泰太廚房

泰式蛋網炒貴刁呢個炒貴刁真係好有驚喜，配料有大蝦，蛋網包住條條炒粉，炒得夠晒鑊氣，唔會黏埋一舊，乾身之餘仲帶少少焦香味，口感層次超豐富。粉條炒得香口又夠鑊氣，帶少少泰式味，仲有微微辣味，味道平衡得好好。泰式小食拼盆拼盆勁豐富，有單骨雞翼、炸齋春卷、炸蝦餅、炸蟹鉗、咖喱角，啱晒一班朋友開心share。每樣小食都新鮮炸起，雞翼多汁同埋單骨方便食、蝦餅彈牙、咖喱角香辣。咬落去全部都唔會太油膩，越食越開胃。泰式鮮蝦多士多士炸到金黃酥脆，蝦肉餡料超足，食落去啖啖都係鮮蝦香味。外面脆卜卜，裡面又嫩滑，夠晒juicy。點少少酸辣醬一齊食又更加惹味，真心推介！芒果沙冰芒果沙冰勁香甜，沙冰質感又細滑，完全唔會咬冰粒。夏天飲一杯即刻透心涼，甜度啱啱好唔會膩，飲完心情都靚晒。打卡又得，消暑又得，必試！…查看更多

入到大埔大美督嘅泰太廚房誤打誤撞walk-in入去，環境好有泰國風情，輕鬆又chill，服務員仲好nice！今次同朋友兩個人試午餐，點咗三道菜，埋單$500左右，性價比唔錯！柚子鮮蝦沙律($138)一上枱已經好吸睛！柚子嘅酸甜同新鮮大蝦好match，薄荷葉同辣椒仲帶點清新微辣，夏天食真係好醒胃！泰式炭燒豬頸肉($128)燒得外脆內軟，炭香撲鼻，配搭秘製醬汁辣辣地咁，食到一啖接一啖，停唔到落來！泰式咖喱蟹肉焗麵包($178)重頭戲嚟啦！咖喱香濃得來唔會膩，蟹肉好鮮，麵包烤得金黃鬆脆，搽勻咖喱汁，食到舔晒手指份量啱啱好，可惜今次太飽，下次要試佢哋嘅甜品！整體嚟講呢到環境乾淨，性價比高，嚟開大尾篤嘅可以過嚟一試，不過最好book定，聽講旺日都多人嚟，未必好似我哋咁好彩有walk-in位…查看更多

在Openrice book位~有八折。食物普通。沒有驚喜。炸蝦餅炭燒豬頸肉 (好燶~1/3是黑焦的)沙嗲串燒 鐵板蠔仔煎蛋 馬拉盞通菜 冬陰功炭燒魷魚（$248 魷魚好細隻)。芒果沙冰 (好稀)椰青 (清甜)試過算了。不會回頭。…查看更多

必嗌兩大招牌：咖喱蟹肉焗麵包 × 泰式炒粉絲衝住佢哋個「咖喱蟹肉焗麵包」嚟！上枱熱辣辣，成個麵包挖空裝滿濃郁黃咖喱，蟹肉多到瀉出嚟，仲有啖啖彈牙魷魚同蝦仁！重點係個麵包蓋焗到超脆，撕落嚟點咖喱汁，甜辣惹味仲帶椰香，掛汁力100分～食到底連麵包碗都吸晒精華，軟綿綿索盡咖喱，邪惡到停唔到口！另一驚喜係「泰式炒粉絲」！即叫即炒鑊氣爆棚，粉絲乾身唔油，彈牙得嚟仲有焦香！落足雞肉、大蝦、蛋碎同爽脆蔬菜，最正係撒咗花生碎同辣椒粉，撈勻酸辣魚露汁，鹹香酸辣一次過衝擊味蕾，食到舐舐脷～環境同價錢：舖仔細細，但冷氣夠勁，坐得舒服；份量夠2-3人share，抵食！服務OK，上菜快，趕時間都啱。真心推：咖喱包同炒粉絲係必殺組合，濃味撞濃味反而夾到震！記得嗌杯凍奶茶解辣，茶底夠濃唔死甜～ 大埔想食高質泰式小炒，呢間絕對翻兜！…查看更多

今日爸爸生日約咗呢間餐廳食飯，因為爸爸住大埔，所以就返爸爸食呢間泰國菜，我哋預留咗生蝦刺身同埋炭燒乳豬，因為呢度嘅生蝦係即日預訂。坐低10分鐘落完單就出咗個蝦刺身，果然好新鮮，海鮮汁有兩隻，兩隻都唔同嘅酸辣味好正。跟住就上咗個炭燒乳豬，我哋係訂咗一隻，呢款乳豬真係好少食，個皮好脆好似食薯片咁，肉汁又多，底部嘅黑椒胡椒味好強勁好入味，值得推介。跟住叫咗兩個菜，一個椰菜苗一個喺通菜，都正正常常。跟住嚟咗個咖喱竹炭麵包軟殼蟹，都正正常常，咖喱汁好多，麵包索晒咖喱汁，配埋軟殼蟹Perfect！有個生菜包，略嫌佢唔夠辣，所以我另外攞咗辣椒粉，都好，老人家唔食咁辣。仲有幾款嘢食冇影相，之所以打呢篇文章其實主要係講呢度嘅冷氣真係超強勁，喺咁熱嘅天氣下，真係感覺到入邊仲有啲凍👍🏻👍🏻食泰國菜食到咁真係好爽！…查看更多

今日同朋友兩個入大美督食飯，揀左好耐，都係食呢間泰太廚房，貪佢坐得闊落，環境好。入到去都幾多人，待應幾個都好忙錄，都明白做飲食業好辛苦。我地被安排坐室外位置，可以見到篤篤車，同隔離有泰國人燒烤😱仲要係炭燒。打開餐牌價錢都算中高，試試佢咩料。我地見到有泰國人燒烤，都二話不說叫左三款，分別有沙爹串燒，豬頸肉，燒鱔。泰國人燒野係有一手，食材新鮮，刀工好，入哂味，另上的汁醬令到食材更加升華，食得出係有心機整。埋尾叫左個肉碎炒飯一樣有驚喜，一句講哂，超正！埋單兩個人食左$600，貴唔貴見人見智，不過一定係值回票價，一定會再返黎食，下次要食埋即場燒乳豬！…查看更多

☑️咖喱焗軟殼蟹（配竹炭麵包）—— 濃郁惹味，口感層次爆燈！呢道菜一上枱就已經香氣撲鼻，金黃色嘅咖喱汁包裹住成隻軟殼蟹，賣相極之吸引！軟殼蟹炸得恰到好處，外皮酥脆，內裡蟹肉鮮嫩多汁，完全冇油膩感。最正嘅係佢哋嘅咖喱汁，用咗泰式黃咖喱做基底，加入椰奶調和，味道香濃得嚟又帶少少甜辣，仲有淡淡嘅香茅同檸檬葉香氣，層次非常豐富！ 而竹炭麵包絕對係點睛之筆，麵包外脆內軟，炭香獨特，蘸上咖喱汁一齊食，簡直係絕配！咖喱嘅濃郁同麵包嘅鬆軟形成完美對比，每一啖都令人回味無窮。☑️泰式柚子鮮蝦沙律 —— 清新開胃，夏日必食！呢道沙律絕對係炎炎夏日嘅救星！新鮮嘅柚子肉清甜多汁，完全冇苦澀味，配上爽口彈牙嘅鮮蝦，口感已經贏晒。沙律嘅醬汁更加係精髓所在，用咗魚露、青檸汁、椰糖同指天椒調製，酸辣醒胃之餘又帶少少甜味，仲加入咗炸蔥同花生碎，增添咗香脆感，食落非常過癮！ 最欣賞嘅係佢哋嘅食材配搭，除咗柚子同鮮蝦，仲有青芒果絲同薄荷葉，每一啖都充滿泰式風味，清新得嚟又唔會太寡，絕對係開胃首選！ ☑️Chang啤酒（生啤）—— 冰涼解渴，泰國風情滿分！食泰國菜點可以少得一杯冰凍嘅Chang啤酒？呢度嘅生啤非常新鮮，泡沫細膩，入口清爽順喉，帶少少麥芽香氣，完全冇苦澀味。尤其係配埋濃味嘅咖喱軟殼蟹或者辣辣哋嘅沙律，一啖啤酒一啖餸，簡直係天堂享受！ 啤酒杯仲預先雪凍過，保持到啤酒嘅溫度，細節位做得好好。如果鍾意飲啤酒嘅朋友，一定要試吓，絕對係提升成餐飯享受嘅關鍵！ ☑️泰國薰衣草荔枝梳打 —— 夢幻特飲，女士至愛！呢杯梳打絕對係打卡首選！淡紫色嘅薰衣草糖漿加上透明嘅荔枝汁，層次分明，賣相超級靚。飲落去第一啖係荔枝嘅清甜，跟住薰衣草嘅花香慢慢滲出，兩者平衡得恰到好處，唔會太甜或者太假。 最正嘅係佢哋加入咗新鮮荔枝肉同埋梳打水嘅氣泡感，飲落非常清爽，解膩一流！如果唔想飲酒精，呢杯絕對係完美替代，女士們一定會愛上！ …查看更多

臨時夾到時間係父親節正日食飯，好彩仲book到位，一行六人食泰國fusion菜。當日都坐滿食客，室外的位置較室內多，室外的氣氛比較好，但因為怕俾蚊針，還有夏天比較熱，所以選擇室內嘆冷氣😆整體來說，整個晚餐都食得很開心，也見到很多特別的泰國菜款式，菜式價錢也比較貴。。。成餐飯時間都覺得員工比較忙，可能始終都是晚飯時間客人多，但係他們的分配，睇枱位人手，有待改善，因為找侍應問完野，侍應係好幾次都忙到已經忘記咗我們的要求。…查看更多

食物一般串燒好乾，乳豬好肥，燒到好燶，唔推薦啲餐具全部都油淋淋，而且有漬室內冷氣好細，有啲熱職員態度都麻麻，問佢泊車係咪喺番呢度泊，佢答「呢度無位比你泊」…… 無位泊事小，但態度請改善吓…查看更多

今日一家人嚟到補祝母親節食飯，因為正日前大家都約唔到，有啲去咗旅行有啲有嘢做。我哋一早book咗呢間泰國菜餐廳，因為食過幾次食物又大份，價錢合理，味道好，如果小人食就會可能覺得唔抵食。開頭嚟咗個生蝦車，整得好靚，其實都食過幾次，因為佢次次啲蝦都好新鮮，店員話係每日新鮮入貨。馳名冬陰功湯呢個一定要叫，又酸又辣又開胃，上菜前職員仲幫你加埋個火熱住。炭燒豬頸肉同埋炭燒沙嗲串燒泰國師傅喺門外出邊炭燒，風味十足，火力十足椒鹽冇殼瀨尿蝦呢一個阿妹留咗，因為阿媽鍾意食瀨尿蝦，都係新鮮入貨，炒得好惹味，仲有粟米食，阿媽冇牙所以對呢個菜式10分喜歡黑色咖喱竹炭麵包軟殼蟹，好多咖喱汁承載住咖喱軟殼蟹，呢個幾特別，唔係周圍有得食佢哋嘅炒河粉係用闊河粉，同泰國一模一樣。另外其他菜都做得唔錯，最後仲要打包走我哋八個人都食唔晒…查看更多

今日假期兩個人入嚟踩吓單車，見呢間都多人食，但係佢爆曬我哋決定行到半個鐘先過嚟，半個鐘後都走得7788，因為之後要做運動，所以唔叫太多嘢食，我哋叫咗個泰北酸辣羊腩湯，同埋個香草辣椒炒肉碎跟生菜，價錢中上，但用料上乘，個湯有應有嘅酸辣味，不完啱啱好四碗，我哋兩個人唔多唔少個肉碎生菜辣味適中，撈埋隻蛋咁樣食生菜包其實都幾好食，埋單$300，入得嚟差唔多啦，餐廳都叫做俾返咁上下野你，樓面職員得一個，佢話因為其他同事拿林食緊飯，當時係4:00，我話吓而家先食飯？😂咁點解你唔使食？佢話因為我返三點半。…查看更多

天氣咁好同屋企人入去大美督行吓，諗住泊車入去錶位，再過對面村搵吓有咩食，入車場前離遠見到呢間泰太廚房個招牌，就不如過去試吓！餐廳環境輕鬆 chill，坐低就想點幾味試試。今次試左四款招牌菜，味道好有驚喜！泰太竹炭麵包咖喱焗軟殼蟹(金枕頭) 絕對係必試！竹炭麵包烤得外脆內軟，咖喱醬濃郁得來有微微甜味，唔會太辣，配上炸得金黃的軟殼蟹，肉質鮮嫩，一咬落去滿口香，食完真想再 encore！泰式皮蛋炸蝦餅同樣好掂，蝦餅炸得脆卜卜，內裡蝦肉彈牙，混雜皮蛋的鹹香，味道好有層次。點上酸甜醬，開胃到停唔下來，份量仲好夠誠意！泰式蠔仔鐵板煎蛋一上枱就聽到滋滋聲，夠晒吸引！蠔仔新鮮又多汁，煎蛋滑溜溜，兩者一齊食好有泰國街邊小食的 feel，簡單但好有風味。新鮮菠蘿海鮮炒飯就係清爽之選，菠蘿的酸甜味中和炒飯的油膩，蝦同魷魚好彈牙，夠晒新鮮，飯粒炒得粒粒分明，份量多到食唔晒！泰太廚房的菜式好有泰國地道風味，服務又親切！如果想搵間好味泰國菜餐廳，泰太廚房真是一個好選擇，無論同朋友定家人來都啱晒，推！…查看更多

晚餐用餐, 有先訂位, 不過那天是星期四, 其實閒時都不多客人, 得幾枱. 之前試過隔離越餐, (跟這間是同一間來, 總括覺隔離嘢食好食D), 呢間不是樣樣好吃即燒乳豬半隻- 這個算好吃, 但未算最出色, 皮雖脆,但唔夠鬆, 微實, 但都可以, 但有D貴. 要 $680半隻, 不過要人工燒比你食, HK地係要呢D價位, 但不會ENCORE皮蛋炸蝦餅- 呢個幾特別既串燒雞- 呢個最失敗失敗之作, 作為一間泰國餐廳, 連基本串燒都做得不好, 雞已是保守叫法, 已不敢叫牛/豬, 因外間好多牛/豬多會出事, 太乾太UN太鞋, 所以嚟呢度先試雞, 噢.   乾鞋實.  一D都唔JUICY, 所以極度失敗之作. 一D都唔好食. 炒雜菜- 正常發揮菜式, 無咩特別咖喱軟殼蟹黑炭包- 呢個算是較出名一款菜,  咖喱味道好, 包都外脆內軟. 呢個係讚的. 飲品 - 正常整體唔算最滿意既味道, 一半半.  所有有點失望既.  或且下次再比多次機會試下其他嘢食吧.…查看更多

Weekend過左中午最多人既時候去食，嗌嘢食都可以漏單，三催四請都上唔到菜，職員又晦氣。價錢貴唔緊要，要有野食先得㗎。最後上咗嘅嘢食落又唔覺特別好食，唔推介大家去食，費事一肚氣同埋我覺得評論區好多既 review都係好唔中肯既，大家可以睇多少少佢地既負評就知道依間鋪頭真實既情況係點樣。唔係開係大尾篤就可以咁做生意既，比返正常餐廳應有既態度比個客我都好少特登會寫 review，如果間野係要靠寫手去堆砌既，唔好預有返頭客啦…查看更多

落單要咖喱軟殼蟹 送到嚟係咖喱海鮮蟹店員話落單嘅時候有問清楚係$700嗰個我哋成家人都完全聽唔到 因為聽到呢個價錢一定唔會落 但個店員就係咁重複話有講 態度仲要好差 話無得退 店員其實落完單都無重複叫左咩就走左去因為唔想麻煩到其他家庭同埋商家因為大家都好忙 所以唯有硬食其實唔係食唔起 但係就變咗成肚氣本身就係睇comment覺得呢度服務好，野好食，所以先過嚟食 ，最後都無心情食母親節諗住搵間好食嘅嘢慶祝 最後搞到大家心情唔好 成家都難做真係第一次特登寫負評 覺得完全係俾人老屈…查看更多