泰太廚房

营业中

休息中

大美督就係燒烤勝地！但係冇諗過係咁多燒烤樂園嘅入面仲有隱藏嘅泰國小村！入面好多泰式餐廳 而我地今次就揀左一間好有feel嘅試下😍佢出面會有個燒烤爐專門燒野食的🤙🏻順帶一提 佢嘅menu係一張好大份嘅報紙🤣勁新奇 飲品同甜品menu係CD機 超有創意👍🏻🥘泰太咖哩蟹肉焗麵包（小霸王） 💰168呢個真係全場最好食 冇得頂！麵包烤到鬆脆 入面裝住好多咖哩蟹肉 可以用匙羹bud咖哩上麵包到 汁又惹味麵包都會索得軟淋淋 但係外表又會係脆卜卜😋超級推介🥘炭燒沙嗲雞肉/豬肉串燒 💰128一共有三串雞肉同三串牛肉 炭燒個陣一定有擺到獨家醬汁 好甜口😆而點埋沙嗲汁更加惹味！雞肉好嫩好熱 豬肉都好有咬口 feel到係啱啱燒完即刻拎過來～🍗泰式燒雞（半隻） 💰138好明顯燒雞都係同炭燒一樣的！但係佢層皮會好香口😍而雞肉整體都超級嫩 入口唔會咬好耐 鞋sapsap！🍲馳名冬蔭功湯（細） 💰118呢個冬蔭公湯嘅鍋真係好泰國feel😍而細份其實已經好夠我地三個人食 有兩隻大蝦同菇類 個人冇乜特別鍾意 不過不失😜🥥新鮮椰青 💰～40-50有個小插曲嘅～因為一開始個個椰青開得唔夠大所以屋企人想叫佢斬多一刀開大D🤣不過

最後一日二人世界，因為疫情關係聽日就開始6:00冇堂食，我決定同媽咪最後衝刺，因為平時屋企煮餸都食到好厭，二人一張枱打電話去侍應話唔使訂枱，去到時候都唔多人，我地叫左生蝦刺身，新鮮，架車好靚。椰汁雞湯，一上到枱好香椰子味，不過雞肉有少少雪味但都ok，白酒焗大蜆新鮮，火山排骨同出邊有少少唔同，因為我在泰國食過都唔係咁既味，可能呢度有少少改良左， 不過呢個可以唔使食。粉絲蝦煲好大煲，基本上食唔晒，入面有6隻大蝦都算抵食。飲品亦相當唔錯，就算一杯普通既芒果沙冰都整到好creamy 好似飲緊思樂冰，埋單都差唔多成千蚊，不過耐唔耐食餐好既無所謂啦

今日天氣良好, 去大美督踩單車, 見到泰太廚房食評不錯晏晝已經去訂枱, 今日訂枱已經話差唔多冇位,可能因為限聚令得返二人枱, 我們4個人要分2張枱.踩完單車6:00去到已經好多人, 食物價錢都算貴. 我哋點左生蝦刺身. 咖喱蟹肉麵包小霸王, 紅酒牛尾, 燒鱔, 金柚沙律, 蠔仔蛋, 比較出色是生蝦刺身, 燒鱔和咖喱蟹肉麵包, 坐出面真係好似泰國, 現在天氣建議訂枱時坐出面, 整體味道不錯服務ok不過分兩張枱真係好難食野, 希望疫情快d完結

去左大尾篤踩單車🚴‍♀️幾舒服嘅海風，入夜後，諗緊食乜東東，一抬起頭看見thai thai kitchen，本人幾鐘意泰國，覺得佢d風格幾似泰國風，就比吸引入左去，點左幾個泰國地道美食，想不到也挺意外好吃，點了一個咖喱蟹包👍🏻👍🏻，天啊！太好吃了😋，然後再叫了雞串，那個串燒的醬真好吃，泰國正宗雞肉串的醬，沾上滿滿的醬，美味極了，最後，最欣賞那裏的甜品，是芒果糯米飯👏🏻這個不得不說，因為本人不喜歡椰奶，那個芒果糯米飯不倒椰奶都很好吃，所以下次到大埔大尾篤附近玩，一定介紹朋友到thai thai kitchen😍很滿意

入秋第一時間想起泰太廚房，記得夏天個時太熱，老人家頂唔順，而家涼涼地，好舒服，卜左outdoor，仍然要四人一張枱，我們一家六口分兩張台，好彩都係隔離。我地訂左乳豬同生蝦，同埋基本野，冬陰功， 炭燒沙嗲串燒，炭燒豬頸肉，炸蝦餅，泰式生菜包，蛋包炒貴勺，每道菜都非常出色，服務亦不錯人手好多， 廁所亦很乾淨值得一讚，只是坐室外要行的路比較窄，例如輪椅都不夠過，幸好員工都會幫忙，安排較出口位置，沒辦法吧搵食艱難，整體都不錯仍然keep到水準愈做愈好

行完山就搵左間泰國野食， 好彩時間仲早仲有位walk in,去到6點已經walk in都唔得。我地5點鬆d就入座， 叫完野食最少都等左半個鐘。唔知係咪個廚未返工， 連整定左既咖喱雞野食都未上到枱。我地5個人叫左6個送，埋單1300。食物都係d大路野， 已經冇叫蟹，蝦都咁貴， 單係炒飯都120，130蚊1個，烏頭魚都300蚊 雖然假日，但冇諗過會咁貴。黃咖啡雞：雞肉滑但唔入味。 d 汁好似掛左係上面， 但唔夠咖喱香味。菠蘿炒飯：有1／8 菠蘿， 而且燒過, 真係唔錯， 炒飯有配上肉鬆同腰果。 味道野味香口。明爐烏頭： d香料未夠入味， 就算煮到最後都係得少少香味。豬肉炒金邊粉：係最熱辣辣上枱既送， 可以話成餐飯最好食。魷魚桶釀炒飯：魷魚係軟冧同彈牙， 炒飯普通，不過不失。蒜蓉炒通菜：原先叫脆肉炒椰菜苗， 落單話冇椰菜苗，咁改做脆肉炒通菜， 過左15min又話冇脆肉最想試係乳豬， 要預訂， 220蚊半隻， 反而乳豬性價比高， 最少我見到個爐係即燒。

明天開始限聚令，沒有堂食，出去食埋最後一餐好既，我們選址大埔的泰國菜，因為室外地方可以坐狗狗。去到裝修好靚，好似泰國，係熱左小小我地見到另一餐牌有泰國排骨，黎到賣相都唔錯，酸酸辣辣好開胃，原來是泰國的新菜式，而家在泰國都好興。生蝦刺身係用架車裝住，仲有燈，刺身亦好新鮮，唔錯。沙嗲串燒是即場炭燒，好似泰國的味道，好有泰國風味。炒通菜正常辣度，沒什麼特別侍應話有半隻乳豬燒起問我地試唔試，一場黎到梗係試下，第一次食泰式乳豬，皮好薄好脆，好似食緊薯片咁，肉質鮮嫩，好香胡椒味最後當然捧住個肚走，待應問食唔食甜品（送）我們已經食唔落，泰國菜黎講算係高品質，可惜我住得比較遠唔係成日有得黎

疫情關係根本冇得出街食飯，老爺話想食泰國菜，打電話去叫fxxdpanx叫左一間話要兩個鐘我應該餓到暈左，最後我取消左。諗住渣車入大美督叫泰國菜，佢話可以送埋外賣，咁梗係叫佢送啦，我住大埔叫完送埋都唔洗40分鐘，真係值得我上黎讚一讚，我地叫左都幾多野食，仲熱辣辣。皮蛋蝦餅：好正好糖心，唔係周圍有得食。辣酒煮花螺：新鮮但1d都唔辣。咖喱蟹肉麵包：送到黎仲有小小脆，滿口蟹肉呢個最正。沙嗲串燒：好香，略為大舊左燒鱔：未食過咁好食既鱔，值得一讚冬陰功湯：酸辣均衡，正宗海南雞：肉質鮮嫩，出色咖喱炒蟹：呢個配薄餅真係好食，好大份，食唔哂第2晚加白飯食都好正呢間野基本上無可挑剔，樣樣野食都唔錯，係除左價錢比較貴之外，我地呢度叫左3000$到，不過有4個芒果糯米送，又車埋，我地8個人食，ok啦

真係火滾到係openrice寫第一篇食評。(長文慎入)之前假日下午同友人一齊到大尾篤玩，見到泰太廚房裝修不差諗住入去食餐好enjoy下。一入到去，紋身香港女侍應飛menu落枱，大力扔碟杯上枱，已覺驚訝😦落單時態度照舊無表情無回應。食物來到由另一位泰籍侍應送上，諗住換人態度會好d，但都係大大力扔係張枱邊(無錯係枱邊)就算，幸好食物質素算正常。我們以為太晏入場阻佢哋落場休息所以先發脾氣，但原來keep住都仲有客人入來，先發現佢地對所有人態度一視同仁咁差，保持到統一水準，感覺有如係監獄風雲入面獄長般態度對待。旁邊一枱一家大細客人想食幾樣野都剛好賣晒，個侍應好惡話”無！賣晒！食其他！”然後轉頭就走，之後他們再揀好講菜名時，待應大大聲教訓”你講number得啦！唔洗同我講菜名！”，有如獄長般訓話，奈何這枱客人有品有禮，沒有反枱，只默默搖頭對望。及後另一枱客人想叫生啤但可能讀錯，侍應火又黎了😡大大聲講”你望下果到先啦(手指向水吧)邊到有先得架！”客人急忙倒歉話自己睇錯。另一枱客人落單時，餐廳電話响，泰侍應一聲無出就接電話，然後好兇地伸大手掌到客人面前(真係塊面前面)示意唔好再講野住，客人無奈停口等

泰式皮蛋炸蝦餅唔係度度泰國舖頭都見到呢個菜式。一上枱熱辣辣，加埋個甜酸醬汁，簡直冇得頂！泰太咖喱蟹肉焗麵包小霸王。侍應姐姐嚟到台前，將巨大嘅麵包逐段切開，原來裏面係咖喱混合嘅蟹肉，配合焗到香脆嘅麵包真係第一次食。青咖喱牛肉。呢味真係冇得輸，食咗兩啖即刻要加番個白飯。推介推介！泰式生蝦。尚算新鮮，略嫌個汁辣到太勁，自己有啲頂唔順。生菜包。又係推介，味道配搭平均，唔會太濕唔會太乾，生菜分量十足，五個人食都夠。馬拉盞炒椰菜苗，略嫌辣度唔多夠，勝在椰菜苗夠新鮮。泰式燒鱔片。呢味菜又係一絕，燒到啱啱好，有份同埋鱔肉入口即溶，加埋個醬汁又醒胃又惹味。飲品方面，揀咗新鮮椰青同埋龍眼冰，都係冇失禮。

早排因為疫情關係成日都困係屋企，前排好少少就想出去食下飯relax下😏，我同老公同埋佢啲屋企人就去咗大美督嘅泰太廚房😊，聽啲朋友話嘢食唔錯🤤同埋環境舒服🤗去到我哋就坐出邊因為個環境真係相當一流，👍🏻好舒服，其實叫嘢食我哋都係叫啲基本野啦，生蝦🦐，生菜包，明爐魚🐟，咖喱焗麵包，小食同菜🥬等等…其實啲嘢食都幾好食呀，服務都OK呀，本人覺得好食過前面嗰幾間添🤭🤫😬👇🏻掛住傾偈吹水都冇乜點影相🤪

父親節晚飯同爸爸去大尾督食晚餐，呢度環境好靚打卡一流，我地8人訂台食晚飯，叫左好多款菜，燒鱔，蠔仔煎蛋，皮蛋蝦餅，菠蘿炒飯出色，生蝦刺身好靚好新鮮，冬陰功湯又夠酸又夠辣，辣酒煮花螺比較甜，唔夠辣，咖喱麵包蟹肉小霸王好味淡淡蟹肉。服務一般冇人加水，當日亦都好混亂，眼見得四五個樓面，同埋坐出邊比較熱，風扇唔係好夠力，入邊有冷氣但係一早俾人訂晒位，如果要嘆冷氣真係要早d訂枱，我地個個食到出哂汗，好彩啤酒又夠凍，埋單有甜品送，人頭唔計爸爸每人$320，都唔算貴，起碼父親節唔會加到天價先

父親節爸爸唔想出街，人又多，唯有在家食，本身訂左泰太廚房食，最後決定叫外賣，仲有埋送貨 車都唔洗揸，唔知係咪我叫得多，都叫左3000$，我地住大埔，半個鐘都送到好快😱我地叫左一隻燒豬，外賣真係無堂食咁好味，不過都仲熱熱地，皮都好脆！🤤🤤🤤另外叫左生蝦刺身，海南雞飯，鳳爪，炒肉碎，椒鹽炒軟腳蟹，炒金邊粉，仲有幾樣無影相，外賣黎講都相當唔錯，起碼唔洗隔個幾鐘先有飯開，推介生蝦，炒肉碎，簡簡單單就過左個父親節，外賣仲有甜品送，又唔洗加一，平時堂食都無，搞到我以後都唔想去堂食😂😂😂😂😂

Today is my hubby birthday and we had an excellent dining experience in Thai Thai restaurant at Tai Mei Tuk. The atmosphere and decorations in here are incredible. What surprised us was that there was the live band show. We actually though we were dining in Thailand. Very good service and outdoor smoking is allowed.Thai shrimp sashimi: The taste of the shrimp is so fresh!Thai style satay pork & chicken skewer: Charcoal bbq skewer, excellent flavor.Baby cabbage: Very fresh cabbage and perfectly m

朋友屋企附近 所以打電話訂位 但朋友發現網上連續幾個差評 所以都有啲擔心結果我哋感受到食物唔差但服務真係服務奇差 1.我地2架車到達 但服務員完全沒意思出嚟迎接 我問點泊又5理 d車又泊到古古怪咁 結果我又頭入 又尾再入 先避開到d車😣 我入到去同我fd講佢6 7咁企喺度做乜我個fd直頭泊街邊2. 全場只有兩枱客 都無乜冷氣😖 水吧哥哥仔好好 立即開大冷氣3. 2個服務員 要帶d餐具入嚟工夫bing ling pang lang 好嘈😤4. Order 左芋頭海鮮焗飯 隔咗一段時間先出嚟話賣晒 所以我直接問佢係咪冇芋頭 佢先話係🤨5. 催埋單 但埋嘅時候先同我哋講只收現金 因為卡機壞咗 勁搞笑卡機係咪我食緊嘅途中先壞呢 其實唔會囉 咁我訂位嘅時候又唔講 我話如果冇現金 咁點呢? 佢竟然答我收payme 同埋轉數快 🙄咁如果真係冇錢咁係咪可以走數呢😏6. 我都知你趕收工 但book枱2130 我仲食緊嘅時候 佢竟然行埋黎同我講 我係咪可以幫你收咗啲嘢啦 我話我已經好努力咁食緊 然後佢唔理我就走去收隔離朋友啲碗碟☹️怪不得人家給你差評 如果老闆見到會唔會過嚟望吓啲員工呢其實而家依