泰嘟嘟

营业中

休息中

印度薄餅兩件$32，薄餅大大塊，煎得好香脆，就算去買外賣拎到返屋企外皮都仲係好鬆脆，用嚟點咖喱或者就咁食都好好味。馬拉盞肉碎茄子煲$78，非常之大份，肉碎嘅份量好多，馬拉盞嘅味道都幾香，而且茄子煮完同埋焗完都仍然係呈現紫色，感覺好新鮮，唔會林晒一pat pat。招牌去骨豬手煲$98，去骨海南雞就見得多，去骨嘅豬手都係第一次見，所以食落超級方便，淡淡都係肉，肉質唔會好乾柴，豬手嘅皮都問得好軟熟。蕉碟烤烏頭$108，醃料非常特別，係之前未試過嘅味道，好似有甜甜地嘅紅蔥頭，而且烤焗嘅時間啱啱好，肉質好鮮味。

$60 一碟嘅海南雞飯🐔仲要包嘢飲唔怪得知佢哋話要蝕本啦🍂🍂一碟飯既雞件超過10件以上🤘🏻件件雞啖啖肉🥰雞肉口感鮮嫩👍配上酸辣嘅醬汁….惹味開胃😋😋😋油飯香口入味，粒粒分明+$18 加點蒜蓉包2件上碟新鮮熱辣…香脆可口⋯本身對佢個咖喱麵包軟殼蟹好有興趣不過感覺佢個份量好似好大擔心一個人會食唔晒希望下次可以叫幾個朋友一齊可以試多啲佢嘅嘢買單$78⋯⋯沒有服務費感覺性價比相當高💛💛💛P.S.: 餐廳係呢啲時勢搵食艱難，特別係小店希望OpenRice係呢啲時候都可以同小店共渡難關行政費可以收少啲啦😊

餐廳既裝修充滿住泰國特色, 睇左當自己去左一轉泰國先啦😉 食物選擇方面都幾多, 去既時候仲有下午茶食添, 而且價錢都幾抵🥰雞柳炒金邊粉🐓($38)以下午茶黎講佢份量都算多, 仲要咁啱食果日凍冰冰, 食完成個人即刻暖曬☺️ 配料黎講佢都算多, 味道都控制得啱啱好, 最重要係乾濕度啱啱好😉扎肉撈檬拼雞翼🐖($42)撈檬基本上係冇得輸, 不過今次太貪心一次過落得太多汁搞到個粉有啲太酸😂 單骨雞翼炸到好脆, 有啲似家鄉雞既感覺, 扎肉就正正常常咁啦😁冬蔭功金邊粉🌶($48)凍冰冰既天氣飲返碗熱辣辣又充滿海鮮味既冬蔭功湯, 再加埋爽口彈牙既金邊粉, 配埋唔同既海鮮, CP 值高🥰泰國經典船麵🍜($48)呢個船麵有啲驚喜, 湯底係好濃郁既八角味, 仲有蘿蔔, 牛丸, 炸豬皮, 全部吸曬啲湯汁都勁好食, 仲可以揀唔同既麵底, 今次揀左最夾既河粉, 掛曬啲湯汁, 食到最後都忍唔住飲多幾啖湯😂月亮蝦餅🍤($18)見呢個都幾多人推介於是就跟餐叫加$18叫左, 蝦餅比較薄身, 餅皮中間夾住左彈牙既蝦肉, 可以一試🤓印度薄餅🥠($18)呢個薄餅牛油味勁香, 仲要有8小塊咁多, 我覺得幾抵食🤩所有下午茶餐都會跟一

一行入去餐廳就比佢既裝修佈置吸引左，有泰國國旗、泰國球衣、泰拳拳套等等，最吸睛係佢既卡位佈置到好似tuk tuk 咁，令人仿如置身泰國一樣😍😍😍🌟雞絲炒金邊粉金邊粉份量多，有雞絲、芽菜、花生碎，食落好香口，滴埋青檸汁就更加惹味，酸酸甜甜，非常開胃！😛🌟泰王咖喱牛筋腩煲 & 香蔥蒜蓉包呢個咖哩牛筋腩煲超惹味，牛筋腩份量多，每件牛都煮得好淋好入味🤤，配埋青椒、紅椒、薯仔，味道正宗泰國菜！專登叫份香蔥蒜蓉包點咖哩黎食，蒜蓉包好軟熟，蒜蓉味香濃，加上咖哩汁真係絕配！👍🏻👍🏻👍🏻😋🌟炭燒豬頸肉見好多人都叫炭燒豬頸肉，我都跟風叫份黎試下，用炭火燒過既豬頸肉真係零舍好味😋🤤，可以消除豬肉本身既膻味，豬頸肉口感結實有嚼勁，肉質細緻爽口帶油份☺️📍泰嘟嘟 (大角咀)大角咀利得街14號地舖

大角咀都幾多嘢食今日口痕想食啲酸酸辣辣嘅泰國嘢呢間泰嘟嘟 外賣自取返到去食物質素都仲keep到絕對會再幫襯泰國金柚子蝦沙律柚子有調過味 而且面頭有蒜片同櫻花蝦？整體食落十分惹味同出面嘅柚子沙律好唔同令人一啖接一啖食唔停口呢泰式蟹肉炒粉絲起初有啲擔心外賣焗咗一陣粉絲會唔會唔好食但食落仲仍然彈牙 蟹肉睇落唔多但係好鮮香 撈勻食好好味泰式肉碎生菜包肉碎重酸辣味 而且青檸汁嘅味道好出就咁食會太濃郁加埋生菜包配搭清新 作為前菜好開胃馬拉盞西蘭花炒蓮藕依碟超級驚喜 係我嘅最愛兩種蔬菜都炒得岩岩好 香口爽脆 加埋面頭嘅蒜粒好惹味開頭睇落份量好似唔多但蓮藕切片堆埋一齊 兩個人食好滿足整體來講依間餐廳嘅泰菜比較惹味我個人超鐘意 滿足咗我嘅酸辣泰國胃

今日去咗大角咀搵朋友食晚飯，佢知我好鍾意食泰國菜，於是就帶咗我去呢間泰嘟嘟餐廳。餐廳偏細，座位不算很多，但勝在裝修非常別緻，看得出老闆有用心設計。我哋叫咗冬陰功湯，湯料十足，而且味道非常濃郁雖然望落去好似好多辣椒但其實對於一向食唔到辣嘅我來講完全冇問題。泰式辣椒膏炒青口，超正青口大大隻好肥美，食落好新鮮冇雪藏味配埋惹味辣椒膏簡直一絕，再加埋三色椒炒得好爽口，食落超甜。朋友好鍾意食蝦，所以我哋叫咗招牌咖喱大花蝦，啲蝦真係超大隻，食落好爽口彈牙，值得推介除咗海鮮，我哋仲嗌左飛天炒通菜，辣度仲可以選擇，啲菜食落好爽口，鑊氣十足另外還要提一提佢嘅泰國金柚子蝦沙律，食落好清新，好開胃最後要特別讃下嘅就係佢哋嘅服務態度非常好上菜又快，還提供會員儲分制度，所以下次再嚟大角咀我一定會再食

這間餐廳一直很想食，可惜最近疫情太嚴重，無法堂食，不過發現原來有做外賣生意，馬上去了買外賣回家食.值得一讚是，外賣比堂食份量多很多，盒本身大，還要塞滿整個外賣盒，真心抵食.加上外賣盒質料好堅硬，又實用，用完洗乾淨還可重覆使用，所以建議用完不要掉了浪費😉💠去骨海南雞配油飯（半隻）$98Hainan Chicken Rice in Thai Style(half)海南雞可叫例牌、半隻和全隻，半隻份量已經很多.雞皮金黃誘人、肉質嫩滑，還要無骨，食得方便又好味😋油飯金香，米粒軟熟.💠鮮蝦札肉米紙卷 $58Vietnamese Salami Rice Wraps w/ Prawns有6大件，每件也塞滿材料😏👍🏻大大隻鮮蝦，米粉份量又多，入面還包著生菜，札肉絲，紅蘿蔔絲，味道很清爽😙跟配有酸汁，不過汁的份量比較少，不能cover 所有米卷.😢💠串燒沙嗲（半打）$88Chicken Barbecued可叫雞和豬，個人比較喜歡雞肉，所以叫全部雞.雞肉燒得焦香，又不嚡，配合沙嗲醬味道玫更香濃😽💠泰式濕炒河 $68Fried Noodles w/ beef in gravy 比起乾炒河，濕炒河更好食😋汁和

呢日過咗大角咀嗰邊開會，我知呢邊好多嘢食，收工後直接喺到買埋晚餐先返去。女友今晚竟然有明確指示話想食東南亞菜，所以我好快就經已鎖定目標。本身仲頭痛緊食咩，店員話而家全日都可以嗌午市套餐，抵啲咁話喎。晚市可以五六十蚊落樓實在難得，茶記嗌個小菜都要咁上下。午餐有九款選擇，大部份都好吸引。第一個餐嗌咗蟹肉炒粉絲，粉絲比起炒粉炒河感覺無咁heavy同健康啲。蟹肉雖然拆到好碎，但其實撈埋食都幾多，每啖都食得到，而且最重要係真蟹肉，而唔係Hea你比蟹柳。粉絲幾爽又唔油，女友果然識食。第二個餐就嗌咗招牌海南雞飯，始終我係仔，要食返啲飯落肚至夠飽，哈哈。成盒飯都黃啊，同餐廳一樣，你懂的💛。油飯唔錯，夠入味，但如果乾身啲更佳。雞肉好滑好嫩，雞皮好爽，佢唔係完全去骨，例如翼位無，但我覺得冇乜所謂。我哋另外仲嗌咗菜同小食，雖然套餐有得加配，但心水唔係入面，而且店員話份量唔會太多。蠔仔炒蛋勁正，佢應該係泰式蠔餅，啱哂女友食，因為唔腥又無蔥，佢價錢係貴過午餐，不過份量亦然，我哋食淨左一半，留返第日帶返工做晏。馬拉盞豬頸肉炒通菜好惹味，每條都好爽，鹹香十足，份量同樣多，不過菜多多都食得哂。套餐其實包嘢飲，但我冇轉

泰式馬拉盞炒椰菜苗，$68，平時喺街市好少見到有椰菜苗賣，所以通常去泰國餐廳食飯，都會叫椰菜苗，今次呢個椰菜苗好嫩好新鮮，唔會好老好多渣，而且控制火候得好好，炒得好翠綠，馬拉盞嘅甜味亦都唔錯，唔會好辣。泰式鐵板蠔仔炒蛋，$88，非常大份，蠔仔嘅份量亦都好多，炒蛋唔會好老，入邊仲keep住好滑溜，底下仲有芽菜薦底。去骨海南雞配油飯半隻，$98，海南雞雞肉好嫩滑，而且唔會好肥，雞皮嘅厚度適中，唔會有好多脂肪，油飯亦都好香。價錢算係幾實惠，份量都唔少，所以性價比回頭率幾高。

已經有一段時間冇食過泰國嘢 今次係我屋企附近見到呢間價錢平民嘅泰國餐廳 真係覺得唔錯 值得推薦一下-✨炭燒豬頸肉係真係火燒住啲豬頸肉上碟咖! 由於用火燒豬嘅關係，可以逼出豬頸肉嘅油份，食起上嚟特別Juicy🤪-✨海南雞飯呢度嘅海南雞飯好好食 個黃色嘅雞油飯超級香 有海南雞髀肉 肉質滑溜 雞味好濃郁最正嘅地方係雞髀位置唔使好似其他餐廳咁，需要加錢先有得食-✨鐵板呵仔蛋餅原本就咁嘅呵仔蛋餅已經非常吸引 呢一個蛋餅用咗鐵板黎上 可以保持住蠔仔同埋蛋餅嘅熱力，即使放咗一陣都幾好食😋-✨芒果沙冰&凍奶茶有好多唔同類型嘅特飲，由於叫咗鐵板野食熱辣辣 需要飲返啲冰凍既飲品涼下 芒果沙冰味道好出 唔會成杯都係冰🤪

就算夜晚禁堂食都一樣可以買好嘢返屋企食今次就試咗大角咀嘅泰嘟嘟外賣同朋友仔一齊食首先叫咗月亮蝦餅同平時食泰國嘢嘅蝦餅有少少唔同呢個蝦餅係扁啲嘅 同埋係脆口外賣來講都好好食另外亦都叫咗紅咖喱羊肉平時出去食咖喱通常都係得牛肉豬肉雞肉難得有羊肉梗係要試一試羊肉唔算太蘇 食落都易入口好食仲叫咗個肉碎炒飯 有鑊氣亦都好香仲有少不免食菜叫咗馬拉盞炒菜小小嘅辣識落更香口唔止仲叫咗幾種嘅炒麵分別有pha Thai, 蟹肉炒麵 同埋炒河粉三個面都炒得好香好好食而我就最鍾意蟹肉炒麵 蟹肉淡淡鮮甜同埋都叫做特別仲叫咗雞肉 雖然份量唔算好多但一人一舊啱啱好仲叫多咗個炒飯 同肉碎炒飯一樣都係好好食冇諗到外賣都可以食得咁豐富下次同朋友食飯都一定會揀呢間

星期五冇堂食。真係x 出黎。冇計，所以聽聽話話信政府買外賣番屋企開party 算。menu 都幾多野食。我都係事但執d 野食番去交差。蝦醬肉碎炒飯 $78飽肚之選，份量夠泰式海鮮炒貴刁 $78足料，唔太油膩蟹肉炒粉絲$68蟹肉都唔算好多，不過都夠味。同香味十足。月亮蝦餅 $88正正常常，不過唔算太抵食香葉包雞（6件）$68幾正宗，不過唔算太舊。性價比唔算太高鮮蝦炒金邊粉 $78夠大份，味道正常。香葉肉碎炒飯 $78勁惹味，好重口味，大份紅咖喱羊排骨$98幾多肉食，羊味幾出，個咖喱好送飯馬拉盞炒椰菜苗 $68健康之選

疫情關係，還未恢復晚市，唯有繼續外賣。大角咀泰嘟嘟呢間泰式餐廳，平時堂食無論午餐下午茶或晚餐時段都有不少人，估不到今晚排隊買外賣嘅人也不少。我叫咗個泰式牛腩牛筋，另外叫一盒白飯。同埋一個芒果糯米飯。咖喱汁超級濃郁，牛腩嫩滑入味，配有三色辣，分量十足，配上白飯真係食到唔停得口芒果糯米飯，芒果清香，配上粒粒分明有黏度嘅糯米飯，配埋椰漿，呢個糯米飯做得好好，讚！雖然食完牛腩飯已經好飽啦，但係呢個芒果糯米飯太好食啦，我都忍唔住全部食晒！

香港人鍾意食泰菜，有不少泰式餐廳林立，我自己都真係十分鍾意，但唔係間間好食，但今次係屋企附近食到間，質素非常好，價格相宜，餐廳亦嘟嘟為主題，非常有特色，食得我心花怒放炭燒豬頸肉食落非常香口，表面焦香，份量算多，而且仲有個炭爐保持住溫度，而個泰式酸辣汁非常過癮，可一解豬頸肉的油膩。泰式明爐花甲鍋花甲大大隻，非常鮮甜，食落好juicy! 而且湯亦好清甜，連埋個粉絲被食清得一乾二淨，非常推薦！馬拉盞西蘭花炒蓮藕用馬拉盞炒西蘭花，鹹香味重又帶香辣，令西蘭花變得惹味，而蓮藕又脆又清甜，加上炸蒜片，令整道菜香口不少印度薄餅雖然無叫到咖哩，但又唔想叫白飯，於是叫客naan食都唔錯，就咁食都好香口，飽肚之餘又可以過下口癮芒果芝士沙冰沙冰飲落綿密，而且飲到有芒果肉， 酸酸甜甜，並且淋上奶蓋，增色不少，奶蓋亦整得好出色，又滑又充滿奶香，推薦！

明天開始又無得晚市堂食，所以決定同家人出去食晚餐，然後第一時間就諗起泰嘟嘟了!我地一行三人點了一份四人套餐($398)，可以點五款主食，每位都可以半價叫一杯飲品。由於全家都好愛好芒果，所以我地三個都叫左芒果芝士沙冰。喺芒果沙冰上面放上邪惡既芝士，仲配有大大粒既芒果肉，雖然果肉唔係十分甜(季節關係)，但仍然係好好飲，口感豐富。先黎一個小食:月亮蝦餅Pizza咁大片既蝦餅，再配上泰式甜酸醬，絕對係必試之選。再黎一個開胃菜: 泰式肉碎生菜包叫左小辣版既泰式肉碎生菜包，肉碎好香好開胃但生菜略嫌唔夠新鮮，美中不足。之後就係主食:招牌黃咖喱麵包軟殼蟹炸得香脆既軟殼蟹，配上沾滿黃咖喱的金磚，味道唔錯。再黎第二個主食:泰式經典明爐烏頭如果喜歡食魚既人，呢條烏頭就一定要試。魚身軟滑，加上冬蔭功湯底既幫助，令到烏頭味道更加昇華。最後當然要食返D蔬菜:豬頸肉啫啫通菜煲啫啫夠曬香，味道唔錯。最後埋單都係約$500，無論質同量都屬於中上，係大角咀少有的