泰妹餐廳 (置富嘉湖) (已結業)

當初經過都係為左有一條咁吸引嘅魚先入去幫襯..食起上黎好有一種去左泰國街地道風味烤魚泰國菜-泰式明爐酸梅烏頭:酸酸甜甜開胃一流，魚肉比酸梅湯浸得夠入味配菜夠多，都算抵食..大大條魚又唔算太多骨..餐廳又夠細心會另加一碗湯俾你唔驚成條魚燒乾。飛天通菜：泰國必叫嘅菜...可惜唔辣。但係炒得爽口唔會老小食拼盤：炸得太窿..而且全部一睇就知急凍食物..好感一般臭翁草煎蛋：雖然煎得有啲老同太油，但係帶出臭翁草嘅香味，少吃多滋味..冬陰功海鮮湯金邊粉：足料海鮮不過好老，金邊粉硬度適中唔錯，湯就較為淡，唔係好入味，好似成碗野各有各生存甜品拼盤：呢個反而我幾鍾意食..全部都係椰香味好正

週末無聊就揸架車入天水圍行吓，見到响酒店附近個商場，有間幾乾淨又光猛嘅泰國餐廳，就同屋企人試吓。(後尾先發覺响屋企觀塘都有一間)叫左個泰妃雞，雖然個賣相就麻麻地，但食落去啲肉係幾滑同有雞味。因為幾個小食都想食，所以就叫左一個拼盤，就可以樣樣都試吓。最欣賞係個蝦餅，好香口但唔算好油膩，其他串燒、春卷就不過不失。另外老公都點左個豬牛雞串燒，論肉質嚟講就最好係雞，其次就牛，個豬有少少韌。但個沙嗲汁就唔錯！菠蘿海鮮炒飯就唔錯，味道好而飯都係炒得好靚，但就嫌佢份量少左啲😅細妹就特別點左咖喱蟹，用個蒜蓉包點個汁簡直係一流👍🏻👍🏻👍🏻👍🏻就咁食個蒜蓉包都好好味，依家又有包又有蟹(正常肉質)，發達👍🏻個包好香蒜香味，麵包又鬆軟，厚切，正！

一望入去個裝修已經好别緻thai feel好有空間感柔和燈光令人好舒服馬拉盞通菜好味豬頸肉夠香脆，個friend個仔仔差唔多食曬成碟。燒雞香脆嫩滑， 如果有一隻肥雞好啲，啖啖肉。豬牛雞串燒最正， 沙爹醬一流新鮮嘅芒果汁唔會太死甜六折真係好抵

今日母親節 一早book左枱 7點半 想同家人好好慶祝 點知比呢間野搞到勁激氣 完全破壞左成個母親節！首先 一入到去 員工放低餐牌 包括有一個set menu 我地諗左陣就決定叫呢個 舉極手都無人 當時得幾張枱 然後條友一行埋泥就話 無呢個餐喎 乜都無哂喎 你單叫啦 仲要態度勁差 其實你無哂就吾好比個餐牌人啦 之後我地就單點 又係叫乜無乜 已經好無奈 態度極差直頭想趕我地走咁 其實如果明知廚房無哂野 係咪入座前就應該同個客講聲呢？ 落單態度語氣都十分差 完全趕客 睇幾個外賣客都發哂脾氣 d staff仲要大大聲鬧人 一個客係咁可能係個客西 但幾個都係咁就好明顯係餐廳問題啦 自己都做服務業 不嬲都好尊重侍應 但呢到d服務真係十分差 火都泥 講反d食物 d串燒 凍嘅 好似幾日前整定咁 個汁都係凍嘅 仲要溝到勁水烤雞 完全無特別菠蘿炒飯 屋企炒到嘅味 過得去酸辣鳳爪 味精重全晚最正常 煎蛋 最嬲果樣係 叫左碟炒椰苗 泥到得3啖 成碟好似人地食淨咁 嬲到無影相即刻退左 之後嗱嗱聲比錢走人其實我明疫情可能餐廳好難預份量 母親節人多亦會忙 但吾代表員工可能對住d客發老脾咁 態度極差 仲要吾止一個

天水圍難得一見嘅高質泰國餐廳！同朋友搵緊晚餐嘅時候，俾門面充滿濃濃泰國色彩嘅招牌而吸引。餐廳環境非常整潔，牆上嘅方塊畫作亦都令人賞心悅目。我地以冬陰海鮮湯(細，$88)作為開首。湯底十分濃郁，用嘅都係泰國地道嘅材料黎熬製，味道酸酸地，唔係特別辣，非常開胃。配料有猛料嘅海鮮，包括原隻大頭蝦、青口、鮮魷、蟹柳等等，估唔到餐廳竟然會選用新鮮嘅大蝦，非常有良心！泰式燒烤拼盤($108)，有豬、牛、雞，每款2串。串燒燒得焦焦地，非常惹味，而且肉質軟腍，唔會過硬得黎仲保番住佢嘅口感，仲可以點埋沙嗲醬一齊食~班蘭葉包雞($48)，我淨係食過荷葉包雞，所以叫咗班蘭葉包雞試一試。賣相一樣都係呈三角形，雞肉紮起後更加有口感，煎香後仲脆脆地，仲有陣陣香葉嘅味道。壓軸登場嘅係臭翁草煎蛋($68)，黎之前冇聽過臭翁草依個名，一直諗會係點嘅味道。同蛋一齊煎後有種淡淡嘅香草味，估唔到又幾香口。總括黎講，依度嘅泰國菜都花咗唔少創意落去，而且價錢合理，值得一試！

不好意思成日要住新界嘅友人出市區食飯今次小編就山長水遠入天水圍吃個靚飯🤓坐多程短途輕鐵就到置富嘉湖一期都幾方便😛「泰妹餐廳」整個設計感覺幾新潮舖面大而光猛🤩唔需要坐到好逼泰國菜嚟講價格好相宜 十分難得泰式明爐酸梅烏頭 ($138)好味 真心好味又抵食普通大排擋茶記蒸條魚都要一百啦明爐火嘅熱力煲滾酸梅湯底 係令人期待嘅湯頭酸酸地有啲似走辣嘅冬蔭公湯同烏頭好夾😋配料仲有菇、碎豬肉同酸菜烏頭比較多骨要小心食😌魚肉配入哂味嘅湯頭😛正有另上一碗湯俾客人作加湯用👍🏻馬拉盞炒通菜 ($68)食泰國菜必點！係無得輸嘅組合☺️而且炒得唔油泰式雞炒河粉 ($78)好多雞肉呀！大方👍🏻味道偏淡 伴以菜及蛋一齊炒 好足料香茅雞翼 ($38)惹味十足 不錯

好耐冇食泰國菜，聽講呢間都算唔錯所以同朋友嚟試叫咗2 人套餐上菜極快😜頭盤✨泰式軟殼蟹米紙卷一碟四件，入面有生茶、莞荽、 蘿蔔絲、薄荷葉同主角軟殼蟹，軟殼蟹都幾大舊，菜好新鮮，配酸甜辣醬湯✨可選 冬陰功湯/椰汁雞湯食泰國菜當然要冬陰公湯，滾滾的 冬陰功湯非常惹味，酸酸辣辣，十分開胃內料豐富，有2 隻勁大的蝦一直滾住飲，就算傾住計慢慢飲都唔怕凍曬菜類✨飛天通菜/ 馬拉盞炒芥蘭/泰式炒雜菜決定試飛天通菜，份量幾多有幾條辣椒仔，但唔辣通菜乾身，好夠鑊氣飯類✨蝦醬肉碎炒飯/ 泰式蝦炒金邊粉其實呢兩個我都想試，最後決定是蝦醬肉碎炒飯😄 蝦醬份量適中唔會太鹹，雞蛋可以中和蝦醬味，旁邊仲有泰國臘腸， 同平時食開嘅臘腸唔同，冇咁硬比較軟身餐配飲品及甜品

心血來潮想食泰國菜💭見天水圍有間泰妹，咁岩去到唔駛等位，就入去試吓啦！2人套餐好似幾抵食頭盤、湯、主菜、甜品都有齊😍😍直接叫個套餐兩個人share唔使煩食乜😌軟殼蟹米紙卷賣相唔錯，香脆嘅炸軟殼蟹同清新嘅蔬菜絲夾埋一齊，感覺好協調，香口得來又fresh!外層嘅米紙雖然冇味，但係煙韌，整體口感好好😋我哋揀咗冬蔭海鮮湯，個湯好足料，仲有兩隻大蝦喺入邊，鮮味十足，夠晒香濃！個人覺得成個餐最出色係炒金邊粉。賣相仲靚過Menu上面張相😍有一層網狀嘅蛋包住啲金邊粉，配料就放喺側邊，隨個人喜好自己混合，感覺好有心思，而且味道都好好👍🏼👍🏼簡簡單單，舒舒服服食餐泰國嘢，可以嚟試試～

口痕痕想食泰國菜，以前成日去洪水橋食，依家個間執咗，又走出去屯門元朗，係OpenRice 見到呢間，就去試一試。先嚟個沙律，鳳爪比其他餐廳份量多，辣辣地幾開胃😋😋呢到冇串燒食，不過有呢隻烤雞肉粒，就叫咗嚟試。冇串燒咁多肉汁，不過就方便食，唔洗自己去拆。點埋個醬都幾好味跟住就到馬拉盞炒芥蘭，份量好多，食到好飽😂之後就到泰式豬肉乾炒河粉，呢到係用泰式嘅河炒，好有泰國街邊食嘅味道👍🏼👍🏼最後加埋個椰青，椰水好甜，椰肉就偏硬，要用D力先拆到D肉出嚟食。整體嚟講唔錯，價錢合理，必食推介有馬拉盞炒芥蘭，泰式豬肉乾炒河粉同椰青。

咁岩去銀座睇戲 發現到呢間泰國餐廳一於入去try try ·燒海鰻串 $98 @3 串平時食開泰國串燒 但冇食過鰻魚 幾有驚喜賣相唔錯 聞到好香香料味 食落香料味不會太重同鰻魚味互相發揮得好好 ·鹽燒鯽魚$128 @1條要等大概半個鐘 即燒 相當大條 表皮燒到好脆 內裏魚肉保持濕潤 中間放有魚腥草辟味 · 泰式海蝦粉絲煲 $128 粉絲煲充滿泰國香料 仲有唔少胡椒粒 粉絲分量十足 我地冇叫飯都食到好飽 泰國海蝦連埋 長臂 上 碟 太長唔方便 放入個碗中進食 ·層層疊蒜蓉包 $38見到隔離枱 點左 忍唔住 點反個 賣相相當吸引 上菜時 同食用中 都聞到陣陣蒜蓉香味 ·珍多冰 $28啖啖都飲緊 香濃滑溜椰汁 入邊有啲啫喱 都好好食 細細條 方便入口·青檸梳打 $28青檸鹹鹹地 配埋甜甜地嘅梳打 好好味 2者 二想不到的合拍

今日去左天水圍探個朋友，佢話屋企附近有間泰國餐廳好多人食野，佢成日收工之後都會去食飯。今日中午黎到天水圍，佢就帶左我去食野啦！餐廳好乾淨，lunch menu好抵食！難怪2:00都咁多人啦！我地一人叫左一個set lunch。我地都想食湯河。朋友叫左泰式船麵，我叫左泰式豬髀湯河。船麵好足料，湯頭好濃香，炸豬皮好爽口，仲有豬紅和豬潤。我既豬髀湯河超濃郁，豬髀好嫩滑，入口肥美，豬肉吸哂湯頭精華，入口濃香滋味啊！

泰式蝦炒金邊粉$69蚊，價錢唔貴仲有野飲送。金邊粉賣相唔錯，炒得夠乾身得黎個粉嘅質地帶點煙韌，口感唔錯，調味帶點酸酸甜甜嘅感覺，大蝦爽口彈牙，肉質結實，蝦味濃郁，加d花生碎一齊食更惹味。冬蔭海鮮湯金邊粉辣味岩岩好，辣中帶酸，愈食就愈開胃，湯入面都有不少海鮮，例如蝦，青口，蟹柳同墨魚。珍多冰所用嘅椰漿都經過特別調製，為左增加椰奶的甜味，加入左椰子糖同鹽拌勻，令椰漿嘅味道更香濃。而珍多外層煙韌、咬落爽脆，顏色亦較為鮮艷。

泰妹係銀座開左甘耐，一直未有機會食。。今晚冇煮就試一試e間泰國野。2個人唔想諗食咩好，就叫左個二人set。。頭盤係泰式軟殼🦀米紙卷味道很淡，點汁食都還好。大大卷，料很足，入面有芫荽香草，唔食ge朋友要注意啊!之後就係個冬陰功湯，大頭蝦腳叉出鍋外😂份量岩岩好，大約每人兩碗。湯入面都有好多香葉，菇等配料。味道比較辣，有點chok喉嚨。。還好la飲品叫左青檸soda，得一片好細又好薄ge青檸😢 成杯野冇咩味。。兩個人ge晚餐埋單大約400蚊左右，個人覺得有點貴。。今餐不過不失。，

員工態度差，落單時態度囂張。站姿差，有時態度輕佻。上菜速度慢。成日叫極都冇人理明明入面大擺位，已經汁好返，但仍不安排入座。經常冇海南雞飯賣。連續黎三日，一點到，次次都已經冇哂雞賣，明明有好多枱都食緊。極之不滿。一黎就話：冇哂雞。一句唔好意思都冇......覺得好似理所當然。

當我以為天水圍無咩野好食既時候行過銀座睇下有咩野食點知發現呢間我未見過既野～由於見佢唔洗等位又未食過就入咗去佢都算多野簡小食；飯，麵都有幾款甜品都有五款🤤🤤今次試咗佢個泰式豬頸肉飯同埋咖喱軟殼蟹麵包磚豬頸肉飯正正常常無咩特別好唔好食但豬頸肉份量算係多咖喱軟殼蟹包呢個要讚揚一下佢好出色，平時唔中意食飯同食得少飯既我撈佢個咖喱汁食曬成碗飯而且佢個白飯好多，好足料軟殼蟹感覺到佢即叫即炸好好食，而且你食到佢有肉有膏佢個包加埋汁食又係好食到爆炸可能本身我都中意食包但真係好食推介但佢份量其實都多我同朋友食唔曬有拎走因為我真係好中意食包員工仲好好幫我包好下次有機會要試埋佢其他野