波士頓餐廳

营业中

休息中

以前鑽石山荷李活有一間，我食過d朳非常之唔掂，服務態度不知所為，就係咁已經關門大吉。

真係好耐冇去過波士頓喇，呢度係小時候同屋企人食扒o既地方。每次去幾乎都係叫鐵板火焰牛柳；喜歡o既其實係果種虛榮感：當侍應拿著叉住牛柳o既劍，一面點火，一面將帶著火焰o既牛柳放o係鐵板上，鄰桌o既小朋友都會報上羨慕o既目光~~~N年後o既今日，o黎波士頓叫o既E然係鐵板火焰牛柳；同樣地，當侍應拿著有火o既劍serve牛柳時，鄰桌o既兩個小朋友同樣報以"嘩嘩"、"勁呀"呢D聲音，真係十年如一日。不過，呢度有樣o野係變o左o既~~還記得以前呢度D侍應放飛碟、大聲夾惡簡直係等閒事。E家，D侍應已經換上年輕o既一班；service雖然不至於極好，但總算有求必應。味道方面，雖然明知係用梳打粉，但都有D牛肉味，點都好過金鳳。伴牛柳o既黑椒汁同蒜蓉汁都好濃味，味道幾好。呢度D羅宋湯都唔錯，典型香港口味，幾足料。不過價錢幾貴，一個鐵板火焰牛柳set要$8x；雖然唔算平，但E然旺場，起碼我今晚去都差不多full house。

坐0係呢度,令我諗番細個時媽咪帶我同哥哥去据扒,除0左環境外,佢地0既牛扒整法都好有80年代feel! 淋完汁後,"標" 哂煙,又"0者0者" 聲; 服務一般啦!

以前波士頓同帝寶以大眾化牛排西餐來說在灣仔區是一時瑜亮，金都最多排第三。到而家佢地仲係果個特色，但已不再獨家，就係在淋汁時會整到好鬼大煙，唔搵張紙擋住包你彈到一面都係汁！價錢方面唔平，都要六七十蚊個餐。個人推介串標牛柳。

好耐無去教會, 聽完道之後.順便都要獎下自己. 所以同朋友去試下波士頓餐廳. 門面已經感到係老字號的餐廳. 不過一上樓發覺原來有自助餐供應. 而且似乎都幾好, 可惜我怕肥唔多嗜自助餐. <br>坐低後睇MENU見到一個幾特別的菜名係CHEF'S SPECIALITIES上所以好奇之下ORDER 試試. 七打牛柳-CHATEAUBRIAND 估計係一個法文釋名. 其實係一個燒牛柳. 肉質和汁料分量等都算OK, 價錢$180 2個人份算係貴左D, 現時好多酒店都有會員免費. 所以計起來2人份會差不多價錢, 但環境方面會輸左小小.<br>

朝朝返工都會經過, 週時發現該店門口有死蟑螂,甚至死老鼠, 都幾恐怖...

曾經是地道港式牛扒的代表，但近年水準卻每況愈下，雖然份量依然強勁，但是牛扒卻只餘鬆軟的感覺，一切牛味欠奉，都是梳打粉惹的禍，連帶羅宋湯與餐飲也淡如清水一樣，令人徹底的失望，始乎再找不到光顧的理由。

以前個個想食靚牛扒,一定諗起波士頓牛扒餐廳, 細細個o個時去櫬都好開心,依家就一般啦,可能會比花園餐廳好食D 啦. 仲有D侍應都幾寸.

Like many other 80's children who lived in HK Island, this used to be children's favourite place (along side with McDonald's), and i still like it now, however, their dishes are not meals that i can afford on a daily basis ..... -_-

波士頓係老牌食肆，以前唔係好多地方有鐵板扒食，但波士頓就能帶俾我無限o既滿足，因為本人細個之時就最喜歡鋸扒！現在，波士頓o既出品雖然無以前咁好，但係始終係港式牛扒o既先驅，值得一試。

Mammy 話佢以前拍拖都o黎呢度食，歷史悠久。通常我同bf 想食得好飽o個日都會o黎呢度食，貪佢夠大份丫嘛。但記得以前細個o個陣，份牛扒好似大件Ｄo架，差唔多有個鐵板咁大，但好多年前了，唔知係唔係我記錯呢？但係呢間就裝修真係舊o左Ｄ，通風唔多好，食完會有小小煙味！應該改善一下。

第一次o黎灣仔呢間,昏昏暗暗ge 環境......好似冇燈咁,仲黑過鑽石山o個間~老實講,食就食得唔係咁舒服,不過幾抵食,味道都唔錯~係杯餐飲細杯o左d~

呢度樓下有間麵包舖ga，<br>我最鐘意呢度D 十字包做早餐！<br>實的的又夠大又夠飽！正<br>

扒好好味!!

波士頓d 牛扒可以話係出晒名，都冇咩人未食過。你話好唔好食？我就話正係港式牛扒的代表，即係用好多梳打化粉淹d 牛扒，然後放係鐵板‘渣渣’聲比你食，真係見倒都開心，好唔好食都次要，而且100 蚊填飽肚真係好抵架。