影片
更多
2008-09-21
23 浏览
其實我是9月20日生日既, 但係我既大頭仔係早一晚話要同我去食慶祝生日飯, 佢話要由19號食到20號同我慶祝. 呢個係我地既第一次慶祝生日，佢選左呢間餐廳, 話佢服務好喎...呵呵...我心唸一定有呢個傻仔鍾意食既野...入去餐廳室內位, 因為怕室外食食吓會熱. 係我地鍾意既corner靠牆位, 一眼望晒所有人同景, 好feel!跟住大頭仔自己order野食, 佢冇問我想食咩野, 為左保持神秘, 我都冇問. 其實我同大頭仔食野既口味好似...有時我都好鍾意佢幫我揸晒主意.今次真係食完一樣又一樣, 有好多好多野食呀! 1. 首先有外面好脆, 入面好軟既法包, 好好味, 我地兩個將d熱既包食晒 (原來為食既大頭仔係我去洗手間前試左d包之後叫人整熱d包...比原先唔熱既包好味好多喎)2. 跟住有海鮮拼盤 - 有蝦啦, 蠔啦, 肥螺啦, 同埋一隻好可愛既瞓覺蟹, 所有海鮮都好清甜, 我地食得好滋味, 仲食左好耐好耐先食完, 可惜d蟹肉有少少鞋.3 & 4. 接住即上煎鵝肝同三文魚ceasar沙律- 鵝肝好肥美, 幾好食, 不過唔夠我地上次去果間意大利餐廳Oliva既咁好味. ceasar
入去餐廳室內位, 因為怕室外食食吓會熱. 係我地鍾意既corner靠牆位, 一眼望晒所有人同景, 好feel!
跟住大頭仔自己order野食, 佢冇問我想食咩野, 為左保持神秘, 我都冇問. 其實我同大頭仔食野既口味好似...有時我都好鍾意佢幫我揸晒主意.
今次真係食完一樣又一樣, 有好多好多野食呀!
1. 首先有外面好脆, 入面好軟既法包, 好好味, 我地兩個將d熱既包食晒 (原來為食既大頭仔係我去洗手間前試左d包之後叫人整熱d包...比原先唔熱既包好味好多喎)
2. 跟住有海鮮拼盤 - 有蝦啦, 蠔啦, 肥螺啦, 同埋一隻好可愛既瞓覺蟹, 所有海鮮都好清甜, 我地食得好滋味, 仲食左好耐好耐先食完, 可惜d蟹肉有少少鞋.
3 & 4. 接住即上煎鵝肝同三文魚ceasar沙律- 鵝肝好肥美, 幾好食, 不過唔夠我地上次去果間意大利餐廳Oliva既咁好味. ceasar既菜好新鮮，沙律汁啱啱好, 大頭仔同我都覺得好好食.
5. 磨菇湯同西蘭花湯 - 大頭仔界西蘭花湯我飲, 佢話佢唸住應該好飲d喎, 點知原來磨菇湯先係正野, 我地兩份share飲, 不過已經有7成飽...唔飲晒佢啦.
6 & 7. 飲完湯有兩樣好飽肚既鴨脾同茄茸蝦扁意粉上 - 先食個鴨脾, 連皮帶汁好好味，又唔咸，yummy. 其實我地兩個為食鬼都已經好飽啦, 不過都要試吓個意粉, 一試之下, 發覺個意粉都好正, 個汁又清新, 意粉軟硬適中, 好食...可惜我地太飽, 只係食左少少.
8. 最後叫左兩杯凍檸茶, 好清甜又不失茶香味! 一個完美的ending.
大頭仔話要我難忘同佢一齊過生日, 佢要界我食有好多好多好味既野.
好滿足呀!!
张贴
