沛

营业中

休息中

深水埗而家新開左好多打卡Cafe，出開黃金買啲電腦野，見倒哩間以白色同湖水綠色做主調嘅食店好靚咁，原來係一間韓國小店。佢地嘅座位唔多，全店都係得十個位。佢地嘅Menu好簡單，得一頁紙，不過蛋餅、炸雞、部隊鍋、飯卷、拌飯哩啲平時食韓國菜都會食嘅菜式都有，而且大部份都係幾十蚊有交易，仲要唔洗加一。前菜 - 有泡菜同芽菜，泡菜唔會太辣，芽菜幾清爽。芝士雞蛋卷($78) - 雞蛋卷都幾大份，有成隻前臂咁長，上面吱左好多番茄醬，雞蛋卷好嫩滑唔會煎到過晒火，入面嘅芝士有拉絲得黎係軟腍嘅，唔會好似食緊吹波膠咁，飽肚又好味。韓式無骨炸雞配甜辣醬($78/半份) - 半份炸雞都有七件，炸雞上枱時會連埋醃蘿蔔。炸雞熱辣辣，炸漿脆得黎唔會太厚太硬，中間肉質仲好juicy一啲都唔鞋口，甜辣醬以甜味為主，辣度只屬BB辣程度，都幾好食。香蕉牛奶沙冰($45) - 沙冰打得幾滑，唔會飲到冰碎，唔會太甜都飲倒香蕉味。總結，雖然只係一間小店，食物選擇亦唔多，但大路嘅韓國菜都有，蛋餅同炸雞質素怕得住韓國街嘅韓菜店，值得支持。

朋友好鍾意食韓國菜🇰🇷，經常捐窿捐罅去發掘好味嘅韓國🇰🇷餐廳，呢日佢約我喺深水埗，我都估到佢係帶我去食韓國菜，咁果然冇估錯，佢帶咗我嚟呢間韓國🇰🇷小店開餐😆- $88嘅「韓式牛肉拌飯」：有齊韓國拌飯需要有嘅配菜，包括大豆芽菜、紅蘿蔔絲、泡菜、青瓜、青菜、荷包蛋、當然唔少得牛肉，將所有材料撈勻，食落已經非常美味😋，又可以加啲帶少少甜嘅辣醬，食落就更加惹味😋- $88嘅「豬肉泡菜豆腐湯配飯」：豬肉係五花腩，不過唔算好肥，又好有豬肉味😋；豆腐好滑😋；加埋韓國辣泡菜去煮，又係好惹味😋- $9嘅「熱大麥茶」兩杯：有淡淡嘅大麥清香😋小店好似係由年輕韓國🇰🇷女孩子經營，值得支持😊

📍沛呢排深水埗突然間開咗幾間韓國菜，見呢間裝修得幾靚，一於食咗呢間先😛👅煎雞蛋卷（芝士）$78唔食芝士嘅朋友，可以揀原味，不過我個人就極度推介呢個芝士味，事關佢芝士份量真係唔客氣🧀🤤上枱蛋卷包得好靚，一切開就爆汁，又做到拉絲效果～👅 韓式無骨炸雞配甜辣醬（半份）$78呢個韓式炸雞本身估計佢冇咩特別，點知咬落去炸粉唔多，但做到超級脆卜卜嘅感覺，仲要好夠肉汁😳個甜辣醬都唔可以睇小，點少少已經勁辣，果然深藏不露🥵👅韓式紫菜飯卷（五花腩）$58上枱有八舊，女仔嘅話一碟都可以當主食再加個小食就可以當一餐～除咗五花腩，仲有其他可以揀，例如菠菜，牛肉或者吞拿魚～

竟然深水埗開咗一間韓國美食小店🤣係黃金商場附近都好易搵！門口睇落去感覺好小清新同好有聖誕氣氛🤩外賣自取有9折！厚切五花腩芝士泡菜拉麵🍜$88依個好大兜😆一見到覺得勁吸引 仲要有蛋蛋😍成個撈埋一齊食好正 掛滿左蛋汁 食起黎唔會好辣同埋有淡淡既芝士味 韓國拉麵邊會令人失望？😋而且五花腩真係厚切仲勁大塊 超飽真係連埋湯一齊飲😚韓式紫菜飯卷 簡左吞拿魚味😝$58係第一次食吞拿魚Gimbap 🍙果然有驚喜 感覺唔會太膩 加埋新鮮既配料好爽口 同埋佈滿左芝麻粒粒😍韓式無骨炸雞配甜辣醬-半份$78😋炸到脆卜卜😚勁熱辣辣 無骨雞最正成舊食啖啖肉！仲要叫我地點多啲醬😍d醬勁開胃 同埋佢地啲泡菜同Sauce都要自己調配 同出面唔一樣架🤩仲好細心比左醃蘿蔔 解膩！另外佢地比左個泡菜餅我地試 話係之後會出既新菜式😍味道唔錯 上完枱一陣仲係脆口既 唔會濕漉漉

深水埗一帶好似都唔太多韓國餐廳，今日行開黃金商場，見到對面開咗間韓國餐廳就試下先。 門面以歐陸式設計，白色加Tiffany blue，比人感覺好舒服。入面都放咗啲乾花同掛畫，感覺好清新。餐廳唔係好大，得幾張檯，但keep住一直都好多客入嚟。 店員先送上自家製泡菜同芽菜，可以免費添加一次，之後想再加就$18一碟。我揀咗個冬日限定嘅養生雞湯，由多種藥材嫩雞熬出嘅美味而且具有高度營養價值，可以話係冬季進補嘅美食，湯頭濃郁層次豐富，軟嫩雞肉入口即化，飲一碗便精力十足、神清氣爽。送飯一流，白飯吸晒雞湯嘅味道，超好味！ 韓式牛肉炒粉絲炒得乾身，唔會太過黏口，雖然我唔係好食三色椒，不過呢度嘅三色椒食完都唔覺得自己食咗，好香好甜，牛肉嫩口，再加上芝麻香，味道不錯不錯！食完仲會有驚喜，見到碟上好靚嘅圖案。

昨晚去深水埗玩具街買聖誕裝飾，然後就發現這間「福華街裝修得最精緻」的小店：MW Korea House😜.雖然食物的選擇不算多，不過味道真的不錯：。韓式紫菜飯卷（牛肉）：一口一件的紫菜飯卷，不會太乾/太黏/太鬆/太實，好味！下次要試試五花腩😉😉。煎雞蛋卷：上枱時熱辣辣，蛋很嫰滑，葱花令蛋卷更香口，讚！。蜜桃沙冰：這杯有驚喜，清甜的蜜桃味，比預期中好喝！。罐裝忌廉溝鮮奶：我對忌廉溝鮮奶有情意結，秒清🤣🤣🤣

深水埗早幾個月開左間韓菜小店，據說餐廳係由韓國太太主理，主打家庭式韓國料理，菜式全部即點即製，好有誠意，趁今日嚟開呢頭，專登去幫襯下。餐廳位於福華街，門口放了一張木板凳，客人可於進門前先打卡一番。店內地方不大，裝潢以 Baby Blue 及純白為主調，風格簡約，予人清新之感。店員十分友善，會主動向食客打招呼及微笑，令人感覺親切，也會建議食物選擇。另外餐廳會送上自製泡菜及小菜，供客人品嚐，而且仲可以免費添加一次。自家製泡菜以韓式嘅辣椒醬醃製，吃起來清香脆嫩；涼拌大豆芽爽口又好吃，食落帶芝麻香，很開胃，用嚟做前菜就最適合不過。至於食物同飲品方面，我哋就揀左冬日限定嘅豬肉泡菜豆腐湯配飯 ($88)、韓式牛肉炒粉絲 ($88) 同 青葡萄汁 ($18)。豆腐湯在韓國很普遍，很多主婦都會買配料回家自己烹調，而這裡亦做得很不錯。湯身熱辣辣，惹味又暖身，豬肉肥瘦相間，肉質有彈性。泡菜酸辣開胃，豆腐雪白嫩滑，佐白飯同吃，飽肚又滿足。韓式粉絲配料有牛肉、紅蘿蔔、三色椒、鮮冬菇、洋蔥同蛋絲，牛肉炒至剛熟，入口肉嫩香甜。粉絲乾身爽滑，加上灑滿了芝麻，更為香口，愛看韓劇的粉絲一定喜歡。

第一次係呢度寫食評，因為真心覺得可以推薦俾大家。今日係深水埗附近開完會準備食一個lunch。見到呢間新開既韓國餐廳，位置唔多，岩岩過左午市冇咁多人，通常見到呢d細鋪，我都會試下，見到門口寫住新款養生雞湯，天氣凍就打算試下，坐低有兩份小菜，泡菜食得出係自己手工整，有少少意外，等雞湯上黎望落個湯就好清，唔似平日食開既廣東雞湯。但係飲落就真係好清爽，呢幾日打邊爐熱氣，飲左呢碗湯覺得好舒服，湯入面除左有雞味仲有蘿蔔既甜味。同泡菜一齊食都可以balance返個味。鍾意食泡菜仲可以免費refill一次。雖然價錢唔算平，但係期間同侍應傾左下計先知道，原來鋪頭泡菜同醬料都係老闆娘親手製作，因為一個人食唔落咁多，打算下次可以同fd一齊黎試下其他！

小店空間細 枱亦都比較細可以接受 想叫炸雞加部隊鍋但驚佢唔夠位擺 所以落單前先詢問店員：唔該，如果叫炸雞加部隊鍋夠唔夠位擺？點知得到店員非常唔耐煩又無禮貌嘅回覆：「我點都剩係比一張枱你架咋喎。」你其實無回應過我嘅問題囉，講到我夾硬要多張枱咁 你可以答我夠位擺/唔夠位擺 如果唔夠位擺你可以話食完一樣收走再上另一樣，咁答到底係咩意思呢，我想即刻走人，但由於一坐低佢就擺低咗前菜亦都食咗啲，朋友話唔好走所以就食埋先走期間又再次聽到嗰位店員回覆客人可以幾無禮貌，有位小姐入嚟：可唔可以留位8點先過嚟食呀？店員又係非常唔耐煩地：我哋呢度無得訂位㗎喎 人哋有禮地詢問，點解要受到佢嘅鄙視呢，不過我都希望自己係嗰位小姐，可以唔洗食就走人

有時心思思想食韓式飯卷，近期深水埗開咗間誠意韓式小店，名乎其實真的是小店，因為全店目測得10個座位。今次試左韓式紫菜飯卷(五花腩)($58)同埋韓式牛肉炒粉絲($88)，會附送泡菜與醃青瓜。先講韓式紫菜飯卷即叫即包，完全唔係預先準備好的，紫菜仍是脆口，滿滿五花腩蛋絲青瓜絲同蘿蔔絲，加埋麻油香氣好滿足。而韓式牛肉炒粉絲上桌有點擔心，因為一向食開都會望落深色會有啲醬汁，這個完全淡色望落好似冇味咁，但食落係有肉香與鮮甜的調味，還有淡淡的麻油香，唔似坊開滿口油油的感覺。食到一半同店主傾開先知係港韓夫婦主理，完全真係非常地道的韓式小食。

最近深水埗新開左間韓國小店，位置唔係好多，有韓國人主理，可以食到正宗既韓國味道🤤價錢唔貴，而且食物味道都好唔錯！值得一試！另外每台都會比細細碟既前菜客人食住先，有泡菜同埋醃青瓜，幾開胃！1️⃣韓式紫菜飯卷（五花腩）（$58） 紫菜飯卷係即叫即包既，所以唔會有放到淋曬既問題🤤食落有麻油香，有五花腩、蛋、青瓜絲、蘿蔔絲，配料多過白飯，食落清爽得黎又滿足。  2⃣️韓式拌飯（牛肉）（$88） 隻太陽蛋好靚😍另外有韓式辣醬可以自己加落去伴飯，食落韓國味十足！正！  3⃣️韓式無骨炸雞配甜辣醬（$128）炸得好脆，而且都幾多件！食落肉都算嫩滑。另外甜辣醬係分開上既，食落唔算好辣，鍾意點幾多就自己點幾多😋  4⃣️韓式辣炒年糕（+$1）新店開張所以食滿$200可以加$1換多碟辣炒年糕🥰食韓國野有點少得食辣炒年糕啊。年糕好煙韌，仲有啲魚糕片索滿曬啲汁😙醬汁係偏稠身既，幾好食。 

今日係第二次黎呢間食，因為好耐無去韓國，第一次食過覺得好接近想食嘅味道，所以係呢度寫我第一個好評。 老闆同老闆娘好友善，好用心去聽客人意見，服務態度已經值得一讚！環境雖小，但睇落非常乾淨，唔會因為店面小而變到好污糟，裝修傾向文青風，好靚。半份無骨炸雞配自製辣醬新鮮滾熱辣，即叫即炸嘅炸雞，肉嫩炸皮剛剛好厚度。調味方面，炸雞本來只有少少調味點店家整嘅辣醬就剛剛好，唔點都可以就咁食。配嘅伴菜淹蘿蔔都好好味。吞拿魚紫菜飯卷呢個係最接近韓國味道，非常足料，好好食，食一條都夠飽。推薦鍾意食飯卷嘅你！牛肉拌飯拌飯配店家嘅自製辣醬，唔會搶走本來配料嘅味道，同樣好足料。蛋同牛肉食落都好嫩，唔會煮過龍。好味！ 總括各個方面，推薦大家一試，CP值高，味道唔會令你失望～

見網上介紹呢間韓國菜，就趁住放假去食個lunch！地方細細唔係容納到好多座位，我一點半去到都等咗陣先入到座。🥤Lunch time (1200-1500)有飲品優惠，沙冰+$15，罐裝飲品就+$5，其他時間就正價。我加咗杯士多啤梨牛奶沙冰，都幾足料，飲到最後都唔會水汪汪，仲係冰🍧🍚韓式吞拿魚拌飯 $88啲小菜可以免費refill一次，之後每次再加就$18/碟。因為啲小菜都係拌飯啲料，所以我加埋落去一齊食，refill咗一次。老闆話個吞拿魚係魚肉自己整碎再加調味，唔係就咁開個罐頭加落去。食落都幾綿密，唔會有嗰啲硬嘅魚絲🐟👍🏻唯一美中不足係無咩麻油，如果加多啲落去就更好！不過飯量都幾多，我一個女仔食完都超級飽！😹呢度職員都好好禮貌，會每枱問下啲食物O唔OK，有咩意見咁。呢度價錢唔算平，但都希望生意會越做越好啦！👐🏻

途經深水埗，見到呢間白色外牆黑色窗框粉藍色大門的小店，望吓餐牌，原來係一間韓式料理，食物種類雖然不多，但感覺很有韓國家庭感覺，於是拉着好友入去試試店員先放下兩碟韓式前菜，分別是泡菜和芽菜，兩者都醃得不錯，令人開胃好友是韓式炒年糕控，帶點甜辣的韓式醬汁掛滿雪白的年糕上，入口不辛辣，非常惹味，除了年糕還加上韓式魚片，薄薄的魚片沾滿醬汁，非常美味，加上面層的芝麻香，更加香口美味另外點了大醬豆腐湯，一看已經知道內裏材料豐富，有滑溜的豆腐，翠玉瓜，雜菇，大蔥，牛肉先呷一口湯，充滿大醬湯的鮮味，加上香軟的白飯，放入湯內變成湯飯，更加好吃韓式蛋卷，有原味有芝士味，可惜今日芝士味賣晒，就點個原味，長長的蛋卷，煎得外皮微焦，面層灑上芝麻和蔥粒，一層層的蛋卷，清新美味，吃得舒服，很有住家感覺這裏的價錢相宜，環境舒服，食物吃得令人舒服，值得支持

上網睇到間小清新嘅韓國菜趁得閒去試下用左中島幾中意嘅薄荷配白色❤️由於小店只有10個位兩點去到都要排隊可能大家要再早啲或者3點半後就好啲小店由香港先生同韓國太太主理所以大家等食物時都記得要耐心喔😎—————————————————————當日中島去到排左大半個中左右啦一路排都驚部隊鍋無曬因為告示板寫住只限3份好彩入到去都仲有剩即刻叫番個食芝士控記得要加芝士呀睇住啲芝士慢慢溶再拉絲好療癒呢個鍋仔細細入面都有幾多材料午餐肉 腸仔 魚板 年糕 冬菇最最最重要係韓國拉麵😋每樣材料都吸收左久違嘅韓國辣醬味醬料仲要係由韓國太太親自調配有誠意又夠韓味👍🏻嗯 雖然呢個部隊鍋絕對夠兩個人食但竟然咁夠韓味叫多個紫菜飯卷都唔過份一份飯卷有8大舊每舊都有滿滿餡料仲要係飯少餡多嗰隻超足料另外如果大家喜愛食韓國前菜呢度都有家庭裝可以俾大家買番去慢慢嘆—————————————————————⟠ 部隊鍋 $178⟠ 芝士 +$8⟠ 牛肉紫菜飯卷 $58