波士頓餐廳

营业中

休息中

個名聽咗好耐都係第一次去.樓下無接待,上到上層侍應好忙仲叫我哋自己入入面睇吓有冇位.友人叫西冷餐,我同另一個FD要招牌火焰牛柳餐.套餐都有2款,差十幾蚊有甜品及餐湯為龍蝦湯,咁就梗係要個貴啲啲.龍蝦湯有小小料,味道都ok,甜品係芝士餅唔會太甜.招牌火焰牛柳食落無特別,只係喺你面前點火燒一陣,牛柳表面微脆,建議如食開5,6成熟要食呢個餐最好點3成.帶紅酒去開收$30

3個 "NO"(1) NO service -- 叫餐茶,叫咗4次....叫飯意粉,又叫咗4次.....(我聽到後面果枱客都叫咗3,4次),待應勁唔耐煩(但我只係叫餐茶同叫飯意粉,都唔耐煩??!!!)(2) NO quality -- 我叫咗個海鮮鐵板,有石班1件,蝦2隻,帶子2隻,石班完全無味,肉質如同魷魚絲(消化唔到果隻)...蝦係無咩肉,帶子無味(唔知雪咗幾耐).....我老公叫咗火焰牛柳,一樣,完全無肉味.......我老爸,一向好有口德,唔會起餐廳入面話唔好食,最後,佢都講咗句"可能今日忙啩"....(3) NO good environment -- 我覺得自己根本座起茶餐廳,勁迫,勁嘈,感覺污糟,地下笠次次,有骨有垃圾,窗枱d塵,嚇親人後記一則,我老公開茄醬時,好似開香檳一樣,pop一聲,果蓋飛彈出嚟,先彈到我,後彈到後面果枱客,跟住我哋見到茄汁面層有一層薄薄白色野,即刻唔夠膽用....埋單3百幾,食翠華好過.....呢間餐廳,我一定唔會再幫襯!!!!!!!

Long time haven't been here. Just come visit this Sunday with gf's family. They all having steak with pepper sause. And I'm having T-bone steak. As their comment saids the steak are not as good as before. Having the tast of soda powder that we never tast it here! It means they are not using the good grade of steak! So need those thing to soft it up. My T-bone steak haven't got that tast. But you can't say its good. Its abit disspointed that they making food like this. Because they are one of the

詳情請看: http://www.fotop.net/tonykafai/cateringartwork/090315wanchaiboston今日參觀完花卉展覽，心想走到Vero餐廳試甜品，怎料它關門大吉，不期然便行到灣仔市內。誇越世紀 留住美味眼見一所餐室人頭湧湧，於是碰運氣試試美食。那裏的格局很是懷舊兼座無虛席。原來波士頓餐廳早在1966年營業，屹立香港40年而不倒。看過餐牌，決定嘗試特別名字的美食:「沙丹羊排 (扒)」。經侍應解釋，原來沙丹是包括雞蛋和火腿，並表示羊排較肥，年輕的我當然無懼奉上「肥排」吧。沙丹鐵板 聽見喧嘩一會兒後，鐵板奉上，用餐紙巾遮掩是指定動作。眼見斜對面的顧客，看見醬汁在鐵板上發熱飛濺時嘩聲四起，不奇然想到昔日顧客們 (包括自己吃鐵板餐時的歡樂和期待)。眼見侍應飛快地倒入蒜蓉汁，可能她認為我對美食有要求，於是再下一汁，令薯條變腍，略為美中不足。至於7成熟的羊排，味道剛好，配以火腿和雞蛋更見美味。消費雖少 服務至上由於我坐在閣樓出入口附近，由錯認我是親人的小朋友，到其他顧客，都會看看我的菜式 (也許他們正考慮品嘗這道菜)。雖然我沒有加錢轉餐，但仍很滿足，埋單

與舊同事出來聚舊兼收風，想食西餐，對方就提議來波士頓餐廳，貪佢經濟實惠。畢竟是在金融海嘯的影響下，今日唔知聽日事，很多人都不願意花太多錢在食這方面，這點也可理解。好在大家既食飯時間都比較有彈性，避開了人潮高峰期，如果遲十五分鐘來，想搵個位都唔係咁容易。三款Set Lunch供應，分別是豬扒拼龍脷柳、龍蝦肉雞皇意粉及咖喱牛腩飯。大家都選了前者，跟薯菜。餐湯我要白湯，飲品則要杯凍檸茶。先上餐飽，港式的麵飽勝在夠熱，也尚算鬆軟，塗上一大件的牛油，是不曾的餐前食品；忌廉湯，溫度也可以，材料不算特別豐富，但幾濃郁，都收貨了。對方的羅宋湯看似對辦，評語也是正面，下次要一嚐。再說主菜，薯條是波浪紋的那種，薯仔味重，理應好食。可是佢放久了，上台時已是凍，又稔身，浪費了美味的薯條。豬扒並不鬆化，甚至有點韌，味道也不突出；龍脷柳明顯是雪藏貨色，吃不出任何鮮味。這味主菜，我認為不合格。結尾的凍檸茶，茶味不足，惟勝在夠冰凍。吃得差不多，見有好多人在等位，也不阻別人了，快快手埋單走人。

波士頓餐廳, 食了三十多年了.由細食到大對左佢咁耐得幾歲既時候爸媽提起要据扒一定帶我黎呢到.我都好鍾意個火焰牛柳.雖不是上等材料亦難得不像橡皮.仲幾嫩滑７成熟以保留到ｄ肉汁之鮮味.香味四溢.不過價錢幾貴火焰牛柳set要$88而石斑餐都幾好.煎得頗香口.淋上黑椒汁都幾辣合我口味配餐湯, 飯or意粉or薯菜幾十蚊個餐算係咁喇服務一般啦但地方還是十年如一，沒有改變過價錢不貴 大眾化路線

零九年二月上旬晚餐同口味南轅北轍的朋友吃飯，最後來到這裡，是間氣氛不錯的老式豉油扒房。拿著樓下接待女侍應派出的飛仔，憑飛入坐，剛巧坐在對正出品的門口，看著「扒車」出出入入，是絕佳的攝影靚位。不想吃鹹豬手，心水就只得是火燄牛柳，朋友要了去骨羊柳，又加錢轉上酥皮海鮮湯。先送來烘暖的牛油餐包，餐包配上牛油，麵包是餅部自家出品的，軟熟好吃。牛柳餐多加廿元增值的龍蝦湯，蝦湯掛上忌廉，淡淡蝦殼煮出香味，味道平宜近人港式風味，蝦肉分量不少，如此價錢不會是波士頓了，但已交足貨；朋友的酥皮海鮮湯，湯底用魚骨、魚肉煲成，港式做法所以帶幾重腥味，自己卻欣賞這老實足料做法的，下了不少忌廉口感很滑，配料有蝦、蜆、魚肉，真的滿足又豐富。食評十之八九也會談到火燄牛柳，也只有這裡會以利劍串起牛柳中間夾著磨菇，這排陣是其他豉油扒房不會做的了。牛柳由專人解拆，放到鐵板前會放火，傳來陣陣玫瑰露的香，一輪火光後是蒜蓉汁「撞板」成的強勁白煙，拿起厚厚紙巾隔煙情景，是西餐扒房不會見到的經典環節～貨源幾穩定的，牛柳要了四成熟，切起來滲著血水，肉質鬆腍吃不出肉質，惟一的味道是玫瑰露留下的酒香，扒類冷凍處理絕對是門藝術，雖然仍是無梳打

一入去就比餐牌吸引住. "火焰牛柳, 重現江湖". 以為一定好掂. 點知落左order. 等左二十分鐘. 飲完碗湯, 催左waiter 幾次. 先至有得食. 買相同 點火都好有型. 小朋友睇到嘩嘩聲, 但一入口. 嘩 ! 勁重酒味. 可能燒既時間唔夠. d 酒精仲未揮發, 就淋汁救火. 酒味蓋過晒牛柳既肉味. 食左一半. 要點茄汁至食得落口. 重現江湖, 試過一次都夠. 下次我唔會再玩火啦 !

之前已經聽過好多人講, "波士頓"有幾食, 所以一於同好朋友D放學去試~一上到去, 已經無乜人, 可以都唔早!坐低後, 我睇咗好耐都唔知食乜好, 但好朋友D話「唔洗諗啦, 梗係食"火焰牛柳"啦」~嘩係! " 鐵板火焰牛柳"重出江湖, 把"火焰劍"仲攞埋專利註冊, 真係咁把閉???好一於試~我同好朋友D每人叫咗個"鐵板火焰牛柳"餐~ 餐湯+餐包餐湯唔熱, 唉~ 餐包, OK啦~ 火焰牛柳未上枱, waiter就推住架車仔, 上面放住2個鐵板, 同2把"火焰劍"!鐵板只係放咗啲配菜, 放上枱先~"火焰劍"就穿住2件牛柳同2粒磨菇~waiter首先會將磨菇同牛柳係劍上取出, 放係劍中間0既一個小兜點啲酒後,就會放返係鐵上面, 之後就 --> 點火一個"鐵板火焰牛柳"就係咁... 啦...睇完表演, 就梗係一時間開餐啦! 一入口, 酒味幾重, 食下食下先無咗~牛柳真係好淋, 唔係拿淋果隻, 但就一啲牛味都無 終於都有機會嚟度"波士頓"食扒, 但唔知係咪期望太高, 定係水準下降, 比起我想像中的差 有點兒覺得"花園"好食啲~

傳统老店，餐廳環境一般。餐包餐湯(羅宋湯)味道不過不失；主菜選了火焰牛柳，侍應會在你面前點火，頗有「氣勢」！牛柳火喉控制ok，肉質夠淋，但不算太juicy及不夠牛肉味，以一百元的價錢來說，都算value of money。朋友叫了燒春雞餐，份量驚人，半只雞完全覆蓋了整塊鐵板！餐飲叫了「龍鳳檸樂」，其實是普通檸樂加咸檸檬，類似咸擰七，頗特別。

約了朋友到波士頓餐廳鋸扒傾計。我叫了牛柳豬扒鐵板餐，牛扒雖然細細舊，又唔會太熟，剛剛好，夠肉汁。豬扒夠軟熟，食入口好美味，很久沒食過這麼好的豬扒。上鐵板淋汁的時候弄濕了我檯上的鐵叉，侍應二話不說拿過一套乾淨的餐具給我，好服務！雖然貴了少許，但想食好鐵板的，付出多一點是值得。

雖然成日經過呢處，但都未嚟食過，星期日終於有機會。從裝修到菜牌都好有港式豉油西餐feel。晚飯時都幾旺，我自己叫咗羊扒，雖然要七成熟，但出嚟都係全熟，個扒好似炸過咁，味道只係一般，食唔出羊本身香味。其他人要牛豬石班扒等，除咗石班較好外，其他都係麻麻，牛肉應該經過鬆肉粉處理，唔夠肉味，豬扒偏實。餐湯我試咗忌廉湯，比較淡，餐包不過不失。總括嚟講食物味道唔特出，同期望有d出入，可能係對老牌名店期望比較高。但係灣仔區食晚飯每人唔駛一百蚊都算係咁啦。但係同樣係港式西餐廰，以味道嚟講個人鐘意北角花園多d。

同朋友係灣仔行吓行吓，朋友話想去食扒咁咪去波士頓囉。一去到之後，覺得間餐廳好迫咁。算啦，反正香港啲餐廳基本上都係咁。望一望個餐牌，啲價錢同扒王差唔多，都ok啦。見到個招牌火焰牛柳，我個朋友咪試吓囉。我自己就要咗一個大蝦牛柳。首先，個湯都好重味精，好鹹。個包都可以。火焰牛柳好得意，但係唔好食，得啲酒精味。我個大蝦牛柳就食到把火。兩隻蝦好“煤“，牛柳唔係牛柳，都唔知係牛慨邊部份。個汁嘛嘛地囉，不過不失。最難食係啲薯條，好似冇炸過咁樣。其實我覺得係得個火焰牛柳上枱個陣有啲得意，成個餐廳都係有火焰牛柳上枱個陣有啲人拍手。最後二百二蚊。本人覺得唔值，而且下次唔會再去囉。

平時搭車等車時都見到厘間餐，想試好耐了，所以我生日果日就叫左我朋友去食，當為我搞生日都好啦地下門口無員工招攬，行樓梯自己上，開門都好有懷舊味到，入到去食的人唔多，可以仲係６－７點啦，但卡位對街窗位己坐爆，咁就求其坐啦，四個人岩岩好一枱～第一次唔知食乜當然係食招牌菜啦，四個人分別叫左四種唔同的扒餐，有包有餐湯有主菜有飲品，誠惠８０－９０元一位，算係咁啦，灣仔食晚飯，唔係成日食，無計啦～其中一個朋友做廚房的，食物好與壞佢都知，要點整，肉好唔好食，淋唔淋佢都識分～但佢都好好評，連餐包都係熱熱地的牛角包，好好食～主菜當然唔洗講八月份的事了，相仲係手機，遲ｄ再貼，隔左幾個月仲記得，一係我記性好，一係間野係唔錯的～食哂佢地仲叫左個雜果噴火ｃａｋｅ俾我，當生日蛋糕吧～都係玩桌頭，酒精點火啫～提議大家，食扒最好分開叫，如四個不同的，牛八豬八雞八等，如叫同一種就前後叫，唔係就會出現上錯食物俾你因為廚房整好的扒，係拎出黎先即上汁，待應應該分唔到個八係幾成熟，同一時間出三份牛扒，５成７成８成，又唔同汁，可能搞亂，５成的茄汁即左燒汁等．．．你的５成變左８成．．．

2007-12-30 懷舊 - 波士頓餐廳波士頓餐廳, 一個存在於灣仔區已久的名字, 唔係我呢一輩既人既事物, 我之所以認識呢間餐廳, 因為我細個有一兩年時間響灣仔住, 加上我上兩代的親人都係響灣仔住既. 直到幼稚園就搬左入屯門住, 好得意我同我妹妹細個既時候, 生日都係好希望返去灣仔呢間餐龐 "鋸扒" 想起都津津有味. 一話唔去, 因為當年由屯門去灣仔起碼都兩粒鐘, 仲未有地鐵添, 所以真係唔係次次有得去架.人大個了, 我第一次約太座食dinner就係去番呢間餐廳, 可以話呢間餐廳載滿了我的回憶, 依家久不久我就會同我太座去懷舊一番.食既都係最基本唔花巧既紐西蘭西冷扒 及 餐廳鎮店之寶 火焰牛柳. 基本上新派左拼大蝦右拼石班果D, 都只係一般比以前就更一般, 只有簡單野keep得住係仲叫得上好食. 火焰牛柳有一把廚劍叉住牛柳 逐件點火逐件上鐵板, 俾起鐵板淋汁的滋滋聲更精彩好睇.而餐廳既紅酒都只係一般貸色但唔太曳$200左右開一支唔太貴! 仲有要介紹一下呢度既芝士餅, 唔食你走寶啦! ^^老實講依家既波士頓既扒, 太重油炸, 與以前我還是小朋友的時間有甚大的距離. 希望不要與之前的分