法國小屋

营业中

休息中

上次食過招牌煙肉千層芝士薯片後，一試驚人愛上了這度菜，是我喜歡的味道，今次買3份今次買咗好多食客都話好味嘅雞翼及鴨腿秘製雞翼(4隻)$40即係醉雞中翼，佢酒味不重，肉質實淨，好吃。香煎油封鴨腿配喬麥窩夫$229鴨腿鹹香味足，味濃，鴨皮煎到少少脆，配埋蕎麥窩夫剛剛好，配菜有芝麻醬沙律菜，全部都好味道。始終係外賣自取，要一個小時才吃，一定唔夠堂食好，但係外賣嘅味道都咁好，堂食真係不得了呀用網上外賣平台外賣自取有六折，非常抵食

係元朗住左幾年，周邊真係好多餐廳選擇，想食唔同國家既菜式都有，唯獨係Cafe或西式甜品店真係少之又少，通常都要出去九龍或港島區比較多！估唔到係搬走無耐後，「法國小屋」就係合益路選址重開。剛好當天要到又新街辦點事，剛好可以去食個午餐，週五六及日更有特別的甜品供應呢!

係網上外賣平台度搵食，無意中搵到呢間法國小屋，俾佢呢四道菜吸引咗，全部都係甜品類即刻買來試啦！呢個排序，係我覺得美味嘅順序：招牌煙肉千層芝士薯片$51招牌鹹牛油焦糖窩夫$51半份即焗蘋果批$51法國皇帝批$51招牌煙肉千層芝士薯片：鹹香味濃，惹味可口，不愧為招牌菜，呢度煙肉千層芝士薯片，我好快又會去買返嚟食招牌鹹牛油焦糖窩夫：返到屋企，窩夫已經變成軟林林，我相信堂食應該有少少外脆內軟嘅口感，不過要外賣回家食就冇辦法啦，不過我都幾鍾意呢個味道。半份即焗蘋果批：酥皮底，蘋果酸酸甜甜，味道OK啦！法國皇帝批：個皮好似老婆餅果款，只係巨大左，又厚又實，內涵係甜嘅，有啲果仁，唔係好食得出特別之處，一般般啦！

武肺第三波來勢洶洶，為食的我們無奈地放棄了堂食，不過這並不等於遠離美食，反而在這段期限透過外賣作出更多嘗試，在平日較少關顧的本區小店中，尋覓到更多的樂趣！每次經過「法國小屋」，均是過門而不入，大抵基於個人不敢貿貿然嘗試西菜的心理！我同意認識食肆有如認識一個人，需要機緣、時間和了解的配合，當得知「法國小屋」提供窩夫與鴨腿後，眼睛即時閃出無限心心，不單開展了我們了解的契機，更忍不住在短時間內重溫滋味！幸好家居區域有「食物黑白熊貓」的送遞服務，日曬雨淋和躲懶日子可倚靠的醫肚好幫手。第一次與第二次外賣的共通點就是離不開香煎法國油封鴨腿配喬麥窩夫。Buckwheat Waffle with Duck Confit *HK$229或者您會認為我的選擇是不智，因為窩夫和油封鴨腿是要趁熱享用的食物，經過外賣盒的焗束和運輸過程，口感一定有所影響。正正如此，外賣的效果更能反映出質素的真實性。第二次外賣的油封鴨腿比第一次來得更理想，首先是表面醬汁較少，可讓鴨腿原汁原味充份體現出來。而在溫度和脆度方面，亦能保持輕微燙感和八成的香脆度，相信比起堂食，效果不會距離太遠。第一次外賣的油封鴨腿，表面明顯鋪滿醬汁！總體

🔸招牌煙肉千層芝士薯片 $46Signature Potato Gratin呢個就係少見嘅法國菜，老闆話係佢哋覺得好食而香港又唔係好多法國餐廳有而特登整嘅，千層芝士薯片真係第一次食啊😛一層層嘅薯仔切片夾少少煙肉，面頭有金黃色嘅芝士🧀，好似千層麵咁，幾好食😋▫️🔹辣肉腸蕃茄尖通粉 set lunch $88Penne w/ Pepperoni in Marinara份量好多！除咗辣肉腸，到少少蕃茄同洋蔥碎🧅，不過蕃茄醬有啲酸。▫️🔸牛油雜菌煙三文魚配喬麥窩夫 set lunch $108 🌟7/10Buckwheat Waffle w/ Mushrooms & Smoked Salmon第一次食喬麥窩夫，幾特別🤣，窩夫比一般嘅腍，有好淡嘅喬麥味，同煙三文魚都幾夾，飽肚▫️🔹人氣醉雞翼(2隻) $16Cool Drunken Chicken Wings普普通通，酒味唔濃，清清地。▫️🔸奶蓋鮮草莓四季春 $48 🌟8/10Strawberry Four Season Oolong Tea w/ Sea-salt Cheese Topping糾結咗一陣要白桃定係士多啤梨🍓，喺老闆介紹下就

It is so hot and I decide to take a light meal today. I order a spaghetti with mushrooms and truffle and a green salad in this small shop.The spaghetti is al dente, creamy and flavorful. The salad is fresh. I finish my lunch with a refreshing pomelo tea.The lunch only costs me $126. No 10% service charge is required.I feel good enjoying this simple and delicious lunch at this SME and contributing to the local economy.

這家餐廳都要花一些時間才能找到，門口位置開揚，像一個小花園，低調出現元朗國。因為大部份顏色店中午時間都忙，習慣了先預約才到達，但是喔，這家店午市的枱才剛剛好滿，看來附近的同路人要加大力度光顧了。小妹才剛好起床，沒啥食慾，所以只叫了蒜蓉牛油焗薯配沙律，而朋友點了卡邦尼意粉🍝，然後我們一同點了焦糖窩夫。其實午餐加$22就可以有半份窩夫的了！如果一個人過來吃午餐也不錯呢焗薯變了一片片，而非薯蓉的感覺是好味的，吃一口整個口腔都充滿蒜蓉和牛油味，非常邪惡但係又忍唔住再吃下一口，吃着吃着就整個焗薯都比我K.O.了🤭，每一層都有打碎左嘅蒜蓉（蒜蓉嘅稅法比較平均一致，所以估計係鏞記大廈的）一片片的薯仔很有咬口，不會太稔，每塊都痴滿了醬汁，好味道沙律醬是用蜜糖芥末，配上沙律菜又夠心思又醒胃。朋友的卡邦尼意粉看上去都幾足料的，醬汁痴滿了一條條的意粉上，本來想試一口，但係小妹食食吓已經覺得飽咗，所以問吓朋友的食後感，他回應說幾好味，果然簡而精，現在係媽媽的他正在為人奶的，他說自己比一般女孩的胃口大，這盤意粉不夠吃哈哈，不過正常應該係啱啱好嘅。我哋食完坐低傾陣計之後先至後上甜品的，餐牌上說明甜品即叫即製作，需

有日經過元朗搵下食咩就搵到呢間cafe仔。間店都幾難搵，加上附近ｄ店都好似關晒門定係執晒所以附近都幾冷清。但就係因為咁所以環境好寧靜，而且cafe既最重要既一點就係夠好坐，咁呢一點佢贏晒！講番食物先，今次就叫左個waffle同螺絲粉。意粉就不過不失啦，話超級好味又好難既始終材料簡單而普及，但係都係偏向好食既，個粉唔會煮到好硬，而個汁岩岩好，唔太多（我個人唔鐘意多汁）。Waffle呢就夠晒脆，加上Ｄ醬唔會太多，所以唔會太膩。奈何我自己就唔係好鐘意食CREAM，所以係呢度就扣番少少分數，但係價錢都幾平，$46蚊，好多時你去Ｄ大型少少既CAFE分分鐘都上$70，而且佢味道唔輸蝕所以我就覺得CP價爆分

餐廳係唔太明顯嘅位置 要特登行去先會留意到，鋪面唔大間，係小cafe style。由於唔多枱，所以都等左一陣。入到去坐低叫嘢食都好快。最出名嘅芝士千層薯片不負眾望好好食！waffle係食完主菜先幫你即刻整！所以可以仲熱咁食！

飛唔到去法國🇫🇷 就去法國小屋～ ғᴇᴇʟ ʟɪᴋᴇ ᴛʀᴀᴠᴇʟʟɪɴɢ ✈️其實只係落咗去元朗🤪 不過唔近任何一個車站，夏天最好揸車去呀🚗 唔係嘅話，好似我咁，行到出晒汗💦小店唔大，粗略估計坐到20人內，裝修設計好有法國風情，好似置身於渡假小屋咁～右邊有個房仔冇冷氣，真係接受唔到，唯有等吓位啦，其實都有得book位嘅！😊 小店有好多甜品，咁啱呢排冇寫生日快樂名字嘅服務，朋友係貓奴同嗜甜，所以另外預備咗蛋糕 🎂 搵幫手寫字同畫貓🐱😹 不過個蛋糕跌落咗，另外再買嘅而法國小屋裡面啲食物味道唔錯，價錢相宜 🌜推薦食物🌛👉🏻藜麥窩夫🧇：好少見，食材健康super food，食甜品都唔會太guilty！ 👉🏻巴拿馬火腿沙律🥗：parma ham鹹香味確係好正！多數夾哈密瓜中和鹹甜味，原來配沙律菜都ok! 可以當前菜咁，食多啲纖維！ 👉🏻蘋果批：快餐店食物唔好拎嚟比較！水準高，熟嘅蘋果更香甜軟腍腍，連埋個批咬落夠香脆，入口即溶嘅感覺🤤 👉🏻朱古力咖啡☕️：來自法國嘅咖啡豆，沖出來嘅高質咖啡，飲落都覺得舒服過人🤣 不過嫌佢唔夠大杯

身為薯仔控見到小店有potato gratin食當然要試下記得曾經部份delifrance都有哩款薯仔片但已變得可遇不可求.天氣非常悶熱的星期日坐無虛席唯有坐露天位涼著風扇自成一角味道其實很好但lunch set份量感覺似下午茶食完覺得唔夠飽🙈辣肉腸通粉都不錯但老公食完比我感覺還空虛🤣小小意見如果份量可以多點、食得飽人價錢調高點都無所謂啊.小店亦有多款甜crepe🥞但我都鐘情鹹crepe如果menu有多點選擇就更好了

五一黃金周當然要支持黃店!自取時店家已經幫我們準備了一個紙箱方便搬運 超貼心的我們8人一共點了煙三文魚凱撒沙律 $280酒醉雞翼 $250千層芝士薯片$380鮮茄煙肉意粉 $320黑松露雜菌意粉 $380印象最深刻是千層芝士薯片和醉雞翼!千層芝士薯片表面是一層芝士 再伴有濃濃的蒜我超喜歡蒜所以吃得很滿足 下面的薯仔片一層一層 口感很特別會忍不住一口接一口!醉雞翼也有驚喜!味道不會過咸  雞皮很爽滑不會有爆皮/過老的現象而且每一隻都很入味!推介 凱撒沙律用料十分新鮮 煙三文魚很肥美厚切 兩款意粉味道各有特色意粉的質感剛剛好 汁的份量也夠 不會變硬變乾味道也非常對得起這個價錢 用料十分足!8人最後也吃不完 好飽~我想這裡應該有十人份量X)總結:元朗到會的好選擇!滿4000還有免費送貨服務不過記得早點預訂啊~在MENU看見他們的蛋糕也很吸引!下次一定要試呢

焦糖朱古力香蕉窩夫窩夫唔會太厚實，焗到外脆內軟，焦糖香蕉很香甜，忌廉幼滑輕盈，入口即溶，再曬上糖霜、朱古力醬、焦糖醬，整體豐富吸引。招牌千層芝士薯片表面焗到金黃色，薯仔切到薄片，加上煙肉黑椒牛油，好似千層麵做法，一層層疊起，口感很豐富，熱辣辣上枱超香，食落唔會太肥膩。

偶然之下，發現小店有蛋糕訂，見到d 相都好靚，由於係急單，好多都唔接，但法國小屋都肯接，仲要製作用心精美，味道極佳👍🏻超級推薦💖大家多多支持。之前都試過餐廳食物，味道都很好😋

💛黃店💛1/10, 13/11罷市----------🥔招牌千層芝士薯片伴沙律 配飲品 $68面頭係金黃色嘅芝士，下面係一層層嘅薯仔片加黑椒同cream，食落唔會太肥膩，用薯仔片取代左千層麵，好食又好夾，不過份量比較少，大食嘅要加小食。呢度係小店大約坐到14人，夜晚可能要等一陣。----------🔎法國小屋🚩元朗合益路9-15號紀業樓地下I號舖