泰國菜 (已搬遷) 新店位置

初次寫評 沒有圖片 請多多見諒 一般正宗的外國菜價錢總是比較貴但在此餐廳不用$40元便可有一客足以飽肚的飯/面 本人叫了一個菠蘿雞粒炒飯驚喜的是它加上了泰國的黃咖喱(香料獨特而不辣)和提子乾很有風味 甜品是椰汁千層糕很煙靱, 好像拖肥糖般拉來吃, 很有趣 唯一不足是沒有飲品送, 要另外叫, 10塊左右想試特別的有泰啤和椰汁冰 熟食中心有如此正宗全泰國人經營的餐廳, 實為異數員工態度普普通通, 沒有表情, 雖然廣東話很準, 但好像跟香港人有點隔膜, 但也沒有很差

自從去年看過有食評介紹後，便來這裏試試她們的「香葉辣椒豬肉碎煎蛋飯」，可以用「一試便愛上」來形容喇 其後每當在港鳥區想吃泰菜時而又距離不遠時，就會來這裏囉 常吃的食物如下：1. 香葉辣椒豬肉碎煎蛋飯 ($3X)- 頭一次來吃時，那隻蛋是煎得全熟的，撈起飯來不夠開心；因此其後每次點這個飯時，也會要求「隻蛋煎得生D」喇 (hmm試過講「要太陽蛋」，但泰藉侍應姐姐不太明白喇 ) - 肉碎炒得夠鑊氣，分量也亳不吝嗇，每羮飯也可舀得足夠的肉碎拌着吃! - 辣味對於我們這些一般吃得辣的人來說剛剛好 泰姐看見我把一些紅辣椒撿了出來，便笑着提醒那些較大的其實都不辣(errr 因為由細到大都不太吃得辣，所以除了燈籠椒外，其他辣椒都不敢吃喇=_=)，而吃下去也真的是只有少少辣、和可以帶來一點蔬菜的甜味呢2. 青木瓜沙律 ($3X)- 青木瓜絲夠爽，應該是新鮮刨出來的吧? 汁料的鹹、酸、甜味也剛好，不過因為怕太辣而叫了「少辣」，有時候有人就會吃得不夠過癮囉 - 也喜歡那些長豆角給槌得入味喇3. 青咖喱雞 ($4X) - 由於只有兩個人，吃一大碗青咖喱是有點難度的，所以原本只打算叫一個碟頭飯。但原來晚市

10月11日, 今日呀比帶我落石塘咀試新野~ 就係街市! 喺云云嘅檔口中我地揀咗食泰國野~ mmm我覺得喺街市食泰國野真係好有風味架!::: 蟹肉炒粉絲 + 凍檸茶 ::: $28熱辣辣炒得甚有鑊氣! 份量都幾大碟~ 蟹肉雖然唔係好多, 但都係大大舊的, 唔係話好濃蟹味不過都鮮. 其他配料仲有芥蘭, 洋蔥, 青椒, 蘿蔔絲同芽菜, 都炒得夠香! 粉絲炒得夠散, 唔太油, 而且吸咗d蟹味, 兼且ok彈牙, 好味! 唯一挑剔係耐唔耐會食到有蟹殼囉~ 凍檸茶一貫茶檔味道, 紅茶夠香~ 又夠大杯~ 抵!::: 香葉炒肉碎飯 + 凍奶茶::: $28開頭都以為係炒飯, 黎到先知淨係炒肉碎配白飯… 不過都好, 肉碎炒出黎非常香! 再加埋d香葉真係聞到已經刺激味蕾~ 肉碎炒得好入味, 撈飯食一流~ 另外辣嘅程度十分高, 唔係普通辣, 真係加咗隻指天椒去炒, 所以又刺激又忍唔住要食, 水準一流, 下次又再番兜, 但係又想食其他野, 點算…呢個熟食中心環境都算乾淨, 仲有好多唔同種類嘅食店~ 而呢間泰國野仲有成幅牆咁多嘅野食未試~ 會再黎食的!

由於我地實在太近hku，而且又成日都要返去，所以不時都會係附近食飯。是晚 4 人同行，原本諗住heahea地求其食餐就算，後來想起呢間泰國菜，竟誠邀我的好友一齊來吃啦。我們四人叫了不少食物呢! 先講飲品，我們叫了一杯珍多冰，一杯三色冰，一杯青檸可樂，再加一枝大雪碧與大可樂。我飲珍多冰，嘩，佢既椰汁味係濃到不得了，不好椰汁之道的人係絕對不可以嘗試的，因為真的是超濃椰汁味，但它又不會過甜，所以是不錯的。不過我鍾意三色冰多一些，因為佢其中的材料有大樹菠蘿，好好味。先講小食，我們叫了一客燒豬頸肉，一客香茅豬扒，再加一個炸蝦餅。燒豬頸肉很好吃，肉質很淋很肥美，邊位有少少燶，正! 味口剛剛好，絕對唔會過鹹!! 香茅豬扒份量很大，就像吃不完似的。一樣是好香口，但又不會有好熱氣的感覺。味道適中，不會過鹹，口感剛好，不會有好un的感覺，但反而覺得油膩了點。炸蝦餅其實是係一個波來的，應該叫炸蝦丸才對! 肉質很實，而且有蝦既鮮味，表面炸得金黃色很脆口，也是好吃呢!我們叫了一個菜是馬介休炒芥蘭，芥蘭少得一點也不苦，有點點清甜的感覺。馬介休下料什足，整碟菜也非常惹味。不過頗多辣椒，有些人也許會嫌辣了點呢。最後我

上次黎到無開，今日就諗住再黎搏一搏啦，今日佢有開喎，真係lucky*** 我去到一個人都無，咁我就自己坐低睇下有咩食啦，發現佢寫住Wednesday Closed，唔怪得上次黎到無開門啦。坐低睇下menu有咩食先，佢D飯麵係套餐咁架喎，包埋野飲，感覺都幾抵呀。由於我胃口未開，所以唔想食D太濃味同好多肉既野，所以就叫左個菠蘿海鮮炒飯再加杯凍咖啡，諗住酸酸地開胃D嘛。見到師傅即刻炒，一睇就知夠穫氣啦，好吸引，等左一陣佢終於黎到啦。嘩，好吸引呀! 佢有好多海鮮，蝦，魷魚，青口等等，不過D海鮮就淡左少少。但佢個炒飯好好味架，勁乾爽，一粒粒架，而且佢有好多蛋炒，我最鍾意食蛋架啦!!!! 佢原本個飯係偏淡，但佢加左好多菠蘿同埋提子乾，吊下味，所以食落去都幾好味。佢面頭落左好多肉鬆，加重左個飯既味道，感覺佢唔係落左好多調味料。原本個飯黎到好大碟，仲驚自己食唔哂，可能佢酸酸地啦，所以食下食下就食哂啦!!!凍咖啡偏淡，不過個飯好味已經彌補哂所有野啦。真係好味，下次要再黎食呀!!! 記得唔好星期三黎呀!

五月二十‧下雨 是勝香園的掌廚華哥介紹的，閒時跟他談飲談食，說石塘咀街市有間泰菜館不錯，推薦我試一試，就找個下午，先來試試。 店子在街市二樓熟食中心的一小角，地方雖然不大，但人客不少的，以此推算，水準差不到那裡。找個位置搭檯坐下，看餐牌，選擇不少，又想吃湯河，又想試海南雞，花多眼亂的情況底下，單都改了幾次，最後是要了碟辣椒香葉煎蛋肉碎炒飯。 廚師得一位，飯是一碟一碟的炒，自然要等一等才有得吃。炒出來，果然是熱辣辣又香噴噴，加上上面的一隻煎蛋，賣相一流。吃起來，炒得夠香，香葉味道濃郁，加上紅尖椒的辣勁，還有切粒的青口加強口感，是又香口，又好吃。當然，煎蛋是劃龍點睛，不知何解，炒飯總是加上煎蛋，才叫完美。 連凍飲一杯，埋單32蚊，吃了炒飯，對這裡信心強了，下次要拉隊來吃一頓泰菜。