泰一 (已結業)

之前聽朋友講香港仔有一間長頸鹿泰國餐廳，加上香港仔其他餐廳好多都試過，於是決定去試下。來到門口發覺都幾旺場，要攞飛等位，大概等左10分鐘度就有位。 火喉控制得唔錯，炸物香口得來有肉汁，正!個湯層次分明，酸酸辣辣得來又夠滑，開胃之選。 咖喱汁夠香口，幾好味，肉蟹份量十足，蟹肉亦頗為鮮甜。配料豐富，青口都幾大隻，加上個醬汁煮得唔錯，夠惹味。總括來說，餐廳幾有特色，食物頗具水準，係一間幾唔錯的餐廳。有機會下次會帶屋企人過來試下!

前日同朋友去食消夜，入咗一間泰國餐廳，佢有個大平幕可以睇電視，幾正，可以飲酒吹下水，環境幾好，不過10：30就要LAST ORDER，好似早咗D。 叫咗個泰式風沙豆腐，幾特別，D豆腐外脆內軟，味道好香口！＄28都幾抵食!

今日來到這間泰國餐廳吃早餐，給我一個非常難忘的回憶！早餐供應時間是到十一點半才結束，當時我們去到只是大約十一點十八分，我們四個女仔便入去試試看!一入到餐廳，一個外表相當健碩的Waitress問我朋友: 「一位丫?」，我地咪答佢：「四位」真可笑，明明有咁多人在後面有一齊講緊嘢!!!!我地一坐底，個waitress已經兇神惡殺咁走過來問：「食早餐丫?」 我答佢：「係丫！」之係佢就二話不說好大力咁收起我地面前的碗碟，真係俾佢嚇一嚇！我望一望佢咋，佢就睥番我，真係勁驚！回想番真係應該即走,蠢咗！！！然後佢好大力咁飛個menu過來...同我地講：「食早餐快d叫！」當時都係十一點廿二分咋，因為我地睇番單時間都係廿四分，使唔使咁惡丫!!!我心諗我地又唔係最後一分鐘先叫，佢就用咁ge態度佢我地，好似殺佢全家咁~好差勁!!!!你乾脆寫早餐至十一點，我地咪唔入黎lor!!!! 咁難為你真係唔好意思嘛!!!幸好之後由個好人好多ge阿叔落單~食物好快就到~ 又換咗個態度麻麻地、曲髮、高的阿叔上菜...算啦!!! 佢都係講嘢冇尾音啫!!!忍佢@@我地食咗冇耐...已經見到曲髮阿叔叫隔離客人埋單...我地都醒目攞

服務篇午餐時，入到去，一位waiter就大聲問：「老西幾多位？」登時呆一呆...估吾到一間稍有裝修品味嘅泰式餐廳，竟然係茶餐廳口吻...睇完餐牌，就同一位長毛飛waiter落 order一個"泰式牛坑腩撈麵"，佢就回覆我：「牛腩撈呀！」當然繼續係茶餐廳口吻等食其間，鄰枱一位呀伯問之前果位長毛飛waiter 想要牙籤，點知佢二話不說就伸手去我眼前攞我枱前果樽牙籤，嘩！講聲吾該都得掛...食完飲緊杯凍檸檬茶之際，突然有位waitress走離問我可吾可以轉枱，因為佢想拼埋兩張枱比下一枱客，即時嬲爆！我就冷冷咁講聲：「埋單！」食物篇其實，係一間稍有裝修品味嘅泰式餐廳，食有一碗"泰式牛坑腩撈麵"包飲品，四十蚊真係吾算貴。不過食到落口就真係差到無論！麵質普通，味道一般，最失敗係D牛坑腩，可能個廚吾識分牛腩同牛坑腩，真係普通牛腩都林過佢，好勉強食咗兩舊，其他真係食吾落......結論吾會再去！

上回吃到一頭煙的館子，不好意思，其實是吃都未有吃就弄得我一頭煙的館子，就等它開了業近兩個月後，再度一試，是日一行三人，可能是因為平日吧，基本上是不用等位已經可以入座。但也不要閞心得那麼早，皆因此店可能會下漏單或是拖足四十五分鐘，但公平點說，此問題今之不復存在，本人是夜點的細冬蔭公湯、細泰式小食拚盤、鹹肉炒椰菜苗及泰式炒飯，全都在十多分鐘上齊，但大部份店員還是有十問九唔應的問題。是次集中火力討論吃的，好讓看看店家能否來個大平反，先來是個細泰式小食拚盤，雖然說是細的，但其價錢都一點也不少，幸而其份量跟其價錢都幾相稱，拚盤內有五款小吃，分別有香葉雞、泰式鳳爪、泰式粉卷、春卷、蝦餅及魚餅。先來吃本人喜歡吃的鳳爪，店家的泰式鳳爪確實是做得幾有心，去骨去得夠淨，鳳瓜軟腍中帶咬勁及嚼頭，吃入口有股清清的酸辣，比外邊某些店子會有甜的感覺更好，因為吃起來的感覺更清更令人開胃。泰式粉卷都幾粗身，用了泰式粉皮包着生菜、大量的檬粉、青瓜、甘笋及燒過的雞肉，吃入口感覺又是很清，但今回真的是清得有點過份，連清酸開胃的青檸汁及點點辣椒也沒下，吃起來真的很依靠伴來的醬料調味，但誠然其他材料切得幼細而清鮮，都算是合格之

放假約佐朋友行街，係呢間Thai One 餐廳食lunch.兩個人order 佐一份二人套餐，就坐定定等食。間餐廳最特別係有一隻長頸鹿裝飾，好得意，好特別。就同朋友講定食完要同隻長頸鹿影相。等佐一陣就上菜啦！第一樣係芋頭焗海鮮煲仔飯。可能我本身鍾意比較多汁的炒飯，覺得如果個煲仔飯多d汁會更好味。不過朋友就好鍾意。哈哈，各有所愛la第二樣係青木瓜沙律。點形容呢？其實我平日唔係好食得辣，但呢個青木瓜沙律味道真係啱啱好，少少酸得來開胃，辣辣地又好啱食。總之就係我呢一餐的最愛la！下次來一定會再食！如果沙律比煲仔飯上先就更好啦！第三樣係避風塘炒大頭蝦。其實二人套餐份量十足，應該夠我地兩個女仔食飽有餘。但跟住到佐下午茶時間，我地又忍唔住口再order佐一份特級公司法包套餐。呢餐真係食到好飽ar. 其實睇餐牌仲有好多嘢都想試，唯有等下次la.

之前食過一次已經覺得侍應們的服務很差，問他們有沒有黃糖，得來的是一句 『冇』，連唔好意思都欠奉....上次食物等了30分鐘才到，點的都是已煮好的東西如海南雞飯.....lunch set只有4-5瓡款，什麼都沒有了....算了，見他改了menu又好似多返d人，比多次機會佢。一入去，個waitress已經同大牌檔的語氣問 『幾個』...沒有唔該 / 請問....比了飛仔就 一堆人企了於門口，轉頭那waitress又問我『你幾個?』...等了10分鐘左右有位了，那waitress『飛了』個Menu在我們台上NSTEAD OF放下...我們呆了．．．．都算．．．那waitress又來了，迅速地拿了幾杯水給我們，由於太迅速，水倒瀉了一點於我朋友身上．．．．她不但沒有道歉，連紙巾都沒有給我們清理就走了．．．食物雖然比上一次多了選擇．．．但不好食，再叫了海南雞飯，很快到不過飯都是和暖而且雞好鞋．．．．＄４０我寧願去泰國人海南雞好過．．．唔會再去　

If u doesn't mine that a restaurant that with good customer service at all just go ahead!I really dono how to communication with those sever !god bless u guys !btw,nth special with the food there!

今次係第一次去, 亦都係最後一次去 !! 去食佢個法包 , 等左好耐好耐 , 最後忍唔住同個侍應講 , 叫左個法包好耐都未到, 個侍應好冇禮貌咁問 : 你叫左邊款法包呀 ? 好啦 , 隔左一陣 , 我朋友望住個侍應 , 個侍應先識得講 : 整緊架喇 , 漏左單 . 侍應仲要係若無其事咁囉 , 我已經等左半個鐘 ! 最後由一個黑面既侍應女將個法包送黎 .... 最令我接受唔到既係 , 我一拎舊法包上手 , 法包底部 D 麵包係濕哂架 !! 點食呀 ?????? 我好唔鐘意濕左既麵包 , 感覺好嘔心, 但偏偏我就係呢間泰一度食到濕左既麵包 , 一D都唔 professional 侍應既態度都好有問題 , 個個都好似黑面神咁 , 見到都唔開胃 我唔會再去

前天約咗朋友到公司附近DINNER，我提議去我平時食LUNCH𠴱間，晚上9：00後入席生蝦刺生＄1隻，好似好抵！朋友㗎車泊係餐廳門口，好方便。入去叫咗D食物，WAITER話滿＄150可以叫一碟泰式生蝦刺生，＄250再可叫多一碟。平時食要差唔多＄70一碟，而家兩碟加埋都係＄18咋，好抵！隻蝦好大隻，D湯唔會太酸太辣，啱啱好D香蒜多到睇唔到隻蟹，脆卜卜，好味！隻蟹好大隻，又多肉！無想到D鴨皮脆，D鴨肉混埋D㗎哩原來都幾好味！嘩D椰汁好厚好正呀！

第一年參加馬拉松, 確是得來一個寶貴經驗亦訂下明年會堅持下去的 求學不是求分數吧 不過下年也希望能一小時內完成 是日晚餐, 正要鼓勵自已跑得到, 所以要食餐勁既 2 人餐 $156冬蔭公 : 酸辣味都好梗吓, 花奶椰汁香料等下得狠, 大蝦兩隻起晒膏又好肉, 最重要係用明爐上枱 … 更加火上加油 黑椒牛柳粒 : 酸酸甜甜的一味, 用上是酸甜汁, 牛柳粒件件唔細, 有牛味而且腍得黎有嚼勁 芋頭焗海鮮煲仔飯 : 如各食家所說, 有誠意而用料也絕不馬乎, 海鮮多亦頗新鮮, 芋頭大大粒又夠粉, 飯粒吸收晒海鮮的香味, 不曷普通的窩飯, 而且窩底還有飯焦, 整窩飯多到滿瀉呢味下次必定番兜 紅咖哩肉片炒青豆角 $ 42 (散叫) ; 仲以為會唔夠食, 點知未食呢味飽到上心口,唯有硬食 豆角有點生同埋嗅青味, 但肉片吸收了紅咖哩汁更是開胃 幾經努力下也能KO 所以食物 這裡的出品每一樣酸辣味道也拿捏得不錯 是有水準的泰國菜

平日中午食飯，都會去這間泰國餐廳，貪佢環境裝修好d，坐得舒服d!。我第一次叫牛坑腩麵，因為見到d人成日order這個，睇下係咪咁好食，嘩!好好味呀!d肉好入味，仲有d汁夠濃，非常唔錯!ANYWAY，THAI ONE係一間視覺同味覺享受既餐廳!值得去!

幾日前和同事入香港仔食lunch，見之前裝修既泰一開番 (*初時仲以為佢地執左)，於是入去試下。講真，佢地話內部裝修，但我又唔覺裡面同之前有咩唔同，最唔同反而係個lunch set，選擇比之前多左好多。(*講真之前未裝修前食過，真係無咩選擇!)我地5人，叫左個4人商務套餐和石頭窩飯share黎食。上菜速度比未裝修前快，份量都ok。Overall黎講，價錢和附近食肆差唔多，水準亦ok，但勝在坐得幾舒服，所以下次再入香港仔食lunch，都可以再來!

尋日中午食LUNCH,同事話去一間叫泰一既餐廳，佢話上次食過牛坑腩撈麵好好味，叫我一齊入去試試，我怕肥就叫咗過什錦海鮮湯金邊粉，同事例牌叫牛坑腩撈麵，我叫果款賣想好得!裡面好多料，個湯底又唔會太辣，OK!我仲試咗同事件牛腩，D肉加埋D汁味道真係好正喎!

有日一個人去午餐，見新開就試下。叫了一個午餐是冬蔭公湯金邊粉加了個凍檸茶，埋單加一共$40。老實講，個碗好大個但食物的份量只有碗的一半，得幾箸粉，食完同無食差唔多，味道方面，冬蔭公無層次，唔夠香料亦味道唔正宗。$40可以食好多嘢，黃竹坑熟食檔的thai food好食又正宗，仲$30埋單，只是無靚裝修。