泰太廚房

营业中

休息中

經朋友介紹之下千里遙遙入大埔食飯，我們一行三人早已訂台，車位無得留，都見有人排緊隊所以最好訂台先，環境好靚！影相一流！我地叫左冬陰功湯：叫左細都好大煲，酸辣適中，好飲，有4隻大蝦都唔錯生蝦刺身：好靚，用成架車上好特別，蝦爽口新鮮好味小食拼盤：全部炸野好熱氣不過好豐富酸辣鳳爪：叫小辣都稍為辣左小小，好開胃青咖喱牛肉及薄餅：個薄餅黎左先，但之後先出個咖哩？我地叫侍應整過份薄餅佢地都比多份我ok脆肉炒椰菜：椰菜比較硬，炒得唔夠淋Pad thai貴勺：好小見有個蛋包住，好味埋單每人300$，算中上價錢，不過食物質數高，值回票價，份量算大，應該要多d人黎食

公司食飯，第一次黎要讚一讚公司兩周年食飯，選址泰太廚房，好耐之前入過大埔，之後就冇去過，不過而家老細車幾遠都唔怕啦。黎到呢度好有新鮮感好似去咗旅行咁，講返食物，每樣食物都好出色，由其是生蝦車，真係好靚，是影相必備。冬陰功湯@我地全部人都唔食芫荽，所以走哂，實在太美味了，酸酸辣辣好開胃。咖喱蟹肉麵包@好有特色，淡淡咖喱蠔仔煎蛋@唔似大排檔個D，都唔似泰國個D，不過都幾好食皮蛋蝦餅@好彈牙蛋網包@有芫荽，即刻擺低無食辣酒煮花螺@唔夠辣，但新鮮燒鱔片@得幾件好小，一淡無左不過都好食，小食多滋味各樣野都做得唔錯，下次可以帶屋企人試下有隻乳豬（老細話唔記得訂）坐露天位比較熱，呢D天氣建議自備風扇仔

平時人哋嗰啲係隱世美食，呢間就打破傳統，位置夠晒遠又夠吊腳，但係就極度10分難食，是但喺九龍城一間泰國菜都好食過佢，先來個生蝦，得個樣但係超級唔新鮮， 腥哼哼嘅，食咗我都驚自己會肚痛，蒜蓉炒椰菜苗，我都好少何喺泰國餐廳食到一個炒椰菜苗係吵得咁難食，冇鑊氣油淋淋，啲菜仲要勁多菜柄，好似冇整理過咁再嚟過炒金邊粉，啲雞完全係雪藏雞嚟嘅，嗰陣雪味大到啊，嗰份可以炒到一啲味都冇，好有難道，咖喱軟殼蟹，嗰個咖喱好似啲cheap茶餐廳嗰啲一劈螢光汁，軟殼蟹睇佢個樣都係買啲現成，所以味道先正常返啲，蒜蓉包都可以整到硬骨骨，一啲誠意都冇，唯獨是係燒鱔最正常，可能唔需要調味啦，淨係燒熟佢，所以味道最正常生菜包都過得去食完勁口渴，勁多味精，呢間野除左餐廳外表裝修，食物賣相之外，其他所有嘢都係欠奉，其實我都佩服佢，賣相似模似樣但係可以冇味，千祈千祈千祈唔好嘥錢入去，過嚟九龍城是但搵一間都好過佢

等到飽晒！！我地總共落過2次單，第一轉落既單，有2道菜未到，但第二轉單既菜都開始上了，所以我地就同待應講第一轉單還有2道菜未到，佢話幫我地跟下，不過。。。無左下文，跟住第二轉單黎左2道菜又停左好耐，所以我地又再問一問，佢先同我地講第二轉落既蒜蓉包無晒喇，ok無問題！跟住又再等，因為我地仲有串燒同個炒飯未到，原來隔離枱同我地一樣有菜未上，佢話等左45分鐘，我地仲要早過佢地到添，過多一陣再問，佢先話個串燒得番豬，咁取消埋佢啦！最後等左成個鐘既泰太炒飯都仲未見，決定埋單走

服務態度非常差 等一道菜等左一個鐘等一碗白飯等左一個鐘 明明就即刻不出來就有都要等一個鐘 我係對住個廚房坐 明明就有白飯佢哋就係唔做嘢 佢哋叫咗佢三次佢最後先去 叫侍應 佢哋扮聽唔到唔會再嚟

而家食飯好麻煩，去到邊度都要四個人，今日同小朋友專程入大尾督踩單車，朋友介紹呢間專程試下。我們一行7人，服務員話要分2張台，無辦法吧！服務員話有半隻乳豬問我地試唔試，我地叫左半隻，皮脆肉嫩仲好juicy，燒烤食物炭香惹味，特別是沙嗲串燒，淡淡肉。蝦刺身新鮮爽口，白酒大蜆好香九層塔味，這個都是推薦，同埋最值得讚嘅係海鮮全部都非常新鮮~唔知點解炒粉絲平平無奇且雞肉有點雪味不過不太強，蝦醬炒飯惹味出色好鑊氣埋單2500$價錢算中上但食得舒適出品不錯，值回票價。順帶一提個廁所好乾淨企理

疫情期間一行三人係大埔唔知食咩，走左去大尾篤搵野食，最後選擇左泰太廚房，因為有露天位置而且門外感覺舒適。開頭上碟是生蝦刺身，好得意有架車裝住好靚，酸辣汁比較辣，蝦爽新鮮，接下來炭燒豬頸肉，好吃，不過如果燒得再濃小小會好食D，叫左碟椰菜仔，味道好但比較硬小小，如果要叫可以叫佢炒林d我覺得好食，蠔餅蛋很誇張😱都好吃，炒金邊粉正常，這裡有泰國生啤飲，環境非常好，每碟菜份量都好大，埋單800多，合理價錢，下次可以叫多d人食

今日專程來到大尾篤同班朋友4個食飯，從Openrice得知此店環境唔錯同好似幾浪漫，可惜今日沒有Live band?問到店員都不清楚，講返食物先店員話今日有1/4豬，又係唔明？因為訂台時都說沒有，唔緊要啦最後我地要1/4，乳豬皮脆肉嫩果然是招牌菜，唔同平時中式乳豬，瞬間就被消滅了，我們只好後悔沒有叫半隻。沙爹串燒：炭燒的不用多講！正燒鰻魚：新鮮！炭燒！都不用多講蝦刺身裝飾好特別，新鮮又爽，正另外叫左個椰菜同菠蘿炒飯無影相有鑊氣又惹味！埋單1400$飲埋啤酒，價錢都算中上，但在這個環境食飯，店鋪又花很多心思裝飾，其實是物超所值就真

首先環境氣氛係絕對掂玩浪漫 係呢到慶祝生日紀念日係冇得輸👍🏼室外會有人現場演唱🎤🎶 幾有feel🕺🏼餐牌設計係報章形式📰 幾得意 幾靚同幾特別·🦀泰太咖喱蟹肉焗麵包🥯絕對出色 絕對有蟹肉 麵包夠脆食法又有新鮮感 幾盞鬼咖喱吾辣😏·🦐泰式魚露生蝦🦐好食 但都好辣🥵 個底會浸住d辣醬每碟有8隻左右 上菜裝飾設計擺法都得意·🐷脆肉炒椰菜苗🥬嫌佢菜有d菜腥味 但脆肉係ok既·🍘泰式炸蝦餅🍤泰菜基本野 冇咩特別可介紹 係吾錯·🐥泰式濕炒金邊粉：雞肉🍲麻麻 可能食吾慣濕炒 唔係食開濕炒野嘅話唔推薦呢個·留意番👉🏼呢度會收加一服務費💰而佢每樣食物價錢都算高但如果以呢個吾錯既環境 配搭食嘢都算係咁個人認為間唔中食嘢既同時享受下環境氣氛係OK嘅建議去之前要訂位 因為咁啱我嗰日早去如果唔係都full booking 未必食到🤐舖頭門外都有啲泊車位🅿️ 唔洗煩泊邊到先🚗

由於太鐘意食泰菜既關係，放假都會prefer食泰菜，平時食得大尾篤忠誠多，想試新嘢，見同事早兩日食過呢間就試下啦，位置係大尾篤停車場再行前d，不過佢本身餐廳外面都有差不多六個位嘅停車位，所以有揸車嘅人士都可以過去嗰邊泊車，如果見到full左，都可以泊喺馬路邊，應該都冇乜人抄牌嘅，因為我去食當日都見到有人泊在馬路邊！一去到既感覺已經覺得好舒服，露天嘅枱大概有8至10張，隔離有一個live Band位置，應該假日嘅時候會有人唱live，由於我平日去就沒有，最後怕有老人家喺度坐外面凍，所以坐室內位置，一大班人食嘅好處就係可以分享不同種類嘅食物，當晚都叫得頗多食物的。等我介紹下食咗啲咩先：🍽泰式燒雞肉質鮮嫩，唔會燒得好乾，變柴皮，香料比較特別，唔係一般普通燒雞！🍽泰太咖哩蟹肉焗麵包 小霸王呢個係重頭戲，主力推介睇到相已經覺得好吸引，成個麵包內裏都裝滿着蟹肉，蟹肉一啲都唔馬虎，好足料，以為個咖喱會好辣，但係其實係香甜黃咖喱！外面個包覺得好脆，食完入邊嘅包再分解外圍包，一定要連中間蟹肉同醬汁一齊食，好食到停唔到口，唔洗10分鐘，6個人已經K.O.晒🍽椰汁雞湯飲到香濃嘅椰汁味，酸酸尾尾飲幾開胃，入邊

位於大尾篤的泰太廚房，一直很想去試試，這天趁著週日和家人到大埔踏單車之後，一於去吃吃看。大尾篤的好處便是地方夠大，可以選擇室內，亦有戶外的座位。餐牌選擇繁多，有選擇困難症的就要花多一點時間，幸好大家做完運動肚子也打著鼓，快快手的點了「小霸王」泰太咖喱蟹肉焗麵包，青咖喱雞，訂枱時預留的生蝦（最愛），脆肉椰菜苗，串燒，蛋包金邊粉，椰青焗飯等等，吃著覺得不夠又再點了一個蒜蓉包。每一道菜都很有水準，屬正常發揮，吃貨們都表示滿意，唯獨蒜蓉包就馬馬虎虎，有點令人失望。

one day go 大美督 for fun and 見佢門面都幾靚,咁就不如TRY食依家野喇how is the Value: it is very good price in this area, reasonable with good sizehow is the Hygiene: looking good! nothing bad!how is the Service: very nice of them and caring how is the Décor: standard thai feel,  sure! how is the Taste: standard thai taste and style.it is just little bit far from city area...

朋友介紹之下得知這店，原來比起其他餐廳更入，不過都唔算難搵星期六訂台先，因為我訂7點執到都要等一陣，等了5分鐘店員安排坐室外位置，叫野食，叫左個生蝦車，好靚好新鮮，之前order定燒烤豬半隻，皮脆肉嫩，平時食唔到的味道，非常特別惹味！個皮好食到好似食薯片咁。另外叫左個白酒焗青口，打開全是香料非常香，新鮮大蜆，另外當然還有泰國最有名的飛天通菜，惹味非常！埋單300$一位！比起出面泰國菜較貴，但質數及味道絕不能與一般泰菜相提並論！

一行七人慶祝生日整體好食但價錢略貴乳豬，泰式生蝦及蝦膏炒飯係必食之選乳豬及生蝦要預早預訂乳豬係即燒的皮脆非常惹味🤤配有兩個醬汁泰式生蝦肥美新鮮，生蝦醬有點辣！蝦膏炒飯飯係炒到一粒粒味道岩岩好蝦多士蝦薄餅大大件好脆足料蝦肉💕咖哩蟹包都好出色😊炒蛋蠔餅味道好淡好普通炸軟殼蟹都係味道比較淡普通海南雞好滑身👌兩個菜都可以

唔會再去。1）質素真係唔高，打個比喻，出面普通泰國餐廳$80既菜色，佢賣到$140（仲未計加一）。一杯珍多冰$45-55，都係普通野，搵唔到原因點解要幫襯佢。真係預埋單比起出面食同一個質素貴50%左右，物非所值。食1x炒飯，1x炒貴刁，1x咖哩飽，1x皮蛋蝦膠，1x甜酸豬肉，計埋加一，要接近$900落樓.....2）馳名咖哩蟹。要訂架，因為得4隻（我7:00去到）。呢樣食唔到啦，唔知馳名到要訂同埋得4隻，可能佢「馳名」就係因為咁。3）連餐具都無特色，同茶記無幾大分別。個膠碟同膠碗拎到黎，摸上手「痴笠笠」，唔知係膠溶左定係洗唔乾淨。講真，大元邨平台果間泰國菜都仲好過佢.....咁駛鬼走咁遠咩......