法國飯店

营业中

休息中

去到黃金海岸商場, 我估唔到平日夜晚都會有咁多人來吃晚飯, 絕對唔係水靜河飛! 去到餐廳, 侍應安排我們坐在一個大窗口位, 望住出面夜色和大型遊艇, 感覺好浪漫! 我心裏暗想, 我果然無選擇錯, 捨棄人山人海o既buffet, 取其浪漫恬靜o既氣氛! 餐廳裏每枱都係一雙一對, 竊竊私語, 旁若無人般談情說愛, 感覺自然, 我忽然覺得自己好像置身於法國般!! 講番食物, 我會點了貴價一點o既二人餐, 除了餐湯, 其餘菜式都係同另一半分享! 頭盤菜式有海鮮拼盤, 包括生蠔, 蝦, 翡翠螺! 每人一隻淺嘗, 但對於我們來講, 當然唔夠喉啦!適逢餐廳有優惠, 生蠔買6送1 , 我們便點了一打唔同類來試試, 雖然我們對生蠔一竅不通, 但侍應依然很細心為我們講解, 值得加分!! 吃完生蠔, 繼續上頭盤, 有啤梨黑醋汁煎鵝肝, 煙三文魚凱撒沙律, 餐湯分別係週打蜆湯及磨菇湯, 還吃了很多麵包!! 主菜點了牛扒及茄汁蝦扁意粉, 最尾還有餐飲! 本以為食飽飽, 侍應最尾還送上甜品..........................餐牌, 我望住裏面各式各樣甜品, 是問我還能夠忍到口嗎?.........

因為愛人生日 今天我想晚餐也應該要浪漫一點預訂了這家在有渡假感覺見稱的黃金海岸裡 享受燭光法國大餐!!很華麗的感覺是嗎?這裡的室外座位也是不錯的但一到步的我已給室內的環境裝潢吸引著啊最大特色 這裡的外內座位同樣看到黃金海岸的海景呢餐館內客人不多 主要都是外籍遊客坐在這完全感覺不到自己正置身新界地區 環境真的不錯最驚喜其餐具放置得真的齊備終於第一次認真的嘗試了一道道菜來用上所有餐具幸好從前為扮淑女而學習的Table manner也沒有生疏呢服務當然不能跟酒店級共評也是可體諒的 價錢方面我也覺得是相宜的這晚點了最好評的二人晚餐也另外點上店家最有名的鵝肝兩客來分碟上只是很奇怪不先上湯 也不送上冷盤 餐包可是先放上桌 很不細心但說回這份鵝肝第一口已感覺到其一煎即熱上的口感 很讚!!太有份量的感覺 真的不能形容. . .冷盤 "海鮮併盤"鮮甜味美"三文魚沙律" ceasar醬汁剛剛好整道菜至愛之一!! "白酒煮蜆"本來餐牌上寫的青口因沒貨 是晚全都換上蜆但沒因此失準 蜆肉全都肥美汁料配合得很厲害久等的餐湯 "周打蜆湯"有奶油香味

其實我是9月20日生日既, 但係我既大頭仔係早一晚話要同我去食慶祝生日飯, 佢話要由19號食到20號同我慶祝. 呢個係我地既第一次慶祝生日，佢選左呢間餐廳, 話佢服務好喎...呵呵...我心唸一定有呢個傻仔鍾意食既野...入去餐廳室內位, 因為怕室外食食吓會熱. 係我地鍾意既corner靠牆位, 一眼望晒所有人同景, 好feel!跟住大頭仔自己order野食, 佢冇問我想食咩野, 為左保持神秘, 我都冇問. 其實我同大頭仔食野既口味好似...有時我都好鍾意佢幫我揸晒主意.今次真係食完一樣又一樣, 有好多好多野食呀! 1. 首先有外面好脆, 入面好軟既法包, 好好味, 我地兩個將d熱既包食晒 (原來為食既大頭仔係我去洗手間前試左d包之後叫人整熱d包...比原先唔熱既包好味好多喎)2. 跟住有海鮮拼盤 - 有蝦啦, 蠔啦, 肥螺啦, 同埋一隻好可愛既瞓覺蟹, 所有海鮮都好清甜, 我地食得好滋味, 仲食左好耐好耐先食完, 可惜d蟹肉有少少鞋.3 & 4. 接住即上煎鵝肝同三文魚ceasar沙律- 鵝肝好肥美, 幾好食, 不過唔夠我地上次去果間意大利餐廳Oliva既咁好味. ceasar

環境好好,可能電話訂位,所以有室內可以望海的座位,不怕凍又不會被大風吹亂頭髮 . 點了兩個 set dinner , 加半打生蠔 , 連加一 $580 .我的主菜"炭燒牛仔柳伴青胡椒汁",牛柳好多肉汁,伴菜都好好味,細細薯,青豆同西蘭花夠軟身,值得一讚係面頭紅蘿蔔絲,炸後再連汁同吃,好味!fd主菜"香辣芥末羊膝",好軟身,好滑,不過賣相不太好,伴菜太軟,加上薯茸底,成碟好似湯渣. 芥末有較辣或較酸可選擇,老公當然選辣的一種,好攻鼻,正 !

琴日，係小弟的生日．．．！我同我女朋友就去左呢間餐廳食飯~我地order左：14隻蠔+支香檳+10$珍寶差額= $5９0 (香檳名係：VILARNAU）蠔就每樣要２隻，先講最貴３５＄珍寶　入口淡味　有少少蠔香係口散發出黎其他蠔都唔多記得，有一隻愛爾蘭蠔係我最愛，有少少ｍｕ士，好似食緊絲絨咁仲有７隻囉，都係好甜好多汁，但今次比上次易咬好多　超級肥美　怕甜勿吃！７件Ｘ＄２０＝１４０＄仲有一隻睡蟹同龍蝦龍蝦都係好甜果種，不詳寫蟹個蓋，講你都唔信，勁多膏～同埋，有少少咸口蟹鋼就我女朋友食光光，所以不知道～但Ｄ腳太幼，冇咩肉食，但２隻蟹鋼同個蓋都值回票價到現在為止：＄１４０＋＄５９０＋＄３５０蟹＋＄３００龍蝦＝＄１３８０仲有叫左：２客鵝肝　１５０＄２件　分碟上鵝肝同上次一樣　入口即溶，可能Ｄ海鮮食得太耐，走左我單，所以大件左好多Ｄ汁同隻鵝肝　相映成趣，風味絕佳，鵝肝本身膩口，但配埋Ｄ汁　變左冇咁肥膩最後，返屋企果陣　都有ＯＲＤＥＲ多一件比阿媽試阿媽就話：同我講的沒相差，但知道是「鴨肝」來的羊仔柳１４５＄　有２件，７成熟，入口有少少肉感　有ｄ咬口，多汁，配合汁料如果有白飯，會令到你想食多幾碗！！！

同男朋友黎，慶祝生日，我地叫左個二人餐1.海鮮併盤 -海鮮 好新鮮, 好清甜蝦 x 2，螺x4 (本來係有兩隻蠔，但係我地兩個都唔好，所以轉左做兩隻螺)2.鵝肝 - ok... 我唔好, 男朋友話幾好味喎3.三文魚沙律 - d羅馬生菜好新鮮，ceasar沙律汁無多無少，剛剛好掛住o係生菜上面，沙律汁都好fresh4.磨菇湯 & 周打蜆湯 - 好好飲!! 個周打蜆湯係創新o既做法，加左少許新鮮番茄蓉，入口首先有海鮮o既鮮味，繼而有新鮮番茄蓉的甜味，口感好得意，最後先會有奶油o既香味!! 飲落口，味道o既層次好豐富!!!5.燒鴨 - 佢個汁好好味，甜道又係好有層次，又有香草、胡椒，仲有一種好特別o既辣味，唔知係邊一種香草起o既化學作用，總之配合得恰到好處! 好可惜，佢個鴨脾係用煙鴨煎o既，太咸，令到咁出色的汁發揮唔到完美6.茄茸蝦扁意粉 - 食完個燒鴨，我地兩個都飽了，只係試左兩條意粉....... 都ok，可能太飽，始終覺得依個意份無之前的菜出色。不過，如果o係夏天，lunch可以可以食依意粉，會好fresh, 好滿足!成個set $428我地叫左紅酒...佢地啲 service 好好，

琴晚...Order左個SET dinner 同 一個 海鮮拼盆因為2人海鮮拼盆同海鮮拼盆 一齊上...蠔有6隻 蜆有2隻 玫瑰蝦有4隻 龍蝦有1隻 4隻翡翠螺(除左隻蜆 難入口左D之外....其他都好新鮮) 龍蝦D肉好甜 好多汁　／　翡翠螺 都係好甜果D 但有少少難咬　／　蠔就隻隻唔同國家Set dinner 我同我女朋友 Order左： 香煎鵝肝　（入口即溶，名不虛傳）法式鴨胸沙津　（普普通通，但唔錯選擇）一個藍瓜忌廉湯　（好甜，但好香濃，開胃之選）一個雜菌湯　（好香菌味，如果唔怕太濃，可以選擇之選）一個炭燒牛扒　（七成熟，但入口似全熟，太「銀」」白汁蜆天使麵　（入口好嫩滑，但無疑太「濟口」）最後要左２杯紅酒．．好正「埋單價：（４２８＋４８０＋５５ｘ２）ｘ１．１」＝1200ＰＳ：當晚服務我的是一位待應生：Gary Wu 佢可以介紹好多酒比你．．．好正！！！好服務又好笑容．．

叫左兩個lunch.. 食物okay 啦..主要係 feel..但個經理真係不知所謂..(狗眼).你食set lunch ..就唔理你...有班鬼佬同一啤女仔..食蠔同海鮮 就 笑咁口..叫左佢幾次..見到你都唔睬你...要開支酒...一句話 .一個月前賣哂...就行左去..suggestion 都冇..真系替佢個老闆慘...我都食左 2xx 蚊...既lunch..都算係咁 啦...果d 食tea set 既仲慘...sigh 一個字...個經理係度...呢間野都發唔到圍...不過有幾個 waiter 都 okay..有笑容....個經理真係要檢討...

Just went there 2 days ago, the taste wasnt as good as how I thought would be, in fact tht was quite bad, n prices are far too high , i had beef and my gf had lamb , and both were cooked for too long, overall .. not worth it

今次亦都係吃二人set:-1.海鮮併盤-中size蠔，普通小蝦，螺x2，普普通通2.鵝肝-太多油，味道尚可，但唔係入口即溶3.三文魚沙律-三文魚仲雪雪地4.磨菇湯-好好飲，飲晒5.燒鴨-個皮好簿好脆，幾好味6.茄茸蝦扁意粉-幾好味成個set $438另外叫左個心太軟($50)-但心唔太軟，冇野漏出嚟亦都叫左支紅酒...啲 service 一流，長期都係親切笑容，環境好舒服，樓底高，又對住個海，感覺都唔覺得自己似係屯門~

真係未見識過....都算係貴餐廳, 但又有咁硬咁多肋的牛扒, 佩服! 真係食唔落....不過鵝肝就不錯.. 尋晚慶祝生日...淨食環境lor..唔好期望太多啦...唉下次唔去啦...$5XX 2人中環SOHO 都唔差太遠啦..仲有...D 服務又未至於好差, 不過服侍我地個哥仔目口目面咁...欠佢咩...

身為一個屯門人，我可以大膽講一句可以食得過既(叫做高級少少) 西餐廳就只此一家。已經黎過3,4次，其實佢D main dish 普普通通, 不過又唔想出去九龍咁遠又想食得好少少, 安靜少少的話, this is the one.尋晚, 同太太叫左個oyster combo, 跟住再加extra oyster, waiter 好耐心咁同我地安排D oyster, 由淡味至濃味, +埋half bottle 淡身既house white 都唔錯(基本上上次黎都係咁order). bread 亦好crispy好新鮮, 我地仲叫多左一鹽添. 之後再叫多個set dinner scallop 意粉已經好夠. 意粉整得好食唔難, 但個chief 會加上甜甜地既carrot 風乾絲, pulm 既風乾絲等佩料, interesting.太太心情靚, 所以最後order 左心太軟同apple pie, 心太軟is ok, 而apple pie 就pretty good, 裡面仲有少少提子乾, 都幾有心意.我唔清楚之前幾位朋友既食評點解會咁差喎, i'm sorry for that, 我自已覺得咁既價

昨晚女朋友同我慶祝生日, 係黃金海岸搵餐廳食晚飯....搵左一陣都唔知食乜好, 見到依間好似幾好咁, 咁我地就試下啦.入到去個格局都唔錯,都幾有高級餐廳feel,我地叫左個二人餐: 有海鮮併盤,鵝肝,三文魚沙拉,雜菌湯,肉眼扒,番茄蝦扁麫. 但樣樣的份量都唔係好多,兩個人都唔係咁飽,到走個時老闆問我地飽唔飽ar,我地支吾以對,咁老闆話唔飽ar...有0的辦法0既,咁我女友就加左句今日係我生日喎....之後老闆就行開左,隔一陣佢就攞左件cheese cake黎比我地...件cheese cake都幾好食...真開心^^

星期日唔想出市區同人迫,同女友去黃金海岸散步同食晚飯,見呢間野好似唔錯就試下普普通通要兩個set就算,雜菌湯幾好,主菜既扁意粉整得幾好食,賣相好好,心思之作頭盤賣相ok,不過我唔多喜歡食鵝肝醬(?)就無辦法環境遠睇就一流,不過坐落去梳化位就發現多左d觀眾係度:十隻八隻螞蟻係度周圍走換完位都仲係咁,仲要要求換位個陣waiter黑面寧比人知莫比人見,呢個價位黎講走晒出黎比人見到就認真有d核突

個日同個朋友去試ｏ里間餐廳ｏ的野都幾好食呀！我朋友叫咗個磨菇忌廉湯同白汁蜆肉意粉，我就叫咗個磨菇忌廉湯同田園沙律伴日式芝麻汁！我地一致應為個湯超好飲！佢好有磨菇味，感覺好多種磨菇係入面！！蜆意粉ｄ蜆！好大隻（低食呀！），不過ｄ忌廉汁就麻麻啦！（不過問過ｄ侍應佢地話可以轉其他汁ｏ架！沙律ｄ菜食落好脆身，個汁重好香芝麻味呀！！服務就係麻麻ｏ地ｏ既！！不過環境可以搭夠！！最後叫咗個心太軟同梳乎厘食呀！！心太軟真係超好味道呀！！（如果唔係怕肥我會叫多個呀！）