泰國人海南雞 (已結業)

放學後約了朋友在佐敦拿東西 , 上次本來打算來這裡 , 她說之前去過旺角那間 , 不好吃 , 為有改地方 . 這次再來 , 不知吃什麼好 , 就決定試下 . 叫了一個海南雞金邊粉 , 一個泰國什麼湯粉 , 不記得個名 , 號碼是 #109 , 再加一個串燒 . 兩碗粉的份量也好多 , 我叫的海南雞金邊粉不夠鹹 , 加些少醬油好味好多 . 串燒雞比串燒豬好好多 , 豬有些硬又韌 , 醬汁好味 , 又香 . 朋友說這裡的味道好過旺角好多 , 至少不是用碎牛肉 .

之前成日聽朋友講泰國人海南雞唔錯，所以同男友仔試下。。。唔知係因為我地早既關係定係佐敦比較多餐廳，我地七點三黎到莫講話唔洗等位，就連人都唔多。。。只有一兩個客人呢。。。先講服務：坐低後，先點左半隻海南雞，秘製泰式香蒜灼時菜（菜芯），串燒，不過。。。菜本來叫菜芯但結果黎左介蘭，不過事後佢地送埋碟菜芯俾我地食～油飯黎錯左白飯，見住佢地將兩碟白飯倒返落飯桶串燒本來想叫牛同豬ＭＩＸ但侍應話唔可以咁樣叫，諗住淨叫左牛肉，落左單後侍應先同我地講原來無牛肉。結果叫左炸蝦餅其實侍應服務真係有侍改善。唔係話態度唔好，而係最基本連廚房有邊Ｄ野係無都應該記得吧！另外佢地應該要分得到油飯同白飯。問佢地邊個係油飯既時候，佢睇左成十幾秒，結果都係拎返入廚房問。。。再講食物：海南雞好滑，好淋，醬汁少少辣，但非常配合Ｄ雞。。。好好味！秘製泰式香蒜灼時菜，個汁有少少似毫油，有少少炸左既蒜係菜面，香口！介蘭有Ｄ硬，菜芯都ＯＫ炸蝦餅，意想唔到三件既意思原來係三大舊蝦餅仲要切成六件！食兩件都飽了！不過都好好味，炸得好脆，蝦肉好爽，個汁酸酸甜甜。雞油飯，夠味，但Ｄ飯有少少爛左Ｄ整體黎講，食物係ＯＫ的，尤其海南雞，真係好好味呢～

我不得不佩服這連鎖店老板的勇氣。一下子開了十多家分店企圖將海南雞飯 " 麥當奴化 " 。這裡用的據說是廣西進口的雞，雞做得尚算嫩滑並帶有一絲絲淡薄的雞味，可以勉強算是合格。但香油飯完全是敗筆 - 飯不油亦不香，上枱時只有微暖。真正的油飯是生米用雞油炒香後再加上香茅及蒜頭煮熟才成。在連鎖店的經營水平及有可能客似雲來的情況下, 這炒米的工序實不易做到。這裡的油飯活像用在超級市場賣的海南雞飯調味包弄出來的味道一樣。海南雞飯中之香油飯是靈魂，香油飯做得不好，其他的亦甭講了。沒有了甜豆油、薑末，只有半酸不辣的醬汁一小碟 - 我實在不習慣。要將中式食品系统化後開連鎖店有著一定的難度。麥當奴成功之處是除了材料是中央采購以便有效控制品質外，每種食物烹調程序均有standard operation manual 作指引及機器協助掌握烹調時間。所以麥當奴的食品在世界任何一個角落，任何一間店鋪味道都是一樣。泰國人海南雞飯是否有此制道，我不清楚。有一點我頗肯定 - 如果所有店鋪的海南雞飯都像我吃過的一樣味道，我會替老板擔心。如果某些分店好些，某些卻十二分的差勁，在惡評如潮的情况下也會影響整體生意額......

泰式海南雞係我其中一款至愛菜式，不過，呢間分店質量就真係令人失望！雞、冇味！湯、太咸！飯、ok啦！最差係冬蔭雞湯，勁咸！就好似飲o左幾啖海水咁，如果成個飲哂，就真係人地浸咸水，我就飲咸水，分分鐘英文都講得叻D呀！唔知係咪旺區分店大把生意唔憂做，所以呢間同旺角果間都係……唉！仲有，上次我大概夜晚7:30去食，佢地旺場果時，分分鐘連人情味都冇埋！港島D分店就好少少。希望佢地會改善一下啦！

中午時候有事在佐敦辦辦妥時候都已一點半, 要找個地方食飯, 轉了兩個街口, 見到這間店, 雖然地方細細, 不過見佢窗明几淨咁, 兩個人, 諗住細店仔好多時都會好食, 於是入去地方的確唔好坐, 背頂背, 又夾住枱腳, 最後要坐出D, 情願背住條路, 橫掂間舖唔多客, 唔怕話俾人行出行入撞到啦...間舖中午食飯時候都只得七成客滿, 以為係地區性競爭大啦..食完就知點解招牌都用海南雞行先, 兩個人, 一個叫了泰式海南雞飯, 一個叫了泰式海南雞撈金邊粉...食完好失望囉, 招牌貨都只係咁既水準...我食撈金邊粉, 金邊粉其實係炒, 加左豉油, 不過無聞無味, 暖暖地, 太林身了, 連豉油色都未撈混, 個泰式甜酸醬, 唔甜唔酸又唔辣..個雞得個滑字, 無味, 連雞味都無.... 點埋醬都無味...連湯都無比我人地個油飯就幾油下, 問朋友好唔好食, 佢都話無咩味...不過價錢算叫做相宜囉, 連埋杯泰式咖啡都係$39杯所謂泰式咖啡, 又係失敗之作, 唔夠熱, 咖啡味又唔夠香, 可能泰式就係咁...早知食街口吉野家...

試左個鹵水鴨金邊粉,味道都唔錯!唔知點解大家對呢間店有彈無讚,真係咁差?雖然坐得唔係好舒服,但係佢地既食物都幾好,好似今次我食呢個金邊粉,鹵水汁味道幾好,好似我去泰國既街市食到嗰種味!上次食過佢地個海南雞飯,不過係食北角嗰間,味道都好好,雞仲係起埋骨嗰種,三十幾蚊都算幾好!

呢間連鎖店無啦啦開咁多，度度都有，但已經執左間，兼且仲劣評如潮，我都嚇一驚呀。其實邊有咁難食呀？我地叫左個海南雞飯同船仔金邊粉。海南雞ok既，雞一定係雪雞，但都幾腍呀，ｄ飯冇乜香味囉。個粉個湯都幾濃，都唔算少料，但ｄ牛丸唔知點解冇味，從來都未食過完全冇味的牛丸。呢度裝修光猛，但太窄，肥ｄ都坐到好辛苦。

1.泰式海萳雞飯$38 ~ 油飯不太熱,雞又凍,湯又漏了無比我,差!!! 2.卥水鴨金邊粉$28 ~ 好味呀,味道真的幾似在泰國食到那些金邊粉呀.

要轉移上課地點, 所以惟有告別佐敦美食.今次食泰菜. 叫了:柚子蝦沙律–幾辣下, 乾葱和辣椒剁得幾碎, 但味道欠層次.豬頸肉湯河–湯幾甜, 河粉粗身但不夠煙韌兼分量少. 豬頸肉薄而爽.凍檸茶- 茶有點不同在茶餐廳喝到的, 怪怪地.侍應好像遊魂, 剛落完單叫飲品, 轉頭無件事之餘仲反問我們飲什麼…冒汗…

今日lunch time專程黎試下新野,點了一個青咖喱雞飯.青咖喱有椰香味,但稀到似水,附近好多地方既咖喱都比呢間野好.雞肉淡而無味,只有雪味.其他配菜一般.