泰一 (已結業)

星期日放假去香港仔行街，經過間餐廳幾吸引，見佢地有tea set供應，其中有好多款係港式style的下午茶，都覺得佢地有d似泰式的茶餐廳。不過最尾都因為見佢地推出左d特色法包幾吸引，入左去食。睇完menu，「好大膽」試左唔係泰國菜館主打的食物 – “宮崎牛肉包”。吃後覺得味道比想像中好，有d似某日式連鎖漢堡快餐店的珍珠堡，而且餡料都幾豐富，牛肉和照燒汁好夾之餘，再加埋炒香左的洋蔥一齊食，正!至於份量以茶餐來講ok，不過如果當lunch就真係驚唔夠飽啦!

最近和同事係香港仔中心食LUNCH，發現個間長頸鹿餐廳”泰一”，出左幾款新嘅泰式湯粉麵，見D相影得好似幾好味，於是入去試下，並柯打左個”牛腩撈粗”和”喇沙雞翼麵”牛腩夠稔，幾入味。最正係D秘製醬汁好惹味，撈勻麵底來吃幾MATCH!賣相OK!雞翼亦夠大隻，至於湯底幾鮮甜，帶點點椰汁味，只是略嫌湯底比較濃，飲多2啖，會有少許膩的感覺。

今日一班姊妹慶祝生曰，來到長頸鹿餐廳食泰國菜，我們一行6人超開心見到超大長頸鹿 ，點了很多食物，食得好開心！先說食物的外形已很漂亮，未食先加分，哈哈！當然我們都覺得食物的水準也不錯啦！柚子蝦沙律我們點了小辣，味道不錯！曼谷牛油雞翼雞翼好入味，有6隻剛好每人1隻明爐煮大蜆呢個一上菜，我們巳經嘩聲四起，賣相好得之外，隻蜆是巨蜆來的。味道很鮮甜，連配菜我們都食埋！正！橫行四方得獎名菜再一次嘩一聲，好勁的橫行四方。其實係羔蟹再釀入麵包，麵包脆卜卜再加上乂乂汁一齊食正！豚肉炒棷菜苗略嫌豚肉，即燒肉略硬！飛天通菜味道不錯，不會過辣！黑椒牛柳粒無乜特別，味道可以！牛腩湯都有點辣，勝在特別，外面小有這款湯。冬蔭公好喝！辣甜味控制得啱啱好！燒饅魚配特制醬汁，好味！

上星期入香港仔中心探朋友，順道找個地方high tea,，發現開張無耐的”泰一”有tea set供應，睇下門口的menu，搵到以前我係中環返工經常食的越式法包；於是二話不說，即刻入去坐底試下。和朋友一齊叫左2款，分別係”特級公司法包”和”軟殼蟹法包”，價錢都ok (比以前中環食開嘅平d)，不過最驚喜反而係隔左咁耐無食，可以重溫一下個種似曾相識的味道。上檯時，覺得三文治的份量ok，最勁係D餡料有種好似迫爆左出來的感覺。特級公司法包：材料有扎肉和豬手等，所以食落去都幾爽口，加上酸酸 (帶微辣)的醬汁來吃，食落去都幾開胃。軟殼蟹法包：味道唔錯!軟殼蟹炸得幾香脆，味道幾惹味，配埋D生菜和蕃茄中和一下，的確不錯。但美中不足係餡料「件頭」幾大，比較難入口。ANYWAY,呢一餐的確令我尋回一種久違了的滋味!!

今日同男友入去香港仔探家姐，家姐介紹我們去左一間好得意的餐廳食，原來是用長頸鹿做裝橫，好大好得意！我們3大1小點了以下菜色生蝦刺身新鮮好味，個source好得芋頭海鮮煲仔飯飯好入味，配料一點都不麻夫，好有誠意，推介之作！燒豬頸肉出面吃一般都好細碟，但我覚得呢度算大喎！秘制汁燒雞配青木瓜沙律中規中矩啦！薄餅熱熱食好好味，但略嫌賣相差小小！

做左 CDR 好耐，但係為左呢間野，我決定首次申請個 A/C 發表食評開張無耐幫襯過一次晚餐 (純粹係俾佢隻長頸鹿吸引去幫襯)質素一般，唔太好亦未算好差之後都有食過幾次早餐 (都 OK 的)but 隔左無幾耐就內部裝修 (我以為咁快執笠 tim...)早幾日見佢開返，就再幫襯外賣早餐真係失望到爆...發覺已經加左價，$29 一份早餐係同區已經算貴 (未計凍飲 + $2)但 $29 一份 ge 早餐可唔可以俾返小小合理質素呢?大家睇下份煎雙蛋，有咩理由兩隻都穿左，都可以照入盒俾客 gar (一打開個盒已經係咁，肯定唔係回家途中整穿)其他食物 (通粉、魚柳) 份量又小左 (我唔係要抵食夾大件，but 都起碼似返份早餐 ar...)咁 ge 價錢，咁 ge 質素我真係寧願搭船仔過大街食憶燊好過...呢間野真係無下次!

前排聖誕節假期，行過香港仔中心，發現之前內部裝修的”泰一”又開番。老實說，之前食過，感覺真係一般。但見門面裝修得幾有聖誕氣氛，所以決定入去試多次。坐底左細心睇下個餐牌，發覺好多之前貼左label(暫停供應)的菜式都賣番哂，咁就真係多番好多選擇 ！上菜速度ok (比未裝修之前有效率)，先上的是雜錦拼盤，100蚊都唔駛的價錢食咁多款泰式小食，心諗唔難食都收貨架la，點知真係有驚喜，特別是串燒，比之前改良左好多，之前食呢度的串燒，感覺「乾憎憎」，但今次食除了有那種外脆內軟的感覺外，咬落去仲有肉汁，不錯!另外，每次食泰國菜都「必叫」馬拉盞炒通菜。之前食過覺得佢地炒出來的味道唔夠，汁又淡，完全唔惹味。今次再試發覺完全兩回事，起碼通菜比之前炒得乾身，咬落去亦覺惹味，但我覺得廚師好似除了用馬拉盞來炒外，亦加左蝦醬落去，不過無咩所謂，味道我覺得ok。另外，叫了菠蘿炒飯、冬蔭功湯等大路菜式，質素都好穩陣，埋單走人，盛惠二百蚊鬆d，尚算抵食。不過呢餐飯令我疑問係同一間餐廳，同一款菜式，但裝修後的味道卻不一樣(改良左唔少)，我好懷疑佢地轉左班廚房。

今次係我第一次到訪本店,雖然女朋友之前已經食過,仲覺得麻麻,但係見香港仔唔知食咩好,呢到又唔洗等位,所以俾多一次機會佢。 一入店當然俾隻長頸鹿吸引住啦,雖然唔明白長頸鹿代表d乜?.? 第二樣野當然係投射screen啦,有時見佢播下concert,今次佢就播都幾新既toy story 3,有電影送飯。午餐只供應set lunch,無其他野可以order,set lunch 大約有7,8 款選擇。泰式秘制豬手飯秘制汁料沒有特別,而且飯餸又唔係熱辣辣,食左幾啖都無咩胃口。青咖喱雞飯原本諗住青咖哩唔會辣,只係想食一點香咖哩,所以就選青咖哩,點知..對於平時唔食辣既我嚟講,都叫有小小刺激啦,唯有點小d汁,咖哩仍都唔係香,好普通,雞肉都幾滑。另外餐飲加左錢轉青檸梳打,都幾好味,有半杯青檸汁。

聽聞長頸鹿餐廳好耐，今次終於同男友去食啦！雖然看到以下幾遍食評都不太好，但基於長頸鹿的關係，決定一試！我們大概7：30到達，取飛後大概等了15分鐘就有位，時間可接受啦！侍應服務尚算不錯，上菜時間也ok呀，大概10分鐘左右啦！我覚得都冇以下幾個食家講得咁差呀！我們2人點了以下菜色：1）牛腩湯好小見這種湯，所以試下，味道好ok喎。2）青芒軟殼蟹沙律開胃好吃，極力推介！小辣！3）鴨胸出奇的好味！因本人並不愛吃鴨，驚有蘇味並好肥，但男友想吃咁就試下啦，點知佢一點都不肥兼冇蘇味，我都食左3舊呀！4）辣椒膏炒大蜆超大隻的大蜆，啖啖肉，味道好吃，但略嫌小咗d！可能隻蜆實在太大啦！5）士兵雞翼中規中矩，可以一試！埋單時，經理同我們講，他們才剛剛內部裝修完及作出內部調整，不知是否這個關係，所以已作出改善，令我們今天吃到一頓滿足的晚飯！

又黎到香港仔呢個人多到爆既地方做野, 一心都係諗住去返TAHI 1 食DINNER.今次一行4人食左以下野: 拼盤：都係離不開o個幾種食物啦... 蝦餅、魚餅、鳳爪、春卷等... 但另有軟殼蟹喎... 都算有少少特別... 總括ok 唔錯！ 生蝦：好味喎... 點o個碟汁得喎... 只係對於我黎講辣左少少... 但的確係得！ 橫行四方蟹：呢間野既招牌菜, 賣相一流... 不過我無影相, 味道都好好, 可以食埋個包, 不過要2舊幾水.... 但大家都話值既. 炒通菜：正常, 無乜特別. 串燒：一般般... 正常囉. 泰式炒河粉：算好味的... 其實唔係食左好多野, 因大家都唔係好肚餓囉！但大家都好開心！我地仲留意到... 原來門口可以泊車唔使錢架...

一個人去，不用等，很快就有位。已開業一段日子，午餐上的選擇也試得差不多了。上星期某日去，試了一個叫冬蔭公炒麵，真是無陰公先真。麵 --> 太淋味-->得個辣字最難忍是--> 有很多冬蔭公杉口的材料，硬到...杯凍奶荼又是一絕--> 我只能喝到兩口就被KO這一餐是我最快完亦是我最不快的一餐。

因為樓上新開的和亭爆滿, 情況和泰一剛剛開始差唔多, 六點半去攞到38號籌, 竟然先叫到3號, 我哋只好轉移去樓下無人等位的泰一, 結果俾安排坐到內最裏面, 弊就係行動方便同埋幾部手提電話全部無訊號, 更加無緣見長頸鹿了。聽講菠蘿抄飯唔錯, 所以入位叫咗菠蘿抄飯, 跟住又叫咗小食拼盤(細), 抄肉蟹, 泰式抄雜菜, 仲有一盤腰果抄雞柳。菠蘿抄飯：唔見菠蘿殼, 呢個要讚吓, 唔用菠蘿殼好D, 味道又可以接受, 我好怕為D餐廳循環再用, 每次食完呢味都會特登整穿個菠蘿殼。小食拼盤(細)：裏面有蝦餅, 蕉葉包雞, 串燒, 無骨鳳爪(唔係平時食的酸甜鳳爪那種味道), 春卷, 一盤細份量已經夠晒四個人食，味道都OK, 但串燒有D乾，無咩嘢肉汁, 鳳爪又係辣到入唔到口, 流沙肉蟹(貴)：原本揀羔蟹, 佢話無, 我哋只好選肉蟹了, 仲係貴過羔蟹添, 一隻都要$188大元ga, 味道一般, 但個蟹肉就唔新鮮了, 一咬d肉就散開晒, 好似霉咗咁, 伴碟就加咗太多蒜末同炸蝦米仔, 又無味, 無辦法撈飯一齊食。泰式抄雜：一般, 無什麼驚喜腰果抄雞柳：味道好係好但太辣又太鹹, 辣到攻上腦, 好難頂啊, 連我屋

等了很久才可以入坐,4大人1 BABY,因為人多被安排抱住BB坐HIGH TABLE. 本來不想坐,不過見多人,沒有辦法.Order了冬蔭公湯,椰汁雞湯,味道OK.青咖雞,不夠濃,很"水",不太"野"味.波蘿炒飯,普通是也.飛天通菜,汁很淡,菜有點怪,可能通菜不是當造啦.Overall,普普通通,價錢卻不算便宜.特別一提,我們剛開始食不久,見收銀旁有吉的梳化四人座,想問帶位女侍應可不可以換枱,可以放BB在中間,一家人吃得舒服一點.她說將入坐的是5人,我們惟有放棄.誰知入坐的只有一家3口,不肯換就不肯換算了吧,為什麼她要耍客人??我惟有待隔離的HIGH TABLE走了,取多一張HIGH CHAIR給BB,等我們食得舒適一點.之後有4人入坐隔離枱,女侍應問我們介不介意return張HIGH CHAIR給她,我說我介意,叫她轉枱又唔俾,張HIGH TABLE又細,根本accomodate唔到4大1小!!飲完湯叫她換碗,她就連未飲完的碗都想換.我話果碗未飲完,佢就反問我到底邊隻碗要換呀!她的服務水準很差,安排table一d都唔flexible,得失客人仲覺得自己好"arm"總之唔會再去!

住左南區多年，經常都揸車出外面搵好野食。最近去香港仔中心探朋友，聽個friend講中心商場新開左間泰國餐廳 – 泰一，於是就決定去試下菜，估唔到有真係有d驚喜。講真初頭係鋪頭出面見咁多人等位都有d唔耐煩，但個心又想試新野，終於等左近大半個鐘之後有位。坐底無耐，睇菜牌選菜，第1個感覺係呢間餐廳除了傳統泰國菜式以外，仲有其他創意泰菜，感覺有新意，於是一行3人柯打左以下幾款菜，睇下呢間以長頸鹿為裝修賣點的餐廳除左個look ok外，食物又得唔得先……1.咸肉炒椰菜苗其實炒椰菜苗就無咩特別，但此間除左可選擇傳統咸魚來炒外，更可用咸肉(即燒臘店的燒肉)來炒，效果比想像中配合。首先，咸肉的肥瘦程度尚算適中，只是外皮不脆，味道咸得來夠惹味，口感比咸魚更佳，配合炒香的椰菜苗一併來吃，幾正!2.橫行四方 (咖喱麵包蟹)此間自稱的招牌菜式，但吃後卻覺得不過不失(*可能之前的期望太高)。其實上碟吃後覺得蟹肉都尚算新鮮鮮味，配上黃咖喱汁來炒，其實都叫幾惹味。但失望就係跟上的烘烤大麵包，沒有想像中咁脆口，比較軟身。3.肉碎生菜包本人最愛的其中一款菜式，基本上每次去吃泰國菜都必食。此間的肉碎生菜包的味道幾好，肉碎

今日一行6人去食lunch, 預先訂左位, 但打去訂位既時候佢既態度已經麻麻, 我話book 1點3, 佢話",下?可唔可以早d呀?你呢個時間我地好難預位架窩~"咁我就話但我1點先離開公司差唔多啦, 咁佢就話"咁呀...你黎到可能都要等下架窩!"Ok, 咁我咪最多等下囉!結果去到都即訂有位, 不過佢d位好窄.檯與檯之間無咩空位.裝修其實ok, 有隻長頸鹿幾特別, 但唔知點解佢係都要係度勁播演唱會~搞到好似卡拉ok咁~好嘈~Lunch Menu唔算多選擇, 同埋好唔flexible~ 例如我想食佢個冬陰肉碎炒麵, 但我想轉金邊粉, 但佢話因為係lunch所以唔改得~我最後叫左招牌菠蘿蟹肉炒飯, 嘩, 真係不得了!菠蘿得三粒, 多麼的矜貴~至於蟹肉.........係無既~只有"蟹柳"...........成碟飯都好無料, 幾難食..... 真係不枉佢係"招牌"炒飯....同事叫左"青檸梳打".....但唔知點解係鹹柑桔黎.......總之就無下次!!!