波士頓餐廳

营业中

休息中

好久沒有吃扒了，波士頓自小給我的印象，是据扒必到地點，以前真的好好味的，但經過上星期六晚用餐後！！相信永遠不會再光顧，因為她們的扒變質了，我order一份羊扒4成熟，老婆大人order一份豬仔骨排，一上抬嚇我一跳，原來這樣的扒不是煎的，是炸出來的，豬仔骨排不是焗出來，又是炸出來的，oh！這樣做法跟快餐店有何分別，再看看旁邊的客人，吃的午扒都是先炸過的，看扒表面顏色便知道，這樣把好好的食材浪費了，我叫4成熟，她們把我份扒攪到好像柴皮今，吃完仲有d確喉，豬仔骨排炸到出晒油無晒肉汁！唉忍不住埋單時問下個部長，點解而家d食物變成今樣，他答我因為餐廳個扒爐小，大多客了現在都是用炸出來處理快好多的，反正其它客都無炸型仲有大把人等位！聽完真的氣死我了！想不到波士頓五十幾年招牌，變成垃圾了！

想吃牛扒很久了, 又好耐冇黎過BOSTON, sunday晚上就來回味一下, 果然選擇正確!因為太耐冇黎, 都唔記得要係"boston面包店"度行上樓梯去餐廳 lol晚上6點幾, 已經差不多爆場, 很多老人家和一家大細來吃!雖人多, waiter非常好禮貌, 反應也快, 讚!菜上得很快, o岩晒勁肚餓既我地!很喜歡boston的餐包, 暖暖的, "點"湯最正!白/紅湯, 兩种都正鐵板火焰牛柳 - 個火真係好大架! 牛柳唔錯, 我叫7成熟, 有小小生左d西冷 - 呢個比牛柳好味!雜扒餐 - ....除左豬扒外, 其他唔多掂, 牛扒好差!燒春雞 - 最後上的菜, 一d都唔似"春"雞, 勁大隻雞囉! 笑死我地, 但幾好味架!焗豬扒飯 - 又係勁大份, 無可能食得晒吃到好飽既一餐, 扒既quality算唔錯啦, 每人都係$90左右

星期三, 有個朋友提議囄哩間, 火焰牛柳 重出江湖餐廳!!!Good idea!! 好耐無囄 lu!!!!例牌小菜….yeah!!! 我咃ORDER 係一樣 = 火焰牛柳羅宋湯 = 不過不失啦餐飽 = 我無食, 個 friend話 底脆且熱伴碟 = 薯菜先上, 份量唔弱; 飯或意粉可後加火焰牛柳 = 現場有火燒 兩大嚿牛柳 七成熟要求! 外皮燒到有點脆, 肉汁仍然鎖住; 質感十足且鬆軟不太淋!! 加上黑椒汁…..牛柳……..好味!!!餐飲 = 凍檸茶兩杯…OK一噸晚飯, 煙霧四起! 一團團火焰, 就不停出現!!!火焰牛柳….我一定會再返囄!!!

今次黎食, 帶埋日本同事黎食, 帶佢見識一下香港的地道扒房同事G見到有以下一個有名的餐, 一定要食喎...鐵板火焰牛柳睇落真係好似好正, 不過我覺得有點油, 而且好大煙我地分別叫了牛雞羊, 除左牛, 其他的真係差強人意!羊: 係勁羶!!! 一d都唔好食, 而且又肥, 真係唔想食, 但又唔想浪費, 唯有強吞雞: 又係肥!!! 同事真係食唔晒, 不過份量真係超多!最好食的都是餐包! 暖暖的, 最好味!

尋日(20-3-2010 Sat)陪男友出灣仔做佢公事,做完公事係lunch hour,香港就由佢帶路搵o野食,佢記起呢間有個o係人客面前燒著o既牛柳,啊,好呀!於是行過o黎.上到去,冇人帶位,自己搵,重有一張卡位,我o地坐低睇餐牌,午餐幾平幾抵,但我發現o左佢講o個個,原來係$97.00o既鐵板火焰牛柳,呢個犀利到攞o左o左專利.男友就要呢個,我就要$49.00o既B餐,芝士肉醬焗千層麵.我o地湯要一紅一白.好快,麵包同湯o黎到,麵包暖暖o既,牛油都好易搽.湯呢,我o既係周打魚湯,料幾多,但味道淡o左啲.而男友o既羅宋湯就惹味啲.等o左一陣,鐵板火焰牛柳o黎到,侍應幫男友將牛柳放落鐵板燒同加汁.整好晒,男友至發覺侍應畀錯汁,佢要洋蔥汁但畀o左黑椒汁.算吧啦,都落o左.我先試吓佢o既牛柳,嘩!外皮好脆,內裡仍有肉汁,唔錯啊,而薯菜都好多.之後我o既芝士肉醬焗千層麵都到o黎,嗅到都幾香,芝士唔係咁多,肉醬亦惹味同夠多,都可以.餐飲就分別要凍檸茶同熱檸水.呢啲正常冇問題.呢餐埋單$161.00.

星期六阿仔比賽順行進級, 於是我地o係金鐘坐"丁丁" 去灣仔晚餐當慶祝,我地六點九去到唔洗等位, good!!!好耐冇來了, 一坐低睇到餐牌, 見到火焰牛柳 重出江湖, 我其實未試過, 所以order黎試下我order的餐湯係紅湯,一般啦, 稀左d, 酸辣味好淡)餐包正常水準到火焰牛柳出場, 個排份量十足, 好過花園餐廳好多, 一淋汁就起晒火咁, 食落去好夠味, 有質感得來又鬆軟但又唔會淋晒, 亦冇比d汁掩蓋牛排本身的味道, 再配上意粉(本身意粉有味的,不是白灼) 都冇令我失望!! 總算不過不失而且見到D waiter 個個都好忙冇停手, 但係依然個個都好有禮貌, 值得一讚

好耐冇去過灣仔波士頓呢家老牌西餐廳了, 好多年前來過鋸扒, 當時印象中波士頓係唔錯的.某日中午路過便入去試試.隨意點選SET LUNCH的牛柳配薯菜, 以$58的價錢當然不會有太大期望, 但估唔到仍然會失望.首先份量極少, 細細粒的牛柳只有八小粒, 薯條豆角數條, 就咁構成一道正常成年男士應該不會夠飽的午餐.牛柳不算韌, 但味道及質素就跟街邊任何一間快餐店牛扒沒兩樣, 難道現在的西餐廳都退步到快餐店的水平了嗎?

星期日去銅鑼灣行街,想起朋友成日話波士頓D火焰牛柳好食,於是晚上就行過去灣仔試~因為我同朋友兩個都係甜食派,所以點左火焰牛柳之餘,仲一人一件蛋糕,兩個人都睇中"芒果蛋白蛋糕",食牛柳之前就先急不及待叫佢上黎食左先件蛋糕好大件(比一般cafe的大),好好食,食完已經飽飽地,哈哈跟住餐湯我係白湯,一般ok咁啦, 但朋友個紅湯佢就話超正餐包正常水準,冇咩特別跟住終於到個火焰牛柳出場, 見人地檯果d一淋汁就起晒火咁, 都好期待試下不過唔好彩,個waiter一次過送幾檯, 推左架餐車過黎, 然後送到最後先到我地然後我地個位條通道唔係太夠闊, 有人剛剛要出去, waiter放低完d燒住既牛柳,就要推開架餐車,先再返黎幫我地淋汁,結果淋落去既時候己經冇火了不過視覺效果冇左就算啦, 個牛柳真係好好食,不過唔知點解我叫8成熟...結果都幾生下,仲有d血水,我估5成到啦, 不過都ok既, 唔係生到唔敢食都冇咩所謂d薯菜裡面有兩塊薯片(唔係零食果種,但薯仔切片而已)都幾好食個fd叫5成熟,就正常,冇生過頭最後飲埋餐飲,凍檸茶又係冇咩特別啦,一般水準埋單其實唔算貴,牛柳餐100蚊,我地又食蛋糕,加埋1, 每人

中午＋二時左右,我們一行三人到波士頓餐廳吃午餐,點了三個Ｂ餐葡國雞球飯($49).首先,忌廉雞湯和餐包先到,雞湯幾乎冇料,得一兩粒細到食咗落去到唔知係咩味啲雞粒.牛油餐包Ｄ牛油比以前差咗,淡而冇味.因為佢轉用了雜嘜牌子的牛油.之後,主菜來了.看一看份量都算不錯,試吓味道就一般,雞球數量0Ｋ不過薯仔少咗少少,其中一客是一粒薯仔都沒有,材料不夠平均.最後,我們走到櫃面結帳,告訴收銀我們的枱號,她即時知道我們叫咗３個–樣嘅餐.可能她以為好易計,所以連計數機都唔用,就心算咗個總額出來.之後,我就俾咗二百蚊比佢,她又隨即心算,俾番二十八蚊給我.晚上回家後,我忽然想起BOSTON找數的餘額有些不對.BOSTON收多我＋蚊.因為我為人比較節儉,(雖然只係＋元)所以我覺得好唔抵.到了第二曰,我便打電話去BOSTON查詢,明確地講出當時結帳的時間和枱號,方便她翻查紀錄.我都知拿回＋蚊的機會很微,畢竟我不是即時發現問題,只下過我想查明真相.那個接聽我電話的員工說當天的收銀員還未回來,叫我留下電話.後來,我等了兩天,她都沒有打回電話覆我.我只有又再打電話去問,又再將這事重覆再說一次.最後,她只說當天埋數正確

成日食附近既新波士, 呢一日就試下好耐冇去過既波士頓~~ 唔講都會以為佢地有D關係, 但係其實係完全冇關係架~去到餐廳, 樓下係麵包SECTION, 同埋個RECEPTIONIST, 要攞飛等位.. 真係巴閉... =0= 等左15分鐘度, 個RECEPTIONIST叫我地上去, 但係上到去都仲係要等客人埋單同埋執枱, 都係有D無奈, 冇咩理由叫D人客企O係上面等, 一係你就執好先叫我地上去啦~~ 上面好熱鬧, 唔算好大~~ 我地坐卡位, 但係D 梳化排到同張枱唔平衡, 搞到坐到同張枱離開好遠~~ 見到D侍應勁忙, 週圍SERVE火焰牛柳 ($97), 我地都叫左兩客~~ 仲叫左一個焗肉醬意粉 ($4X), 因為記得以前食過好好食~~ 火焰牛柳係會O係你面前淋D酒, 勁大火, 好好睇!! 鐵板上有兩塊牛, 有D薯菜, 另外可以問佢攞飯或意粉~~ 所以兩個人SHARE其實都夠食~~ 牛排都幾好, 食落去都有牛味, 不過D酒燒唔哂, 所以都有酒味係度~~ 另外個肉醬意粉真係好正, 好多芝士同肉醬~~ 雖然食落去個感覺真係幾油, 但係真係好好食~~提一提個餐包, 比較差就係佢冇咩特別~~ 就

兩人食了雜扒餐$90,火焰牛柳餐$118,唔知使唔使加一..味道勁普通,雜扒餐的豬扒好乾,唔好食..火焰牛柳得個樣,唔好味...配燒汁的味仲有D怪怪的...個龍蝦湯差過好多西餐廳....賣相又唔多好.....連甜品都麻麻地..甘的價錢一D都唔值.....下次唔會再去...

以前去波士頓是很高興的事情，因為可以吃到牛扒甚至最喜歡吃雜扒餐等，每次侍應拿來快要替我們淋上的黑椒、洋蔥等醬汁時，我們必定要小心翼翼的弄好那張特大紙巾來作保護自己免受熱汁所弄起之蒸汽弄汙衣物。不過隨著時代轉變，現在可以吃到扒餐的地方甚至連茶餐廳和快餐店也可以做到，不再是此類所謂的“豉油西餐廳”的專利。中午到此地想了想要去試試很久沒有到過的波士頓吃吃午餐，估不到真的是時間流逝但是假如還是固步自封而沒有轉變是很難留住客人的。中午的午餐選擇只有三種，我選的是鑊仔牛柳雞扒洋蔥汁，不過就以上照片中的那一小塊牛柳，您們也許就知道物價是貴了很多之外，相信只可以說是"將貨就價“了。對比之下雞扒比牛柳是把牛和雞的正常比例倒轉過來，最初見到此碟上臺之時還以為遺漏了牛柳，原來是被雞扒壓住看不見，現實上有沒有可能雞可以隱蔽一條牛呢？說笑而已。牛柳的味道不算很差，只是份量小得嚇人，區區一兩口已經吃完，堵不如就乾脆叫它做Q版牛柳還更實在。雞扒就沒有什麽不妥的地方，只是味道一般吧。反而只可以在此還能令我喜歡的一種食物就是最早上臺的麵包，一直對熱辣辣的餐湯所配的餐包最為好味道，配上牛油并融化在麵包中吃入口中非常美味。

波士頓餐廳今次是第二次去,第一次已是很久的事,食過咩都唔記得啦.只記得當日是假期很多人.今日比較少人,個場只開了2/3.可能客人少左,服務就相對高d.今晚下雨,帶了雨傘,在門口有個蔗桶,我把雨蔗放下,門口的女職員即上前說:放在這裡可能會比其他人拿走.除即拿了一個蔗袋把我的蔗套上,再交給我,叫我一同拿上去.還送上親切的笑容上到去,因卡位滿坐,安排到方枱坐,我女朋友想坐卡位,同侍應講,有卡位可否轉枱,他有禮地回答:當然可以啦!(佢有d乸乸地,講野好高音).還有我起身的時候,他竟然指示我厠所的位置,雖然我真的是想去厠所,但我都冇問佢.真奇怪= ="轉左位之後就要了火焰牛柳&羊扒,兩款都要七成熟,飲完餐湯,牛柳,羊扒一齊送到,我份牛柳就麻煩d,個職員要搞一輪才可林上克椒汁,一大團白煙升起,職員就跟隨煙霧一起消失.像魔術一般.其實將牛柳一早放在鐵板上,上枱時灑上燒酒,就會着火,搵把怎樣火焰劍都係d花巧野啫,用來氹吓細路都幾好嘅!羅宋湯-->好多料,正.個餐飽是熱的,皮有小小脆.唔錯唔錯.火焰牛柳-->牛柳的味道同口感都好好,牛肉味當然冇高級扒房咁好啦!一舊水有兩大舊牛柳,又有七成

N年前去過一次, 今日難得去開書展, 所以去懷緬下我order 了西冷扒, honey order 了火焰牛抑, 大家都係叫set首先, 餐包同龍蝦餐湯幾好飲但一到主菜就出事:1. 我地份扒上到枱的時間, 同其他比我地遲落order 的人客居然一樣, 好明顯佢地個廚房係一批批 "煎" d 扒....搞到我地局等2. 落order 時waiter 會問你幾多成熟, 但.....o徒氣la, 佢一批批出, 理鬼得你幾成熟....因為我地個位近出菜處, 睇住d waiter 有理無理"捧" d 鐵版出來, 然後在附近四圍問d 客 "係咪叫咗xx 扒.."....如是者, 每枱都係咁, 結論係, 完全唔會顧及每位人客對塊扒的生熟程度要求去分配, 即係, 問你要幾多成熟係多餘的講返個食物先, 火焰牛柳係幾特別, 而我個西冷扒雖然冇乜特別, 但都叫做味道唔錯不過薯菜勁少......服務: 或者那天特別多人客, d waiter 做到冇停手, 於是....又出事了, 搞到d service 勁差...d 主菜遲上, 算, order 杯餐飲有三催四請, 我地隔離枱客仲慘, 睇住佢地叫人加水分別叫咗大

今日又來到灣仔「覓食」，苦無頭緒下，今次放棄了日本料理，轉到波士頓來個火焰劍。波士頓為老牌西餐廳，地面為餅店，而餐廳則位於二樓雅座。餐廳內燈光柔和，而店面狹長，兩旁卡位一直沿入口伸延下去。食物方面，這裡有一般西餐廳的食物，但顧客十居其九會點鐵板餐，所以說這裡為扒房亦無不可。我們為來睇表演，當然點了鐵板火焰牛柳餐吧。 餐包：為大大個普通的圓型餐包，但上檯時熱騰騰，加入牛油也很好。 餐湯：來波士頓小弟一定選羅宋湯，因為此湯辣味及酸味配合得很好，稠度亦適中。 鐵板：店員先奉上只有配菜的鐵板，然後兩件牛柳、磨菇及黃瓜片則用「火焰劍」穿起，近劍柄位置有一小碗盛著點了火的玫瑰露酒。店員逐一把劍上食物以夾子取出，輕點了酒，再放在預熱的鐵板上，此時會冒起小火。放好食物後，店員會再用湯匙把小量玫瑰露酒灑在鐵板上，頓時一大火球沖起。最後，店員再淋上小弟選的黑椒汁便完成。牛柳本身不是頂級貨，肉質鬆弛似用上一定的鬆肉粉；味道方面大致被玫瑰露酒蓋過，不好酒的朋友可能會覺得較難入口。 餐飲：普通茶餐廳凍檸茶質素，但勝在夠大杯。整體而言，如要食好牛扒我不會選波士頓，但近百元價錢便可以看火焰劍表演，也算不錯吧。