法國飯店

营业中

休息中

The chilling moments in GC 🏖️這個對住海的感覺，陽光明媚，歎著一杯白酒，很chill的感覺！切個牛扒，煎得不錯，好吃～ 生蠔像在喝海水般好新鮮好creamy !!甜品tiramisu樣子好靚，像放在了cocktail杯！魚好好吃，青醬好正！咖啡也好喝！

先講食物質素，愈來愈差😩最好食的薯蓉焗田螺，黃色一Pat Pat 的醬汁難食到嘔，全部係買返嚟扮自己整嘅垃圾現貨👎辣汁大蝦意粉，水汪汪的醬汁，求其煮比你食👎焗豬腩仔又硬又酥成陣豬酥尿壓味十足🤮最好飲嘅咖啡，不熱及味道差☹️南非生蠔不肥美不鮮甜😪薯菜同擺盆求其到一啲誠意都冇，仲扮係高級的法國菜，價錢愈嚟愈貴，性價比低👎服務態度極差，有位阿嬋侍應經常眼𥄫𥄫😪，目光極不友善，有趕客之嫌😡一直有位靚仔經理服務一流，態度友善誠懇，還會認真唱生日歌，但近幾次去食飯不見了，換來明顯經驗生疏的侍應呆呆滯滯以後不會再去了，也通知朋友們別要去幫襯，錢花掉，但食完一肚火😡😡

一入到這家餐廳，就被個蒼鬱高貴嘅氣氛吸引住。落咗幾口飽滿嘅西班牙黑豚鞍排，真係為呢個下午填滿咗幾許溫暖。肉質啱啱好，又腍又香，炭香味撲鼻，每一啖都食得出師傅用心。不得不提嗰啲風乾火腿蕃茄醬焗燒春雞，焗得啱啱好不過不失，鮮嫩多汁，蕃茄醬嗰種惹味，每啖都好似喺舌尖跳躍咁，一啲都唔會膩口。辣番茄汁大蝦扁意粉都係亮點，嗰個辣味偏偏就喺我嘅接受範圍之內，精準得嚟又挑逗到味蕾，難以忘懷。試過呢度嘅食物之後，我好想同所有人講，真·係·好食！🍝🦐環境而言，空間感十足，悠閒自在嘅氣氛令人放鬆，侍應有禮貌，但係小細節仲有待改善，總體嚟講，係一個值得推介嘅法國餐廳。啲麵包好香好脆，沙律都清新得嚟仲要飽味。下次一定要嚟試下佢哋嘅生蠔同埋下午茶，真係一個唔錯嘅地方，攞嚟聚舊返嚟，又或者係自己悠閒度過一個悠長下午。個心情好似被嗰陣陣海風吹得好舒服咁☀️🍷🍽。

今年生日到法國飯店晚膳，員工態度十分友善細心，餐廳環境清幽，佈置浪漫又夠情調，食物精緻，性價比高。主餐後叫了點品，員工替我寫上 Happy birthday, 還有一位超高大俊俏的男員工唱了首生日歌送給我聽，歌聲十分悅耳，餐廳內其他食客也跟著這位高大威員工一起唱生日歌，我和我的sweetheart 感到很高興，許願後，員工替我們拍照。氣氛十分好呀！我舊曆生日又要sweetheart 同我嚟多一次慶祝㗎。🎂

趁未冬天一定要坐外面，感受一下陽光，欣賞一下風景，對住個海食午餐真係好浪漫，好寫意，呢個環境，嘢食如果唔係太難食都已經可以接受，食物普通，冇特別好食唔好食，但係擺盤好靚👍

Happy Friday 當然要同老婆去啲又浪漫情調又夠嘅餐廳啦😂今次比小編搵到呢間位於屯門黃金海岸嘅「Le Bristol」食法國餐😬身邊嘅另一半冇得投訴啦掛😝Table for TwoSeafood Platter for Two 二人海鮮盤 $1188/兩位前菜香煎法國鵝肝鮮蝦牛油果凱撒沙律🥗湯黑松露野菌湯魚翅海鮮周打湯主菜炭燒美國自然黑牛肉眼扒配黑椒汁松露野菌燴大蝦意大利飯凍檸茶熱咖啡☕️前菜嘅鵝肝認真不得了😋夠哂肥美 而且啖啖油香味😬真係唔多夠喉😝然後到塊黑牛肉眼扒，十分之鮮嫩，肉汁豐富！5成熟真係可以食到塊扒本身嘅牛味😋無得頂呀😬P.S. 職員們服務態度認真抵讚👍非常主動 兼 有禮😊小編同太太都食得好愉快☺️另外因為臨近中秋節，比小編見到餐廳賣緊一款月餅係非常之特別嘅口味，係街都比較少見到，就係「朱古力心太軟月餅」😬最近仲做緊優惠，由$328 -> $298！送禮自用都岩哂😊

假日嘅下午嚟到呢間餐廳，入到去樓底幾高，檯與檯之間唔會太窄，坐得都幾舒服。午餐跟嘅麵包，都幾香脆可口前菜嘅沙律，配上三文魚碎，新鮮嘅菜配埋個汁好開胃同清新。辣番茄汁大蝦扁意粉，酸酸辣辣嘅番茄汁，配埋軟硬適中嘅意粉好惹味。而大蝦亦吸咗濃濃嘅醬汁，口感彈牙，可以一試另外，下午茶餐都好抵食，叫咗個肉醬意粉，同樣，濃濃嘅醬汁，配埋都幾香口嘅肉醬，意粉軟硬適中又入味。下次嚟打算試吓佢哋嘅生蠔，款式都好多，服務都唔錯，值得一試！

嚟到黃金海岸就食個下午茶，呢間係第一間試嘅餐廳，練呢間係因為下午茶嘅食物啱食啲。環境幾好，本想坐出面望住個海Chill下，但係出面full哂，唯有坐入面，入面同出面完全唔同。出面好寫意，入面感覺就係高級餐廳我哋叫咗兩份下午茶，一個係迷你安格斯漢堡包$98，真係好迷你，小朋友嘅份量，味道係可以嘅！另外一份，燒牛肉配意大利洋蔥包 108話個麵包有洋蔥味，有小小味唔係好重，令成個包嘅味道提升，呢個又幾好味，不過又係細件，同薯條差唔多長，食埋啲薯條都唔飽，最後嗌多個意粉，無影相其實味道係唔錯，環境真係好，不過唔係好抵，服務又一般，下次試吓午餐，睇吓係咪又係細份先，會再會報！

去過兩次 一次比一次嘈我係為佢嘅生蠔🦪而嚟最平嗰款南非生蠔都唔錯 幾鮮甜諗返都想食😋黑松露薯角 我就唔識欣賞啦 唔脆 又無乜薯味另外 叫咗個大蝦意粉 不過不失大蝦都幾新鮮 唔係「梅」蝦 🦐羊扒都好味嘅 嗌左七成熟😊

位於香港黃金海岸的法國餐廳提供的下午茶餐是一個非常不錯的選擇，其中的印度烤雞沙律更是令人驚艷。這道沙律的味道非常獨特，雞肉經過烤製後變得鮮嫩多汁，配上新鮮的蔬菜和印度香料，味道香濃醇厚，讓人回味無窮。這道沙律的擺盤也非常精美，色彩和諧，令人食欲大開。綠色的蔬菜和紅色的印度雞相得益彰，而雞肉則是橙黃色，看上去非常誘人。此外，法國餐廳的環境也非常舒適，適合與家人朋友一同品嚐下午茶餐。餐廳的服務也十分周到，讓人感到賓至如歸。而這道菜品的營養價值也非常高，富含蛋白質和維生素，是一道健康美味的菜品。總的來說，法國餐廳的下午茶餐提供了豐富的美食選擇，而這道印度烤雞沙律更是其中的亮點之一。加上優美的環境和周到的服務，讓用餐體驗更加完美。強烈推薦到法國餐廳品嚐這道菜品，絕對不會讓您失望。食滿$300 仲有2個鐘泊車優惠！抵食抵食

假日想於海邊散散步，拍下拖，享受美食嘅好去處，假日人流都唔多。環境及氣氛浪漫，而且風景靚，服務態度非常好，服務員好留意顧客需求，一個眼神⋯未舉高手已經即刻行過黎了解我地有咩需要食物好食⋯ 個龍蝦湯好好飲，牛扒都煎得岩岩好～帶子蟹肉意粉有好多有帶子😁份量比一般法餐多，法國菜黎講勝價比高，是日2個人消費左約$800，食得好飽。我哋選一左戶外空間，戶外坐位可吸煙，仲可以帶狗狗😀 食夠$300仲有2小時免費泊車，會再之光顧。

午餐套餐有餐湯、沙拉二揀一。餐湯係周打蜆湯，香滑鮮濃，配上法包，法包硬得嚟又幾脆口。沙律有火箭菜、豆芽菜，配鴨肉絲、黑醋汁，都算清新。主菜我哋揀咗燒羊仔柳配芥末籽燒汁、香草燒法國走地野雞配燒汁。燒羊仔柳七分熟，配搭薄荷醬、芥末醬吃，半仔肉質滑嫩，好好味。法國走地野雞，外皮烤得香脆，肉質結質。相比之下都係羊仔柳好味啲。

夜景吸引，海旁用膳，看着黃金海岸酒店夜燈。有著外國環境下，令人致於輕鬆。二人餐，正正份量，不少不多，前菜，冷盤，湯，主菜，茶。。沙律清新，冷盤海鮮。。有點縮少，就似人的情感變咗。。鵝肝外翠內嫩。。好味道配搭黑醋。。解化了那滯的感覺。。仍在，贊👍🏽！湯是黑松露菇，濃濃的香菇味。。主菜牛扒和南瓜意大利飯。。可惜了。。牛扒雖然大片但薄了。。。飯。。沒有味道。。瞬間。變咗情感都淡薄了。 既然不用勉強，就停下腳步。。之前懐著希望心情。。可是這刻要卻步。。因為掌控的未能維持。。可能🤔轉了貨源，就像人轉向別的。。唯有嘗口檸檬茶。。茶香卻帶點點酸。。就如心中⋯⋯酸起來。。。

黃金海岸環境好靚👍🏻拍拖散步約會一流😍當日黎到呢度食晚飯坐室內窗邊位望到個海仲有啲遊艇 幾寫意🙈-當日是平日晚上餐廳比較少人 都係得一兩枱客人-同朋友揀左個二人套餐Table for two $1288包括一個海鮮拼盤前菜選左香煎法國鵝肝同煙三文魚凱撒沙律配珍珠湯就係是日餐湯同魚翅海鮮周打湯主菜係炭燒美國自然黑牛肉眼扒配黑椒汁同南瓜海鮮燴意大利飯-每款都好好食👍🏻👍🏻我地兩個都食到好飽🤤🤤

下午茶時段，在海邊找間寬倘，乾淨，冇乜人的餐廳坐下。呢間餐廳 有室外及室內座位，兩者都幾好。我選了室內卡位。點了下午茶沙律餐，連凍咖啡，10% service charge, 約$90幾味道幾好，新鮮，不過份量就真的太少。雞肉比較乾，普通一點。下次叫另一個餐試下。環境很不錯，適合各類聚餐。wine list 也有很多選擇。服務也很好，侍應很有禮貌。而且，下午茶時段，人手也很足夠。聽說 假日full booking, 所以要早些訂枱。