦花濃郁汁料，吸盡椰香芬芳，手指也忍不了輕吮。。今晚實在嘴饞貪心，我一個努力吃只食完五份四，有點浪費了。建議3-4個朋友一同分享會最佳。加1生蝦吃滿200有特別優惠，一定要叫，很抵吃，蝦肉鮮味，實淨又彈牙，沾酸汁吃超起食欲。芒果沙冰25價錢便宜，份量不吝嗇，有酸芒香，也有適度甜。蕃石榴沙冰25具天然蕃石榴果香，超冰凍，要等一下，不要大口大口喝呀，會凍到頭痛。椰汁椰果西米露32椰漿味道既濃香，又滑溜，不過份甜，熱騰暖胃作結。 食後感：食物有驚喜，尤其火山包相當驚艷！水準高仲無加一👍🏻P.S. 用了鐵吸管，很環保♻️超推介。

約了姊妹到觀塘行街，前排留意到the wave有好多食肆餐廳，近近哋揀了一樓的泰妹。我們到餐廳的時間大約三點鐘，靜靜地冇乜人方便我倆可以傾下偈慢慢食。餐廳裝修以開放式設計，場內環境寬闊舒服。 我們點了兩個set lunch，海南雞飯$52， 紅咖哩牛脷飯$52，還有小食炸蝦餅$18，兩杯泰式熱奶茶。海南雞飯，海南雞嫩滑而不膩，飯的質地乾身， 佈滿香香的雞油味。紅咖哩牛脷飯，紅咖哩汁帶少少甜味，還有入味的牛脷，送飯一流。炸蝦餅，外面比較硬， 可能有少少炸耐了。泰式熱奶茶，味道與我在泰國飲的熱奶茶相似， 還沒有泰國的甜，入口有茶香，唔錯！第一次到這間餐廳，泰妹的午餐都有好多種類， 兩個set lunch埋單都只是$122， 還不用加一非常之好，味道亦都算唔錯。