泰好記

营业中

休息中

經開旺角發現通菜街有間新開嘅泰國小店，提供多款價錢親民嘅地道泰國菜，店內環境比想像中大好多，座位十分闊落，令人感覺舒適。店員服務態度親民，上枱速度又快，值得到訪一試。前菜有青芒果沙律，酸甜開胃，爽口美味，令人食慾大開。椰汁雞湯份量十足，椰汁香濃，入口順滑，熱呼呼好暖胃，而且配料夠豐富，雞肉大件，嫩滑唔嚡口，性價比高。菜品選擇好多，椰菜苗比較少食，炒得夠辣，好惹味，掛滿醬汁，咬落爽口、主食有乾炒河，軟身，容易入口，豬肉幾滑，搭配少量蔬菜，整體調味適中，唔油膩，老少咸宜。相對來說海南雞飯就正常發揮，飯粒粒分明，帶淡淡香氣，雞皮偏厚，雞肉份量都唔少。貪心要埋薄餅，煙煙韌韌好好味，而且熱辣辣上，有心機，點咖喱應該好正，可惜太飽了。飲品款色都有唔少，基本上每枱都有點，天氣熱，要咗奶茶同芒果沙冰，賣相一流，堆到滿滿一座山，冰冰涼涼，十分解膩。