泰嘟嘟

营业中

休息中

每次食泰國菜🇹🇭都好鍾意食黃咖喱麵包！嗰次見到有 就即刻嗌咗個招牌焗黃咖喱麵包軟殼蟹嚟食🤩上枱真係嚇親 原個麵包吐司磚🍞入面裝滿晒黃咖喱汁🍛再擺住原隻香脆嘅軟殼蟹 份量十足 賣相相當吸引！

大角咀有啲新住宅，樓下有幾個鋪位喺食肆，開始慢慢將呢區改造。有間泰國餐廳長期座無虛席，外面排隊，好在等咗10幾分鐘就有位。裝修有幾架tuk tuk 車卡位坐，己有空間感。menu有海鮮，咖喱，蔬菜，小食拼盤，飲品種類仲多，火龍果芝士奶蓋好解渴，果肉濃。豬頸肉有個爐慢慢燒幾過癮，咖喱軟殼蟹麵包係signature, 麵包都有四人份量，再點咖喱汁不用10分鐘清晒。蝦餅脆口彈牙，小食拼盤之中最喜愛，有雞醬同沙嗲汁可以點。泰式生海蝦用Shooter杯，有半打或一打揀，橙色同綠色醬汁放入Shooter杯各佔一半，個人喜歡橙色醬汁，綠色有啲青椒味同偏辣。下次要試吓海鮮，見到人哋食明爐泰式花甲煱又有湯浸住好正。

星期日晚一家外出晚飯，目標就係食泰國菜，原本鎖定另外一間，但經過沒有開門，再揸車兜來兜去，終於泊車到呢間泰嘟嘟。我地被安排坐tuk tuk 車卡位，大人細路好開心，因為真係好有泰國風味。我地3大2小叫左4人餐+冬蔭公湯+飲品咖哩軟殼蟹， 必食推介， 好好味菠蘿炒飯，可以，沒有什麼特別花甲湯，味道有點像冬蔭公湯，花甲肥美的炒金邊粉， 漏單，等了一個小時都沒有，粉炒得較濕，因時間關係外賣回家總括來說晚餐抵食好味

店名聽落好似幾有趣，入到去就發現實情係Thai TukTuk，用咗泰國特色交通工具命名，內裏裝修亦取咗篤篤嘅概念，氣氛充滿泰式風味。冬陰功海鮮湯逢食泰菜必點冬陰功湯，皆因係自己屋企煮唔到嘅味道。用明爐上檯，大大鍋，保持湯嘅溫度，入口酸甜微辣，飲到好出嘅香料同蔬菌味，夠曬新鮮又惹味。最抵讚係海鮮都幾豐富，主打用上大頭蝦，蝦肉唔梅仲幾爽彈，仲有啲魷魚同甲殼類海鮮，全部都好鮮美👍🏻泰式海鮮炒貴刁食慣泰式金邊粉同埋炒河，偶爾都可以轉下其他款式，今次就揀咗炒貴刁。份量大不在話下，配料好多，以海鮮為名果然無花無假，蝦仁、魷魚、蟹柳等，鑊氣十足每口麵都煙靭有嚼頭，又唔會過乾過濕，整體味道都好和諧，如果無埋啲三色豆應該會更好😂豬頸肉啫椰菜苗煲（馬拉盞）重口味人士之選，超級香濃，配飯一流！未食已經聞到好香嘅馬拉盞味道，用鍋盛住仲會滋滋聲，熱度十足。雖然以菜為主，但估唔到豬頸肉份量都好多，肥瘦相間，成碟菜式有唔少醬汁，配埋少少炸蒜，一啖食落夠曬滋味。最抵讚係啲菜食到尾都依舊嫩滑又爽脆，推薦！

是日下午經過大角咀就比呢間泰國菜吸引到，望望菜單價格合宜，當中有啲款式都幾新穎，一於試下佢。小食拼盤（小）每次心思思想試多幾款，但揀唔落食咩，第一樣總會叫小食拼盤。呢到$108包四種：串燒、春卷、雞翼、蝦餅，四款口味都唔錯，特別推薦蝦餅，肉質彈牙有鮮蝦味道，外面超級酥脆。另外春捲都幾好，樣貌素素地，咬開內裏包咗白蘿蔔蓉同少量蔬菜，咬落層次豐富又唔會過油。招牌焗黃咖喱麵包軟殼蟹見有廚師推薦，俾個機會試吓佢，做今餐嘅主食。上枱份量都好多，軟殼蟹同黃咖哩都溢出包外。軟殼蟹幾厚身，咬落脆身得來唔會淨係得塊炸皮。配搭外脆內鬆軟嘅麵包，沾埋濃濃黃咖哩，每一啖都好滿足，就算飽都會令人忍唔住不斷meet嚟食～芒果芝士沙冰友人係芒果迷，見到呢杯坊間好少見嘅特色飲品，上檯未飲已經覺得好正！呢個價格，大大杯，眼見鮮豔芒果黃，上層仲有唔少芒果粒同芝士奶蓋，飲落夠新鮮又清甜，解膩解渴解熱都一流！餐牌如下

今日落紅雨都堅持要去搭tuk tuk食泰嘟嘟😆好彩朋友識行 由太子站過去都係5分鐘路程🙌🏻7點左右到 已經差唔多full house😯入座一陣 出面開始排長龍🤭臨走職員都話平時遲啲黎都冇位食，大家最好book位呀❤️餐廳入面嘅裝修五光十色🤩播住泰文歌，幾有feel～有得單點都有套餐，二人餐揀三樣嘢都係2百幾，好抵食呀😋不過因為我地想食甜品同椰青，所以就單點啦😝主食：蟹肉炒粉絲、馬拉盞西蘭花炒蓮藕、泰式辣椒膏炒花甲小食：月亮蝦餅、芒果糯米飯飲品：椰青樣樣份量好足夠偏大👍🏻重點係！好熱！🔥食落熱辣辣好新鮮💯炒粉絲乾身不油膩，炒花甲唔會太辣非常惹味😋😋馬拉盞就有啲偏鹹，但係送粉絲一流😍月亮蝦餅一份有八件，勁多🤣🤣食唔曬🙈椰青清甜冰凍，正呀爽呀🙌🏻🙌🏻最後雖然食到好飽但係都忍唔住嗌左個芒果糯米飯🍚甜甜的，畫上完美嘅句號。💯下次嚟一定要提早book定位坐tuktuk，打下卡，慢慢食，過下泰國🇹🇭癮先！PS 個個服務態度都好友善，雖然好忙做到踢晒腳，但係佢哋都好快手，係咁幫手執走枱面上嘅嘢，買單嘅時候仲會同我哋傾兩句🥰好味呀啲嘢食👍🏻👍🏻

去咗轉泰國一樣😎位於大角咀原來有一間超有泰國style嘅餐廳😝一入到去不論裝修定擺設都另有一番風味👍🏼•招牌黃咖里麵包軟殻蟹 $168賣相超吸晴!一個勁厚多士再加幾隻軟殼蟹係上面，點知原來入面係空心㗎，全部都係!係全部都係！！！咖哩同配菜‼️驚喜十足!咖哩已調配港人口味，唔會太辣，連唔食辣嘅屋企人都食到👍🏼但味道夠哂👍🏼👍🏼見到當晚都不停有人嗌這招牌菜❤️•去骨海南雞配油飯(半隻) $98老實講，我有啲後悔無叫成隻🥲超嫩，連最唔好食嘅雞胸都煮到好似食緊雞髀咁樣🥹真係好得‼️另外，佢嘅雞超黃，黃油雞，食落有啲肥美，令成個口感好正！獲選為成晚我最愛嘅菜😙•泰國柚子蝦沙律 $88本來係expect好清新醒胃，但有少少調味調得太重手，成個感覺酸辣味多咗而cover咗柚子味!佢一共有3隻蝦，都彈牙嘅！我下次黎未必會再叫lu…•小食拼盤 $148份量好多，好滿足‼️有香葉包雞，蝦餅，魚餅，串燒，炸雞翼，仲有春卷添呀😙我地4個人都食唔哂🤣其中串燒係最得我心，加佢個沙嗲醬，真係好味道❤️•香芒軟殼蟹米紙卷 $78超級refreshing!!!芒果亦都好甜，中間有啲脆米係度，令口感更加豐富☺️夏天好啱食！！正！

同屋企人去咗奧海城行街，跟住就行幾步落去大角咀搵食🍽始終呢一區比較多唔起眼嘅小店，今日去咗呢間位於利德街嘅泰嘟嘟。泰式肉碎生菜包($88)生菜包幾乎係食泰國嘢必不可少嘅菜式之一😃豬肉碎香味突出，食到幾款香料味，作為前菜開胃一流。同埋豬肉碎份量好多，食得滿足，唔使慳住慳住食🤣串燒沙嗲 ($88) 一客串燒有三串豬肉+三串雞肉，雞肉外表微焦，配合串燒必配嘅沙嗲醬汁，味道更加誘人🤪豬頸肉啫通菜煲(馬拉盞)($76)以往食親泰國嘢都會忍唔住食通菜煲，呢度可以揀埋豬頸肉，價錢比起凈通菜唔算貴好多，又幾抵食啵！😋通菜大火猛炒夠鑊氣，味道唔會太鹹，食落惹味之餘亦唔會太口渴😆蟹肉炒粉絲($68)粉絲炒得夠乾身，食落口幾爽彈，口感唔錯，粉絲份量都唔欺人~

今日過咗大角咀搵食，食咗呢間都幾抵食嘅泰國菜！佢有套餐，如果套餐啱食更加抵。我哋今晚散叫，都好豐富泰式辣椒膏炒花甲係必食推介！呢個花甲炒得非常惹味，花甲亦都新鮮飽滿，味道唔錯一碟嘅份量都唔少！之後叫咗侍應推介嘅招牌黃咖喱麵包軟殻蟹，上枱已經覺得色香味俱全黃咖喱味道香濃，唔會好辣；軟殼蟹炸得幾香脆，好鍾意食！呢個菜式非常飽肚，烘脆咗嘅厚多士配咖喱汁幾好食最後食咗個蔬菜，感覺健康啲～$58 有大大碟飛天炒通菜，確係抵食！通菜加入左唔少香料，連平時唔鍾意食菜嘅我都食咗半碟呢度仲有好多泰式小食，下次多啲人嚟再試多啲嘢

咖喱大肉蟹 $298大推，一定要試。需要提早打電話預定，肉蟹大大隻，蟹肉極鮮，爆膏。咖喱味好正宗，同去泰國食冇分別。焦野烤烏頭 $108同樣大推。用蕉葉加香茅同泰式調味料烤嘅烏頭，香茅味好突出，烏頭大條新鮮。芒果糯米飯，烤大蝦，粉絲蝦煲同樣好食，芒果好甜，糯米飯上面有d金色糯米，正宗。蝦大隻新鮮，多膏，同樣值得一試。印度薄餅可能因為外賣關係，已經唔脆，呢個比較減分，不過唔關本身個食物質素事。總括而言，呢間餐廳值得特登去試，不過平時都好多人，需要提早預定。雖然我係叫外賣，但見到餐廳坐位唔算多，下次會試下堂食。多多支持本土小店💛💛💛

今晚要去奧運睇戲，即刻問下朋友仔附近有咩好食😋見到推薦泰嘟嘟，又想食泰國菜☺️就去試下☺️平日夜晚都幾張枱等緊，望入去裝飾勁靚，勁多足球既佈置，後面仲有啲篤篤車位超期待已經門口簡下食咩好，勁多野都想食，最後叫左芒果軟殼蟹米紙卷，泰式明爐烏頭，豬頸肉椰菜苗，仲有椰青！椰青率先送到！大大推薦！超鮮甜椰肉超香，朋友試完即刻叫多個！今日人比較多，店員好有禮物話有機會食物會等多陣。估唔到個芒果軟殼蟹米紙卷咁好食，勁脆，同埋芒果勁甜，平時成日食到啲無味既米紙卷，哩個真係好正☺️椰菜苗真係好耐無食，真係泰國鋪先有，所以次次都會叫☺️最後明爐烏頭，真係勁大條，相信大家睇相都見到，4個人食先岩岩好！成餐飯總括黎講，正我已經諗定下次黎叫咩食啦

前排仲未有晚巿堂食時，食左呢間既外賣，推介二人餐✌🏻 好抵食 份量好足！ 另外想食魚，所以叫左條烤魚二人餐 💰238鮮蝦炒金邊粉份量好多！一個人絕對食唔哂，配料都無偷工，每啖都夾到有餸，比起大部分餐廳都出色👍🏻豬頸肉啫椰菜苗煲有少少🤏🏻過油，建議另外夾起食，馬拉盞好惹味，係食泰國菜必叫！平時未係泰國餐廳食過椰菜苗，炒得好香，夠爽口！泰式鐵板蠔仔炒蛋滿滿的蠔仔🦪 點埋調味汁，做小食都一流蕉葉烤焗烏頭 💰108因為係烤既關係，外表係黑蚊蚊的😂 但絕對唔影響內涵，外層卜卜脆，帶埋調味配料，內層魚肉嫩滑，唔會乾爭爭👍🏻 唔係好知上面既配料係咩，但幾好食😋-人均消費: 💰195 (已加一)-服務:💛💛💛💛推薦:💛💛💛💛💛-餐廳: 泰嘟嘟地址: 大角咀利得街14號地舖

呢排好想去泰國旅行 好掛住泰國嘅嘢食今晚行開大角咀 就被呢間既泰國vibes吸引咗環境好有泰國嘅感覺 相當有特色仲有tuktuk車既卡位😍好有度假風情價錢方面都好相宜😍抵食 重點係超大份！！首先嗌咗個香葉肉碎炒飯 $78炒飯好大個 好重料飯都炒得夠乾身 味道有少少辣 有好多配料 食落口感好豐富 好惹味！另外叫咗個鮮蝦炒金邊粉 $78個面幾滑 海鮮份量都唔少，有蝦 魷魚 八爪魚仔⋯⋯而且味道方面食落酸酸甜甜咁 好惹味隔離仲有啲花生碎 撈埋一齊食好match小食方面叫咗個香芒軟殼蟹米紙卷 $78砌得好靚 而且呢個好有特色 軟殼蟹炸得好脆 配埋香甜既芒果一齊食好jeng 米紙卷外皮煙韌幾特別嘢飲方面嗌咗泰式奶茶同埋椰青 泰式奶茶好有泰國風味 唔會好甜 椰青都好fresh 仲有啲果肉可以食😗推薦！飲完唔夠喉仲試埋青檸梳打可以自己倒梳打水落去 青檸好fresh好啱食完泰國野飲😗👍🏻整體 環境服務價錢都好好！😍下次會再嗌多啲人嚟一齊食！

大角咀真係多咗好多食店，哩間泰國菜館入到去已經被裝潢吸引住，有特色牆，有泰國國，牆上掛滿球衣，拳褲同拳套等。😆卡位都似成架Tuk Tuk🚜真係好似去咗泰國咁🤩睇吓我地食乜野😋泰式明爐花甲鍋 🌶$108老公唔食烏頭，所以點明爐花甲鍋，花甲隻隻都肥大，又沒有沙👍食到底仲有好多粉絲添😋招牌焗黃咖喱麵包軟殼蟹🌶$168滿滿咖喱汁不過唔算好辣，軟殼蟹都炸到好香脆，個麵包吸哂咖喱汁正呀😋香葱蒜蓉包 $42有6件咁多，非常香脆😋專登叫蒜蓉包點個咖喱汁㗎🤤泰式鐵板蠔仔炒蛋 $88哩個蠔仔算大隻肥厚，不過個炒蛋我覺得過咗火🤭最後要推介係芒果糯米飯🥭$58有驚喜係個熱辣辣嘅糯米飯🤤食到尾仲係熱，芒果又甜，好滿足既甜品🤗大角咀區算係平，價錢好合理，食物有水準，不過提提大家最好book定枱，餐廳唔係好大，我地6:00早到先有walk-in位，但未去到7:00已經滿座喇😆店員都好有禮貌，哩度會再來幫襯👍

位於大角咀的泰國餐廳，非常抵食又好食😋午飯時間光顧的話，每款套餐都係50-60幾蚊左右！我哋叫咗海南雞飯、泰式海鮮炒金邊粉、香葉辣椒肉碎飯、炒通菜和追加小食蝦餅。整體來講每一樣菜式性價比、味道、賣相都好出色！