波士頓餐廳

营业中

休息中

灣仔區，金都、帝寶和波士頓三間。現在只剩下波士頓，雖然食物質數不算是很好，價錢亦不能說是很便宜。火焰牛柳視覺效果的確一流，味道就可以啦。但年青待應漏了單，要我追，服務的確要減減分。儘管我覺得還是太平館和新寧較好，但食在那種昏暗的環境氣氛和昔日的回憶已經夠了。

男朋友同我慶祝舊曆生日，去左呢間食，因為我地既爸爸媽媽好後生既時候都已經好鍾意呢個地方，所以我地都去試下點左個火焰餐，係牛柳黎既，包埋dessert tim~ 個牛柳好好味，好鬆好軟，而waiter送上黎既時候d火焰真係在你面前燒燒下。份量好足夠，對女仔就大左少少，所以係咁分畀男朋友食……Dessert都係火焰野，係雪糕，size適中而且dessert黎講都幾有創意，食起上黎都ok啦，雪糕都冇溶到……不過裝修仍然都係70-80s的樣子，真係唔吸引，難登大雅之堂囉總括而言都幾抵食同幾好味

(14/6)這間餐廳鋸扒就真係出晒名…。到晚餐的時候就要等好耐好耐才有位，本來想轉身走，但朋友堅持…由唔肚餓等到肚餓，真的叫人無奈！叫一咗個”肉眼扒”同埋一個”燒春雞”…。肉眼扒七成熟是我最喜歡的選擇，肉質鮮嫩，每一啖都感受到初戀的感覺，令我回味無窮一食就不能停口，加埋茄汁就更加開胃，我朋友都話”正”佢係一等一的食家，要求相當高，又一証明真是”掂”，在門口等多一陣都是值得的。至於我朋友食的”燒春雞”就一般水準…。有機會都會再去。

五一假期, 同朋友仔一齊黎試.....菜單: 火焰牛柳(洋蔥汁) 鐵板石斑(黑椒汁)配餐湯, 飯or意粉or薯菜其實睇哩度評語勁讚"火牛", so黎試下~~的確幾好火~~ 嚇死我....本來想影相upload 上黎~~ 但太大火啦~~太驚影唔到tim!!但味道幾有酒味~~ 但8成熟....都幾生....不停流血~~ 可能我食唔慣牛啦~~ 但朋友話幾好味~~而石斑都幾ok~ 黑椒汁都幾辣~~環境都幾舊~` 同地下好滑~~ 好多油~~

我怕十字包內有d水果干肉...但此間十字包只有提子干合曬我胃口. 個包唔算好香牛油味, 不過勝在多提子干塔夠...一個$4算叫平.不過佢地麵包部唔係太多包選擇.

有好幾年冇，老婆直頭未過，所以上星期五晚走搵食。第一次試火焰牛柳，要黑椒汁，6成熟。好多人叫呢樣，所以我份牛柳未到，都已經睇佢點火表演幾次。牛柳幾嫩滑，不過個黑椒汁太辣。我又叫T骨牛扒，要蒜茸汁，6成熟。T骨扒好大塊，雖然整到9成熟咁滯，但係肉質仍OK。幾十蚊餐算係咁喇。

此店在本區開業數十年，不少人推薦，故一試。我選了焗飯午餐（$48）。餐湯選了「羅宋湯」，算足料，幾好。主食選了「芝士牛脷蝦仁焗飯」，芝士烤得香口惹味，牛脷幾軟，唯蝦仁質素差勁，敗筆之作。熱咖啡麻麻地。如斯食物質素和惡劣環境，收$48 加一，大概無下次！

因為朋友都係二月生日，今晚決定大家互相慶祝。由於這幾天我吃了很多不同菜式，加上朋友想剧扒，所以大家特別來試試火焰牛柳。我與朋友一人叫了一客，大家最高興都係睇噴火啫。不過，朋友果客d火勁d，我果客只係得少少火，有少少美中不足呀! 總括而言，味道都唔錯呀。

去到餐廳! d 燈光幾好呀~暗暗地~佈置都唔錯~but可能太多人四圍都好嘈....if 靜返小小仲好!!同好朋友一齊叫左牛扒!的確比"扒王之王"好食好多呀~價錢相約~~我下次都去呢間~~~~個侍應放火果下....真係感受到d熱力..撲埋黎@_@

雖然係星期日唔洗返公司，其實都不過係將公司野帶返屋企做，煩左大半日，夜晚總算係私人時間，於是同友人落銅鑼灣搵食。兩隻病貓去食扒，諗都唔諗就去波士頓，好簡單，因為只佢未見識過火焰牛柳。昏暗的燈光，伙計聽完我地落order，然後拔足狂奔，但永無漏單，完全係豉油扒房的一貫作風。要了火焰牛柳套餐（包一客火焰雪糕），自己的要3成熟，友人要唔見血，經理華哥建議佢要8成熟。一向對「梳打粉」極敏感，近年到豉油扒房亦只會揀波士頓，就是因為佢無化學味，飛鷹、金鳳雖然抵食夾大件，但食完想嘔，無謂慳個少少，而同個胃過唔去。有人話成舊水件牛柳好貴，講真，行過街市問過下價錢，都知買件靚扒所費不菲，人地小本經營，入貨一定比扒王貴。後生的侍應熟練的將肉從烤叉拿下，講起這烤叉，無記錯應該係買左專利，其他扒房無見過同類形器具；3成熟的牛扒在鐵板上，期待著那3秒鐘的烈焰，霎的一刻，身旁的友人看得出身，單是看那數秒的表演已值回票價！要了3成熟，加上火燒一燒，出到來大概變左4成，手上的黑柄鋸斷扒刀，細個到衣家鋸扒都係用緊佢，傳統扒房必備的扒刀。講真牛柳肉味本身就係麻麻，加上紅酒醃一醃，入口酒味比肉味要重，可取既就係佢肉夠嫩，切

我們這一輩的灣仔學生，多會記得以前在這鼎足而立的三間扒房，金都、帝寶及波士頓，雖然以現在的標準來說，對這些豉油西餐廳可能會不屑一顧，但在我們來說，都可以說是在這裡成長的，至少那個昏昏暗暗的環境氣氛，以前都會和不少類校的異性友好來這裡「聯誼」過吧。某星期六同太座行銅鑼灣，佢心血來潮要來這裡。七點鐘的晚飯時間來到，是差不多全場滿座，當中有不少是一家大小來鋸扒的，也解釋了為何很多朋友的鋸扒記憶，都由這些豉油西餐廳開始。當然是沒有卡位了，還好在非吸煙區有張小小的二人檯。太座要了大蝦牛柳餐，而我就跟第一次來叫的一樣，要火焰牛柳。餐包是十年如一日的「衛星包」，微熱的，塗上植物牛油來送紅湯及白湯，貫徹幾十年的味道及感覺，不過平心而論，無論紅湯白湯，都是過鹹的。牛扒差不多一渴完湯就來，而我的火焰牛柳，一向是這裡的「表演項目」：兩舊牛柳用長劍刺著，上面還盛有酒，侍應將牛柳放下鐵板，之後再淋酒點火。雖然已吃過無數次，但望著熊熊火光，又每次都會「嘩」一聲的，未試過的，要試試。牛柳要了四成熟，真的做到外面脆入面全生，肉質比想像中好，雖然肉味較薄，但都軟腍無渣，亦沒有疏打粉的痕跡，幾十蚊一個餐，已交足功課；太座

好耐冇去食過啦! 尋日再去，依然唔錯!食左火焰牛柳～　同Ｔ骨扒：牛柳整得岩岩好，外面脆脆地，裡面好軟，同埋加埋陣酒味，好食!而Ｔ骨扒我都覺得好食，件牛扒幾好，但我朋友就話好似淡左一ｄ～但服務方面就唔係太好，有個長髮既女侍應好粗魯，做乜都好似好趕咁．總括黎講，值得再去!

行完灣仔, 又係搵野餐的時候, 大時大節度度都好多人, 之前見到呢間波士頓都歷史悠久, 其火焰牛柳又好玩咁.所以都去去去啦!去到, 嘩, 起碼有30人等位, 不過我地等左一陣, 兩個人都等左10分鐘都有位啦.好老實講, 服務真係同椰林閣差不多, 地方就似花園餐廳, d 位都幾迫人下.一場黎到, 都係食返招牌菜"火焰牛柳" (見圖),$ 91+10%, $ 100一個人, 都唔平.食物真係一樣, 薯條都俾d 汁攪到林曬....我覺得七成熟都幾好, 平時怕太生的人士可以試下, 冇問題的.

　難得的假期，因為一句說話所以約友人到波士頓過平安夜　。　見證著灣仔發展的老牌餐廳，那火燄牛柳燒了四十多年，烈燄沒減半分，只可惜節日關係縮短了熊熊烈燄的環節；友人嫌這樣的兩塊牛柳要九十多元，很貴，沒錯，這裡的牛柳質素及不上the steak house的扒，價錢又不夠「扒王」的平價扒平，然而，港式扒房而又沒梳打粉感覺的牛柳，可以在那裡找得著？　高棚滿座，連office的員工亦要出來幫手，有客人落單後要等上一陣子，服務做不到一百分，卻值得體諒，因為他們已超額完成。　要四成熟，出來的確是四至五成熟，切開牛柳，夠嫩滑，亦沒有那討厭的梳打粉感覺，九十多元，交足功課。　坐了三個多小時，見門外一直有人排隊，有老有少的在等著，真的蔚為奇觀，亦體驗老闆方生所說－－「每年的平安夜，街坊街里，扶老攜幼的來這裡一聚」這奇景。

想回味小時候常幫襯的波士頓,所以來了這裡, 五成熟的鐵板火燄牛柳($91), 上菜時的火燄真令人難忘!!牛柳加上少少酒味, 味道還不錯, 仲有好香的蒜蓉汁,好特別!! p.s. 同去Outback or Dan Ryan 食扒係完全兩種style, 千祈唔同拉埋一齊講ar