泰妹餐廳 (置富嘉湖) (已結業)

之前已經同朋友食過泰妹嫁啦，覺得幾好食，咁今次就食過返尋味，帶埋屋企人去食。一開始就先點一啲惹味既小食開下胃，蝦餅有六大件，件件都好足料，食落唔會成口都係炸粉，配埋泰式辣醬，甜甜酸酸辣辣既味道都齊全，相當開胃。另外生菜包亦係另一泰國岀名小菜，肉碎既份量相當多，而生菜既份量就相對地少啦，希望可以多幾塊生菜，如果唔係淨返既肉碎就只能送飯啦😂肉碎既味道就偏辣一點，如果鍾意食辣既朋友就應該會幾鍾意，不過唔食得辣既就可能要事先叫定少辣啦。而主食就點左海蝦粉絲煲同埋豆腐肉碎粉絲湯。海蝦粉絲煲就咁睇張相都已經好吸引，大大隻海蝦加上已經入曬味既粉絲，已經係最好既配搭。而豆腐肉碎粉絲湯就係玉子豆腐再配上蔬菜湯，好鮮甜，為整餐比較重口味少少去中和一下，正

一家人齊齊整整就想去食下泰國嘢，但係天水圍食好味泰國菜既地方唔多，好彩都仲有位於銀座既泰妹。餐廳佈置光孟，環境亦非常乾淨舒適。頭盤小食就點左春卷同蝦餅，兩個都好好食，春卷就好多料，啖啖都係料。而蝦餅就都係啖啖肉，炸粉唔算厚。都係相當推介👍🏻而泰國菜都必備既馬拉盞炒通菜，泰妹當然都有，佢地既通菜唔會老，而且馬拉盞既味道亦相當惹味，少少辣又唔會過辣，貼近香港人既口味。最後就係泰式海蝦粉絲煲，一睇就知非常豐富，有兩隻大海蝦開邊，又多膏又多肉。而粉絲份量亦好多，入晒味，食完唔洗叫飯，已經飽到上心口😂

最近比較少周圍去覓食，見嘉湖銀座商場改裝後又靚左又多野食左。今次就食呢個泰妹，平日不算多人， 地方好坐。餐牌內容大同小異， 亦有同九龍城的泰國餐廳一樣 有鹽燒鰂魚， 這個是我最愛。魚肉又香 又滑， 燒得剛剛好， 點埋個甜酸辣汁， 簡直可以一個人食兩條。生菜包 仍保留到肉汁，屬微辣，生菜都是新鮮鮮甜爽脆， 沒有破損， 不錯！這個咖喱是豬頸肉紅咖喱，分量相當多豬頸肉食極都食不完有好多配料蔬菜，咖喱偏甜不辣，配埋佢個蒜蓉包，真是停不了口。菠蘿炒飯，有少許咖喱粉香料味，海鮮材料很多裏面有腰果肉鬆提子乾和三色豆， 整個飯口感變得很豐富有層次，食得好滿足最後論裝潢，呢個價錢絕對化算，坐得舒服，親切服務，值得我為佢食低留個記錄。

今天，四大一小吃了六百幾，食物不過不失。但服務真係唔得。第一:叫極無人理:尤其藍色衫兩個男經理🙄🙄，扮見唔到咁。第二:食物黎齊，但沒有一杯水，叫到個男經理，佢話好，之後仍無水飲，但見隔離枱坐底個個有杯水，最後小職員倒水，但五個人比四杯水🙄🙄。第三:叫了湯，點完火，湯都滾好耐，仍然無碗，我們納悶用碟點飲，而且回到第一點，叫極無人理。我是為了這間店開openrice戶口，中伏一次無下次，最後經理出理叫我地點甜品食，sorry，咁既服務唔會想再比$你地賺。

很久沒有來吃飯喇 這次帶家人來食個晚餐吧看到餐牌轉變了 看看菜單發現菜式有所不同我們決定點幾個小食 再來多個蒜蓉包呢😋😋·層層疊蒜蓉包 HKD$38 ·泰妹無骨海南雞(半隻) HKD$88 ·泰式炒青口 HKD$88 ·冬陰公雞翼 HKD$38 ·泰國椰青 HKD$38 ·珍多冰 HKD$28 食物素質依舊不變挻不錯 海南雞肉質鮮嫰很好吃靜靜最喜歡食雞🙈 所以點了一份冬陰公雞翼🤤🤤味道很香但不太辣 很配合香港人的味道挻不錯耶青口很新鮮帶微微辣味 最後再食個香口的蒜蓉包~這家的飲品材料挻多 家人很喜歡飲珍多冰也點了配料挻有咬感 飲到香濃的椰汁味 這家近我會再來

原本約咗朋友去天水圍另一間餐廳食，但係因為等位泰萊所以決定轉場，試試銀座呢間新嘅泰國餐廳～～食泰國嘢，唔少得呢幾樣😋 炒通菜、菠蘿炒飯、咖喱火山包、冬陰公湯。個湯比我想像中正！因為我本身麻麻地冬陰公味，同埋唔食辣，但係呢個湯味道做得剛剛好，少少酸少少辣，仲越飲越想飲😍！不過鍾意食辣嘅朋友就可能覺得唔夠啦🙈炒飯同炒菜都正正常常，味道不過不失。想講下個蛋花黃咖喱軟殼蟹火山包，好欣賞佢啲咖喱入面撈左蛋花，令到啲汁唔使咁稀，而且咖喱味都做得好好！😍 又係唔會太辣，點麵包食非常之正！朋友叫咗個椰青，好大個，又薄皮又多水！但係我就叫咗杯泰式奶茶，味道有點淡，呢樣有啲失望😟

今日去咗天水圍接個女，順便系附近食埋晚飯先返屋企，知道嘉湖銀座商場入面有好多嘢食，見到一間泰國菜名叫泰妹，見到個餐牌都非常吸引，所以就入咗去試下。酸辣去骨鳳爪沙律：啖啖肉，冇晒骨的鳳爪，酸辣到剛剛好，有洋蔥，香茅，辣椒等等，非常開胃嘅前菜。層層碟蒜蓉包：好軟熟嘅蒜蓉包，大量牛油蒜蓉，非常香口，無需點任何野已經足夠。香茅雞翼：出面好乾身，入邊仲好多汁，帶點微辣，香茅味好重，有泰國feel。原隻菠蘿海鮮炒飯；睇賣相已經好吸引，依個菜非常啱小朋友食，因為唔辣，飯粒炒到乾身，材料都非常之多，海鮮亦都很新鮮。建議大家多啲人嚟食，因為份量都幾大碟，如果多啲人食可以乜都試吓，同埋記得book位，因為都好多人食。

今日特登约咗朋友去天水圍置富商埸走一走，全因呢個商場新裝修過，過黎搵搵有咩好食先。呢度唔知系咪岩岩裝修完畢，所以感覺環境地方很整齊潔淨，坐又坐舒服，先上既系馬拉盞炒通菜黎開一開胃，炒通菜都唔算乾身，有獲氣幾唔錯。見隔離枱個菠蘿海鮮炒飯賣相唔錯，於是嗌左個兩份食，炒飯配有炒蛋，蜆肉同蝦肉，提子乾，肉鬆同菠蘿，味道甜甜地，都幾開胃，兩個人食都嫌唔夠。最後我地點左杯珍多冰，飲品中有綠色的啫喱，口感清新。椰汁味重，甜度適中，中和辣味一流。

每次去百佳望到樓下有間好多pattern 既門口，吸引著我的視線，見到大大隻寫泰妹，傻都知係食泰國野啦。買完野就行入去食個lunch。見佢寫十月午餐，唔知係咪每個月都會唔同呢🤔泰式豬脾湯河set lunch, 跟餐就免費飲品，特飲另加錢，我當然叫咗泰式奶茶，同正宗相比，無咁甜比較適合翻香港人口味。豬脾夠晒淋，口感十分好, 肥瘦適中, 無食落去一大片肥膏既感覺。泰式蝦炒金邊粉，食泰國嘢點可以唔點金邊粉，泰式炒金邊粉集甜、酸、鹹於一體，偶然少少偏甜，層次較豐富既一道菜，配幾隻爽口大蝦🍤。lunch time 價黎講正常

天水圍嘉湖置富商場近期經過全新裝修， 裏面開咗一間唔錯嘅泰國餐廳《泰妹》。裝修幾靚幾光猛， 而且座位又夠寬敞， 一家大細嚟食飯坐得好舒服。呢度嘅食物種類非常之多， 前菜叫咗一個非常開胃嘅酸辣去骨鳳爪沙律， 去骨鳳爪非常爽脆， 另外調味方面用咗魚露、青檸汁同埋辣椒， 食落酸酸辣辣， 非常之醒胃。泰式生蝦刺身係食泰國菜必點嘅項目，生蝦新鮮， 味道鮮甜， 加埋生蒜片同埋酸辣汁一齊食， 令人份外開胃。呢一個熱辣辣嘅冬蔭海鮮湯非常足料， 裏面有大蝦、青口、魷魚、蟹柳、蕃茄等材料，鮮味滿分。馬拉盞炒通菜， 夠曬惹味， 泰式嘅馬拉盞有如香港嘅蝦膏，帶有咸鮮， 令 簡簡單單嘅炒通菜生色不少。一個原隻菠蘿海鮮炒飯係今晚嘅亮點， 菠蘿炒飯入面加入咗大量鮮菠蘿，甜度十足。另外亦有多款海鮮配料， 有大大隻嘅蝦同埋青口， 仲有不可或缺嘅肉鬆，飯粒多4乾身飽滿，令人非常滿足。總括嚟講， 呢一間泰妹除咗食物質素唔錯之外， 價錢亦相當之公道。 除咗散叫之外， 仲有二人套餐， 保証大家大飽口福。

忙裡都要偷嫻之可以食餐好野啦！呢間餐廳裝修好精緻，吸引到我入去試。大多都係卡位，坐得好舒服，光線充足！餐具乾淨，擺位都細緻，令人感覺唔錯。呢到有2個唔同既套餐，分別係2人同4人餐，都抵食！甘當然都有得散叫啦，食物種類同一般既泰國餐廳都大同小異。首先，唔少得既緊係冬蔭公湯啦，2個人食，所以叫左個細既。好足料，好多海鮮，而且都好新鮮，食落係好鮮甜。而個湯底掌握得好，唔會太辣同酸，岩曬我呢啲唔太重口味既人，即刻開胃再黎都係開胃茶，一直都都鍾情泰國鳳爪，意外既係份量好多好大碟，仲要係無骨，食落好方便，酸酸辣辣，食到停唔到！到海南雞啦，叫左半隻，一上碟就吸引，皮薄肉正，肉質好滑，點埋醬再帶岀個弋鮮味，如果用黎送白飯一流！到最後點少得菠蘿炒菜！我最愛，每次食泰國野都要食。呢到係原隻菠蘿炒同上碟，擺碟有心思，2隻青口好似耳仔甘。菠蘿好多甜，再加埋海鮮，所以令到個炒飯更帶岀鮮甜，每次都啖啖飯入口，好滿足！

置富嘉湖商場一期這邊剛剛翻新不久，是夜到來覓食一吓，見這一間泰式餐廳門面色彩繽紛，便入內一試。青檸梳打，青檸梳打冰爽清新，是吃泰國菜解辣的不二之選。酸辣去骨鳳爪沙律，作為一個冷盤小食，最重要是上桌時的溫度，這一點泰妹拿捏得相當準確，味道酸辣開胃，特別喜歡他的香葱量特別多，對於喜歡吃蔥的我，正中下懷。泰式生蝦刺身，生蝦肉質爽口，明顯用上了新鮮的貨色，配合蒜片、辣椒以及魚露，極上的美味。軟殼蟹米紙卷，軟殼蟹炸得脆身，上桌時沒有多餘的油份，軟糯的米紙卷配合炸得香脆的軟殼蟹，讓口感富有層次。泰式蝦炒金邊粉，炒金邊粉外圍以蛋網包住，賣相美觀，金邊粉是正宗的泰國風味，加上旁邊的花生碎、芽菜與及青檸令風味更佳，酸酸甜甜的，非常開胃。椰子雪糕，椰子味道的雪糕比較少見，椰子味和奶味相互平衡，面頭的少少 toppings 亦見餐廳心思。

銀座新裝修多了好多新的餐廳，今次就試下泰妹這間泰式餐廳。我們兩人叫了2個午餐，都是有跟熱飲的。我們叫了泰式蝦炒金邊粉和泰式雙拼飯(海南雞配泰式豬脾)。 飲品叫了泰式咖啡和香茅青檸薏米水。首先炒金邊粉，上枱熱辣辣，份量和用料也很多。而且粉也不會炒得很硬，很好食。而泰式雙拼飯，雞的肉質很滑，而且也沒有很多脂肪，也提供不同醬料。 而泰式豬脾煮得很淋，很入味。飯是薑黃飯，煮得好入味，配合雞和豬脾一起吃，很好吃，份量很足夠。

今天和妹妹出外晚餐，吃了餐滋味泰國菜。餐廳寬敞，裝修用色明亮，門口位以百多塊色彩繽粉的圖畫組合，有泰國特色而且很搶眼。苜先上枱的是冬蔭海鮮湯。材料豐富，有2條蟹柳，2隻青口，2隻蝦，還有魷魚和金菇。海鮮和冬蔭功湯十分配搭，提升了海鮮的鮮美。我就特别喜歡吃金菇，因為彈牙又入味。湯底很濃，放了不少香茅，薑片和檸檬葉。味道是辣中帶鹹的，衝擊著味蕾。我點了杯珍多冰，奶白色的飲品中有綠色的啫喱，感覺清新。椰奶香滑，甜度適中，解辣一流。啫喱是班蘭味的，有嚼口。泰式炒青口份量多。青口大大隻。橙紅的醬汁，加上青椒，紅椒，洋葱，西芹等蔬菜，色彩繽粉，十分吸引。醬汁辣中帶甜，青口鮮美，啖啖肉，很美味。香茅雞翼，一份4隻。外皮香口，不會油膩，內裡則肉質滑嫩。海南雞飯，飯粒飽滿，金黄誘人，散發油香。另外加入了乾蒜，增添口感。吃一口飯，不覺油膩，而且有椰香味。雞肉無骨，方便食用。配有3款醬汁，任君選擇。這餐泰國菜滋味濃郁，我尤其喜愛泰式炒青口和海南雞飯。

天水圍又多了個翻新的商場（置富嘉湖一期）令整個商場增添新氣象！也進駐了多間食店，今天特意來逛逛街，泰菜於天水圍區是否比較少見到，見到一家充滿著泰國風情小店，感覺身在芭堤雅似的。我們點了三份套餐2:30開始也做下午茶（$38-$58）價錢也相當便宜👍🏻冬蔭海鮮湯金邊粉$69紅紅橙橙的湯底充滿冬蔭公香，第一口當然要飲啖湯先，熱騰騰的湯配上兩隻青口丶蟹柳丶鮮魷魚丶草菇番茄仔，這樣足料已經令我流晒口水，酸甜辣味道十分正宗！海南雞飯$64海南雞飯我加了（$5轉雞脾）黃姜飯配上大大隻雞脾！雞髀肉質鮮嫩再沾上三種醬汁一起吃，令整個菜式更上一層樓，必叫之選一定要轉雞髀！泰式彩虹粉$42泰式彩虹粉我也是第一次吃，有豬紅丶魷魚丶肉丸丶魚片材料也多，粉紅色的湯底加了一點點紅醋，味道非常特別，我自己再加了一些泰式醬汁，酸酸辣辣增加胃口！酸辣去骨鳳爪沙律$28媽媽非常喜歡吃泰式鳳爪，每次吃泰國菜必吃，今次呢間泰妹真的是吃過這麼多國泰菜得最好食的一間，鳳爪夠酸夠辣又爽囗。配菜都一樣新鮮。讚~我們叫了三杯特色飲品，珍多冰、芒果沙冰丶泰式奶茶，泰式奶茶令我最印象深刻，他採用椰子糖去冲調，椰子糖口感好不會太甜也有淡淡的